Kerala

കാസർകോട് ബളാൽ അരീങ്കല്ലിൽ പതിനാറുകാരിയുടെ മരണത്തിൽ അടിമുടി ദുരൂഹത. വീട്ടിലുണ്ടാക്കിയ ഐസ്‌ക്രീം കഴിച്ച് അവശനിലയിലായ പെൺകുട്ടിയെ ചെറുപുഴ ആശുപത്രിയിൽ പ്രവേശിപ്പിച്ചിരുന്നു. ബുധനാഴ്ച വൈകുന്നേരമാണ് കുട്ടി മരിച്ചത്. വിഷം ഉള്ളിൽ ചെന്നാണ് മരണമെന്നാണ് പോസ്റ്റുമോർട്ടം റിപ്പോർട്ട്. ആൻമേരിയെന്ന പതിനാറുകാരിയാണ് മരിച്ചത്. എലിവിഷമാണ് കുട്ടിയുടെ ഉള്ളിലെത്തിയിരിക്കുന്നതെന്നാണ് പ്രാഥമിക നിഗമനം. ഇതിന്റെ രാസപരിശോധന നടക്കുന്നതേയുള്ളു. ആൻമേരിയുടെ പിതാവ് ബെന്നി, മാതാവ് ബെസി, സഹോദരൻ ആൽബിൻ എന്നിവരെയും ആശുപത്രിയിൽ പ്രവേശിപ്പിച്ചു. അതോടെയാണ് സംഭവത്തിൽ ദുരൂഹത ഉടലെടുത്തത്. പെൺകുട്ടിയുടെ കുടുംബം താമസിക്കുന്നത് ബളാലായതിനാൽ കേസ്…

സംസ്ഥാനത്ത് മഴക്കെടുതി രൂക്ഷം. ദുരിതാശ്വാസ ക്യാമ്പുകളിലേക്ക് 3530 കുടുംബങ്ങളെ മാറ്റി പാർപ്പിച്ചതായി മുഖ്യമന്ത്രി പിണറായി വിജയൻ അറിയിച്ചു. 11,446 പേരാണ് ക്യാമ്പുകളിൽ കഴിയുന്നത്. ഏറ്റവും കൂടുതൽ ക്യാമ്പുള്ളത് വയനാട് ജില്ലയിലാണ്. ഇവിടെ 69 ക്യാമ്പുകളിലായി 3795 പേരെ പാർപ്പിച്ചു   പത്തനംതിട്ടയിൽ 43 ദുരിതാശ്വാസ ക്യാമ്പുകൾ തുറന്നു. 1015 പേരെ പാർപ്പിച്ചു. കോട്ടയത്ത് 38 ക്യാമ്പുകളിലായി 801 പേരും എറണാകുളത്ത് 30 ക്യാമ്പുകളിലായി 852 പേരും മലപ്പുറത്ത് 18 ക്യാമ്പുകളിലായി 890 പേരുമുണ്ട്. ഇടുക്കി ജില്ലയിലാകെ വ്യാപക…

ഇടുക്കി രാജമല പെട്ടിമുടിയിൽ മണ്ണിടിച്ചിൽ മരിച്ചവരുടെ എണ്ണം 26 ആയി. ഇന്ന് 11 പേരുടെ മൃതദേഹങ്ങൾ കൂടി കണ്ടെടുത്തതായി മുഖ്യമന്ത്രി അറിയിച്ചു. ഇതിൽ 3 പേരെ തിരിച്ചറിഞ്ഞിട്ടില്ല. ഇന്നലെ 11 മൃതദേഹങ്ങൾ കണ്ടെത്തിയിരുന്നു രാജ, വിജില(47), കുട്ടിരാജ്(48),പവൻദായി, മണികണ്ഠൻ(30), ദീപക്(18), ഷൺമുഖ അയ്യർ(58), പ്രഭു(55) എന്നിവരുടെ മൃതദേഹങ്ങളാണ് തിരിച്ചറിഞ്ഞത്. മേഖലയിൽ രക്ഷാപ്രവർത്തനം ഊർജിതമായി തുടരുകയാണെന്ന് മുഖ്യമന്ത്രി അറിയിച്ചു. മൃതദേഹങ്ങൾ ഒന്നിച്ച് സംസ്‌കരിക്കും. പോസ്റ്റുമോർട്ടം നടപടികൾ അതിവേഗം നടത്തും മരിച്ചവരുടെയും പരുക്കേറ്റവരുടെയും കുടുംബങ്ങൾക്ക് എല്ലാവിധ സഹായവും നൽകും. മരിച്ചവരുടെ…

സ്വർണക്കടത്ത് കേസിൽ കൂടുതൽ അന്വേഷണത്തിനായി എൻഐഎ സംഘം ദുബൈയിലേക്ക് പോകുന്നു. നാലാം പ്രതി ഫൈസൽ ഫരീദിനെ ചോദ്യം ചെയ്യുന്നതിനായാണ് എൻഐഎ സംഘം ദുബൈയിലേക്ക് പോകുന്നത്. ഫൈസൽ ഫരീദ് നിലവിൽ ദുബൈ പോലീസിന്റെ കസ്റ്റഡിയിലാണ്. സ്വർണക്കടത്ത് കേസിൽ യുഎഇയും ആഭ്യന്തര അന്വേഷണം നടത്തുന്നുണ്ട്. ഇന്ത്യ നടത്തുന്ന അന്വേഷണവുമായി സഹകരിക്കുമെന്നും യുഎഇ അറിയിച്ചിട്ടുണ്ട്. ഇതേ തുടർന്നാണ് അന്വേഷണ സംഘം യുഎഇയിലേക്ക് പോകുന്നത്. ഒരു എസ് പി അടക്കം രണ്ട് പേരാണ് ദുബൈയിലേക്ക് പോകുന്നത്.   സംഘത്തിന് ദുബൈയിലേക്ക് പോകാൻ കേന്ദ്ര…

കരിപ്പൂരില്‍ അപകടത്തില്‍പെട്ട വിമാനമിറങ്ങിയത് ദിശതെറ്റിയെന്ന് എയര്‍ ട്രാഫിക് കണ്‍ട്രോളിന്റെ (എടിസി) പ്രാഥമിക റിപ്പോര്‍ട്ട്. സാധാരണ വിമാനമിറങ്ങുക കാറ്റിന് എതിര്‍ ദിശയിലാണ്. എന്നാല്‍ കാറ്റ് അനുകൂലമായ ദിശയിലാണ് വിമാനമിറക്കിയത്. ഇത് ടെയില്‍ വിന്‍ഡ് പ്രതിഭാസത്തിന് കാരണമാകുകയും കാറ്റിനനുസരിച്ച് വിമാനത്തിന്‍റെ വേഗം കൂടുകയും ചെയ്തു. പ്രഥമ വിവരപ്രകാരം റണ്‍വേയുടെ നടുവിലാണ് വിമാനം ഇറക്കിയത്. എഞ്ചിന്‍ ഓഫ് ചെയ്തത് വിപരീത ഫലമുണ്ടാക്കിയെന്നും എയര്‍ ട്രാഫിക് കണ്‍ട്രോള്‍ റിപ്പോര്‍ട്ടില്‍ പറയുന്നു. അതേസമയം കരിപ്പൂരില്‍ ഇന്നലെ അപകടത്തില്‍പെട്ട വിമാനം റണ്‍വേയില്‍ ലാന്‍ഡ് ചെയ്തത് ഏറെ…

കരിപ്പൂർ വിമാനാപകടത്തിൽ പരിക്കേറ്റ് കോഴിക്കോട് മെഡിക്കൽ കോളേജിൽ ചികിത്സയില്‍ കഴിയുന്നവരെ മുഖ്യമന്ത്രി പിണറായി വിജയന്‍ സന്ദർശിച്ചു. മരിച്ചവരുടെ കുടുംബങ്ങള്‍ക്ക് 10 ലക്ഷം രൂപ ധനസഹായം നല്‍കുമെന്നും മുഖ്യമന്ത്രി പറഞ്ഞു. ചികിത്സ ചെലവ് സൗജന്യമായിരിക്കും. ചികിത്സയിൽ കഴിയുന്നവർക്ക് ഇഷ്ടമുള്ള സ്ഥലത്ത് ചികിത്സ തുടരാം. ആശുപത്രിയിൽ ചികിത്സയിലുള്ളവരുടെ ആരോഗ്യ പുരോഗതി മുഖ്യമന്ത്രി വിലയിരുത്തി. ചികിത്സ സംബന്ധമായ എല്ലാ നടപടികളും സ്വീകരിക്കാൻ മുഖ്യമന്ത്രി നിർദ്ദേശം നൽകി. ഗവർണ്ണർ ആരിഫ് മുഹമ്മദ്‌ ഖാനും സ്പീക്കർ പി ശ്രീരാമകൃഷ്‌ണനും മന്ത്രിമാരും ചീഫ് സെക്രട്ടറിയും ഡിജിപിയും…

കനത്ത മഴയിൽ കാസർകോട് ജില്ലയിൽ തേജസ്വിനി പുഴ കരകവിഞ്ഞൊഴുകുന്നു. കയ്യൂർ, കരിന്തളം, ചെറുവത്തൂർ, ഈസ്റ്റ് എളേരി പഞ്ചായത്തുകളിലും നീലേശ്വരം നഗരസഭിലെയും പുഴയുടെ കരകളിൽ വെള്ളം കയറി. ഇരുന്നൂറോളം കുടുംബങ്ങളെ ദുരിതാശ്വാസ ക്യാമ്പുകളിലേക്കും ബന്ധുവീടുകളിലേക്കുമായി മാറ്റി   ജില്ലയിൽ ആറ് ദുരിതാശ്വാസ ക്യാമ്പുകളാണ് തുറന്നത്. കൂടുതൽ സ്ഥലങ്ങളിൽ വെള്ളം ഉയരുകയാണ്. ചെറുപുഴ മേഖലയിൽ നിരവധി വീടുകളിൽ വെള്ളം കയറി. കൊട്ടോടി പുഴ കരകവിഞ്ഞതിനെ തുടർന്ന് കൊട്ടോടി ടൗൺ വെള്ളത്തിനടിയിലായി. ചൈത്രവാഹിനി കരകവിഞ്ഞതിനെ തുടർന്ന് പെരുമ്പട്ട, ഭീമനടി മേഖലകളിലെ താഴ്ന്ന…

കരിപ്പൂർ വിമാനാപകടത്തിൽപ്പെട്ട 40 യാത്രക്കാർക്ക് കൊവിഡ് സ്ഥിരീകരിച്ചുവെന്ന് പ്രചരിക്കുന്ന വാർത്ത വ്യാജമെന്ന് മലപ്പുറം ജില്ല കലക്ടർ. തകർന്ന എയർ ഇന്ത്യ എക്‌സ്പ്രസ് വിമാനത്തിൽ വന്ന ഒരാൾക്കാണ് ഇതുവരെ കൊവിഡ് സ്ഥിരീകരിച്ചത്. അപകടത്തിൽ മരിച്ച വളാഞ്ചേരി കുളമംഗലം സ്വദേശി സുധീർ വാരിയത്തിനാണ് രോഗം സ്ഥിരീകരിച്ചത്. മറ്റൊരു യാത്രക്കാർക്കും ഇതുവരെ രോഗം കണ്ടെത്തിയിട്ടില്ല. മലപ്പുറത്തും കോഴിക്കോടുമായി വിവിധ ആശുപത്രികളിൽ 148 പേരാണ് ചികിത്സയിലുള്ളത്. അപകടത്തിൽ 19 പേർ മരിച്ചു. 23 പേർ നിസാര പരുക്കുകളോടെ പ്രാഥമിക ചികിത്സക്ക് ശേഷം വീട്ടിലേക്ക്…

സംസ്ഥാനത്ത് ഒരു കൊവിഡ് മരണം കൂടി. മലപ്പുറം പള്ളിക്കൽ സ്വദേശിനി നഫീസയാണ് (52) മരിച്ചത്. പ്രമേഹം, രക്തസമ്മർദ്ദം, വൃക്ക സംബന്ധമായ രോഗം എന്നീ രോഗങ്ങളുണ്ടായിരുന്നു. സമ്പർക്കത്തിലൂടെയാണ് ഇവർ രോഗബാധിതയായത്. പനിയും ശ്വാസതടസവും അനുഭവപ്പെട്ടതിനെ തുടർന്ന് ജൂലൈ 24നാണ് ഇവരെ മഞ്ചേരി മെഡിക്കൽ കോളേജിൽ പ്രവേശിപ്പിച്ചത്. ഇതോടെ ജില്ലയിൽ കൊവിഡ് ബാധിച്ച് മരിച്ചവരുടെ എണ്ണം പതിനേഴായി.