കേന്ദ്ര ഏജൻസികൾക്ക് അട്ടിമറിക്കാനായി സംസ്ഥാനത്ത് എന്ത് വികസനമാണുള്ളതെന്ന് പ്രതിപക്ഷ നേതാവ് രമേശ് ചെന്നിത്തല. കേന്ദ്ര ഏജൻസികൾ സംസ്ഥാനത്തെ വികസന പദ്ധതികൾ അട്ടിമറിക്കാൻ ശ്രമിക്കുന്നുവെന്ന മുഖ്യമന്ത്രിയുടെ വാക്കുകളോട് പ്രതികരിക്കുകയായിരുന്നു ചെന്നിത്തല   സംസ്ഥാനത്ത് എന്ത് വികസനമാണ് നടക്കുന്നതെന്ന് ജനങ്ങൾക്കൊന്നും ബോധ്യമില്ല. പൂർത്തിയാകാത്ത പദ്ധതികൾ വെച്ച് കോടിക്കണക്കിന് രൂപ മുടക്കി പരസ്യം ചെയ്യുന്നതല്ലാതെ എന്ത് വികസനമാണുള്ളത്. ഇല്ലാത്ത പദ്ധതികളുടെ പേരിൽ തറക്കല്ലിട്ട് പരസ്യം നൽകുകയാണ് ചെയ്യുന്നത്. കേന്ദ്ര ഏജൻസികൾക്ക് രമേശ് ചെന്നിത്തല പിന്തുണ നൽകുകയും ചെയ്തു. നിയമാനുസൃതമായ അന്വേഷണമാണ് കേന്ദ്ര…

കോഴിക്കോട് ബാലുശ്ശേരിയിൽ നേപ്പാളി സ്വദേശിയായ ആറ് വയസുകാരിയെ പീഡിപ്പിച്ച സംഭവത്തിൽ അയൽവാസി കസ്റ്റഡിയിൽ. സ്വകാര്യ ഭാഗത്ത് മുറിവടക്കമുള്ള ഗുരുതരമായ പരിക്കുകളോടെ കുട്ടി കോഴിക്കോട് മെഡിക്കൽ കോളേജ് ആശുപത്രിയിൽ ചികിത്സയിലാണ് പെൺകുട്ടി അബോധാവസ്ഥയിലായതിനാൽ പോലീസിന് മൊഴിയെടുക്കാനായിട്ടില്ല. സംഭവത്തിൽ പെൺകുട്ടിയുടെ അച്ഛന്റെയും കൂട്ടുകാരന്റെയും മൊഴി രേഖപ്പെടുത്തിയിട്ടുണ്ട്. ഉണ്ണികുളം പഞ്ചായത്തിലെ വള്ളിയോത്തെ കരിങ്കൽ ക്വാറിയിൽ പണിയെടുക്കുന്നവരാണ് പെൺകുട്ടിയുടെ രക്ഷിതാക്കൾ. ഈ ക്വാറിക്ക് സമീപം തന്നെയാണ് ഈ കുടുംബം താമസിക്കുന്നത്.  

തിരുവനന്തപുരം: തദ്ദേശസ്ഥാപനങ്ങളില്‍ 2019 ജനുവരി മുതല്‍ നടന്ന ഉപതിരഞ്ഞെടുപ്പുകളില്‍ മത്സരിച്ച സ്ഥാനാര്‍ത്ഥികളില്‍ യഥാസമയം ചെലവ് കണക്ക് സമര്‍പ്പിക്കാതിരുന്ന 81 പേരെ തദ്ദേശ തെരഞ്ഞെടുപ്പില്‍ മത്സരിക്കുന്നതിന് അയോഗ്യരാക്കിയതായി സംസ്ഥാന തിരഞ്ഞെടുപ്പ് കമ്മീഷണര്‍ വി ഭാസ്‌കരന്‍ അറിയിച്ചു. ഉത്തരവ് തീയതി മുതല്‍ അഞ്ച് വര്‍ഷക്കാലത്തേയ്ക്കാണ് അയോഗ്യത. പഞ്ചായത്തുകളിലെ ഉപതിരഞ്ഞെടുപ്പുകളില്‍ മത്സരിച്ച 67 പേരെയും മുനിസിപ്പാലിറ്റി കോര്‍പറേഷനുകളില്‍ മല്‍സരിച്ച 14പേരെയുമാണ് അയോഗ്യരാക്കിയത്. ഉത്തരവ് തീയതി മുതല്‍ അഞ്ച് വര്‍ഷക്കാലത്തേയ്ക്കാണ് മത്സരിക്കുന്നതിന് അയോഗ്യതയുളളത്. യഥാസമയം ചെലവ് കണക്ക് സമര്‍പ്പിക്കാതിരുന്ന 2015ലെപൊതുതെരഞ്ഞെടുപ്പില്‍ മത്സരിച്ച 8750…

വീടിന്റെ പ്ലാൻ ക്രമപ്പെടുത്താനുള്ള മുസ്ലിം ലീഗ് എംഎൽഎ കെഎം ഷാജിയുടെ അപേക്ഷ കോർപറേഷൻ തള്ളി. പിഴവുകൾ നികത്തി വീണ്ടും അപേക്ഷ നൽകാൻ കോർപറേഷൻ സെക്രട്ടറി നിർദേശിച്ചു. അനധികൃത നിർമാണത്തെ തുടർന്നാണ് കോർപറേഷൻ ഷാജിക്ക് നോട്ടീസ് നൽകിയത്.   സമർപ്പിച്ച പ്ലാനിലുള്ളതിനേക്കാൾ വലുപ്പത്തിലാണ് ഷാജി വീട് നിർമിച്ചിരിക്കുന്നതെന്ന് കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് പ്ലാൻ ക്രമപ്പെടുത്താൻ നിർദേശം നൽകിയത്.

വിവാദങ്ങൾക്കിടെ സിപിഎം സംസ്ഥാന സെക്രട്ടേറിയറ്റ് യോഗം ഇന്ന് ചേരും. ശിവശങ്കറിന്റെയും ബിനീഷിന്റെയും അറസ്റ്റിന് ശേഷം ആദ്യമായാണ് സമ്പൂർണ സെക്രട്ടേറിയറ്റ് യോഗം ചേരുന്നത്.   ബിനീഷ് വിഷയത്തിൽ പാർട്ടി ഇടപെടില്ലെന്ന് വ്യക്തമാക്കുമ്പോഴും ബിനീഷിന്റെ വീട്ടിൽ നടന്ന റെയ്ഡിൽ മനുഷ്യാവകാശ പ്രശ്‌നങ്ങൾ ചൂണ്ടിക്കാട്ടി ഇഡിയുടെ നടപടികളെ രാഷ്ട്രീയമായി പ്രതിരോധിക്കാനും സിപിഎം തയ്യാറെടുക്കുകയാണ്. തദ്ദേശ തെരഞ്ഞെടുപ്പ് സംബന്ധിച്ച പ്രചാരണ പരിപാടികൾക്കും ഇന്ന് രൂപമാകും.   തെരഞ്ഞെടുപ്പ് അടുത്തിരിക്കുന്ന സമയത്ത് പാർട്ടി സെക്രട്ടറിയുടെ മകൻ അറസ്റ്റിലായത് വലിയ പ്രതിസന്ധിയെന്ന് തന്നെയാണ് സിപിഎം വിലയിരുത്തുന്നത്….