നാരദ കേസിൽ അറസ്റ്റിലായ രണ്ട് മന്ത്രിമാർ അടക്കമുള്ള തൃണമൂൽ കോൺഗ്രസ് നേതാക്കൾക്ക് ജാമ്യമില്ല. ഇടക്കാല ജാമ്യമെന്ന ആവശ്യം കൊൽക്കത്ത ഹൈക്കോടതി തള്ളി. ഇവരെ വീട്ടുതടങ്കലിൽ നിന്ന് ജയിലിലേക്ക് മാറ്റണമെന്ന സിബിഐയുടെ ആവശ്യവും കോടതി നിരസിച്ചു. ഇടക്കാല ജാമ്യത്തിനായി കേസ് വിശാല ബഞ്ചിന് വിട്ടു. മന്ത്രിമാരായ ഫിർഹാദ് ഹക്കീം, സുബ്രതാ മുഖർജി, എംഎൽഎയായ മദൻ മിത്ര, സോവൻ ചാറ്റർജി എന്നിവരെയാണ് വീട്ടുതടങ്കലിൽ പാർപ്പിക്കാൻ കോടതി ഉത്തരവിട്ടത്. തിങ്കളാഴ്ച രാവിലെയാണ് ഇവരെ സിബിഐ കസ്റ്റഡിയിലെടുത്തത്.

  കൊവിഡിന് പിന്നാലെ രാജ്യത്തിന് ആശങ്കയായി ബ്ലാക്ക് ഫംഗസ് ബാധയും. കൊവിഡ് രോഗികളിൽ ബ്ലാക്ക് ഫംഗസ് ബാധ റിപ്പോർട്ട് ചെയ്യുന്നത് വർധിച്ചതായാണ് കണക്കുകൾ. ബ്ലാക്ക് ഫംഗസ് ബാധിച്ച് ഇതുവരെ 126 പേർ മരിച്ചതായാണ് റിപ്പോർട്ടുകൾ കൊവിഡും ഉയർന്ന പ്രമേഹവും രോഗം ബാധിക്കാൻ സാധ്യത കൂടുതലാണ്. ബ്ലാക്ക് ഫംഗസ് പുതിയ വെല്ലുവിളിയാണെന്നും നേരിടാൻ ജാഗ്രത ആവശ്യമാണെന്നും പ്രധാനമന്ത്രി നരേന്ദ്രമോദി പറഞ്ഞു. ബ്ലാക്ക് ഫംഗസിനെ പകർച്ചവ്യാധികളുടെ പട്ടികയിൽപ്പെടുത്താൻ കേന്ദ്രം സംസ്ഥാനങ്ങൾക്ക് നിർദേശം നൽകിയിരുന്നു. രാജ്യത്തെ പത്തിലധികം സംസ്ഥാനങ്ങളിൽ ബ്ലാക്ക് ഫംഗസ്…

  പരിസ്ഥിതി പ്രവർത്തകനും ചിപ്‌കോ പ്രസ്ഥാനത്തിന്റെ നേതാവുമായിരുന്ന സുന്ദർലാൽ ബഹുഗുണ അന്തരിച്ചു. 94 വയസ്സായിരുന്നു. കൊവിഡ് ബാധിച്ച് ഋഷികേശ് എയിംസിൽ ചികിത്സയിലിരിക്കെയാണ് മരണം സംഭവിച്ചത്. പരിസ്ഥിതി സംരക്ഷണത്തിനായി പോരാട്ടം നയിച്ച സുന്ദർലാൽ ബഹുഗുണക്ക് രാജ്യം പത്മഭൂഷൺ നൽകി ആദരിച്ചിട്ടുണ്ട്. പരിസ്ഥിതി സംരക്ഷണത്തിനായുള്ള ചിപ്‌കോ പ്രസ്ഥാനത്തിന്റെ നേതാവ് എന്ന നിലയിൽ അന്താരാഷ്ട്രതലത്തിൽ തന്നെ അദ്ദേഹം ശ്രദ്ധിക്കപ്പെട്ടു ഹിമാലയത്തിലെ വനങ്ങളുടെ സംരക്ഷണത്തിനായാണ് സുന്ദർലാൽ ബഹുഗുണ വർഷങ്ങളായി പോരാടിയത്. വനനശീകരണം, വലിയ അണക്കെട്ടുകൾ, ഖനനം എന്നിവക്കെതിരെ രാജ്യത്തുടനീളം അദ്ദേഹം പ്രക്ഷോഭ പരിപാടികൾ…

  വലിയ ആശ്വാസമായി രാജ്യത്ത് കൊവിഡ് വ്യാപനത്തിൽ കുറവ്. 24 മണിക്കൂറിനിടെ 2,59,591 പേർക്ക് കൂടി കൊവിഡ് സ്ഥിരീകരിച്ചു. ഇതോടെ രാജ്യത്തെ ആകെ രോഗബാധിതരുടെ എണ്ണം 2,60,31,991 ആയി 4209 പേരാണ് 24 മണിക്കൂറിനിടെ കൊവിഡ് ബാധിച്ച് മരിച്ചത്. 3,57,295 പേർ രോഗമുക്തരായി. ഇതിനോടകം 2,27,12,735 പേർ രോഗമുക്തരായി. 2,91,331 പേരാണ് ഇതിനോടകം കൊവിഡ് ബാധിച്ച് മരിച്ചത്. നലവിൽ 30,27,925 പേരാണ് ചികിത്സയിൽ കഴിയുന്നത്. രാജ്യത്ത് ഇതിനോടകം 19,18,79,503 പേർക്ക് വാക്‌സിൻ നൽകിയതായും കേന്ദ്ര ആരോഗ്യമന്ത്രാലയം അറിയിച്ചു.

  മഹാരാഷ്ട്രയിൽ പോലീസുമായുള്ള ഏറ്റുമുട്ടലിൽ 13 മാവോയിസ്റ്റുകൾ കൊല്ലപ്പെട്ടു. കിഴക്കൻ വിദർഭയിലെ ഗാഡ്ചിറോളിയിൽ കോത്മി വനമേഖലയിലാണ് സംഭവം. വെള്ളിയാഴ്ച പുലർച്ചെയാണ് ഏറ്റുമുട്ടൽ നടന്നത്. മാവോയിസ്റ്റുകളുടെ കസൻസൂർ ദളം ഗ്രാമീണരുടെ യോഗം വിളിച്ചതായുള്ള രഹസ്യ വിവരം ലഭിച്ചതോടെ പോലീസ് സ്ഥലത്തെത്തുകയായിരുന്നു. മേഖലയിൽ തെരച്ചിൽ തുടരുകയാണെന്നും ഡിഐജി സന്ദീപ് പാട്ടീൽ അറിയിച്ചു.