ഇന്ത്യ-ഇംഗ്ലണ്ട് ടെസ്റ്റ് പരമ്പരയിലെ രണ്ടാം മത്സരം ഇന്ന്. ക്രിക്കറ്റിന്റെ ഈറ്റില്ലമായ ലോർഡ്‌സിലാണ് മത്സരം. ട്രെന്റ് ബ്രിഡ്ജിൽ നടന്ന ആദ്യ ടെസ്റ്റിലെ വിജയം മഴ കൊണ്ടുപോയതിനാൽ ജയിക്കാനുറച്ചാകും ഇന്ത്യ ഇന്നിറങ്ങുക. ബിസിസിഐ പ്രസിഡന്റ് സൗരവ് ഗാംഗുലിയും മത്സരം കാണുന്നതിനായി ലോർഡ്‌സിലെത്തുന്നുണ്ട്
ആദ്യ ടെസ്റ്റിൽ കളിച്ച ടീമിൽ നിന്നും ഒരു മാറ്റം ഇന്ത്യ വരുത്തിയേക്കും. ഷാർദൂൽ താക്കൂറിന് പരുക്കേറ്റതിനാൽ ഇഷാന്ത് ശർമയോ, അശ്വിനോ ടീമിലെത്തും. ഓൾ റൗണ്ടറെന്ന മികവ് അശ്വിന് തുണയാകുമ്പോൾ ലോർഡ്‌സിലെ പിച്ച് പേസർമാർക്ക് അനുകൂലമാകുമെന്നതിനാൽ ഇഷാന്തിനും സാധ്യതയേറെയാണ്
ആദ്യ ടെസ്റ്റിലെ കുറവുകളെല്ലാം മറികടക്കാനാണ് ഇംഗ്ലണ്ടിന്റെ ശ്രമം. മൊയിൻ അലി ടീമിൽ തിരിച്ചെത്തും. ലോർഡ്‌സിൽ മഴയുടെ ഭീഷണിയുണ്ടായേക്കില്ലെന്നാണ് സൂചന.
