അപാകതകളില്ലെന്ന് ജനങ്ങളെ ബോധ്യപ്പെടുത്തിയാൽ കെ-റെയിൽ പദ്ധതി ഇരുകൈയും നീട്ടി സ്വീകരിക്കുമെന്ന് കെ. പി. സി. സി. അധ്യക്ഷൻ കെ. സുധാകരൻ. പദ്ധതിക്ക് റെയിൽവേ അനുമതി നൽകിയെന്നു പറയുന്നത് വസ്തുതയല്ല. ശുദ്ധ അസംബന്ധം കോടതിയിൽ പറഞ്ഞ റെയിൽവേയുടെ വക്കീലിനെതിരേ കേസ് കൊടുക്കുമെന്ന് സുധാകരൻ പത്രസമ്മേളനത്തിൽ പറഞ്ഞു. ഉമ്മൻചാണ്ടി സർക്കാർ പദ്ധതി വേണ്ടെന്നുവച്ചത് ഇതേപ്പറ്റി പഠിച്ചശേഷമാണ്. എന്തു രേഖകൾ വെച്ചാണ് കെ-റെയിൽ നല്ലതാണെന്ന് മുഖ്യമന്ത്രി പറയുന്നതെന്നറിയില്ല. കവളപ്പാറയിലെ ജനങ്ങളെ പുനരധിവസിപ്പിക്കാൻ ഇപ്പോഴും കഴിഞ്ഞിട്ടില്ല. പദ്ധതിയുടെ ദൂഷ്യവശങ്ങളെക്കുറിച്ച് പൊതുജനങ്ങൾക്കിടയിൽ ശക്തമായ പ്രചാരണ…

മുല്ലപ്പെരിയാർ ഡാമിന്റെ പത്ത് സ്പിൽവേ ഷട്ടറുകൾ തമിഴ്‌നാട് പുലർച്ചെ തുറന്നു. ഷട്ടറുകൾ 60 സെന്റിമീറ്റർ വീതമുയർത്തി. സെക്കൻഡിൽ 8000 ഘനയടി വെള്ളമാണ് ഒഴുക്കിവിട്ടത്. മുന്നറിയിപ്പില്ലാതെയാണ് തമിഴ്‌നാട് ഷട്ടറുകൾ തുറന്നതെന്ന് നാട്ടുകാർ ആരോപിച്ചു സീസണിൽ ഇതാദ്യമായാണ് ഇത്രയധികം വെള്ളം തുറന്നുവിട്ടത്. മുൻകൂട്ടി അറിയിക്കാത്തതിനാൽ വള്ളക്കടവിൽ നാട്ടുകാർ പ്രതിഷേധവുമായി രംഗത്തുവന്നു. പ്രതിഷേധം ഉയർന്നതോടെ തുറന്നുവിട്ട വെള്ളത്തിന്റെ അളവ് തമിഴ്‌നാട് കുറച്ചു. ഉയർത്തിയ ഷട്ടറുകളിൽ ഒമ്പതെണ്ണം അടച്ചു. ഒരു ഷട്ടർ നിലവിൽ 30 സെന്റിമീറ്റർ വീതമാണ് ഉയർത്തിയിട്ടുള്ളത്

  കാവ്യ മാധവന്റെ ഇടപ്പള്ളി ഗ്രാന്റ് മാളിൽ പ്രവർത്തിക്കുന്ന ലക്ഷ്യ ബൊട്ടീക്കിൽ തീപിടിത്തം. ബൊട്ടീക്കിലെ തുണികളും തയ്യൽ മെഷീനുകളും കത്തിനശിച്ചു. പുലർച്ചെ മൂന്ന് മണിയോടെയാണ് തീപിടിത്തമുണ്ടായത്. ഷോർട്ട് സർക്യൂട്ടാണ് കാരണമെന്ന് സംശയിക്കുന്നു കാര്യമായ നാശനഷ്ടങ്ങളില്ലെന്നാണ് വിവരം. രാവിലെ സുരക്ഷാ ഉദ്യോഗസ്ഥൻ പരിശോധനക്ക് എത്തിയപ്പോഴാണ് ബൊട്ടീക്കിനുള്ളിൽ നിന്ന് പുക ഉയരുന്നത് കണ്ടത്. തുടർന്ന് ഉടമസ്ഥനെയും ഫയർഫോഴ്‌സിനെയും വിവരം അറിയിക്കുകയായിരുന്നു.

മലപ്പുറം: മദ്യപിച്ചെത്തി ഭാര്യയേയും മക്കളേയും ഭാര്യാമാതാവിനേയും വീട്ടില്‍ നിന്ന് അടിച്ചിറക്കിയ ഭര്‍ത്താവിനെ പോലിസ് അറസ്റ്റ് ചെയ്തു. തിരുവാലി നടുവത്ത് സ്വദേശി കല്ലിടുമ്പന്‍ ഷമീറിനെയാണ് വണ്ടൂര്‍ പോലീസ് അറസ്റ്റു ചെയ്തത്. സ്ത്രീകള്‍ക്കെതിരായ ആക്രമണം, ഭാര്യയുടെ ആഭരണവും പണവും കൈക്കലാക്കല്‍, കുട്ടികള്‍ക്കെതിരായ പീഡനം തുടങ്ങിയ വകുപ്പുകളാണ് ചുമത്തിയത്. പ്രതിയെ പെരിന്തല്‍മണ്ണ കോടതിയില്‍ ഹാജരാക്കി. സ്ഥിരം മദ്യപാനിയായ ഷമീര്‍ രാത്രി 10 മണിയോടെ മദ്യപിച്ചെത്തി ഭാര്യയോട് വഴക്കിട്ട് കുട്ടികള്‍ക്കൊപ്പം വീട്ടില്‍ നിന്ന് ഇറക്കിവിടുകയായിരുന്നു. 4 വയസും, ഒന്നരവയസും പ്രസവിച്ച് 21 ദിവസം…

  നിയമസഭാ തെരഞ്ഞെടുപ്പിന് പിന്നാലെ പാർട്ടി നേതൃത്വവുമായി ഇടഞ്ഞുനിൽക്കുന്ന ദേവികുളം മുൻ എംഎൽഎ എസ് രാജേന്ദ്രനെ സിപിഎം ഇടുക്കി ജില്ലാ കമ്മിറ്റിയിൽ നിന്നൊഴിവാക്കി. പാർട്ടി സമ്മേളനങ്ങളിൽ നിന്ന് വിട്ടുനിന്ന രാജേന്ദ്രനെ ജില്ലാ കമ്മിറ്റിയിൽ നിന്ന് ഒഴിവാക്കുമെന്ന് ഏറെക്കുറെ ഉറപ്പായിരുന്നു. സി വി വർഗീസിനെ സെക്രട്ടറിയായി തെരഞ്ഞെടുത്ത പുതിയ കമ്മിറ്റിയിൽ എസ് രാജേന്ദ്രനില്ല. രാജേന്ദ്രനെ പാർട്ടിയിൽ നിന്ന് പുറത്താക്കണമെന്ന് ജില്ലാ കമ്മിറ്റി നേരത്തെ സംസ്ഥാന സെക്രട്ടേറിയറ്റിന് ശുപാർശ നൽകിയിരുന്നു. രാജേന്ദ്രനെതിരായ നടപടി ജില്ലാ സമ്മേളനത്തിന് ശേഷം സംസ്ഥാന സെക്രട്ടേറിയറ്റ്…

ഇടുക്കി ചിന്നാറില്‍ പുള്ളിപ്പുലിയെ അവശനിലയില്‍ കണ്ടെത്തി. വന്യജീവി സങ്കേതത്തിനുള്ളില്‍ ചമ്പക്കാട് കോളനി ഭാഗത്താണ് പുള്ളിപ്പുലിയെ അവശനിലയില്‍ കണ്ടെത്തിയത്. വനംവകുപ്പ് ജീവനക്കാരും ആദിവാസികളും വിവരം ചിന്നാല്‍ അസി. വൈല്‍ഡ് ലൈഫ് വാര്‍ഡനെ അറിയിച്ചതിനെ തുടര്‍ന്ന് വെറ്ററിനറി സര്‍ജനെ എത്തിച്ച് പരിശോധിച്ചു കാട്ടുപോത്തിനെ വേട്ടയാടാന്‍ ശ്രമിക്കുന്നതിനിടെ ആക്രമണത്തില്‍ പരുക്കേറ്റതാകാമെന്നാണ് നിഗമനം. പുള്ളിപ്പുലിയെ നിരീക്ഷിക്കാന്‍ ജീവനക്കാരെ ചുമതലപ്പെടുത്തിയതായി വനംവകുപ്പ് അറിയിച്ചു