കൊവിഡ് വാക്‌സിൻ കുത്തിവെപ്പ് എടുക്കാൻ ആഗ്രഹിക്കുന്ന 18 വയസ്സിന് മുകളിൽ പ്രായമുള്ളവർക്കായുള്ള രജിസ്‌ട്രേഷൻ ഏപ്രിൽ 24 ശനിയാഴ്ച മുതൽ ആരംഭിക്കുമെന്ന് കേന്ദ്ര ആരോഗ്യമന്ത്രാലയം അറിയിച്ചു. കൊവിൻ ആപ്പ് മുഖേനയാണ് രജിസ്‌ട്രേഷൻ നടത്തേണ്ടത് കൊവാക്‌സിൻ, കൊവിഷീൽഡ്, എന്നിവ കൂടാതെ റഷ്യൻ വാക്‌സിനായ സ്പുട്‌നിക് വിയും വാക്‌സിനേഷൻ കേന്ദ്രങ്ങളിലുണ്ടാകും. മെയ് 1 മുതലാണ് പതിനെട്ട് വയസ്സിന് മുകളിലുള്ളവർക്ക് വാക്‌സിൻ നൽകി തുടങ്ങുക. കൊവിഷീൽഡ് വാക്‌സിൻ സംസ്ഥാന സർക്കാരുകൾക്ക് ഡോസിന് 400 രൂപയ്ക്കും സ്വകാര്യ ആശുപത്രികൾക്ക് 600 രൂപയ്ക്കുമാണ് നൽകുക.

കണ്ണൂർ സെൻട്രൽ ജയിലിൽ മോഷണം. കോമ്പൗണ്ടിനകത്താണ് മോഷണം നടന്നത്. 1,92,000 രൂപയാണ് മോഷണം പോയത്. ജയിൽ കോമ്പൗണ്ടിലെ ഫുഡ് കൗണ്ടറിൽ നിന്നാണ് പണം നഷ്ടപ്പെട്ടത് ജയിൽ പരിസരവുമായി ബന്ധമുള്ള ആളാണ് മോഷണം നടത്തിയതെന്നാണ് സംശയിക്കുന്നത്. കണ്ണൂർ ടൗൺ പോലീസ് കേസെടുത്ത് അന്വേഷണം തുടങ്ങി.  

  കൊച്ചി വൈഗ കൊലപാതക കേസിൽ സനു മോഹൻ കോയമ്പത്തൂരിൽ വിറ്റ കാറും വൈഗയുടെ ദേഹത്ത് നിന്ന് അഴിച്ചെടുത്ത സ്വർണവും അന്വേഷണ സംഘം കണ്ടെത്തി. സനുമോഹനുമായി നടത്തിയ തെളിവെടുപ്പിലാണ് ഇവ കണ്ടെത്തിയത്. വൈഗയെ പുഴയിൽ തള്ളിയ ശേഷം സനു മോഹൻ സഞ്ചരിച്ച വഴികളിലൂടെയാണ് അന്വേഷണ സംഘവും സഞ്ചരിച്ചത്. മൂന്ന് ലക്ഷം രൂപയ്ക്കാണ് കാർ വിൽപ്പന ഉറപ്പിച്ചത്. അഡ്വാൻസായി 50,000 രൂപ നൽകി. മറ്റ് രേഖകൾ നൽകിയ ശേഷം ബാക്കി തുക നൽകാമെന്നായിരുന്നു കരാർ കാറിന്റെ സിസി അടച്ചു…

  കൊച്ചി: ഹൈക്കോടതി ജഡ്ജിമാർക്ക് കൊറോണ സ്ഥിരീകരിച്ചു. ജസ്റ്റിസ് പി. ഗോപിനാഥ്, ജസ്റ്റിസ് സിയാദ് റഹ്മാൻ എന്നിവർക്കാണ് രോഗം സ്ഥിരീകരിച്ചത്. ബുധനാഴ്ച പുറത്തുവന്ന പരിശോധനാ ഫലത്തിലാണ് ഇരുവർക്കും രോഗം സ്ഥിരീകരിച്ചിരിച്ചത്. നിലവിൽ കോടതി മധ്യവേനൽ അവധിക്കായി അടച്ചിരിക്കുകയാണ്. ചൊവ്വ, വെള്ളി ദിവസങ്ങളിൽ ഏതാനും ജഡ്ജിമാരുടെ അവധിക്കാല സിറ്റിങ് മാത്രമാണുള്ളത്. അതിനാൽ ആശങ്കപ്പെടേണ്ട സാഹചര്യമില്ലെന്നാണ് വിലയിരുത്തൽ. മകൾക്ക് കൊറോണ സ്ഥിരീകരിച്ചതിനാൽ മറ്റൊരു ജഡ്ജി നിരീക്ഷണത്തിലാണ്.

  അനധികൃത സ്വത്ത് സമ്പാദന കേസിൽ മുസ്ലിം ലീഗ് നേതാവ് കെ എം ഷാജിയുടെ വീട്ടിൽ നിന്നും പിടിച്ചെടുത്ത അരക്കോടിയോളം രൂപയുടെ രേഖകൾ ഇതുവരെ ഹാജരാക്കിയിട്ടില്ല. രേഖകൾ തന്റെ പക്കലുണ്ടെന്നായിരുന്നു കെ എം ഷാജി മാധ്യമങ്ങളുടെ മുന്നിൽ അവകാശപ്പെട്ടത്. എന്നാൽ ദിവസങ്ങൾ കഴിഞ്ഞിട്ടും രേഖകൾ ഹാജരാക്കാൻ മുസ്ലിം ലീഗ് നേതാവിന് കഴിഞ്ഞിട്ടില്ല രേഖകൾ അടുത്ത ദിവസം ഹാജരാക്കുമെന്നാണ് മുസ്ലിം ലീഗ് നേതാവായ കെഎം ഷാജി ഇന്ന് പ്രതികരിച്ചത്. ദിവസ പരിധി സാങ്കേതികം മാത്രമാണെന്നും മുസ്ലിം ലീഗ് നേതാവ്…

  കൊവിഡ് പരിശോധനാ ഫലം വന്നതിന് പിന്നാലെ യുവാവിനെ തൂങ്ങിമരിച്ച നിലയിൽ കണ്ടെത്തി. എറണാകുളം മുളവുകാട് സ്വദേശി വിജയനാണ് മരിച്ചത്. കൊവിഡ് പരിശോധനാ ഫലം വന്നതിന് പിന്നാലെ ഇയാളെ കാണാതായിരുന്നു. പിന്നീടാണ് ഗോശ്രീ പാലത്തിൽ തൂങ്ങിമരിച്ച നിലയിൽ കണ്ടെത്തിയത്.