സ്വർണക്കടത്ത് ക്വട്ടേഷൻ കേസിൽ ടിപി കേസ് പ്രതികൾക്കും പങ്കുണ്ടെന്ന് വ്യക്തമാക്കി അർജുൻ ആയങ്കിയുടെ മൊഴി. കൊടി സുനിയും മുഹമ്മദ് ഷാഫിയും സ്വർണം തട്ടിയെടുക്കാൻ സഹായിച്ചുവെന്നാണ് അർജുൻ മൊഴി നൽകിയത്. ഇതിന് ഇവർക്ക് പ്രതിഫലം നൽകിയെന്നും അർജുൻ സമ്മതിച്ചു ടിപി കേസിൽ ജയിലിൽ കഴിയുന്ന കൊടി സുനിയാണ് സ്വർണക്കടത്ത് ക്വട്ടേഷൻ ടീമിനെ നിയന്ത്രിക്കുന്നതെന്ന് വ്യക്തമാക്കുന്ന ശബ്ദസന്ദേശം നേരത്തെ പുറത്തുവന്നിരുന്നു. തട്ടിയെടുക്കുന്ന സ്വർണത്തിന്റെ ഒരു പങ്ക് കൊടി സുനിക്കും ടീമിനും നൽകണമെന്നതായിരുന്നു കരാർ. കൊടി സുനിയുടെ സംരക്ഷണത്തിലാണ് അർജുൻ…

  പാലക്കാട് ഉപ്പുകുളത്ത് റബ്ബർ ടാപ്പിംഗ് തൊഴിലാളിയായ യുവാവിന് നേരെ കടുവയുടെ ആക്രമണം. പരുക്കേറ്റ വെള്ളേങ്ങര മുഹമ്മദിന്റെ മകനായ ഹുസൈന് നേർക്കാണ് ആക്രമണമുണ്ടായത്. പരുക്കേറ്റ യുവാവിനെ ആശുപത്രിയിൽ പ്രവേശിപ്പിച്ചു ഇന്ന് രാവിലെ എട്ട് മണിയോടെയാണ് സംഭവം. ഹുസൈനൊപ്പമുണ്ടായിരുന്നവർ ശബ്ദമുണ്ടാക്കിയതോടെ കടുവ പിൻവാങ്ങുകയായിരുന്നു.

  എറണാകുളം ഉദയംപേരൂരിൽ അച്ഛൻ മകനെ കുത്തിക്കൊന്നു. എംഎൽഎ റോഡിലെ ഞാറ്റിയിൽ സന്തോഷാണ് കൊല്ലപ്പെട്ടത്. ഇയാളുടെ പിതാവ് സോമനെ പോലീസ് കസ്റ്റഡിയിലെടുത്തു. അർബുദ രോഗിയാണ് സോമൻ സന്തോഷ് സ്ഥിരമായി മദ്യപിച്ച് എത്തി മർദിക്കുന്നതിനാൽ കുറേ നാളായി സോമൻ മകളുടെ വീട്ടിലായിരുന്നു. അടുത്തിടെയാണ് സോമൻ തിരികെ എത്തിയത്. ഇവർ മാത്രമായിരുന്നു വീട്ടിൽ താമസിച്ചിരുന്നത്. ഇന്നലെ ഉച്ചയോടെ മദ്യപിച്ചെത്തിയ സന്തോഷ് തന്നെ മർദിച്ചതായി സോമൻ പറയുന്നു. രാത്രി 12 മണിയോടെ സോമൻ സന്തോഷിനെ കത്തിയെടുത്ത് കുത്തുകയായിരുന്നു. കരച്ചിൽ കേട്ട് അയൽവാസികൾ…

  കരിപ്പൂർ സ്വർണക്കടത്ത് കേസിൽ അർജുൻ ആയങ്കിയെ തെളിവെടുപ്പിനായി കസ്റ്റംസ് സംഘം കണ്ണൂരിലേക്ക് കൊണ്ടുപോയി. അർജുന്റെ അഴീക്കോട്ടെ വീട്ടിലടക്കം കസ്റ്റംസ് സംഘം തെളിവെടുപ്പ് നടത്തും. പുലർച്ചെ മൂന്നരയോടെയാണ് കസ്റ്റംസ് കണ്ണൂരിലേക്ക് തിരിച്ചത് ഈ മാസം 6 വരെയാണ് അർജുനെ കസ്റ്റംസ് കസ്റ്റഡിയിൽ വിട്ടത്. ഇതിന് മുമ്പായി തെളിവെടുപ്പ് പൂർത്തിയാക്കാനാണ് അന്വേഷണ സംഘത്തിന്റെ ശ്രമം. അർജുൻ ആയങ്കി, മുഹമ്മദ് ഷഫീഖ് എന്നിവരാണ് കസ്റ്റംസിന്റെ കസ്റ്റഡിയിലുള്ളത്.

  തൃശ്ശൂരിൽ അഭിഭാഷകനെ ഓഫീസിൽ കയറി പെട്രോൾ ഒഴിച്ച് തീ കൊളുത്തി കൊല്ലാൻ ശ്രമം. ക്രിമിനൽ അഭിഭാഷകൻ പി കെ സുരേഷ് ബാബുവിന് നേരെയാണ് ആക്രമണം. അയ്യന്തോളിയിൽ കോടതിക്ക് സമീപത്തുള്ള ഓഫീസിലെത്തിയാണ് ആക്രമണം നടന്നത്. പെട്രോൾ ഒഴിച്ചതിന് പിന്നാലെ തീ കൊളുത്താൻ ശ്രമിക്കുന്നതിനിടയിൽ അഭിഭാഷകൻ ഇറങ്ങിയോടുകയായിരുന്നു. ആക്രമണത്തിന് പിന്നിൽ ഗൂഢാലോചനയുണ്ടെന്നും ചാലക്കുടി സ്വദേശി രാധാകൃഷ്ണനാണ് പിന്നിലെന്നും പി കെ സുരേഷ്ബാബു പറഞ്ഞു. സംഭവത്തിൽ തൃശ്ശൂർ വെസ്റ്റ് പോലീസ് കേസെടുത്ത് അന്വേഷണം തുടങ്ങി.

  തൃശൂർ: ഇന്ത്യയിലെ ആദ്യത്തെ ട്രാന്സ്പരന്റ് മാസ്ക് ബോബി ഗ്രൂപ്പ് ഓഫ് കമ്പനീസ് പുറത്തിറക്കി. തൃശൂരിൽ വച്ചുനടന്ന ചടങ്ങില് ഡോ. ബോബി ചെമ്മണൂർ തൃശൂർ സിറ്റി അസിസ്റ്റന്റ് പോലീസ് കമ്മീഷണർ പി ജെ ബേബിക്ക് നല്കിക്കൊണ്ട് മാസ്ക് പുറത്തിറക്കി. ജീവകാരുണ്യ പ്രവര്ത്തനങ്ങളുടെ ഭാഗമായി ബോബി ഫാന്സ് ആപ്പിലൂടെ ആവശ്യപ്പെടുന്നവർക്ക് സൗജന്യമായി മാസ്ക് ലഭ്യമാക്കും. എന്നാൽ സാമ്പത്തിക ബുദ്ധിമുട്ടില്ലാത്തവർക്ക് മാസ്ക് പണം കൊടുത്ത് വാങ്ങാവുന്നതാണ്. അങ്ങനെ ലഭിക്കുന്ന ലാഭം മാസ്കിന്റെ ഉല്പ്പാദനച്ചെലവുകൾക്ക് ഉപയോഗിക്കുന്നതാണ്. മാസ്കുകളുടെ ശ്രേണിയിലെ ഏറ്റവും പുതിയ…