രാജ്യത്ത് കഴിഞ്ഞ 24 മണിക്കൂറിനിടെ 90,928 പേർക്ക് കൂടി കൊവിഡ്. കഴിഞ്ഞ ഒരാഴ്ചക്കിടെയാണ് കൊവിഡ് പ്രതിദിന കേസുകൾ കുത്തനെ ഉയരുന്ന സാഹചര്യമുണ്ടാകുന്നത്. ഡിസംബർ അവസാന വാരം പതിനായിരത്തിനടുത്ത് മാത്രമാണ് പ്രതിദിന വർധനവുണ്ടായിരുന്നതെങ്കിൽ നിലവിൽ ഒരു ലക്ഷത്തിനടുത്ത് കേസുകളാണ് റിപ്പോർട്ട് ചെയ്യുന്നത് 19,206 പേർ ഒരു ദിവസത്തിനിടെ രോഗമുക്തരായി. 325 പേർ മരിച്ചു. ടിപിആർ നിരക്ക് 6.43 ആയി ഉയർന്നു. നിലവിൽ 2,85,401 പേരാണ് കൊവിഡ് ബാധിതരായി ചികിത്സയിൽ കഴിയുന്നത്. രാജ്യത്ത് ഇതിനോടകം 3,43,41,009 പേർ രോഗമുക്തി…

  പ്രായപൂർത്തിയാകാത്ത പെൺകുട്ടിയെ ബലാത്സംഗം ചെയ്ത കേസിൽ അസമിൽ നിന്നുള്ള പത്മശ്രീ ജേതാവ് ഉദ്ദവ് ബരാലി അറസ്റ്റിൽ. ബരാലിയുടെ സംരക്ഷണത്തിലുള്ള പെൺകുട്ടിയാണ് ബലാത്സംഗത്തിന് ഇരയായത്. പോക്‌സോ വകുപ്പ് ചുമത്തിയാണ് ഇയാളെ അറസ്റ്റ് ചെയ്തത് ഡിസംബർ 17ന് ജില്ലാ ലീഗൽ അതോറിറ്റിക്ക് ലഭിച്ച പരാതി ജില്ലാ മജിസ്‌ട്രേറ്റിന് കൈമാറുകയായിരുന്നു. അറസ്റ്റ് ചെയ്ത ഉദ്ദബിനെ 25,000 രൂപയുടെ ആൾ ജാമ്യത്തിൽ വിട്ടു. അതേസമയം സ്റ്റേഷൻ പരിധി വിട്ടുപോകരുതെന്ന് വ്യവസ്ഥയുണ്ട്. സയൻസിനും സാങ്കേതികതക്കും വേണ്ടി നൽകിയ സംഭാവനകളെ മുൻനിർത്തിയാണ് ഉദ്ദബ് ബരാലിക്ക്…

  പൈലറ്റുമാർ സഹായം തേടിയില്ല: കുനൂർ ഹെലികോപ്റ്റർ അപകടത്തിലെ അന്വേഷണ റിപ്പോർട്ട് കുനൂർ ഹെലികോപ്റ്റർ അപകടത്തിൽ പൈലറ്റുമാർ സഹായം തേടിയില്ലെന്ന് അന്വേഷണ റിപ്പോർട്ട്. ഹെലികോപ്റ്റർ മേഘങ്ങൾക്കിടയിൽപ്പെടുകയും കുന്നിലിടിക്കുകയുമായിരുന്നുവെന്നാണ് റിപ്പോർട്ടിൽ പറയുന്നത്. അപകടത്തെ കുറിച്ചുള്ള അന്വേഷണ റിപ്പോർട്ട് ഇന്നലെ പ്രതിരോധ മന്ത്രി രാജ്‌നാഥ് സിംഗിന് കൈമാറി. എയർമാർഷൻ മാനവേന്ദ്ര സിംഗിന്റെ നേതൃത്വത്തിലുള്ള സംയുക്ത സേനാ അന്വേഷണ സംഘമാണ് റിപ്പോർട്ട് കൈമാറിയത്. അപകടത്തിൽ സംയുക്ത സൈനിക മേധാവി ജനറൽ ബിപിൻ റാവത്തും ഭാര്യയും അടക്കം 13 പേർ മരിച്ചിരുന്നു ഹെലികോപ്റ്റർ…

  പ്രധാനമന്ത്രി നരേന്ദ്രമോദിയുടെ സന്ദർശനത്തിനിടെയുണ്ടായ സുരക്ഷാ വീഴ്ചയിൽ പഞ്ചാബ് സർക്കാർ ഇന്ന് കേന്ദ്രത്തിന് റിപ്പോർട്ട് നൽകും. കർഷക പ്രതിഷേധത്തെ തുടർന്ന് പ്രധാനമന്ത്രിയുടെ വാഹനം 20 മിനിറ്റോളം നേരം പാലത്തിൽ കുടുങ്ങിയ സംഭവത്തിൽ ആഭ്യന്തര മന്ത്രാലയം സംസ്ഥാനത്തോട് റിപ്പോർട്ട് തേടിയിരുന്നു അതേസമയം സുരക്ഷാ വീഴ്ചയില്ലെന്നാണ് മുഖ്യമന്ത്രി ചരൺജിത്ത് സിംഗ് ഛന്നി പ്രതികരിച്ചത്. ഹെലികോപ്റ്ററിലാണ് പ്രധാനമന്ത്രി ഹുസൈനവാലിയിലേക്ക് പുറപ്പെടാൻ തീരുമാനിച്ചത്. എന്നാൽ കാലാവസ്ഥ പ്രതികൂലമായതിനാൽ യാത്ര പെട്ടെന്ന് റോഡ് മാർഗമാക്കുകയായിരുന്നു. പ്രതിഷേധം കുറയാൻ 20 മിനിറ്റ് വരെ എടുക്കുമെന്ന് പ്രധാനമന്ത്രിയെ…

  ഗുജറാത്തിലെ സൂറത്തിൽ വിഷ വാതക ചോർച്ചയെ തുടർന്ന് ആറ് പേർ മരിച്ചു. സച്ചിൻ ജിഐഡിസി ഏരിയയിൽ പ്രവർത്തിക്കുന്ന ഫാക്ടറിയിലെ കെമിക്കൽ ടാങ്കറാണ് ചോർന്നത്. 22 പേരെ ആശുപത്രിയിൽ പ്രവേശിപ്പിച്ചിട്ടുണ്ട്. വ്യാഴാഴ്ച പുലർച്ചെയാണ് അപകടമുണ്ടായത്. കെമിക്കൽ ടാങ്കറിന് സമീപത്ത് കിടന്നുറങ്ങുകയായിരുന്ന തൊഴിലാളികളാണ് അപകടത്തിൽപ്പെട്ടത്. വിവരമറിഞ്ഞയുടനെ സ്ഥലത്തെത്തിയ ഫയർ ഫോഴ്‌സ് സേനാംഗങ്ങളാണ് ആളുകളെ രക്ഷപ്പെടുത്തി ആശുപത്രിയിൽ പ്രവേശിപ്പിച്ചത്. അതേസമയം ആറ് പേരുടെ ജീവൻ രക്ഷിക്കാൻ സാധിച്ചില്ല. ചികിത്സയിൽ തുടരുന്ന പലരുടെയും നില ഗുരുതരമാണെന്നാണ് റിപ്പോർട്ടുകൾ.