കാസര്‍ഗോഡ്: കാസര്‍ഗോഡ് ഫൈബര്‍ തോണി മറിഞ്ഞ് അപകടം. കീഴൂര്‍ കടപ്പുറം ഹാര്‍ബറിലുണ്ടായ അപകടത്തില്‍ മൂന്ന് മത്സ്യത്തൊഴിലാളികളെ കാണാതായി. കാണാതായവര്‍ക്ക് വേണ്ടിയുള്ള തെരച്ചില്‍ പുരോഗമിക്കുകയാണ്. അപകട സമയം ഫൈബര്‍ തോണിയില്‍ ഏഴ് പേരാണ് ഉണ്ടായിരുന്നത്. ഇതില്‍ സന്ദീപ്, രതീഷ്, കാര്‍ത്തിക് എന്നിവരെയാണ് കാണാതായത്. മണിക്കുട്ടന്‍, രവി, ശശി, ഷിബിന്‍ എന്നിവര്‍ നീന്തി രക്ഷപ്പെട്ടു. തീരദേശ പോലീസും നാട്ടുകാരും ചേര്‍ന്നാണ് കാണാതായവര്‍ക്ക് വേണ്ടിയുള്ള തെരച്ചിലിന് നേതൃത്വം നല്‍കുന്നത്.

കരിപ്പൂർ സ്വർണക്കടത്ത് കേസിൽ പ്രതികളായ അർജുൻ ആയങ്കിയെയും മുഹമ്മദ് ഷഫീക്കിനെയും ഇന്നും ചോദ്യം ചെയ്യും. കണ്ണൂരിലെ തെളിവെടുപ്പിന് ശേഷം അർജുനെ ഇന്ന് കസ്റ്റംസ് സംഘം കൊച്ചിയിലെത്തിക്കും. ഇന്നലെ അർജുൻ ആയങ്കിയുടെ വീട്ടിലും കാർ ആദ്യം ഒളിപ്പിച്ചുവെച്ച സ്ഥലത്തും തെളിവെടുപ്പ് നടത്തിയിരുന്നു അർജുന്റെ വീട്ടിൽ നിന്ന് ലാപ്‌ടോപ്പും നിരവധി രേഖകളും കസ്റ്റംസ് കസ്റ്റഡിയിലെടുത്തിട്ടുണ്ട്. അർജുൻ ആയങ്കിയുടെ ഭാര്യയെ കേസിൽ നാളെ ചോദ്യം ചെയ്യും. കൂടാതെ ടിപി വധക്കേസ് പ്രതി മുഹമ്മദ് ഷാഫിയോടും ചോദ്യം ചെയ്യലിന് ഹാജരാകാൻ കസ്റ്റംസ് നിർദേശിച്ചിട്ടുണ്ട്…

  കൊല്ലം കല്ലുവാതുക്കലിൽ നവജാത ശിശുവിനെ കരിയിലക്കൂട്ടത്തിൽ ഇട്ട് കൊലപ്പെടുത്തിയ സംഭവത്തിൽ പ്രതികരണവുമായി അറസ്റ്റിലായ രേഷ്മയുടെ ഭർത്താവ് വിഷ്ണു. അനന്തു എന്ന കാമുകനെ കുറിച്ച് രേഷ്മ തന്നോട് പറഞ്ഞിരുന്നു. എന്നാൽ ഗ്രീഷ്മയും ആര്യയും ചേർന്ന് ചതിക്കുമെന്ന് സംശയം പോലുമുണ്ടായിരുന്നില്ല അനന്തുവിനെ കുറിച്ച് സൂചന കിട്ടിയിരുന്നു. ആളാരാണെന്ന് മാത്രം മനസ്സിലായില്ല. രേഷ്മയുടെ ഫേസ്ബുക്ക് ചാറ്റിനെ ചൊല്ലി വഴക്ക് പതിവായിരുന്നു. ഗ്രീഷ്മയും ആര്യയും കുഞ്ഞിനെ കൊല്ലാൻ നിർദേശിക്കുമെന്ന് കരുതുന്നില്ല. രേഷ്മയെ ഇനി സ്വീകരിക്കാനാകില്ലെന്നും വിഷ്ണു പറഞ്ഞു.

  രാജ്യത്ത് ഇന്ധനവില ഇന്നും വർധിപ്പിച്ചു. പെട്രോളിന് 35 പൈസയും ഡീസലിന് 29 പൈസയുമാണ് വർധിപ്പിച്ചത്. ഇതോടെ സംസ്ഥാനത്ത് കോഴിക്കോടും പെട്രോൾ വില ലിറ്ററിന് 100 രൂപ കടന്നു പെട്രോളിന് കോഴിക്കോട് 100.6 രൂപയും ഡീസലിന് 94.62 രൂപയുമാണ്. തിരുവനന്തപുരത്ത് പെട്രോൾ വില 101.49 രൂപയും ഡീസലിന് 96.03 രൂപയുമായി. 2020 മാർച്ചിൽ 71 രൂപയുണ്ടായിരുന്ന പെട്രോൾ വിലയിലാണ് ഒരു വർഷത്തിനിടെ 30 രൂപയുടെ വർധനവുണ്ടായിരിക്കുന്നത്.

ഒളവണ്ണ: പുഴയിൽ കാൽ തെന്നി വീണു മൂന്നര വയസ്സുകാരി മരിച്ചു. കയ്യലോട്ട്പറമ്പിൽ മുണ്ടോളി റഹൂഫിൻ്റെ മകൾ ഇസ്സ റഹൂഫ് ആണ് നല്ലളം പൂളക്കടവ് പുഴയിൽ മുങ്ങി മരിച്ചത്. വിടിന് സമീപത്തെ പുഴയിൽ കളിക്കുമ്പോൾ കാൽ വഴുതി പുഴയിൽ വീണ കുട്ടികളിൽ ഒരാളെ നാട്ടുകാർ രക്ഷപെടുത്തി. തുടർന്ന് പരിശോധനയിൽ പുഴയിൽ നിന്ന് കണ്ടെടുത്ത ഇസ റഹൂഫിനെ പന്തിരാങ്കാവിലെ സ്വകാര്യ ആശുപത്രിയിലും തുടർന്ന് മെഡിക്കൽ കോളേജ് ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു. മാതാവ് സിജിന സഹോദരിമാർ: ഇസ്ര സൈനബ്, ഇനാറ ആയിഷ

  സ്വര്‍ണക്കടത്ത് കേസില്‍ അറസ്റ്റിലായ അര്‍ജുന്‍ ആയങ്കി ഒളിവില്‍ കഴിഞ്ഞത് ടിപി വധക്കേസ് പ്രതി മുഹമ്മദ് ഷാഫിക്കൊപ്പമെന്ന് റിപ്പോര്‍ട്ട്. ഇതിന്റെ അടിസ്ഥാനത്തിലാണ് കസ്റ്റംസ് ഇന്ന് മുഹമ്മദ് ഷാഫിയുടെയും കൊടി സുനിയുടെയും വീട്ടില്‍ റെയ്ഡ് നടത്തിയത്. നിലവില്‍ പരോളിലാണ് മുഹമ്മദ് ഷാഫി സ്വര്‍ണക്കടത്ത് ക്വട്ടേഷനില്‍ കൊടി സുനിയുടെ സംഘത്തിന്റെ സഹായം ലഭിച്ചതായി അര്‍ജുന്‍ വെളിപ്പെടുത്തിയിരുന്നു. തട്ടിയെടുക്കുന്ന സ്വര്‍ണത്തിന്റെ ഒരു പങ്ക് സുനിക്കും ഷാഫിക്കും അടങ്ങുന്ന സംഘത്തിന് നല്‍കുമായിരുന്നുവെന്നും അര്‍ജുന്‍ മൊഴി നല്‍കിയിട്ടുണ്ട്. കേസില്‍ നിര്‍ണായക തെളിവായ അര്‍ജുന്റെ ഫോണിനായുള്ള…