Kerala

അടൂർ ജനറൽ ആശുപത്രിയിലെ ഡോക്ടർക്ക് കോവിഡ് സ്ഥിരീകരിച്ചെന്ന് വ്യാജ പ്രചാരണം നടത്തിയ രണ്ടുപേരെ പോലീസ് അറസ്റ്റ് ചെയ്തു. യൂത്ത് കോൺഗ്രസ് നേതാവായ മുണ്ടപ്പള്ളി ആനന്ദ ഭവനിൽ പ്രദീപ് (36) ആനന്ദപ്പള്ളി സോമസദനത്തിൽ അമൽ സാഗർ (23) എന്നിവരെയാണ് പോലീസ് അറസ്റ്റ് ചെയ്തത്. അസ്ഥിരോഗ വിഭാഗം ഡോക്ടർ മനോജിന്റെ പരാതിയെ തുടർന്നാണ് കേസെടുത്തത്. പൊതുജനങ്ങൾക്കിടയിൽ ഭീതി പരത്തും വിധം വ്യാജവാർത്ത പ്രചരിപ്പിച്ചതിനാണ് കേസെടുത്തത്. ഡോക്ടറുടെയടുത്ത് ചികിത്സ തേടിയവർ നിരീക്ഷണത്തിൽ പോകണമെന്നുള്ള വ്യാജ സന്ദേശം ഇവർ വിവിധ സോഷ്യൽ മീഡിയകൾ…

സംസ്ഥാനത്ത് വരും ദിവസങ്ങളിൽ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ നിരീക്ഷണ കേന്ദ്രം. വിവിധ ജില്ലകളിൽ യെല്ലോ അലർട്ട് പ്രഖ്യാപിച്ചിട്ടുണ്ട്. ജൂലൈ 20ന് ഇന്ന് തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി ജില്ലകളിലാണ് യെല്ലോ അലർട്ട് ജൂലൈ 21: തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി, കോട്ടയം ജൂലൈ 22: തിരുവനന്തപുരം, കൊല്ലം, ആലപ്പുഴ, എറണാകുളം, തൃശ്ശൂർ, മലപ്പുറം, കോഴിക്കോട് ജൂലൈ 23: കോട്ടയം, ഇടുക്കി, എറണാകുളം, പാലക്കാട്, മലപ്പുറം, കോഴിക്കോട്, കണ്ണൂർ, കാസർകോട് ജൂലൈ…

സ്വർണക്കടത്ത് കേസുമായി ബന്ധമുണ്ടെന്ന് ആരോപണമുയർന്ന മുൻ ഐടി ഫെലോ അരുൺ ബാലചന്ദ്രനെ ഡ്രീം കേരള പദ്ധതിയിൽ നിന്നൊഴിവാക്കി. മുഖ്യമന്ത്രിയുടെ നിർദേശപ്രകാരമാണ് ഇയാളെ പദ്ധതിയിൽ നിന്ന് അടിയന്തരമായി ഒഴിവാക്കിയത്. കൊവിഡിന്റെ പശ്ചാത്തലത്തിൽ തിരികെ എത്തുന്ന പ്രവാസികൾക്കായി സർക്കാർ ആവിഷ്‌കരിച്ച പദ്ധതിയാണ് ഡ്രീം കേരള. അരുൺ ബാലചന്ദ്രൻ പദ്ധതിയുടെ നിർവഹണ സമിതി അംഗമായിരുന്നു. മുഖ്യമന്ത്രിയുടെ ഐടി ഫെലോ എന്ന നിലയിലാണ് ഇയാളെ പദ്ധതിയിൽ ഉൾപ്പെടുത്തിയത്. ഇയാൾക്കെതിരെ ആരോപണമുയർന്നിട്ടും പദ്ധതിയിൽ നിലനിർത്തുന്നത് സംബന്ധിച്ച് വാർത്തകൾ വന്നിരുന്നു. തുടർന്നാണ് മുഖ്യമന്ത്രി അടിയന്തരമായി ഇടപെടാൻ…

കൊയിലാണ്ടിയിൽ നിന്ന് മത്സ്യവുമായി എത്തിയ ആൾക്ക് കൊവിഡ് സ്ഥിരീകരിച്ചതോടെ മലപ്പുറം കൊണ്ടോട്ടിയിലെ മത്സ്യ മൊത്ത വിതരണ കേന്ദ്രം അടച്ചു. കഴിഞ്ഞ ദിവസമാണ് കൊയിലാണ്ടി സ്വദേശിയായ മത്സ്യ വിൽപ്പനക്കാരന് കൊവിഡ് സ്ഥിരീകരിച്ചത്. ഇയാളുടെ റൂട്ട് മാപ്പിൽ മത്സ്യ മൊത്ത വിതരണ കേന്ദ്രവും ഉൾപ്പെട്ടിരുന്നു. തുടർന്നാണ് ഇത് അടച്ചിടാൻ നിർദേശം നൽകിയത്. കേന്ദ്രത്തിലെ ചുമട്ടു തൊഴിലാളികളോടും മത്സ്യ കച്ചവടക്കാരോടും നിരീക്ഷണത്തിൽ പോകാൻ ആരോഗ്യ വകുപ്പ് നിർദേശം നൽകിയിട്ടുണ്ട്. ഒരു മത്സ്യക്കച്ചവടക്കാരനും ചുമട്ടു തൊഴിലാളിക്കും കൊവിഡ് ബാധിച്ചതായും സ്ഥിരീകരിക്കാത്ത റിപ്പോർട്ടുകളുണ്ട്.

കോയമ്പത്തൂർ പേരൂരിൽ കോളജ് വിദ്യാർഥിനിയെ കുത്തി കൊലപ്പെടുത്തിയ ശേഷം ഒളിവിൽ പോയ യുവാവ് തൃശ്ശൂരിൽ പിടിയിൽ തൃശ്ശൂരിലെ ബന്ധുവീട്ടിൽ നിന്നാണ് പ്രതി രതീഷിനെ(24) പിടികൂടിയത്. യാത്ര പാസോ, രജിസ്‌ട്രേഷനോ കൂടാതെ ഊടുവഴിയിലൂടെയാണ് ഇയാൾ അതിർത്തി കടന്ന് തൃശ്ശൂരിലെത്തിയത്. പ്രണയം നിരസിച്ചതിനെ തുടർന്നാണ് ബികോം വിദ്യാർഥിനിയും പേരൂർ സ്വദേശിയുമായ ഐശ്വര്യയെ രതീഷ് കൊലപ്പെടുത്തിയത്. ഐശ്വര്യയുടെ പിതാവിനും ആക്രമണത്തിൽ പരുക്കേറ്റിരുന്നു. ഇയാൾ ചികിത്സയിലാണ്. ഐശ്വര്യയും രതീഷും മുമ്പ് പ്രണയത്തിലായിരുന്നു വീട്ടുകാർ ബന്ധം വിലക്കിയതോടെ ഐശ്വര്യ രതീഷിനെ കഴിഞ്ഞ നാല് മാസക്കാലമായി…

തിരുവനന്തപുരത്തെ പ്രമുഖ വസ്ത്രവ്യാപാര, ഹൈപ്പർ മാർക്കറ്റ് ശാലകളായ പോത്തീസിന്റെയും രാമചന്ദ്രൻ സൂപ്പർ സ്‌റ്റോഴ്‌സിന്റെയും ലൈസൻസ് റദ്ദാക്കി. കൊവിഡ് ചട്ടം ലംഘിച്ചതിനെ തുടർന്നാണ് നടപടി. തിരുവനന്തപുരം കോർപറേഷൻ മേയറാണ് നടപടി സ്വീകരിച്ചത്. അട്ടക്കുളങ്ങരയിലാണ് രാമചന്ദ്രൻ സൂപ്പർ സ്റ്റോഴ്‌സ്. സ്ഥാപനത്തിൽ കൊവിഡ് ചട്ടം ലംഘിച്ച് ആളുകളെ കൂട്ടത്തോടെ കയറ്റിയതിനാണ് നടപടി. രാമചന്ദ്രൻ സൂപ്പർ സ്റ്റോഴ്‌സിലെ ജീവനക്കാർക്ക് കൂട്ടത്തോടെ കൊവിഡ് സ്ഥിരീകരിച്ചിരുന്നു. പോത്തീസിനും കൊവിഡ് ചട്ടലംഘനം നടത്തിയതിനെ തുടർന്നാണ് ലൈസൻസ് റദ്ദായത്.

ചരക്കുലോറിയിൽ രേഖകളില്ലാതെ കടത്തിയ ഒന്നരക്കോടി രൂപ നിലമ്പൂരിൽ ഹൈവേ പോലീസ് പിടിച്ചെടുത്തു. അരിലോറിയിൽ ചാക്കിൽ കെട്ടിയ നിലയിലായിരുന്നു പണം. രണ്ട് ലോറികളും പിടിച്ചെടുത്തു. മൂന്നു പേരെ ചോദ്യം ചെയ്തു വരുന്നു. എടപ്പാളിൽനിന്ന് അടയ്ക്കയുമായി നാഗ്പുരിലേക്ക് പോയ ചരക്കുലോറി ലോഡിറക്കി അരിയുമായി മടങ്ങിവരുന്നതിനിടെ നിലമ്പൂർ വടപുറം പാലത്തിനുസമീപത്തുനിന്നാണ് പിടിയിലായത്. എടപ്പാളിൽനിന്ന് ലോറിയിൽ എത്തിയവർക്ക് പണം കൈമാറുന്നതിനിടെയാണ് പോലീസിന്റെ പിടിയിലായത്. എ.എസ്.പിയുടെ പ്രത്യേക നിർദേശപ്രകാരം ഞായറാഴ്ച പുലർച്ചെ രണ്ടുമണിയോടെയാണ് ഹൈവേ പോലീസ് പണം പിടിച്ചെടുത്തത്. പണം റിപ്പോർട്ട്സഹിതം നിലമ്പൂർ സി.ഐ…

സമ്പർക്കത്തിലൂടെ കൊവിഡ് രോഗബാധ വർധിച്ച സാഹചര്യത്തിൽ എറണാകുളം ജില്ലയിൽ നിയന്ത്രണങ്ങൾ കടുപ്പിക്കുന്നു. ജില്ലയിൽ കൂടുതൽ മേഖലകൾ കണ്ടെയ്ൻമെന്റ് സോണാക്കി. തൃപ്പൂണിത്തുറ മുനിസിപ്പാലിറ്റിയിലെ രണ്ട് വാർഡുകൾ ഉൾപ്പെടെയാണ് കണ്ടെയ്ൻമെന്റ് സോണാക്കിയത്. തൃപ്പൂണിത്തുറ മുനിസിപ്പാലിറ്റിയിലെ 48, 35 വാർഡുകളിലാണ് നിയന്ത്രണം ഏർപ്പെടുത്തിയത്. ഇതിൽ 35-ാം വാർഡ് മൈക്രോ കണ്ടെയ്ൻമെന്റ് സോണാണ്. എടത്തല ഗ്രാമപഞ്ചായത്തിലെ 4,14 വാർഡുകൾ, കാലടി 8, കുമ്പളം 2, ചെങ്ങമനാട് 11, മലയാറ്റൂർ-നീലേശ്വരം 17 എന്നീ വാർഡുകളും കണ്ടെയ്ൻമെന്റ് സോണാക്കി. എറണാകുളം ജില്ലയിൽ ഇന്നലെ 98 പേർക്കാണ്…

സർക്കാരിനും പാർട്ടിക്കുമെതിരെ ഉയർന്ന ആരോപണങ്ങൾ ചൂണ്ടിക്കാട്ടി സിപിഎം ജനറൽ സെക്രട്ടറി സീതാറാം യെച്ചൂരിക്ക് കത്തയച്ച് പ്രതിപക്ഷ നേതാവ് രമേശ് ചെന്നിത്തല. സിപിഎമ്മിന്റെ പ്രഖ്യാപിത നയങ്ങളിൽ നിന്ന് സർക്കാർ വ്യതിചലിച്ചുവെന്ന് ചൂണ്ടിക്കാട്ടിയാണ് നടപടി. അഴിമതി, സ്വജനപക്ഷപാതം, ക്രിമിനൽവത്കരണം തുടങ്ങിയ അതീവ ഗുരുതരമായ ആരോപണങ്ങളിൽ പെട്ടിരിക്കുകയാണ് സർക്കാർ സ്പ്രിംക്ലർ, ഇ മൊബൈലിറ്റി, സ്വർണക്കടത്ത് സംബന്ധിച്ച വിവാദങ്ങൾ കത്തിൽ ചൂണ്ടിക്കാണിക്കുന്നു.സ്വർണക്കടത്ത് കേസിൽ മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി ശിവശങ്കറിന് പ്രതികളുമായി ബന്ധമുണ്ടെന്ന് തെളിവുകൾ പുറത്തുവന്നു. പിണറായി വിജയന്റെ സെക്രട്ടറിയെന്ന നിലയിൽ മന്ത്രിസഭയെ…