ഇന്ന് 34 പുതിയ ഹോട്ട് സ്‌പോട്ടുകളാണുള്ളത്. എറണാകുളം ജില്ലയിലെ ഉദയംപേരൂര്‍ (കണ്ടൈന്‍മെന്റ് സോണ്‍ വാര്‍ഡ് 10), മുളവുകാട് (1, 15), കുഴുപ്പിള്ളി (6, 11), ഐകരനാട് (1), മുഴവന്നൂര്‍ (3, 4 , 8), പുലിപ്പാറ (സബ് വാര്‍ഡ് 18), അയ്യംപുഴ (9), പാറക്കടവ് (സബ് വാര്‍ഡ് 5), പാലക്കാട് ജില്ലയിലെ കിഴക്കാഞ്ചേരി (15), തൃത്താല (6), മാതൂര്‍ (15), കണ്ണാടി (10), തച്ചനാട്ടുകര (6), കോട്ടായി (3), നെന്മാറ (19), എരുത്തേമ്പതി (13), തൃശൂര്‍ ജില്ലയിലെ…
സംസ്ഥാനത്ത് ഇന്ന് 1,211 പേര്‍ക്ക് കോവിഡ്-19 സ്ഥിരീകരിച്ചു. തിരുവനന്തപുരം ജില്ലയില്‍ നിന്നുള്ള 292 പേര്‍ക്കും, മലപ്പുറം ജില്ലയില്‍ നിന്നുള്ള 170 പേര്‍ക്കും, കോട്ടയം ജില്ലയില്‍ നിന്നുള്ള 139 പേര്‍ക്കും, ആലപ്പുഴ ജില്ലയില്‍ നിന്നുള്ള 110 പേര്‍ക്കും, കൊല്ലം ജില്ലയില്‍ നിന്നുള്ള 106 പേര്‍ക്കും, പാലക്കാട് ജില്ലയില്‍ നിന്നുള്ള 78 പേര്‍ക്കും, കോഴിക്കോട് ജില്ലയില്‍ നിന്നുള്ള 69 പേര്‍ക്കും, കാസര്‍ഗോഡ് ജില്ലയില്‍ നിന്നുള്ള 56 പേര്‍ക്കും, എറണാകുളം ജില്ലയില്‍ നിന്നുള്ള 54 പേര്‍ക്കും, കണ്ണൂര്‍ ജില്ലയില്‍ നിന്നുള്ള 41…
കനത്ത മഴയിൽ അപ്പർ കുട്ടനാടും കുട്ടനാടും വെള്ളത്തിൽ മുങ്ങി. നിരവധി വീടുകളിൽ വെള്ളം കയറി. ഇതോടെ പ്രളയബാധിത മേഖലയിലുള്ളവരെ രക്ഷപ്പെടുത്തുന്നതിനായി ടിപ്പറുകളും ടോറസ് ലോറികളും രംഗത്തിറങ്ങി. എ സി റോഡിലൂടെയാണ് ആളുകളെ മാറ്റുന്നത്. രക്ഷാപ്രവർത്തനത്തിനുള്ള ടിപ്പർ, ടോറസ് ലോറികളിൽ പോലീസ് സഹായവും ലഭ്യമാക്കിയിട്ടുണ്ട്. മനയ്ക്കച്ചിറ മുതൽ മാങ്കൊമ്പ് വരെയുള്ള ഭാഗത്താണ് വെള്ളക്കെട്ട് രൂക്ഷം. ചങ്ങനാശ്ശേരി മുതൽ കിടങ്ങറ വരെയുള്ള റോഡ് പോലീസ് അടച്ചുകെട്ടി ഗതാഗതം നിരോധിച്ചിട്ടുണ്ട്. ആളുകളെ കുട്ടനാട് താലൂക്കിലെ ദുരിതാശ്വാസ ക്യാമ്പിലേക്കും ചങ്ങനാശ്ശേരിയിലെ ക്യാമ്പിലേക്കും മാറ്റിപ്പാർപ്പിക്കാനാണ്…
മൂന്നാർ പെട്ടിമുടിയിൽ മണ്ണിടിച്ചിലിനെ തുടർന്നുണ്ടായ അപകടത്തിൽപ്പെട്ടവർക്കായുള്ള തെരച്ചിൽ തുടരുന്നു. ഇന്ന് 15 മൃതദേഹങ്ങളാണ് മണ്ണിനടിയിൽ നിന്ന് കണ്ടെത്തിയത്. ഇതോടെ മരണസംഖ്യ 41 ആയി. ദുരന്തഭൂമിയിൽ ഇപ്പോഴും മഴ ശക്തമായി തുടരുന്നതാണ് രക്ഷാപ്രവർത്തനത്തെ ദുഷ്‌കരമാക്കുന്നത്. ഉച്ചയ്ക്ക് ശേഷം മഴ കൂടുതൽ ശക്തമാകുകയാണ്. കൂടാതെ മണ്ണിടിച്ചിലും തുടരുന്നുണ്ട്. 81 പേരാണ് ലയങ്ങളിൽ താമസിച്ചിരുന്നത് എന്നാണ് ടാറ്റാ കമ്പനിയുടെ കണക്ക്. എന്നാൽ ഇവരുടെ ബന്ധുക്കളും വിദ്യാർഥികളുമടക്കം നൂറോളം പേർ അപകടസമയത്തുണ്ടായിരുന്നു എന്നാണ് സൂചന.
കൊല്ലം കരുനാഗപ്പള്ളിയിൽ ഗർഭസ്ഥ ശിശു ചികിത്സ ലഭിക്കാതെ മരിച്ചതിന് പിന്നാലെ അമ്മയും മരിച്ചു. തിരുവനന്തപുരം എസ് എ ടി ആശുപത്രിയിൽ ചികിത്സയിലായിരുന്ന യുവതിയാണ് മരിച്ചത്. കൊല്ലത്തെ സ്വകാര്യ ആശുപത്രിയിൽ നിന്നാണ് യുവതിയെ തിരുവനന്തപുരത്ത് എത്തിച്ചത്. വടക്കൻ മൈനാഗപ്പള്ളി സ്വദേശിനി നജ്മയെ ജൂലൈ 29നാണ് പ്രവസത്തിനായി കരുനാഗപ്പള്ളിയിലെ സ്വകാര്യ ആശുപത്രിയിൽ എത്തിച്ചത്. കൃത്യമായ പരിചരണം യുവതിക്ക് നൽകിയിരുന്നില്ലെന്നാണ് ബന്ധുക്കളുടെ ആരോപണം. അടുത്ത ദിവസം യുവതിക്ക് കടുത്ത വേദനയും രക്തസ്രാവവും അനുഭവപ്പെട്ടു. ഇതോടെ തിരുവനന്തപുരം എസ് എ ടി ആശുപത്രിയിലേക്ക്…
സംസ്ഥാനത്ത് മഴ ശക്തമായതോടെ അപകടങ്ങളും പതിവായി. പത്തനംതിട്ട അച്ചൻകോവിലാറ്റിൽ വീണ് 75കാരനെ കാണാതായി. പ്രമാടത്താണ് സംഭവം. ഉച്ചയ്ക്ക് ഒരു മണിയോടെയാണ് പ്രമാടം കൊടുന്തറ സ്വദേശി രാജൻ പിള്ളയെ കാണാതായത്. പോലീസും അഗ്നിശമനസേനയും ഇയാൾക്കായുള്ള തെരച്ചിൽ തുടരുകയാണ്. ഭാരതപ്പുഴയിൽ ഒഴുക്കിൽപ്പെട്ട് യുവാവിനെ കാണാതായി. ഷൊർണൂർ മുണ്ടായ അയ്യപ്പൻ കാവിന് സമീപത്ത് വെച്ചാണ് പി ബി വിനായക് എന്ന യുവാവ് അപകടത്തിൽപ്പെട്ടത്. ഇന്ന് രാവിലെയായിരുന്നു സംഭവം. യുവമോർച്ച ഷൊർണൂർ മണ്ഡലം പ്രസിഡന്റാണ് പി ബി വിനായക്. ഫയർഫോഴും പോലീസും നാട്ടുകാരും…
കേരളത്തിൽ ഇന്നും അതിതീവ്ര മഴയ്ക്ക് സാധ്യത. ഇന്ന് മൂന്ന് ജില്ലകളിൽ റെഡ് അലർട്ട് പ്രഖ്യാപിച്ചിട്ടുണ്ട്. എട്ട് അണക്കെട്ടുകളിലും റെഡ് അലർട്ടാണ്. മഴ ശക്തമായി തുടരുന്നതോടെ അണക്കെട്ടുകളിൽ ജലനിരപ്പ് ഉയരുകയാണ്. ബുധനാഴ്ച വരെ മഴ തുടരുമെന്നാണ് മുന്നറിയിപ്പ്. ഇടുക്കി, മലപ്പുറം, വയനാട് ജില്ലകളിലാണ് ഇന്ന് റെഡ് അലർട്ട് പ്രഖ്യാപിച്ചിരിക്കുന്നത്. കോഴിക്കോട്, കണ്ണൂർ, കാസർകോട് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. ആലപ്പുഴ, കോട്ടയം, എറണാകുളം, തൃശ്ശൂർ, പാലക്കാട് ജില്ലകളിൽ യെല്ലോ അലർട്ടാണ്. ബംഗാൾ ഉൾക്കടലിൽ പുതുതായി രൂപംകൊണ്ട ന്യൂനമർദം ശക്തമാകുന്നതോടെ…
കോട്ടയത്ത് എയർപോർട്ട് ടാക്‌സി ഡ്രൈവറെ ഒഴുക്കിൽപ്പെട്ട് കാണാതായി. കൊച്ചി വിമാനത്താവളത്തിൽ നിന്നും യാത്രക്കാരനുമായി വന്ന ടാക്‌സി ഡ്രൈവർ ജസ്റ്റിനെയാണ് കാണാതായത്. അങ്കമാലി സ്വദേശിയാണ്. പുലർച്ചെ ഒരു മണിയോടെ മണർകാട് നാലുമണിക്കാറ്റിന് സമീപം പാലമുറിയിലാണ് അപകടമുണ്ടായത്. യാത്രക്കാരനെ കോട്ടയത്തെ വീട്ടിലിറക്കി തിരികെ വരുമ്പോഴായിരുന്നു അപകടം. കാർ ഒഴുക്കിൽപെടുകയും ജസ്റ്റിൻ പുറത്തിറങ്ങി കാർ തള്ളി നീക്കാൻ ശ്രമിക്കുകയുമായിരുന്നു. ഇതിനിടെ അപകടത്തിൽപ്പെട്ടു.
പെട്ടിമുടി മണ്ണിടിച്ചിലിൽ പെട്ട് കാണാതായവർക്കുള്ള തെരച്ചിൽ ഇന്നും തുടരും. തോട്ടം തൊഴിലാളികളുടെ ലയത്തിന് മുകളിലേക്ക് മണ്ണിടിഞ്ഞുവീണുണ്ടായ അപകടത്തിൽ 26 പേരുടെ മൃതദേഹങ്ങളാണ് ഇതുവരെ ലഭിച്ചത്. 45 പേർ കൂടി മണ്ണിനടിയിൽ കുടുങ്ങിയിട്ടുണ്ടെന്നാണ് വിവരം കണ്ടെടുത്ത മൃതദേഹങ്ങൾ പോസ്റ്റുമോർട്ടം നടത്തി രാജമലയിലെ ഭൂമിയിൽ സംസ്‌കരിച്ചു. കനത്ത മഴയും മണ്ണിടിച്ചിലും തുടരുന്നതാണ് രക്ഷാപ്രവർത്തനത്തെ പ്രതികൂലമായി ബാധിക്കുന്നത്. ഒരോ ലയവും ഇരുന്ന സ്ഥാനങ്ങൾ നോക്കിയാണ് മണ്ണു മാറ്റുന്നത്. ഇന്നലെ ഉച്ചയ്ക്ക് ശേഷം മഴ ശക്തമായതോടെ തെരച്ചിൽ അവസാനിപ്പിക്കുകയായിരുന്നു. റവന്യു മന്ത്രി ഇ…
തിരുവനന്തപുരം പാലോട് പെരിങ്ങമലയിൽ കാട്ടാന ഷോക്കേറ്റ് ചരിഞ്ഞു. പേത്തലയിൽ കരിക്കകത്ത് മോഴയാനയാണ് ചരിഞ്ഞത്. ഇന്ന് രാവിലെയാണ് നാട്ടുകാർ ആനയെ ചരിഞ്ഞ നിലയില്‍ കണ്ടത്. സ്വകാര്യ വ്യക്തിയുടെ പുരയിടത്തിലെ തെങ്ങു മറിക്കാൻ നോക്കവെയാണ് തെങ്ങ് പുഴുത് ലൈൻ കമ്പിയിൽ വീണ് കാട്ടാനക്ക് ഷോക്കേറ്റത്. നാട്ടുകാർ ഫോറസ്റ്റിനെ വിവരം അറിച്ചതിനെ തുടർന്ന് പാലോട് റെയ്ഞ്ച് ഓഫീസർ, ഡി.എഫ്.ഒ എന്നിവർ സ്ഥലത്ത് എത്തി പോസ്റ്റു മോർട്ടം നടപടികള്‍ക്ക് തുടക്കമിട്ടു. വനത്തിനുള്ളിൽ ദഹനത്തിനുള്ള നടപടികളും ആരംഭിച്ചു. സ്ഥിരമായി ആ വഴി വരുന്ന കാട്ടാനയാണ്…