ജമ്മു കശ്മീരിൽ മൂന്ന് പാകിസ്ഥാനി മയക്കുമരുന്ന് കള്ളക്കടത്തുകാരെ വധിച്ചതായി ബോർഡർ സെക്യൂരിറ്റി ഫോഴ്സ് (ബിഎസ്എഫ്). ഞായറാഴ്ച പുലർച്ചെ സാംബ സെക്ടറിലെ രാജ്യാന്തര അതിർത്തിയിലാണ് സംഭവം. അന്താരാഷ്ട്ര മാർക്കറ്റിൽ 180 കോടി രൂപ വിലവരുന്ന 36 പാക്കറ്റ് ഹെറോയിൻ പിടികൂടിയിട്ടുണ്ട്. പ്രദേശത്ത് തെരച്ചിൽ തുടരുകയാണെന്ന് ബിഎസ്എഫ് അറിയിച്ചു. ജനുവരി 28ന് പഞ്ചാബിലെ ഗുരുദാസ്പൂരിൽ ബിഎസ്എഫും പാകിസ്ഥാനി മയക്കുമരുന്ന് കള്ളക്കടത്തുകാരും തമ്മിൽ വെടിവെപ്പ് നടന്നിരുന്നു. 47 കിലോ ഹെറോയിൻ, രണ്ട് തോക്ക്, വെടിക്കോപ്പുകൾ എന്നിവ അന്ന് പിടിച്ചെടുത്തു.

  സിൽവർ ലൈൻ പദ്ധതി സാമ്പത്തികമായി പ്രായോഗികമാണോയെന്ന കാര്യത്തിൽ സംശയമുണ്ടെന്ന് റെയിൽവേ മന്ത്രാലയം. 63,941 കോടി രൂപ പദ്ധതിയുടെ കടബാധ്യത യാത്രക്കാരെ കൊണ്ടുമാത്രം തീർക്കാനാകില്ല. സിൽവർ ലൈൻ റെയിൽവേ പാതാ വികസനത്തിന് തടസ്സമാകുമെന്ന ആശങ്കയും റെയിൽവേ മന്ത്രി അശ്വിനി വൈഷ്ണവ് പങ്കുവെച്ചു രാജ്യസഭയിൽ അബ്ദുൽ വഹാബ് എംപിക്ക് നൽകിയ മറുപടിയിലാണ് മന്ത്രി ഇക്കാര്യം പറയുന്നത്. ഡിപിആറിൽ പദ്ധതിയുടെ സാങ്കേതിക സാധ്യത വിവരങ്ങളൊന്നും ഇല്ലെന്ന് മന്ത്രിയുടെ മറുപടിയിൽ പറയുന്നു. വിശദമായ സാങ്കേതിക രേഖകൾ സമർപ്പിക്കാൻ കെ റെയിൽ കോർപറേഷനോട്…

  ഇന്ത്യയുടെ മഹാഗായിക ലതാ മങ്കേഷ്‌കറിന്റെ വേർപാടിൽ അനുശോചനം അറിയിച്ച് സംഗീത സാമ്രാട്ട് എ ആർ റഹ്മാൻ. ലതാ മങ്കേഷ്‌കറിനൊപ്പമുള്ള ചിത്രം ട്വീറ്റ് ചെയ്താണ് റഹ്മാൻ അവരെ അനുസ്മരിക്കുന്നത്. ചലതാ മങ്കേഷ്‌കർ സോഫയിലും റഹ്മാൻ താഴെയുമായി ഇരിക്കുന്ന ചിത്രമാണ് അദ്ദേഹം ട്വീറ്റ് ചെയ്തത്. ലവ്, റസ്‌പെക്ട്, പ്രയേഴ്‌സ് എന്നീ വാക്കുകളും ക്യാപ്ഷനായി നൽകിയിട്ടുണ്ട് റഹ്മാന്റെ സംഗീതത്തിൽ ചുരുക്കം ഗാനങ്ങൾ ലതാ മങ്കേഷ്‌കർ പാടിയിട്ടുണ്ട്. ഇതിൽ ദിൽസേയിലെ ജിയാ ജലേ എന്ന ഗാനം തന്റെ ഇഷ്ട ഗാനങ്ങളിലൊന്നാണെന്ന് ലതാ…

  അഞ്ച് സംസ്ഥാനങ്ങളിലേക്കുള്ള നിയമസഭാ തെരഞ്ഞെടുപ്പിന് ദിവസങ്ങൾ മാത്രം ബാക്കി നിൽക്കെ റോഡ് ഷോ, പദയാത്രകൾ, സൈക്കിൾ, വാഹന റാലികൾ എന്നിവക്കുള്ള നിരോധനം തെരഞ്ഞെടുപ്പ് കമ്മീഷൻ നീട്ടി. അതേസമയം ഇൻഡോർ, ഔട്ട് ഡോർ രാഷ്ട്രീയ യോഗങ്ങൾക്കുള്ള നിയന്ത്രണങ്ങളിൽ ഇളവ് വരുത്തി ഇൻഡോർ, ഔട്ട് ഡോർ യോഗങ്ങളിൽ പങ്കെടുക്കുന്ന ആളുകളുടെ എണ്ണം വർധിപ്പിച്ചു. ഇൻഡോറിൽ ഹാൾ ശേഷിയുടെ പരമാവധി അമ്പത് ശതമാനം പേരെയും ഓപൺ മൈതാനത്തിൽ 30 ശതമാനമായും പരിമിതപ്പെടുത്തണമെന്ന നിയന്ത്രണത്തിന് വ്യവസ്ഥക്ക് വിധേയമായി ഇളവുകൾ നൽകും. ജില്ലാ…

  ഇന്ത്യയുടെ മഹാഗായിക ലതാ മങ്കേഷ്‌കറുടെ മരണത്തിൽ രണ്ട് ദിവസത്തെ ദുഃഖാചരണം. ഗായികയോടുള്ള ആദരസൂചകമായി രണ്ട് ദിവസം ദേശീയ പതാക പകുതി താഴ്ത്തും. കേന്ദ്രസർക്കാരിനെ ഉദ്ധരിച്ച് എഎൻഐ വാർത്താ ഏജൻസിയാണ് ഇക്കാര്യം റിപ്പോർട്ട് ചെയ്തത്. രാഷ്ട്രപതി രാംനാഥ് കോവിന്ദ്, പ്രധാനമന്ത്രി നരേന്ദ്രമോദി തുടങ്ങിയവർ ലതാ മങ്കേഷ്‌കറുടെ മരണത്തിൽ അനുശോചിച്ചു.  അതീതമായ മനോവേദനയിലാണ് താനെന്നും ഒരിക്കലും നികത്താനാകാത്ത ശൂന്യത ബാക്കിവെച്ചാണ് ലതാ മങ്കേഷ്‌കർ വിട വാങ്ങുന്നതെന്നും പ്രധാനമന്ത്രി പറഞ്ഞു