മഴയുടെ ശക്തി കുറഞ്ഞ സാഹചര്യത്തിൽ കോഴിക്കോട്, വയനാട് ജില്ലകളിൽ പ്രഖ്യാപിച്ച ഓറഞ്ച് അലർട്ട് പിൻവലിച്ചു. എറണാകുളം മുതൽ കാസർകോട് വരെയുള്ള ജില്ലകളിൽ പാലക്കാട് ഒഴികെ മറ്റെല്ലായിടത്തും യെല്ലോ അലർട്ട് പ്രഖ്യാപിച്ചിട്ടുണ്ട് 50 കിലോമീറ്റർ വേഗതയിൽ വരെ കാറ്റ് വീശാൻ സാധ്യതയുള്ളതിനാൽ മത്സ്യത്തൊഴിലാളികൾ കടലിൽ പോകരുതെന്ന് നിർദേശം നൽകിയിട്ടുണ്ട്. അഞ്ച് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. കൊല്ലം, പത്തനംതിട്ട, ആലപ്പുഴ, കോട്ടയം, എറണാകുളം ജില്ലകളിലാണ് ഓറഞ്ച് അലർട്ട്.

സുൽത്താൻ ബത്തേരി: മാടക്കര പാലാക്കുനിയിൽ മൂരിക്കിടാവിനെ പുലി ആക്രമിച്ചുകൊന്നു. പാലാക്കുനി മൂച്ചിക്കൽ കുഞ്ഞിരാമന്റെ മൂരിക്കിടാവിനെ കൊന്നത്. വീടിനോട് ചേർന്ന് തൊഴുത്തിൽ കെട്ടിയിരുന്ന മൂരിക്കിടാവിനെ ശനിയാഴ്ച പുലർച്ചോടെയാണ് പുലി ആക്രമിച്ചത്. ബഹളം കേട്ട് വീട്ടുകാർ പുറത്തുവന്നതോടെ പുലി ഓടിമറിയുകയായിരുന്നുവെന്ന് കുഞ്ഞിരാമൻ പറഞ്ഞു.കഴിഞ്ഞദിവസങ്ങളിൽ പ്രദേശത്തെ നിരവധി വളർത്തുമൃഗങ്ങളെ പുലി കൊന്നിരുന്നു. സംഭവത്തെ തുടർന്ന വനപാലകർ സ്ഥലത്തെത്തി നടപടികൾ സ്വീകരിച്ചു. പ്രദേശത്ത് രൂക്ഷമവുന്ന പുലി ശല്യത്തിന് ശാശ്വത പരിഹാരം ഉണ്ടാവണമെന്നാണ് നാട്ടുകാരുടെ ആവശ്യം.

സംസ്ഥാനത്ത് കൊവിഡ് ബാധിതരുടെ എണ്ണത്തിൽ വൻ വർധനവ്. ഇന്ന് മാത്രം 195 പേർക്കാണ് സംസ്ഥാനത്ത് കൊവിഡ് സ്ഥിരീകരിച്ചത്. ഇതുവരെയുള്ളതിൽ ഏറ്റവുമുയർന്ന പ്രതിദിന കണക്കാണിത്. അതേസമയം 102 പേർ ഇന്ന് രോഗമുക്തി നേടിയതും ആശ്വാസം നൽകുന്നുണ്ട്. കഴിഞ്ഞ ഒമ്പത് ദിവസമായി സംസ്ഥാനത്ത് നൂറിലധികം രോഗികൾ വെച്ചാണ് ദിനംപ്രതി റിപ്പോർട്ട് ചെയ്യുന്നത്. രോഗികളുടെ എണ്ണം വർധിക്കുന്നതിന് പുറമെ സമ്പർക്കത്തിലൂടെയുള്ള രോഗബാധയിലും വർധനവ് കാണുന്നത് വലിയ ആശങ്കക്ക് വഴിവെക്കുന്നുണ്ട്. ഇന്ന് 15 പേർക്കാണ് സമ്പർക്കത്തിലൂടെ രോഗം ബാധിച്ചത്. ഇതും ഇതുവരെയുള്ളതിലെ ഉയർന്ന…

എസ്എസ്എൽസി ഫലം അറിയാൻ www.result.kite.kerala.gov.in എന്ന പ്രത്യേക വെബ് പോർട്ടൽ വഴിയും ‘സഫലം 2020’ എന്ന മൊബൈൽ ആപ് വഴിയും ഫലമറിയാൻ കേരളാ ഇൻഫ്രാസ്ട്രക്ചർ ആൻറ് ടെക്‌നോളജി ഫോർ എഡ്യൂക്കേഷൻ- കൈറ്റ്, സംവിധാനം ഒരുക്കി. വ്യക്തിഗത റിസൾട്ടിനു പുറമെ സ്‌കൂൾ – വിദ്യാഭ്യാസ ജില്ല – റവന്യൂജില്ലാ തലങ്ങളിലുള്ള റിസൾട്ട് അവലോകനം, വിഷയാധിഷ്ഠിത അവലോകനങ്ങൾ, വിവിധ റിപ്പോർട്ടുകൾ, ഗ്രാഫിക്സുകൾ തുടങ്ങിയവ ഉൾക്കൊള്ളുന്ന പൂർണ്ണമായ വിശകലനം പോർട്ടലിലും മൊബൈൽ ആപ്പിലും ‘റിസൾട്ട് അനാലിസിസ്’ എന്ന ലിങ്ക് വഴി ലോഗിൻ…