കാസർകോട് ജില്ലയിൽ സിപിഎം മത്സരിക്കുന്ന മണ്ഡലങ്ങളിലെ സ്ഥാനാർഥി പട്ടികയായി. മഞ്ചേശ്വരം, ഉദുമ, തൃക്കരിപ്പൂർ മണ്ഡലങ്ങളിലാണ് സിപിഎം മത്സരിക്കുന്നത്. കാസർകോട് ഐഎൻഎല്ലും കാഞ്ഞങ്ങാട് സിപിഐയുമാണ് മത്സരിക്കുന്നത്. തൃക്കരിപ്പൂരിൽ സിറ്റിംഗ് എംഎൽഎ എം രാജഗോപാൽ തന്നെ മത്സരിക്കും. മഞ്ചേശ്വരത്ത് ശങ്കർ റേ, ജയാനന്ദൻ എന്നിവരെയാണ് പരിഗണിക്കുന്നത്. ഉദുമയിൽ സി എച്ച് കുഞ്ഞമ്പു, ഇ പത്മാവതി എന്നിവരെയാണ് പരിഗണിക്കുന്നത്.  

മലപ്പുറം ജില്ലയിലെ സിപിഎം സ്ഥാനാർഥികളുടെ സാധ്യതാ പട്ടികയായി. പൊന്നാനിയിൽ പി ശ്രീരാമകൃഷ്ണനും തവനൂരിൽ കെ ടി ജലീലും നിലമ്പൂരിൽ പി വി അൻവറും വീണ്ടും മത്സരിച്ചേക്കും. പെരിന്തൽമണ്ണയിൽ ലീഗ് മുൻ നേതാവും മലപ്പുറം നഗരസഭാ ചെയർമാനുമായ കെപി മുഹമ്മദ് മുസ്തഫയെയാണ് എൽ ഡി എഫ് പരിഗണിക്കുന്നത് താനൂരിൽ വി അബ്ദുറഹ്മാനും തിരൂരിൽ ഗഫൂർ പി ലില്ലീസിനെയും പരിഗണിക്കുന്നു. അതേസമയം പി വി അൻവർ നിലവിൽ ഇന്ത്യയിലില്ല. ആഫ്രിക്കൻ രാജ്യമായ സിയറ ലിയോണിൽ ബിസിനസ് ടൂറിലാണ് അൻവർ. മണ്ഡലത്തിൽ…

സംസ്ഥാനത്ത് ഇന്ന് 2938 പേർക്ക് കോവിഡ്-19 സ്ഥിരീകരിച്ചു. തൃശൂർ 354, മലപ്പുറം 344, കോഴിക്കോട് 334, എറണാകുളം 306, കൊല്ലം 271, പത്തനംതിട്ട 238, കണ്ണൂർ 225, കോട്ടയം 217, തിരുവനന്തപുരം 190, ആലപ്പുഴ 161, പാലക്കാട് 99, കാസർഗോഡ് 80, ഇടുക്കി 62, വയനാട് 57 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. സൗത്ത് ആഫ്രിക്കയിൽ നിന്നും വന്ന ഒരാൾക്ക് കഴിഞ്ഞ 24 മണിക്കൂറിനകം കോവിഡ്-19 സ്ഥിരീകരിച്ചു. യു.കെ.യിൽ നിന്നും വന്ന ആർക്കും തന്നെ…

സിപിഎം നേതാക്കളായ ടിവി രാജേഷ് എംഎൽഎയും മുഹമ്മദ് റിയാസും റിമാൻഡിൽ. 2009ൽ വിമാന യാത്രാക്കൂലി വർധനവിനെതിരെയും വിമാനങ്ങൽ റദ്ദ് ചെയ്യുന്നതിനെതിരെയും പ്രതിഷേധിച്ച കേസിലാണ് റിമാൻഡ്. കോഴിക്കോട് ജെസിഎം കോടതിയുടെതാണ് നടപടി പ്രവാസികളുടെ യാത്രാ സൗകര്യം മുൻനിർത്തി എയർ ഇന്ത്യാ ഓഫീസ് ഉപരോധിച്ചതിനാണ് കേസ്. ഡിവൈഎഫ്‌ഐ സംസ്ഥാന സെക്രട്ടറിയായിരുന്ന ടി വി രാജേഷാണ് സമരം ഉദ്ഘാടനം ചെയ്തത്. മുഹമ്മദ് റിയാസ് സംസ്ഥാന ജോയിന്റ് സെക്രട്ടറിയായിരുന്നു. കോഴിക്കോട് ജില്ലാ സെക്രട്ടറിയായിരുന്ന കെ കെ ദിനേശനെയും റിമാൻഡ് ചെയ്തിട്ടുണ്ട്.

മന്ത്രി കെ.കെ.ശൈലജയും കടന്നപ്പള്ളി രാമചന്ദ്രനും കൊവിഡ് വാക്‌സിൻ സ്വീകരിച്ചു കണ്ണൂർ ജില്ലാ ആശുപത്രിയിലെത്തിയാണ് മന്ത്രി കടന്നപ്പള്ളി രാമചന്ദ്രൻ കൊവിഡ് വാക്‌സിൻ സ്വീകരിച്ചത്. ഇരുചക്ര വാഹനത്തിലാണ് മന്ത്രി വാക്‌സിൻ സ്വീകരിക്കാൻ ജില്ലാ ആശുപത്രിയിലെത്തിയത്. കൊവിഡ് വാക്‌സിൻ സ്വീകരിക്കാനുള്ള അവസരം എല്ലാവരും പ്രയോജനപ്പെടുത്തണമെന്ന് മന്ത്രി പറഞ്ഞു. മരുന്ന് സ്വീകരിച്ച ശേഷം മറ്റ് അസ്വസ്ഥതകളൊന്നുമില്ലെന്നും മന്ത്രി കൂട്ടിച്ചേർത്തു. മന്ത്രി കെ.കെ.ശൈലജയും കൊവിഡ് വാക്‌സിൻ സ്വീകരിച്ചു. തിരുവനന്തപുരം മെഡിക്കൽ കോളജിലെ കൊവിഡ് വാക്‌സിനേഷൻ കേന്ദ്രത്തിൽ നിന്നാണ് ആരോഗ്യ മന്ത്രി കൊവിഡ് വാക്‌സിൻ സ്വീകരിച്ചത്….

നിയമസഭാ തെരഞ്ഞെടുപ്പിൽ നേമത്ത് മത്സരിക്കുമെന്ന അഭ്യൂഹങ്ങൾ തള്ളി കെ മുരളീധരൻ എംപി. വാർത്തകൾ അടിസ്ഥാനരഹിതമാണ്. എംപിമാർ നിയമസഭയിലേക്ക് മത്സരിക്കില്ല. പാർലമെന്റ് സമ്മേളനത്തിൽ പങ്കെടുക്കാൻ ഏഴാം തീയതി ഡൽഹിയിലേക്ക് പോയാൽ നോമിനേഷൻ തീയതിക്ക് ശേഷം മാത്രമേ മടങ്ങിയെത്തൂവെന്നും മുരളീധരൻ പറഞ്ഞു നേമത്ത് മുതിർന്ന നേതാവിനെ നിർത്തണമെന്ന് കോൺഗ്രസ് തെരഞ്ഞെടുപ്പ് സമിതി യോഗത്തിൽ ആവശ്യമുയർന്നിരുന്നു. ഇതേ തുടർന്നാണ് മുരളിയെ നേമത്ത് പരിഗണിക്കുന്നതായി വാർത്തകൾ വന്നത്. കേരളത്തിൽ ബിജെപിയുടെ ഏക സിറ്റിംഗ് സീറ്റാണ് നേമം. ബിജെപി ഇത്തവണ ഒ രാജഗോപാലിന് പകരം…