സംസ്ഥാനത്ത് സ്വർണവില കുറഞ്ഞു. പവന് ഇന്ന് 120 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 35,560 രൂപയായി. ഗ്രാമിന് 15 രൂപ കുറഞ്ഞ് 4445 രൂപയിലെത്തി. ആഗോളവിപണിയിൽ സ്പോട്ട് ഗോൾഡ് ഔൺസിന് 1777.93 ഡോളറായി. ദേശീയവിപണിയിൽ പത്ത് ഗ്രാം തനി തങ്കത്തിന് 47,456 രൂപയായി.
കൊവിഡിനെതിരായ പോരാട്ടത്തിൽ ഇന്ത്യക്ക് പൂർണ പിന്തുണ അറിയിച്ച് അമേരിക്കൻ പ്രസിഡന്റ് ജോ ബൈഡൻ. അവശ്യഘട്ടത്തിൽ ഇന്ത്യ തങ്ങൾക്കൊപ്പമുണ്ടായിരുന്നു. അതിനാൽ ഈ ഘട്ടത്തിൽ ഇന്ത്യക്കൊപ്പം ഞങ്ങളുമുണ്ടാകും എന്നായിരുന്നു ബൈഡന്റെ ട്വീറ്റ്. ഇന്ത്യയിലേക്ക് വൈദ്യസഹായം എത്തിക്കുന്നതിനായി യുദ്ധകാലാടിസ്ഥാനത്തിൽ പ്രവർത്തിക്കുകയാണെന്ന് പെന്റഗണും അറിയിച്ചു. ഓക്സിജൻ ഉപകരണങ്ങൾ, ദ്രുതപരിശോധനാ കിറ്റുകൾ എന്നിവയടങ്ങിയ അമേരിക്കൻ വൈദ്യസഹായം അടുത്ത ദിവസങ്ങൾക്കുള്ളിൽ തന്നെ ഇന്ത്യയിലെത്തുമെന്നും യുഎസ് വ്യക്തമാക്കി ഞങ്ങളുടെ അധികാരപരിധിക്കുള്ളിൽ നിന്നുകൊണ്ട് നൽകാവുന്ന ഏതൊരു പിന്തുണയും ഇന്ത്യക്ക് നൽകുന്നുണ്ട്. മുന്നോട്ടുള്ള ദിവസങ്ങളിലും കൂട്ടായ പരിശ്രമങ്ങൾ പരസ്പരം…
യുഎപിഎ ചുമത്തി ഉത്തർപ്രദേശിൽ അറസ്റ്റിലായ സിദ്ധിഖ് കാപ്പന് അടിയന്തര ചികിത്സ ഉറപ്പാക്കാൻ ഇടപെടണമെന്ന ഹർജി സുപ്രീം കോടതി ഇന്ന് പരിഗണിക്കും. കൊവിഡ് സ്ഥിരീകരിച്ച സിദ്ധിഖ് കാപ്പനെ മഥുരയിലെ ആശുപത്രിയിൽ പ്രവേശിപ്പിച്ചിരിക്കുകയാണ്. ഇയാളെ ഡൽഹിയിലേക്ക് മാറ്റണമെന്നാണ് ഹർജിയിലെ ആവശ്യം സിദ്ധിഖിന്റെ ഭാര്യയും പത്രപ്രവർത്തക യൂനിയൻ ഡൽഹി ഘടകവുമാണ് സുപ്രീം കോടതിയെ സമീപിച്ചത്. സിദ്ധിഖ് കാപ്പനെ ഡൽഹിയിലേക്ക് മാറ്റണമെന്നാവശ്യപ്പെട്ട് മുഖ്യമന്ത്രി പിണറായി വിജയൻ നേരത്തെ യുപി മുഖ്യമന്ത്രി യോഗി ആദിത്യനാഥിനോട് ആവശ്യപ്പെട്ടിരുന്നു.
പാനൂർ മൻസൂർ വധക്കേസ് പ്രതിയുടെ വീട് തീയിട്ട് നശിപ്പിച്ചു. പി പി ജാബിറിന്റെ വീടാണ് തീയിട്ടത്. ചൊവ്വാഴ്ച പുലർച്ചെ ഒന്നരയോടെയാണ് സംഭവം. സിപിഎം ലോക്കൽ കമ്മിറ്റി അംഗമാണ് ജാബിർ. മൻസൂർ വധക്കേസിലെ പത്താം പ്രതിയാണ് വീടിന്റെ ഒരു ഭാഗം കത്തിനശിച്ചു. പോർച്ചിൽ നിർത്തിയിട്ടിരുന്ന നാനോ കാറും സ്കൂട്ടറും കത്തിനശിച്ചിട്ടുണ്ട്. പോലീസും ഫയർ ഫോഴ്സും എത്തിയാണ് തീ അണച്ചത്.
കൊവിഡ് പ്രതിരോധ വാക്സിനുകളായ കൊവിഷീൽഡിന്റെയും കൊവാക്സിന്റെയും വില കുറയ്ക്കണമെന്ന് മരുന്ന് നിർമാണ കമ്പനികളായ സെറം ഇൻസ്റ്റിറ്റ്യൂട്ടിനോടും ഭാരത് ബയോ ടെക്കിനോടും കേന്ദ്രസർക്കാർ ആവശ്യപ്പെട്ടു. മെയ് 1 മുതൽ 18 വയസ്സിന് മുകളിൽ പ്രായമുള്ള എല്ലാവർക്കും വാക്സിൻ നൽകാൻ തീരുമാനിച്ച സാഹചര്യത്തിലാണ് ആവശ്യമുന്നയിച്ചത് അന്താരാഷ്ട്ര വിലയേക്കാൾ കൂടുതൽ വിലയ്ക്കാണ് സംസ്ഥാനങ്ങൾക്ക് ഇവർ വാക്സിൻ നൽകുന്നത്. ഇതിനായുള്ള സ്വാതന്ത്ര്യം മോദി സർക്കാർ മരുന്ന് കമ്പനികൾക്ക് നൽകുകയും ചെയ്തിരുന്നു. ജനങ്ങളെ തലയ്ക്കടിക്കുന്ന പരിപാടിക്കെതിരെ രൂക്ഷ വിമർശനമുയർന്ന സാഹചര്യത്തിലാണ് മോദി സർക്കാർ…
കേരളത്തിലും മെഡിക്കൽ ഓക്സിജന്റെ ആവശ്യമുയരുന്നു. ദിനംപ്രതി രണ്ട് ടണ്ണാണ് അധികമായി വേണ്ടത്. കഴിഞ്ഞാഴ്ച വരെ ദിവസേന 76-86 ടൺ ഓക്സിജൻ മതിയായിരുന്നു. ഇപ്പോഴത് 95 ടണ്ണായി. ഏപ്രിൽ 30 ആകുമ്പോഴേക്കും 103.51 ടൺ ഓക്സിജൻ വേണ്ടി വരുമെന്നാണ് പ്രതീക്ഷിക്കുന്നത് തുടക്കത്തിൽ കൊവിഡ് ആവശ്യത്തിന് ദിവസേന 30-35 മെട്രിക് ടൺ മതിയായിരന്നു. ഇപ്പോൾ 50 ആയി ഉയർന്നു. കൊവിഡിതര ആവശ്യം ദിവസേന 45 ടണ്ണാണ്. ഏപ്രിൽ 24ന് സംസ്ഥാനത്ത് ഉപയോഗിച്ചത് 95 ടൺ ഓക്സിജനാണ്. കേരളത്തിലെ ആശുപത്രികളിൽ…
തിരുവനന്തപുരം: കോവിഡ് വ്യാപനം അതിരൂക്ഷമായ സാഹചര്യത്തിൽ ഇനി ഒരു അറിയിപ്പ് ഉണ്ടാകുന്നതു വരെ സംസ്ഥാനത്തെ ബാറുകളും ബിവറേജ് ഔട്ട് ലെറ്റുകളും തുറന്നു പ്രവര്ത്തിക്കുന്നതല്ല. ഇത് സംബന്ധിച്ച ഉത്തരവ് പുറത്തിറങ്ങി. ചീഫ് സെക്രട്ടറി വി പി ജോയി ആണ് ഉത്തരവ് പുറത്തിറക്കിയത്. സിനിമ തിയേറ്ററുകള്, ഷോപ്പിംഗ് മാളുകള്, ജിംനേഷ്യം, വിനോദപാര്ക്ക്, സ്പോര്ട്സ് കോംപ്ലക്സ്, നീന്തല്കുളങ്ങള്, ബാറുകള് എന്നിവയുടെ പ്രവര്ത്തനം തത്കാലം നിര്ത്തിവെക്കാന് സര്വകക്ഷിയോഗത്തില് തീരുമാനമായെന്ന് മുഖ്യമന്ത്രി വാർത്താ സമ്മേളത്തിൽ അറിയിച്ചിരുന്നു. ഇതിനു പിന്നാലെയാണ് ബാറുകളും ബിവറേജ് ഔട്ട്ലെറ്റുകളും അടക്കാന്…
തിരുവനന്തപുരം: റമദാനിൽ പള്ളികളിലെ ആരാധനാകർമ്മങ്ങളിൽ അമ്പത് പേർ മാത്രം മതിയെന്ന് മുഖ്യമന്ത്രി പിണറായി വിജയൻ. ചെറിയ പള്ളികളിൽ എണ്ണം കുറയ്ക്കണമെന്നും അദ്ദേഹം ആവശ്യപ്പെട്ടു. കോവിഡ് അവലോകന യോഗത്തിന് ശേഷമുള്ള വാർത്താ സമ്മേളനത്തിൽ സംസാരിക്കുകയായിരുന്നു അദ്ദേഹം. മരണാനന്തര ചടങ്ങുകൾക്ക് 20 പേർ മാത്രം മതി. വിവാഹത്തിന് അമ്പത് പേർ മാത്രം. മദ്യശാലകൾ അടയ്ക്കും. സ്വകാര്യ സ്ഥാപനങ്ങൾ റൊട്ടേഷൻ അടിസ്ഥാനത്തിലാക്കും. തിയേറ്ററും ഷോപ്പിങ് മാളും അടച്ചിടും. സർക്കാർ ഓഫീസുകളിൽ അമ്പത് ശതമാനം മാത്രം ഹാജർ. ക്ലാസുകൾ മുഴുവനായും ഓൺലൈനാക്കി മാറ്റണമെന്നും…
ന്യൂഡൽഹി: രാജ്യത്ത് കേരളമടക്കം എട്ട് സംസ്ഥാനങ്ങളിലെ കൊവിഡ് വ്യാപനം ആശങ്കപ്പെടുത്തുന്നതെന്ന് കേന്ദ്ര ആരോഗ്യ മന്ത്രാലയം. വൈറസ് മാരകമായതിനാല് തുടക്കത്തിലെ രോഗം തിരിച്ചറിഞ്ഞാല് നല്ലത്. രോഗലക്ഷണം കണ്ടാല് അപ്പോള് തന്നെ സ്വയം നിരീക്ഷണത്തിലേക്ക് മാറണം. അതിനായി പരിശോധന ഫലം വരാന് കാത്തിരിക്കരുത് എന്നും ആരോഗ്യമന്ത്രാലയം ജോയിന്റ് സെക്രട്ടറി ലവ് അഗര്വാള് പറഞ്ഞു. കേരളത്തിലെയും രോഗവ്യാപനം ആശങ്കാ ജനകമാണ്. മഹാരാഷ്ട്ര, ഉത്തര്പ്രദേശ്, കര്ണാടക,രാജസ്ഥാന്. ഛത്തീസ്ഗഡ്, ഗുജറാത്ത്, തമിഴ്നാട് എന്നിവയാണ് ആശങ്ക വര്ധിപ്പിക്കുന്ന മറ്റ് സംസ്ഥാനങ്ങള്. ഒരു ലക്ഷത്തിലധികം പേര് ഇവിടങ്ങളിലൊക്കെ…
കോവിഡ് വ്യാപനത്തിന്റെ പശ്ചാത്തലത്തില് ഐപിഎല് മാറ്റിവെയ്ക്കുമോയെന്ന ചോദ്യങ്ങളോട് പ്രതികരിച്ച് ബിസിസിഐ. ഐപിഎല് മാറ്റിവെയ്ക്കുന്ന കാര്യം പരിഗണനയില് ഇല്ലെന്ന് ബിസിസിഐ അധികൃതര് അറിയിച്ചതായി ദേശീയ മാധ്യമങ്ങള് റിപ്പോര്ട്ട് ചെയ്യുന്നു. കോവിഡ് വ്യാപനത്തിനിടെ കോടികള് ചെലവിട്ട് നടത്തുന്ന ഐപിഎല് മത്സരങ്ങള്ക്കെതിരെ വിമര്ശനം ഉയര്ന്നതിന് പിന്നാലെയാണ് ബിസിസിഐ നിലപാട് വ്യക്തമാക്കിയിരിക്കുന്നത്. ഐപിഎല് നിലവില് നടക്കുന്നതുപോലെ തന്നെ മുന്നോട്ടുപോകുമെന്നും ആരെങ്കിലും ടൂര്ണമെന്റില് നിന്ന് വിട്ടുനില്ക്കാന് ആഗ്രഹിക്കുന്നുണ്ടെങ്കില് അത് നല്ലതാണെന്നും ബിസിസിഐയിലെ മുതിര്ന്ന ഉദ്യോഗസ്ഥന് അറിയിച്ചതായാണ് റിപ്പോര്ട്ട്. നേരത്തെ, ഇന്ത്യന് താരം രവിചന്ദ്രന് അശ്വിനും…