കേരളത്തിൽ ഇന്ന് 2423 പേർക്ക് കോവിഡ്-19 സ്ഥിരീകരിച്ചു. എറണാകുളം 455, തിരുവനന്തപുരം 416, കോഴിക്കോട് 266, കോട്ടയം 195, തൃശൂർ 192, കണ്ണൂർ 152, പത്തനംതിട്ട 150, കൊല്ലം 149, ആലപ്പുഴ 99, മലപ്പുറം 98, ഇടുക്കി 88, വയനാട് 67, പാലക്കാട് 64, കാസർഗോഡ് 32 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 58,459 സാമ്പിളുകളാണ് പരിശോധിച്ചത്. പ്രതിവാര ഇൻഫെക്ഷൻ പോപ്പുലേഷൻ റേഷ്യോ (WIPR) പത്തിന് മുകളിലുള്ള 5…
സെഞ്ചൂറിയൻ ടെസ്റ്റിൽ ഇന്ത്യക്ക് തകർപ്പൻ വിജയം. 113 റൺസിനാണ് ഇന്ത്യ ദക്ഷിണാഫ്രിക്കയെ തകർത്തത്. സെഞ്ചൂറിയനിലെ ഇന്ത്യയുടെ ആദ്യ വിജയമാണിത്. ജയത്തോടെ പരമ്പരയിൽ ഇന്ത്യ 1-0ന് മുന്നിലെത്തി. വിജയലക്ഷ്യമായ 305 റൺസിലേക്ക് ബാറ്റേന്തിയ ദക്ഷിണാഫ്രിക്ക 68 ഓവറിൽ 191 റൺസിന് ഓൾ ഔട്ടാകുകയായിരുന്നു. 94ന് നാല് വിക്കറ്റ് എന്ന നിലയിലാണ് ദക്ഷിണാഫ്രിക്ക അഞ്ചാം ദിനം ബാറ്റിംഗ് ആരംഭിച്ചത്. സ്കോർ 130ൽ അഞ്ചാം വിക്കറ്റ് വീണു. അർധ സെഞ്ച്വറിയുമായി ക്രീസിൽ നിന്ന ക്യാപ്റ്റൻ ഡീൻ എൽഗറാണ് പുറത്തായത്. 77…
ഒമിക്രോൺ കേസുകൾ കൂടുന്ന സാഹചര്യത്തിൽ പുതുവർഷാഘോഷങ്ങൾ കരുതലോടെ വേണമെന്ന് ആരോഗ്യമന്ത്രി സംസ്ഥാനത്ത് ഒമിക്രോൺ കേസുകൾ കൂടി വരുന്ന സാഹചര്യത്തിൽ പുതുവർഷാഘോഷങ്ങൾ കരുതലോടെ വേണമെന്ന് ആരോഗ്യമന്ത്രി വീണ ജോർജ്. സംസ്ഥാനത്ത് പുതുവർഷത്തോടനുബന്ധിച്ച് രാത്രി നിയന്ത്രണങ്ങൾ ഏർപ്പെടുത്തിയിട്ടുണ്ട്. ഇതുകൂടാതെ കടകൾ, ഷോപ്പിംഗ് മാളുകൾ, ഹോട്ടലുകൾ, ആരാധനാലയങ്ങൾ എന്നിവിടങ്ങളിൽ പോകുന്നവരും ജാഗ്രത പുലർത്തണം. സംസ്ഥാനത്ത് ഇതുവരെ 63 പേർക്കാണ് ഒമിക്രോൺ സ്ഥിരീകരിച്ചത്. എറണാകുളം 25, തിരുവനന്തപുരം 18, പത്തനംതിട്ട 5, തൃശൂർ 5, ആലപ്പുഴ 4, കണ്ണൂർ 2, കൊല്ലം 1,…
പാലക്കാട്-കോയമ്പത്തൂർ ദേശീയപാതയിൽ സ്ഥിതി ചെയ്യുന്ന സ്വകാര്യ കോളജ് പരിസരത്ത് പുലിയുടെ സാന്നിധ്യം. കോളജ് വളപ്പിൽ രണ്ട് നായകൾ ആക്രമിക്കപ്പെട്ട് ചത്ത നിലയിൽ കണ്ടതിനെ തുടർന്ന് സിസിടിവി പരിശോധിച്ചപ്പോഴാണ് പുലിയുടെ സാന്നിധ്യം തിരിച്ചറിഞ്ഞത് രണ്ടാഴ്ചയായി പ്രദേശത്ത് വിവിധ സ്ഥലങ്ങളിൽ പുലിയെ കണ്ടിരുന്നതാിയ പ്രദേശവാസികൾ പറയുന്നു. പുലിയെ പിടികൂടാൻ വനംവകുപ്പ് കൂട് വെച്ചിരുന്നു. അതേസമയം പാലക്കാട് പറമ്പിക്കുളം പോലീസ് സ്റ്റേഷനിൽ ഇന്നലെ രാത്രി കാട്ടാനകളിറങ്ങിയിരുന്നു. ഒരു പിടിയാനയും കുട്ടിയാനയുമാണ് സ്റ്റേഷൻ പരിസരത്ത് ഇറങ്ങിയത്.
ഡൽഹിയിൽ ഒമിക്രോണിന്റെ സമൂഹ വ്യാപനം സ്ഥിരീകരിച്ച് ആരോഗ്യമന്ത്രി സത്യേന്ദർ ജെയ്ൻ. യാത്രാ പശ്ചാത്തലം ഇല്ലാത്തവർക്കും ഒമിക്രോൺ സ്ഥിരീകരിച്ചിട്ടുണ്ട്. കൊവിഡ് രോഗികളിൽ 46 ശതമാനം പേരും ഒമിക്രോൺ ബാധിതരാണെന്ന് മന്ത്രി അറിയിച്ചു. ഒമിക്രോൺ കേസുകളുടെ എണ്ണം ആയിരത്തിനടുത്ത് റിപ്പോർട്ട് ചെയ്യുന്ന സാഹചര്യത്തിൽ ജനം കൂടുതൽ ജാഗ്രത പാലിക്കാനും മന്ത്രി നിർദേശിച്ചു. രാജ്യത്ത് ഇതിനോടകം 961 പേർക്കാണ് ഒമിക്രോൺ സ്ഥിരീകരിച്ചത്. ഇതിൽ 263 കേസുകളും ഡൽഹിയിലാണ്. മഹാരാഷ്ട്രയിൽ 257 പേർക്കും ഗുജറാത്തിൽ 97 പേർക്കും രാജസ്ഥാനിൽ 69 പേർക്കും കേരളത്തിൽ…
ഗവർണർ ചാൻസലർ പദവി ഒഴിയുന്നത് സർവകലാശാലകളുടെ സ്വതന്ത്രവും സുതാര്യവുമായ പ്രവർത്തനങ്ങളെ ദോഷകരമായി ബാധിക്കുമെന്ന് കോൺഗ്രസ് നേതാവ് രമേശ് ചെന്നിത്തല. കണ്ണൂർ വി.സി നിയമനത്തിൽ തനിക്ക് പറ്റിയ തെറ്റ് തിരുത്താൻ ഗവർണർ തയ്യാറാവുകയാണ് വേണ്ടത്. പകരം താൻ ചാൻസിലർ പദവിയിൽ തുടരില്ല എന്ന വാദം തെറ്റായി അംഗീകരിച്ച വി.സി നിയമനത്തെ ന്യായീകരിക്കാൻ മാത്രമേ സഹായിക്കു. നിയമസഭ പാസാക്കിയ നിയമത്തിലൂടെ സ്ഥാപിതമായ ചാൻസിലർ പദവി ഗവർണർ പൊടുന്നനെ വേണ്ടെന്നു വെക്കുന്നത് സർവകലാശാലയെ ഭരണ പ്രതിസന്ധിയിലേക്ക് നയിക്കും. വി.സി നിയമന കാര്യത്തിൽ…
നടിയെ ആക്രമിച്ച കേസിൽ വിചാരണ നടപടികൾ നിർത്തിവെക്കണമെന്ന പോലീസിന്റെ ഹർജി പരിഗണിക്കുന്നത് കോടതി ജനുവരി നാലിലേക്ക് മാറ്റി. സാക്ഷി വിസ്താരത്തിനായി ഇന്ന് കോടതി ചേർന്നപ്പോൾ വിചാരണ നിർത്തിവെക്കണമെന്ന അപേക്ഷകോടതിയുടെ ശ്രദ്ധയിൽപ്പെടുത്തി. എന്നാൽ ഹർജി ജനുവരി നാലിലേക്ക് മാറ്റി വെക്കുകയായിരുന്നു കേസിൽ പോലീസ് തുടരന്വേഷണം ആരംഭിച്ചിട്ടുണ്ട്. ദിലീപിനെതിരെ വെളിപ്പെടുത്തൽ നടത്തിയ സംവിധായകൻ ബാലചന്ദ്ര കുമാറിന് ഉടൻ നോട്ടീസ് നൽകും. പൾസർ സുനിയുമായി ദിലീപിന് ബന്ധമുണ്ടെന്നും നടിയെ ആക്രമിച്ച പകർത്തിയ ദൃശ്യങ്ങൾ ദിലീപിന്റെ കൈവശമുണ്ടെന്നുമുള്ള വെളിപ്പെടുത്തൽ മുഖ്യ തെളിവാകുമെന്ന്…
തിരുവനന്തപുരത്ത് വൻ മയക്കുമരുന്ന് വേട്ട. ഒന്നര കിലോ കഞ്ചാവ്, ഹാഷിഷ് ഓയിൽ, എൽ എസ് ഡി സ്റ്റാമ്പ്, എംഡിഎംഎ എന്നിവയുമായി യുവാവ് പിടിയിലായി. സംഭവത്തിൽ കരകുളം സ്വദേശി ശരത്തിനെ എക്സൈസ് അറസ്റ്റ് ചെയ്തു. സ്കൂട്ടറിൽ കടത്താൻ ശ്രമിക്കുന്നതിനിടെയാണ് മയക്കുമരുന്നുമായി ശരത്ത് പിടിയിലാകുന്നത്. ന്യൂ ഇയർ ആഘോഷങ്ങൾക്കായി എത്തിച്ചതാണ് മയക്കുമരുന്നെന്ന് സംശയിക്കുന്നു.
ഗവർണർ ആരിഫ് മുഹമ്മദ് ഖാനെതിരെ പ്രതിപക്ഷ നേതാവ് വി ഡി സതീശൻ. ചാൻസലർ പദവി ഏറ്റെടുക്കില്ലെന്ന് പറയുന്നത് ഭരണഘടനാ വിരുദ്ധമാണ്. ഗവർണർ ആ സ്ഥാനത്ത് ഇരിക്കാൻ യോഗ്യനല്ലാതായി. നിയമസഭ കൂടിയാണ് ഗവർണറെ ചാൻസലർ പദവി ഏൽപ്പിച്ചത്. നിയമസഭക്ക് മാത്രമാണ് അദ്ദേഹത്തെ മാറ്റാനുള്ള അധികാരമുള്ളത് സർക്കാരിന്റെ അനാവശ്യമായുള്ള ഇടപെടലുകളാണ് ഗവർണറുടെ പ്രതിഷേധത്തിന് കാരണം. പക്ഷേ ചാൻസലർ പദവി ഏറ്റെടുക്കില്ലെന്ന് പറയുന്നത് ഭരണഘടനാ വിരുദ്ധമാണ്. നിയമസഭ നിയമനിർമാണം നടത്തി ഏൽപ്പിച്ച ദൗത്യം അദ്ദേഹത്തിന് ഒഴിയാനാകില്ല. ഓരോരുത്തരുടെ ഇഷ്ടം പോലെ…
ചാൻസലർ പദവിയിൽ നിന്ന് ഗവർണറെ സർക്കാർ മാറ്റില്ലെന്ന് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണൻ. ഗവർണറുടെ നിലപാടിൽ രാഷ്ട്രീയ ലക്ഷ്യമുണ്ടെന്ന് തോന്നുന്നില്ല. ഗവർണർ തുടരണമെന്നാണ് എൽ ഡി എഫ് നിലപാട്. കണ്ണൂർ വിസ നിയമന വിവാദത്തെ തുടർന്നാണ് ഗവർണർ സർക്കാരിനെതിരെ പരസ്യനിലപാട് എടുത്തത് വി സി നിയമന കേസിൽ ഹൈക്കോടതി അയച്ച നോട്ടീസ് ഗവർണർ സ്വീകരിച്ചിരുന്നില്ല. ചാൻസലർ സ്ഥാനം ഒഴിഞ്ഞതിനാൽ നോട്ടീസ് കൈപ്പറ്റില്ലെന്നാണ് ആരിഫ് മുഹമ്മദ് ഖാൻ പറയുന്നത്. ചാൻസലർ പദവി ഏറ്റെടുക്കണമെന്ന ഗവർണറുടെ ആവശ്യം…