ധർമടത്ത് മുഖ്യമന്ത്രി പിണറായി വിജയനെതിരെ മത്സരിക്കണമെന്ന് കെ സുധാകരന് ഹൈക്കമാൻഡിന്റെ നിർദേശം. മുഖ്യമന്ത്രിക്കെതിരെ ശക്തനായ സ്ഥാനാർഥി എന്ന നിലയ്ക്കാണ് കെ സുധാകരന്റെ പേര് ഹൈക്കമാൻഡ് നിർദേശിച്ചത്. ഇതുസംബന്ധിച്ച പ്രഖ്യാപനം ഉടനുണ്ടാകും ഇന്ന് രാവിലെ കെപിസിസിയും ഈ ആവശ്യമുന്നയിച്ചിരുന്നു. സുധാകരൻ ധർമടത്ത് മത്സരിക്കണമെന്നാണ് പാർട്ടിയുടെ താത്പര്യമെന്ന് കെപിസിസി അധ്യക്ഷൻ മുല്ലപ്പള്ളി രാമചന്ദ്രൻ പറഞ്ഞിരുന്നു. മത്സരിക്കാനില്ലെന്ന നിലപാട് ആദ്യം സ്വീകരിച്ചിരുന്ന സുധാകരൻ പിന്നീട് നിലപാട് മയപ്പെടുത്തുകയും ചെയ്തു. ഒരു മണിക്കൂറിനുള്ളിൽ തീരുമാനം അറിയിക്കാമെന്നാണ് സുധാകരൻ പറഞ്ഞിരിക്കുന്നത്.

ധർമടത്ത് മത്സരിക്കുന്നത് സംബന്ധിച്ച് ഒരു മണിക്കൂറിനുള്ളിൽ തീരുമാനമെടുക്കുമെന്ന് കെ സുധാകരൻ എംപി. പ്രവർത്തകരോടും മറ്റും ആലോചിച്ച ശേഷം തീരുമാനം അറിയിക്കാമെന്ന് സുധാകരൻ പറഞ്ഞു ധർമടത്ത് പിണറായി വിജയനെതിരെ സുധാകരൻ മത്സരിക്കണമെന്നാണ് പാർട്ടിയുടെ ആഗ്രഹമെന്ന് കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ പറഞ്ഞു. സുധാകരന്റെ സമ്മതത്തിനായി കാത്തിരിക്കുകയാണെന്നും മുല്ലപ്പള്ളി വ്യക്തമാക്കി

ഇടതുമുന്നണിയിൽ ജനം വലിയ തോതിൽ പ്രതീക്ഷയും വിശ്വാസവും പുലർത്തുന്നതായി മുഖ്യമന്ത്രി പിണറായി വിജയൻ. എൽഡിഎഫിന്റെ ജനപിന്തുണ വർധിച്ചു. വികസനം മുന്നോട്ടു പോകണമെന്നാണ് ജനം ആഗ്രഹിക്കുന്നത്. കേരളത്തിൽ പുരോഗതിയുണ്ടാകില്ലെന്ന പഴയ ധാരണ ഇടതുസർക്കാരിന് മാറ്റാനായി വികസന കാര്യങ്ങളിൽ പ്രതിപക്ഷം കടുത്ത നിരാശയിലാണ്. എവിടെ വികസനമെന്ന ചോദ്യം തന്നെ നിരാശയിൽ നിന്നാണ്. അനാവശ്യമായ കോലാഹലങ്ങളുണ്ടാക്കി ജനശ്രദ്ധ മാറ്റാനാണ് ഇവരുടെ ശ്രമം. സാമൂഹിക നീതിയിൽ അധിഷ്ഠിതമായ വികസനമാണ് നടപ്പാക്കിയത്. പ്രളയം അടക്കമുള്ള പ്രതിസന്ധികളെ അവസരമാക്കി മാറ്റി നാടിന്റെ വികസനത്തിന് ഉതകുന്ന നടപടികൾ…

ടി പി ചന്ദ്രശേഖരന്റെ ശബ്ദം നിയമസഭയിൽ എത്തിക്കുന്നതിനായാണ് താൻ മത്സരിക്കുന്നെന്ന് വടകരയിലെ യുഡിഎഫ് പിന്തുണയുള്ള ആർഎംപി സ്ഥാനാർഥി കെ കെ രമ. രാജ്യം മുഴുവൻ കോൺഗ്രസുമായി സഖ്യമുള്ള ഇടതുപക്ഷത്തിന് കേരളത്തിൽ മാത്രം കോൺഗ്രസിനെ വിമർശിക്കാൻ അർഹതയില്ല വടകരയിൽ പുതിയ ചരിത്രം കുറിക്കും. അഖിലേന്ത്യാ അടിസ്ഥാനത്തിൽ വർഗീയ ഫാസിസത്തിനെതിരെ വിശാലമായ മതേതര ജനാധിപത്യ സഖ്യം ഉയർന്നുവരേണ്ട കാലഘട്ടമാണിത്. പിണറായി വിജയന്റെ നേതൃത്വത്തിലുള്ള രാഷ്ട്രീയ ഫാസിസത്തിനെതിരായ എല്ലാ ജനാധിപത്യ മതനിരപേക്ഷ കക്ഷികളുടെയും ഐക്യമുണ്ടാകുന്നതിനാണ് യുഡിഎഫിന്റെ പിന്തുണ സ്വീകരിച്ചതെന്നും ഇവർ പറഞ്ഞു.

കോഴിക്കോട്: കനറാബാങ്ക് വടകര ബ്രാഞ്ചിലും കോഴിക്കോട് ചാലപ്പുറം ബ്രാഞ്ചിലും ഭവന-വാഹന വായ്പ മേള സംഘടിപ്പിക്കുന്നു. പത്തൊമ്പതാം തിയതി വെള്ളിയാഴ്ച രാവിലെ ഒമ്പതു മുതല്‍ വൈകുന്നേരം ആറു വരെ കനറാബാങ്ക് റീട്ടെയില്‍ അസറ്റ് ഹബ്ബിലും (പഴയ സിന്റിക്കേറ്റ് ബാങ്ക്, എടോടി) കോഴിക്കോട് ചാലപ്പുറം കനറാ ബാങ്ക് റീജനൽ ഓഫീസിലുമാണ് (തളി സമൂഹം റോഡ് ചാലപ്പുറം) മേള സംഘടിപ്പിക്കുന്നത്. കനറാബാങ്കിന്റെ ഭവന വായ്പ, വാഹന വായ്പ, മോര്‍ട്ട്‌ഗേജ് ലോണ്‍, മറ്റു ധനകാര്യ സ്ഥാപനങ്ങളില്‍ നിന്നു ഭവന വായ്പ ഏറ്റെടുക്കല്‍, മറ്റു…