സ്വർണക്കടത്ത് കേസിൽ രണ്ടാം പ്രതി സ്വപ്‌ന സുരേഷിന്റെ ജാമ്യഹർജിയിൽ കൊച്ചിയിലെ എൻഐഎ കോടതി ഇന്ന് വിധി പറയും. തനിക്കെതിരെയുള്ള യുഎപിഎ നിലനിൽക്കില്ലെന്നും കള്ളക്കടത്ത് കേസിൽ കസ്റ്റംസ് നിയമങ്ങൾ മാത്രമേ ബാധകമാകൂ എന്നുമാണ് സ്വപ്‌നയുടെ അഭിഭാഷകൻ വാദിച്ചത്. തനിക്കെതിരെ തെളിവുകൾ കണ്ടെത്താനായിട്ടില്ലെന്നും ഇവർ വാദിച്ചിരുന്നു. എന്നാൽ മുഖ്യമന്ത്രിയുടെ ഓഫീസിൽ ഉൾപ്പെടെ വലിയ സ്വാധീനം സ്വപ്‌നക്കുണ്ടായിരുന്നുവെന്നും ജാമ്യത്തിൽ വിട്ടാൽ കേസ് സ്വാധീനിക്കാൻ സാധ്യതയുണ്ടെന്നുമാണ് എൻഐഎ വാദിക്കുന്നത്. മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറി എം ശിവശങ്കറുമായി അടുപ്പമുണ്ടായിരുന്നുവെന്ന സ്വപ്‌നയുടെ മൊഴി അടിസ്ഥാനപ്പെടുത്തിയായിരുന്നു…

ഉദ്ഘാടനത്തിന് മുമ്പേ വൈറ്റില മേൽപ്പാലം തുറന്നു കൊടുത്ത കേസിൽ വി ഫോർ കൊച്ചി നേതാവ് നിപുൺ ചെറിയാന് ജാമ്യം. ആൾജാമ്യത്തിന് പുറമെ ഒരു ലക്ഷം രൂപ കെട്ടിവെക്കണമെന്ന വ്യവസ്ഥയിലാണ് ജാമ്യം. ജില്ല വിട്ടു പോകരുതെന്നും കോടതി നിർദേശിച്ചിട്ടുണ്ട്. നടപടിക്രമങ്ങൾ പൂർത്തിയാക്കി ഇയാൾ നാളെ ജയിലിൽ നിന്ന് പുറത്തിറങ്ങും. ജനുവരി അഞ്ചിന് രാത്രിയാണ് നിപുൺ ചെറിയാനെ അറസ്റ്റ് ചെയ്തത്.

കണ്ണൂരിൽ 14 വയസ്സുകാരിയെ ലൈംഗികമായി പീഡിപ്പിച്ച കേസിൽ കുട്ടിയുടെ പിതാവിന് ജീവപര്യന്തം തടവുശിക്ഷ. തലശ്ശേരി പോക്‌സോ കോടതിയാണ് ശിക്ഷ വിധിച്ചത്. 2015-17 കാലഘട്ടത്തിൽ അച്ഛൻ തന്നെ പീഡിപ്പിച്ചതായി മജിസ്‌ട്രേറ്റിനാണ് കുട്ടി മൊഴി നൽകിയത് പറശ്ശിനിക്കടവിലെ ലോഡ്ജിൽ വെച്ച് കുട്ടിയെ 19 പേർ പീഡിപ്പിച്ച കേസിന്റെ അന്വേഷണം നടക്കുന്നതിനിടെയാണ് പിതാവും തന്നെ പീഡിപ്പിച്ചതായി കുട്ടി വെളിപ്പെടുത്തിയത്. പ്രത്യേക പോക്‌സോ കോടതി ജഡ്ജി സിജി ഘോഷാണ് ശിക്ഷ വിധിച്ചത്. അതേസമയം കുട്ടിയെ പലയിടങ്ങളിൽ കൊണ്ടുപോയി പീഡിപ്പിച്ചെന്ന 18 കേസുകളിൽ വിചാരണ…

മുതിർന്ന കോൺഗ്രസ് നേതാവും തൃക്കാക്കര എംഎൽഎയുമായ പി ടി തോമസ് അന്തരിച്ചു. 70 വയസ്സായിരുന്നു. അർബുദ രോഗബാധിതനായി ചികിത്സയിലായിരുന്നു. വെല്ലൂർ ക്രിസ്ത്യൻ മെഡിക്കൽ കോളജിൽ ചികിത്സയിലിരിക്കെയാണ് മരണം സംഭവിച്ചത്. കെപിസിസി വർക്കിംഗ് പ്രസിഡന്റ് കൂടിയാണ് പി ടി തോമസ്. തൊടുപുഴ മണ്ഡലത്തിൽ നിന്ന് രണ്ട് തവണ എംഎൽഎയായി. ഇടുക്കി എംപിയായും ചുമതല വഹിച്ചിട്ടുണ്ട്. പരിസ്ഥിതി വിഷയങ്ങളിൽ പി ടി തോമസിന്റെ നിലപാടുകൾ ശ്രദ്ധേയമായിരുന്നു. 2016 മുതൽ തൃക്കാക്കര മണ്ഡലത്തിൽ നിന്നുള്ള എംഎൽഎയാണ്. 2009ലാണ് അദ്ദേഹം ലോക്‌സഭാ അംഗമായത്.