പയ്യന്നൂർ കോറോത്ത് യുവതി ഭർതൃവീട്ടിൽ തൂങ്ങിമരിച്ചത് ഗാർഹിക പീഡനത്തെ തുടർന്നെന്ന് കുടുംബം. വിജീഷിന്റെ ഭാര്യ സുനീഷയാണ് ആത്മഹത്യ ചെയ്തത്. ഭർത്താവും വീട്ടുകാരും തന്നെ മർദിക്കാറുണ്ടെന്ന് പറഞ്ഞ് സുനീഷ സഹോദരന് അയച്ച ശബ്ദരേഖ പുറത്തുവന്നു. കഴിഞ്ഞ ദിവസമാണ് സുനീഷയെ ഭർതൃവീട്ടിലെ കുളിമുറിയിൽ തൂങ്ങിമരിച്ച നിലയിൽ കണ്ടെത്തിയത് മകൾക്ക് ഭർതൃവീട്ടിൽ പീഡനമേൽക്കുന്നുവെന്ന് ചൂണ്ടിക്കാട്ടി സുനീഷയുടെ മാതാവ് ഈ മാസം അഞ്ചാം തീയതി പയ്യന്നൂർ പോലീസിൽ പരാതി നൽകിയിരുന്നു. തുടർന്ന് പോലീസ് രണ്ട് കുടുംബങ്ങളെയും വിളിച്ചുവരുത്തുകയും പ്രശ്‌നങ്ങൾ ഒത്തുതീർപ്പാക്കി വിടുകയുമായിരുന്നു.

കോഴിക്കോട് നാദാപുരത്ത് സ്റ്റീൽ ബോംബുകൾ കണ്ടെത്തി. ആവോലം മരമില്ലിന് സമീപത്തെ സ്വകാര്യ വ്യക്തിയുടെ പറമ്പിൽ നിന്നാണ് ബോംബുകൾ കണ്ടെത്തിയത്. മതിൽ നിർമിക്കാനായി കുഴിയെടുത്താണ് ബോംബുകൾ കണ്ടെത്തിയത്. പോലീസ് സ്ഥലത്ത് എത്തി പരിശോധന നടത്തുകയാണ്.

  സംസ്ഥാനത്തെ കൊവിഡ് പ്രതിരോധ പ്രവർത്തനങ്ങളെ ഇകഴ്ത്തി കാണിക്കാൻ ആസൂത്രിത ശ്രമം നടക്കുന്നതായി ആരോഗ്യമന്ത്രി വീണ ജോർജ്. കേരളം തകർന്നുവെന്ന് വരുത്തി തീർക്കാൻ ചിലരും ചില മാധ്യമങ്ങളും ശ്രമം നടത്തുന്നുണ്ട്. കൊവിഡ് പ്രതിരോധത്തെ സഹായിക്കാനല്ല, മറിച്ച് തകർക്കാനാണ് ഇവർ ശ്രമിക്കുന്നതെന്നും ദേശാഭിമാനിയിൽ എഴുതിയ ലേഖനത്തിൽ മന്ത്രി പറയുന്നു നിലവിൽ രോഗികളുടെ എണ്ണം കൃത്യതയോടെ റിപ്പോർട്ട് ചെയ്യുന്ന സംസ്ഥാനം കേരളമാണ്. ചില സംസ്ഥാനത്ത് 120 കേസിൽ ഒന്നും 100 കേസുകളിൽ ഒന്നും എന്നൊക്കെയാണ് റിപ്പോർട്ട് ചെയ്യുന്നത്. ദേശീയശരാശരി 33…

  കരിപ്പൂർ സ്വർണക്കടത്ത് കേസിലെ മുഖ്യപ്രതി അർജുൻ ആയങ്കിക്ക് ഹൈക്കോടതി ജാമ്യം അനുവദിച്ചു. കർശന ഉപാധികളോടെയാണ് ജാമ്യം. മൂന്ന് മാസത്തേക്ക് കണ്ണൂർ ജില്ലയിൽ പ്രവേശിക്കരുതെന്നും മാസത്തിൽ രണ്ട് തവണ അന്വേഷണ ഉദ്യോഗസ്ഥന് മുന്നിൽ ഹാജരാകണമെന്നുമാണ് വ്യവസ്ഥ. കേസിൽ കൊടിസുനിയുടെ ബന്ധവും കസ്റ്റംസ് അന്വേഷിക്കുന്നുണ്ട്. കൊടി സുനിയുടെ ഫോൺ വിശദാംശങ്ങൾ തേടി കസ്റ്റംസ് ജയിൽ അധികൃതർക്ക് കത്ത് നൽകി. പിടിച്ചെടുത്ത ഫോൺ, സിം കാർഡ് എന്നിവയുടെ നമ്പർ അടക്കമുള്‌ല വിവരങ്ങളാണ് കസ്റ്റംസ് തേടുന്നത്.

  കൂടത്തായി കൊലപാതക പരമ്പര കേസിലെ പ്രതി ജോളിയുമായുള്ള വിവാഹബന്ധം ഒഴിവാക്കണമെന്നാവശ്യപ്പെട്ട് രണ്ടാം ഭർത്താവ് ഷാജു കോടതിയിൽ ഹർജി നൽകി. ജോളി തന്റെ ജീവന് ഭീഷണിയാണെന്ന് ഷാജു വിവാഹമോചന ഹർജിയിൽ പറയുന്നു. കോഴിക്കോട് കുടുംബ കോടതിയിലാണ് ഹർജി ഫയൽ ചെയ്തിരിക്കുന്നത്. കൂടത്തായി കേസിലെ സാക്ഷി കൂടിയാണ് ഷാജു. ഇങ്ങനെയൊരാളുടെ കൂടെ താമസിക്കാൻ കഴിയില്ലെന്നും ജോളിയുടെ മനോനില മാറ്റമില്ലാതെ തുടരുകയാണെങ്കിൽ തൻരെ ജീവന് ഭീഷണിയാകുമെന്നും ഷാജു പറയുന്നു