Gulf

  റിയാദ്: സൗദി അറേബ്യയിലുണ്ടായ വാഹനാപകടത്തിൽ നാല് പേര്‍ മരിച്ചു. ട്രാഫിക് സിഗ്നലില്‍ നിര്‍ത്തിയിട്ടിരുന്ന കാറുകളില്‍ ലോറിയിടിച്ചാണ് അപകടമുണ്ടായതെന്ന് മദീന റെഡ്ക്രസന്റ് വക്താവ് അറിയിച്ചു. മദീനയിലെ സെക്കൻഡ് റിംഗ് റോഡിലുണ്ടായ അപകടത്തിൽ നാലു പേര്‍ മരിക്കുകയും അഞ്ചു പേര്‍ക്ക് പരിക്കേല്‍ക്കുകയും ചെയ്‍തു. പരിക്കേറ്റവരെ സമീപത്തെ ആശുപത്രിയില്‍ പ്രവേശിപ്പിച്ചു. മരിച്ചവരും പരിക്കേറ്റവരും ഏത് രാജ്യക്കാരാണെന്ന് വ്യക്തമായിട്ടില്ല.

  ദുബായ്: സെപ്റ്റംബർ 29 നാളെ മുതൽ അമേരിക്കയിലെ ലോസ് ഏഞ്ചൽസിലേക്ക് പോകുന്ന എമിറേറ്റ്സ് A380 ഫ്ലൈറ്റുകൾ ദുബായ് എക്സ്പോയുടെ ലോഗോയും തിയ്യതിയും നാനാ വർണ്ണങ്ങളും കൊണ്ട് പ്രത്യേക യൂണിഫോം ചെയ്തത് പോലുള്ള കാഴ്ച്ച സൃഷ്ടിച്ചുകൊണ്ടാണ് ആളുകളെ എക്സ്പോ വേദിയിലേക്ക് ക്ഷണിക്കുന്നത്. ദുബായ് എക്സ്പോ’ & ‘ മാജിക്കിന്റെ ഭാഗമാകുക’ (Dubai Expo and Be Part of the Magic ) എന്നീ സന്ദേശങ്ങൾ A380 എയർക്രാഫ്റ്റിന്റെ ഇരുവശങ്ങളിലായി ഡിസൈൻ ചെയ്തിട്ടുണ്ട്. എക്സ്പോ ഇവന്റിലേക്ക് ക്ഷണിക്കുന്നതായി…

  ദുബായ്: ക്സ്പോ 2020 ദുബായ് സന്ദർശനത്തിനായി ഒരുക്കിയ ഒരു പ്രത്യേക ഓഫർ ഒക്ടോബർ പാസ്സിന് ഏറെ തിരക്കേറുന്നു. അടുത്തയാഴ്ച ആരംഭിക്കുന്ന ലോകത്തിലെ ഏറ്റവും വലിയ അന്താരാഷ്ട്ര ഇവന്റിന് മുമ്പായി പ്രത്യേക ഓഫർ ടിക്കറ്റുകളുടെ ആവശ്യം വർദ്ധിക്കുകയാണ്. കാരണമെന്തെന്നാൽ എക്സ്പോയുടെ ഒരു ദിവസത്തെ പ്രവേശന നിരക്കിന് തുല്യമായ 95 ദിർഹത്തിന് 31 ദിവസം 192 രാജ്യ പവലിയനുകളിലായി, പ്രതിദിനം 60 തത്സമയ പരിപാടികളും 200 ലധികം ഭക്ഷണ പാനീയ ഔട്ട് ലെറ്റുകളുമെല്ലാം ആസ്വദിക്കാൻ കഴിയുമെന്നത് തന്നെയാണ് ഈ…

  ദുബായ്: മൂന്ന് വർഷത്തെ വിസയ്ക്കുള്ള കുറഞ്ഞ നിക്ഷേപം ദുബായിൽ 750,000 ദിർഹമായി കുറച്ചു. ദുബായ് ലാൻഡ് ഡിപ്പാർട്ട്‌മെന്റിന്റെ വെബ്‌സൈറ്റിൽ ലഭ്യമായ വിവരങ്ങൾ അനുസരിച്ച് ദുബായിൽ കുതിച്ചുയരുന്ന റെസിഡൻഷ്യൽ പ്രോപ്പർട്ടി മാർക്കറ്റ് നിക്ഷേപത്തിലൂടെ വിസയ്ക്ക് അപേക്ഷിക്കാനുള്ള ലിമിറ്റ് ആണ് 1 ദശലക്ഷം ദിർഹത്തിൽ നിന്ന് 750,000 ദിർഹമായി കുറച്ചത്. 750,000 ദിർഹമോ അതിലധികമോ വസ്തുവകകൾ സ്വന്തമായി ഉള്ള ഒരു വ്യക്തിക്ക് തന്റെ പങ്കാളിക്കായി മൂന്ന് വർഷത്തെ പുതുക്കാവുന്ന റെസിഡൻസി വിസയ്ക്ക് അപേക്ഷിക്കാൻ സാധിക്കും. നിക്ഷേപ നില കുറയ്ക്കുന്നത്…

നാട്ടിൽ നിന്നും വരുന്ന പ്രവാസികൾ കുവൈത്തിലേക്ക് വരുമ്പോൾ ചെയ്യേണ്ടത് പ്രധാനപ്പെട്ട അഞ്ചു കാര്യങ്ങളാണ് 1 .കുവൈത്ത് ആരോഗ്യ മന്ത്രാലയത്തിന്റെ വെബ്സൈറ്റിൽ രജിസ്റ്റർ ചെയ്യുക 2 .ശേഷം ഇമ്മ്യൂൺ ആപ്ലിക്കേഷൻ ഡൗൺലോഡ് ചെയ്യുക 3 .കുവൈത്ത് മൊബൈൽ ഐ ഡി ഡൗൺ ലോഡ് ചെയ്യുക 4 ശ്ലോനിക് ആപ്ലിക്കേഷൻ ഡൗൺ ലോഡ് ചെയ്യുക 5 കുവൈത്ത് മുസാഫിർ പ്ലാറ്റ് ഫോമിൽ രജിസ്റ്റർ ചെയ്യുക

  റിയാദ്: കൊവിഡ് കാലത്തു നിര്‍ത്തിവെച്ച വിദേശ തീര്‍ത്ഥാടകര്‍ക്കുള്ള ഉംറ പുനരാരംഭിച്ചതിന് ശേഷം മൂന്നാഴ്ചക്കിടെ വിദേശ രാജ്യങ്ങളിലേക്ക്  3,500 ലേറെ ഉംറ വിസകള്‍ അനുവദിച്ചതായി സൗദി ഹജ്ജ് ഉംറ മന്ത്രാലയം അറിയിച്ചു. വിസ അനുവദിച്ചവരില്‍ 770 പേര്‍ ഇതിനകം പുണ്യഭൂമിയിലെത്തി. കൂടുതല്‍ വിസാ അപേക്ഷകള്‍ മന്ത്രാലയം സ്വീകരിച്ചുവരികയാണ്. ഉംറ നിര്‍വഹിക്കാന്‍ ആഗ്രഹിക്കുന്ന, ലോകത്തെങ്ങും നിന്നുള്ള മുസ്ലിംകള്‍ക്കു മുന്നില്‍ സൗദി അറേബ്യയുടെ കവാടങ്ങള്‍ തുറന്നിട്ടിരിക്കുകയാണ്. സുതാര്യത ഉറപ്പുവരുത്തുന്നതിന് മത്സരാധിഷ്ഠിതവും സ്ഥിരവുമായ നിരക്കുകള്‍ നല്‍കാന്‍ ഹോട്ടലുകളെ ഹജ്, ഉംറ മന്ത്രാലയം…

  ടൂറിസ്റ്റ് വിസക്കാർക്കും യുഎഇയിലേക്ക് തിങ്കളാഴ്ച മുതൽ നേരിട്ട് പ്രവേശനം അനുവദിക്കും. ലോകാരോഗ്യ സംഘടന അംഗീകരിച്ച വാക്‌സിനുകളിൽ ഏതെങ്കിലുമൊന്നിന്റെ രണ്ട് ഡോസും സ്വീകരിച്ചവർക്കാണ് പ്രവേശനം അനുവദിക്കുക. വരുന്നവർ വിമാനത്താവളത്തിൽ റാപിഡ് പരിശോധനകൾക്ക് വിധേയമാകണം യാത്ര ചെയ്യുന്നവർ വാക്‌സിനേഷൻ സർട്ടിഫിക്കറ്റുകൾ കൈവശം വെക്കണമെന്നും അൽഹുസൻ ആപ്പിൽ രജിസ്റ്റർ ചെയ്യണമെന്നും യുഎഇ ദേശീയ ദുരന്തനിവാരണ സമിതി അറിയിച്ചു. യാത്രവിലക്ക് ഏർപ്പെടുത്തിയ ഇന്ത്യയടക്കമുള്ള രാജ്യങ്ങളിൽ നിന്നുള്ളവർക്കും ഇത്തരത്തിൽ പ്രവേശനം അനുവദിക്കും. മൊഡേണ, ഫൈസർ-ബയോടെക്, ജോൺസൺ ആൻഡ് ജോൺസൺ, ആസ്ട്രനെക, കൊവിഷീൽഡ്(ഓക്‌സ്‌ഫോർഡ്, ആസ്ട്രനെക…

  ഇന്ത്യക്കാർക്ക് ഒമാനിൽ പ്രവേശിക്കുന്നതിനുണ്ടായിരുന്ന വിലക്ക് പിൻവലിച്ചു. ഇന്ത്യ, പാക്കിസ്ഥാൻ, ബംഗ്ലാദേശ് തുടങ്ങി 18 രാജ്യങ്ങളിൽ നിന്നുള്ള രണ്ട് ഡോസ് വാക്‌സിൻ എടുത്തവർക്ക് ഒമാനിലേക്ക് പ്രവേശിക്കാമെന്ന് സിവിൽ ഏവിയേഷൻ അതോറിറ്റി തിങ്കളാഴ്ച പുറത്തിറക്കിയ വാർത്താക്കുറിപ്പിൽ അറിയിച്ചു. സെപ്റ്റംബർ ഒന്ന് മുതലായിരിക്കും പ്രവേശനം അനുവദിക്കുക.

  ദുബായ്: യു എ ഇയിലേക്കുള്ള ഇൻഡിഗോ വിമാനങ്ങൾ ഇന്ന് രാത്രി മുതൽ സർവീസ് പുനരാരംഭിക്കുമെന്ന് എയർലൈൻ വ്യക്തമാക്കി. എല്ലാ യാത്രക്കാരെയും അറിയിച്ചിട്ടുണ്ടെന്നും യാത്രക്കാർക്കുണ്ടായ വിഷമങ്ങളിൽ ക്ഷമ ചോദിക്കുന്നുവെന്നും എയർലൈൻ പത്രക്കുറിപ്പിൽ വ്യക്തമാക്കി. ആഗസ്റ്റ് 24 വരെ ഇൻഡിഗോ വിമാനങ്ങൾക്ക് യു എ ഇ അധികൃതർ വിലക്ക് ഏർപ്പെടുത്തിയെന്ന് ഇന്ന് രാവിലെ റിപ്പോർട്ടുണ്ടായിരുന്നു. വിമാനത്താവളത്തിൽ റാപ്പിഡ് ടെസ്റ്റ് പൂർത്തിയാക്കാത്ത യാത്രക്കാരെ ഇൻഡിഗോ വിമാനത്തിൽ രാജ്യത്ത് എത്തിച്ചതിന്റെ പേരിലായിരുന്നു വിലക്ക്. ഇന്ത്യയിൽ നിന്നുള്ള താമസക്കാർക്ക് പ്രവേശന മാനദണ്ഡത്തിന്റെ ഭാഗമായി…

മസ്‌കറ്റ്: ഒമാനില്‍ കൊവിഡ് ബാധിച്ച് ചികിത്സയിലായിരുന്ന മലയാളി മരിച്ചു. കണ്ണൂര്‍ തലശ്ശേരി കതിരൂര്‍ ആറാംമൈല്‍ പരേതനായ അബൂബക്കറിന്റെ മകന്‍ ഖാലിദ്(54)ആണ് മരിച്ചത്. പത്ത് ദിവസമായി റുസ്താഖ് ആശുപത്രിയില്‍ ചികിത്സയിലായിരുന്നു. 10 വര്‍ഷമായി ഒമാനില്‍ താമസിച്ചു വരികയാണ്. ഭാര്യ: റുബീന, മക്കള്‍: മുഹമ്മദ്, ആദം. മൃതദേഹം ഒമാനില്‍ ഖബറടക്കി.