അഫ്ഗാനിസ്ഥാനിൽ നിന്ന് പലായനം ചെയ്യുന്ന 5000 അഭയാർഥികൾക്ക് യുഎഇ അഭയം നൽകും. പത്ത് ദിവസത്തേക്കാണ് താത്കാലികമായി തങ്ങാനുള്ള അവസരം നൽകുന്നത്. കാബൂളിൽ നിന്നും അമേരിക്കൻ വിമാനങ്ങളിൽ അഭയാർഥികളെ യുഎഇയിൽ എത്തിക്കും.
അമേരിക്കയുടെ അഭ്യർഥന പ്രകാരമാണ് യുഎഇയുടെ നടപടി. തങ്ങളെ സഹായിച്ച അഫ്ഗാനികളുടെ സുരക്ഷ തങ്ങളുടെ ഉത്തരവാദിത്വമാണെന്ന് യുഎസ് പ്രസിഡന്റ് ജോ ബൈഡൻ പറഞ്ഞു. ഇവരെ അമേരിക്കയിൽ എത്തിക്കാനാവശ്യമായ നടപടികൾ സ്വീകരിക്കുമെന്നും ബൈഡൻ ഉറപ്പ് നൽകിയിട്ടുണ്ട്.
ഇതുവരെ 18,000ത്തോളം പേരെയാണ് അഫ്ഗാനിൽ നിന്ന് സുരക്ഷിതമായി മാറ്റിയത്. രക്ഷാദൗത്യം വ്യാപിപിക്കാൻ സൗഹൃദ രാഷ്ട്രങ്ങളുമായി കൈകോർത്തിട്ടുണ്ടെന്നും ബൈഡൻ അറിയിച്ചു. കാബൂൾ വിമാനത്താവളത്തിൽ ആറായിരം സൈനികരെയാണ് അമേരിക്ക വിന്യസിച്ചിട്ടുള്ളത്.
Read More
അഫ്ഗാനിൽ തുടർന്നിരുന്നുവെങ്കിൽ തൂക്കിലേറപ്പെടുമായിരുന്നു: അഷ്‌റഫ് ഗാനി
അക്കങ്ങൾ വിജയം വ്യക്തമാക്കുന്നുവെന്ന് ബൈഡൻ; ട്രംപിനോട് ശാന്തത പാലിക്കാനും നിർദേശം
റോഹിങ്ക്യൻ അഭയാർഥികളെക്കൊണ്ട് തന്നെ പൊറുതി മുട്ടിയിരിക്കുകയാണ്: അഫ്ഗാനിൽ നിന്നുള്ളവരെ സ്വീകരിക്കില്ലെന്ന് ബാംഗ്ലാദേശ്
പ്രഖ്യാപനം വെറുംവാക്കായി; അഫ്ഗാനിൽ താലിബാൻ പ്രതികാര നടപടികൾ ആരംഭിച്ചതായി യുഎൻ