ശമ്പള വർധനവ് ആവശ്യപ്പെട്ട് മെഡിക്കൽ കോളജുകളിലെ ജൂനിയർ നഴ്‌സുമാർ ഇന്ന് മുതൽ അനിശ്ചിതകാല സമരത്തിന്. സ്റ്റാഫ് നഴ്‌സിന് നൽകുന്ന അടിസ്ഥാനവേതനമെങ്കിലും അതേ ജോലി ചെയ്യുന്ന ജൂനിയർ നഴ്‌സുമാർക്കും നൽകണമെന്നാണ് ആവശ്യം. തിരുവനന്തപുരം, ആലപ്പുഴ, എറണാകുളം, തൃശ്ശൂർ തുടങ്ങി സംസ്ഥാനത്തെ ഏഴ് മെഡിക്കൽ കോളജുകളിലെ 375 ജൂനിയർ നഴ്‌സുമാരാണ് സമരം ആരംഭിക്കുന്നത്. കൊവിഡ് പ്രതിരോധ പ്രവർത്തനങ്ങളെ സമരം സാരമായി ബാധിക്കുമെന്നാണ് അറിയുന്നത്. ജൂനിയർ നഴ്‌സുമാർക്ക് നിലവിൽ ലഭിക്കുന്ന ശമ്പളം 13,900 രൂപയാണ്. ഇത് സ്റ്റാഫ് നഴ്‌സുമാർക്ക് ലഭിക്കുന്ന അടിസ്ഥാനശമ്പളമായ…

മുൻ ഐടി സെക്രട്ടറി എം ശിവശങ്കറിനെതിരെ ചാർട്ടേഡ് അക്കൗണ്ടന്റിന്റെ മൊഴി. സ്വപ്‌ന സുരേഷിനെ തനിക്ക് പരിചയപ്പെടുത്തിയത് ശിവശങ്കറാണെന്ന് ചാർട്ടേഡ് അക്കൗണ്ടന്റ് എൻഫോഴ്‌സ്‌മെന്റ് ഡയറക്ടറേറ്റിന് മൊഴി നൽകി. സ്വപ്‌നയുമായി ചേർന്ന് ബാങ്ക് ലോക്കർ തുറക്കണമെന്ന് ശിവശങ്കർ ആവശ്യപ്പെട്ടു. ചർച്ചകൾ അവസാനിക്കും വരെ ശിവശങ്കറും സ്വപ്നക്ക് ഒപ്പമുണ്ടായിരുന്നുവെന്നും ചാർട്ടേഡ് അക്കൗണ്ടന്റ് നൽകിയ മൊഴിയിലുണ്ട്. ഒന്നിച്ച് ലോക്കർ തുറക്കാൻ ആവശ്യപ്പെട്ടിട്ടില്ലെന്നും സ്വപ്നയെ പരിചയപ്പെടുത്തി മടങ്ങിയെന്നുമായിരുന്നു ശിവശങ്കറിന്റെ മൊഴി. എന്നാൽ ഈ വാദങ്ങളെ നിരാകരിക്കുന്നതാണ് ചാർട്ടേഡ് അക്കൗണ്ടന്റ് നൽകിയ മൊഴി. ജോയന്റ് അക്കൗണ്ടിലേക്ക്…

തിരുവനന്തപുരം: സംസ്ഥാന സർക്കാർ വിതരണം ചെയ്യുന്ന ഓണക്കിറ്റിൽ തട്ടിപ്പെന്ന് വിജിലൻസ് കണ്ടെത്തൽ. ഓപറേഷൻ കിറ്റ് ക്ലീൻ എന്ന മിന്നൽ പരിശോധനയിലാണ് വിജിലൻസ് ക്രമക്കേട് കണ്ടെത്തിയത്. 500 രൂപയുടെ സാധനങ്ങൾ നൽകുമെന്ന് പ്രഖ്യാപിച്ചിരുന്ന കിറ്റിൽ അത്രയും തുകയ്ക്കുള്ള സാധനങ്ങളില്ലെന്നും ചില സാധനങ്ങൾക്ക് നിർദിഷ്ട തൂക്കമില്ലെന്നും പല സാധനങ്ങളിലും ഉൽപാദന തീയതിയും കാലാവധിയും രേഖപ്പെടുത്തിയിട്ടില്ലെന്നും വിജിലൻസ് കണ്ടെത്തി. കിറ്റിന്റെ ഗുണ നിലവാരവും തൂക്കവും ഉറപ്പ് വരുത്തുന്നതിൽ വീഴ്ച പറ്റിയെന്നും വിജിലൻസ് നടത്തിയ മിന്നൽ പരിശോധനയിൽ കണ്ടെത്തി. ഓപറേഷൻ ക്ലീൻ കിറ്റെന്ന…

തിരുവനന്തപുരം അന്താരാഷ്ട്ര വിമാനത്താവളം അമ്പത് വർഷത്തേക്ക് അദാനി ഗ്രൂപ്പിനെ ഏൽപ്പിച്ച നടപടി കേന്ദ്രസർക്കാർ പിൻവലിക്കണമെന്ന് സർവകക്ഷി യോഗം. മുഖ്യമന്ത്രി പിണറായി വിജയനാണ് വിഷയം ചർച്ച ചെയ്യുന്നതിന് സർവകക്ഷി യോഗം വിളിച്ചത്. ബിജെപി ഒഴികെയുള്ള എല്ലാ പാർട്ടികളും വിമാനത്താവളം സ്വകാര്യവത്കരിക്കുന്നതിനെ എതിർത്തു. നിയമനടപടികൾ തുടരുന്നതിനൊപ്പം വിഷയത്തിൽ ഒറ്റക്കെട്ടായി മുന്നോട്ടു പോകാനും യോഗം തീരുമാനിച്ചു. എയർപോർട്ട് നടത്തിപ്പും മേൽനോട്ടവും സംസ്ഥാന സർക്കാരിന് മുഖ്യപങ്കാളിത്തമുള്ള സ്‌പെഷ്യൽ പർപസ് വെഹിക്കിളിൽ നിക്ഷിപ്തമാക്കണമെന്നാണ് സർക്കാർ ആവശ്യപ്പെട്ടതെന്ന് മുഖ്യമന്ത്രി ചൂണ്ടിക്കാട്ടി. വ്യോമയാന മന്ത്രിക്കും പ്രധാനമന്ത്രിക്കും നിരവധി…

സപ്ലൈകോ ജില്ലാതല ഓണച്ചന്തകൾ ആഗസ്റ്റ് 21 മുതൽ 30 വരെ നടക്കും. ജില്ലാതല ഓണച്ചന്തകളുടെ സംസ്ഥാനതല ഉദ്ഘാടനം ഓൺലൈനായി ആഗസ്റ്റ് 21 വൈകിട്ട് നാലിന് മുഖ്യമന്ത്രി പിണറായി വിജയൻ നിർവഹിക്കും. മന്ത്രി പി തിലോത്തമൻ അധ്യക്ഷത വഹിക്കും. സംസ്ഥാനത്തെ 14 ജില്ലാ ആസ്ഥാനങ്ങളിൽ റീജ്യണൽ മാനേജർമാരുടെ മേൽനോട്ടത്തിലാണ് ചന്തകൾ നടക്കുക. കൊവിഡ് പ്രോട്ടോക്കോൾ പ്രകാരമായിരിക്കും ചന്തകളുടെ നടത്തിപ്പ്. കൂടാതെ ഗ്രീൻ പ്രോട്ടോക്കോൾ കർശനമായി പാലിക്കും. രാവിലെ 10 മുതൽ വൈകിട്ട് ആറുവരെയാണ് പ്രവർത്തന സമയം. അവധി ബാധകമായിരിക്കില്ല.