ആറൻമുളയിൽ പള്ളിയോടത്തിൽ ഷൂസിട്ട് കയറിയ യുവതിക്കെതിരെ കേസെടുത്തു. തൃശ്ശൂർ ചാലക്കുടി സ്വദേശി നിമിഷ ബിജോയ്‌ക്കെതിരെയാണ് കേസ്. പള്ളിയോട സേവാസംഘം നൽകിയ പരാതിയിലാണ് നടപടി. ബിജെപിയും സംഭവത്തിൽ പരാതി നൽകിയിരുന്നു വ്രതശുദ്ധിയോടു കൂടി മാത്രമാണ് പള്ളിയോടത്തിൽ കയറേണ്ടതെന്നും സ്ത്രീകൾ പള്ളിയോടങ്ങളിൽ കയറാൻ പാടില്ലെന്നുമാണ് സേവാസംഘം പറയുന്നത്. കൂടാതെ പാദരക്ഷകളും ഉപയോഗിക്കാറില്ല. പള്ളിയോടങ്ങൾ സൂക്ഷിക്കുന്നത് നദീതീരത്ത് ചേർന്ന പള്ളിയോടപ്പുരകളിലാണ്. ഇവിടെ പോലും പാദരക്ഷകൾ ആരും ഉപയോഗിക്കാറില്ലെന്നും പരാതിയിൽ പറയുന്നു.

തിരുവനന്തപുരം പൂജപ്പുര സെൻട്രൽ ജയിലിൽ നിന്ന് കൊലക്കേസ് പ്രതി രക്ഷപ്പെട്ടു. തൂത്തുക്കുടി സ്വദേശി ജാഹിർ ഹുസൈനാണ്(48) ജയിൽ ചാടിയത്. 2017ൽ കൊലക്കേസുമായി ബന്ധപ്പെട്ട് ജീവപര്യന്തം തടവിന് ശിക്ഷിക്കപ്പെട്ട ആളാണ് ജാഹിർ ഹുസൈൻ ചൊവ്വാഴ്ച രാവിലെയാണ് ജാഹിർ ജയിൽ ചാടിയ വിവരം അധികൃതർ അറിയുന്നത്. ജയിൽ മതിലിനോട് ചേർന്ന അലക്കു യന്ത്രത്തിലായിരുന്നു ഇയാൾ ജോലി ചെയ്തിരുന്നത്. ഇയാൾക്കായി തെരച്ചിൽ വ്യാപകമാക്കിയിട്ടുണ്ട്.

കോഴിക്കോട് ചാത്തമംഗലത്ത് നിപ ബാധിച്ച് 12 വയസ്സുകാരൻ മരിച്ച സംഭവത്തിൽ രോഗബാധയുടെ ഉറവിടം കുട്ടി കഴിച്ച റമ്പൂട്ടാൻ പഴം തന്നെയാകുമെന്ന നിഗമനത്തിൽ ആരോഗ്യവകുപ്പ്. കുട്ടി റമ്പൂട്ടാൻ കഴിച്ചിരുന്നു. കുട്ടിയുമായി ബന്ധപ്പെട്ട മറ്റുള്ളവരുടെ ഫലം നെഗറ്റീവ് ആയതോടെയാണ് റമ്പൂട്ടാൻ തന്നെയാകും രോഗകാരണമെന്ന നിഗമനത്തിലേക്ക് ബന്ധപ്പെട്ടവർ എത്തിയത്. റമ്പൂട്ടാൻ മരത്തിന് സമീപത്ത് തന്നെ വവ്വാലുകളുടെ വലിയ ആവാസ വ്യവസ്ഥയും കണ്ടെത്തിയിട്ടുണ്ട്. രോഗം വന്നയിടങ്ങളിൽ ഒരു വീട്ടിൽ മുപ്പത് പേർ എന്ന നിലയ്ക്ക് വീട് അടിസ്ഥാനമാക്കിയുള്ള പ്രതിരോധ പ്രവർത്തനങ്ങൾക്ക് തുടക്കമിട്ടിട്ടുണ്ട്. നിപ…

മമ്മൂട്ടിക്ക് എഴുപതാം ജന്മദിനാശംസകൾ നേർന്ന് മുഖ്യമന്ത്രി പിണറായി വിജയൻ. മലയാള സിനിമയുടെ മികവിനെ ദേശാതിർത്തികൾക്കപ്പുറത്ത് പ്രശസ്തമാക്കിയ അതുല്യ പ്രതിഭയാണ് മമ്മൂട്ടിയെന്ന് മുഖ്യമന്ത്രി ഫേസ്ബുക്കിൽ കുറിച്ചു. അദ്ദേഹത്തെ ഫോണിൽ വിളിച്ച് ആശംസകൾ അറിയിച്ചതായും മുഖ്യമന്ത്രി പറഞ്ഞു കുറിപ്പിന്റെ പൂർണരൂപം പ്രിയപ്പെട്ട മമ്മൂട്ടിയ്ക്ക് ജന്മദിനാശംസകൾ. മലയാള സിനിമയുടെ മികവിനെ ദേശാതിർത്തികൾക്ക് അപ്പുറത്ത് പ്രശസ്തമാക്കിയ അതുല്യ പ്രതിഭയാണ് മമ്മൂട്ടി. താരമായല്ല, അഭിനേതാവ് എന്ന നിലയിൽ വിലയിരുത്തപ്പെടണമെന്ന് ആഗ്രഹിക്കുന്ന, കലയോട് അസാധാരണമായ പ്രതിബദ്ധത പുലർത്തുന്ന വ്യക്തിയാണ് അദ്ദേഹം. ജീവിതത്തോടും കലയോടുമുള്ള ഈ നിലപാടാണ്…

പ്രശാന്ത് നായർ ഐഎഎസിനെതിരെ പോലീസ് കേസെടുത്തു. സ്ത്രീത്വത്തെ അപമാനിച്ചുവെന്ന കുറ്റത്തിലാണ് കേസ്. മാതൃഭൂമി റിപ്പോർട്ടർ പ്രവിതയോട് വാട്‌സാപ്പിലൂടെ മോശമായി പെരുമാറിയെന്ന പരാതിയിലാണ് കേസ്. ആഴക്കടൽ കരാർ വിവാദവുമായി ബന്ധപ്പെട്ട വിവരങ്ങൾ ചോദിച്ചപ്പോൾ അശ്ലീല ചുവയുള്ള സ്റ്റിക്കറുകൾ പ്രശാന്ത് അയക്കുകയായിരുന്നു കേരള പത്രപ്രവർത്തക യൂനിയൻ മുഖ്യമന്ത്രിക്ക് നൽകിയ പരാതിയിലാണ് കേസ്. സംഭവം വിവാദമായതിനെ തുടർന്ന് പ്രശാന്ത് അല്ല, താനാണ് മറുപടികൾ അയച്ചതെന്ന് പ്രശാന്തിന്റെ ഭാര്യ ലക്ഷ്മി പറഞ്ഞിരുന്നു. എന്നാൽ ഫോണിൽ വിളിച്ചപ്പോൾ പ്രതികരണമില്ലാത്തതു കൊണ്ടാണ് വാട്‌സാപ്പിൽ സന്ദേശമയച്ചതെന്ന് മാധ്യമപ്രവർത്തക…

സംസ്ഥാനത്തെ സ്‌കൂളുകൾ തുറക്കുന്നത് വൈകുമെന്ന് വിദ്യാഭ്യാസ മന്ത്രി വി. ശിവൻ കുട്ടി. സ്‌കൂൾ തുറക്കുന്ന കാര്യത്തിൽ പ്ലസ് വൺ പരീക്ഷാ കേസിലെ സുപ്രീംകോടതി വിധി നിർണായകമാണ്. വിധി അനുകൂലമെങ്കിൽ മാത്രമേ പ്രായോഗികത പരിശോധിക്കാനുള്ള വിദഗ്ധ സമിതിയെ നിയമിക്കൂവെന്നും മന്ത്രി പറഞ്ഞു. പ്ലസ് വൺ പരീക്ഷ സ്റ്റേ ചെയ്ത സമയത്ത് സ്‌കൂൾ തുറക്കുന്ന നടപടികളുമായി മുന്നോട്ടു പോകുന്നത് അനുചിതമാണ്. വിധി എതിരായാൽ സ്‌കൂൾ തുറക്കില്ല. രോഗസ്ഥിരീകരണ നിരക്ക് എട്ടിന് താഴെ എത്തിയാൽ മാത്രമേ ചർച്ചകളിലേക്ക് കടക്കൂവെന്നും മന്ത്രി വ്യക്തമാക്കി….

  സംസ്ഥാനത്തെ സ്‌കൂളുകൾ തുറക്കുന്നത് വൈകുമെന്ന് വിദ്യാഭ്യാസ മന്ത്രി വി. ശിവൻ കുട്ടി. സ്‌കൂൾ തുറക്കുന്ന കാര്യത്തിൽ പ്ലസ് വൺ പരീക്ഷാ കേസിലെ സുപ്രീംകോടതി വിധി നിർണായകമാണ്. വിധി അനുകൂലമെങ്കിൽ മാത്രമേ പ്രായോഗികത പരിശോധിക്കാനുള്ള വിദഗ്ധ സമിതിയെ നിയമിക്കൂവെന്നും മന്ത്രി പറഞ്ഞു. പ്ലസ് വൺ പരീക്ഷ സ്റ്റേ ചെയ്ത സമയത്ത് സ്‌കൂൾ തുറക്കുന്ന നടപടികളുമായി മുന്നോട്ടു പോകുന്നത് അനുചിതമാണ്. വിധി എതിരായാൽ സ്‌കൂൾ തുറക്കില്ല. രോഗസ്ഥിരീകരണ നിരക്ക് എട്ടിന് താഴെ എത്തിയാൽ മാത്രമേ ചർച്ചകളിലേക്ക് കടക്കൂവെന്നും മന്ത്രി…

  കോൺഗ്രസ് പാർട്ടിയിൽ അഭിപ്രായവ്യത്യാസങ്ങൾ സ്വാഭാവികമെന്ന് കെ മുരളീധരൻ. എല്ലാം പരിഹരിച്ച് കഴിഞ്ഞു. തെരഞ്ഞെടുപ്പിലെ തോൽവി ജനങ്ങൾ കാണിച്ച മഞ്ഞക്കാർഡായിരുന്നു. താഴെ തട്ടിൽ ആളുകൾ കുറയുന്നു എന്ന സൂചന. അത് മനസ്സിലാക്കിയില്ലെന്നും മുരളീധരൻ പറഞ്ഞു. കോഴിക്കോട് ഡിസിസി പ്രസിഡന്റായി കെ പ്രവീൺകുമാർ ചുമതലയേൽക്കുന്ന ചടങ്ങിൽ സംസാരിക്കുകയായിരുന്നു മുരളീധരൻ