സുഖ്ജിന്തർ സിംഗ് രൺധാവയെ പഞ്ചാബ് മുഖ്യമന്ത്രിയായി തീരുമാനിച്ചു

പഞ്ചാബ് മുഖ്യമന്ത്രിയായി സുഖ്ജിന്തർ സിംഗ് രൺധാവയെ തീരുമാനിച്ചു. ഇന്ന് ചേർന്ന നിയമസഭാ കക്ഷി യോഗത്തിൽ രൺധാവയെ കക്ഷി നേതാവായി തെരഞ്ഞെടുത്തു. ഹൈക്കമാൻഡാണ് രൺധാവയുടെ പേര് മുഖ്യമന്ത്രി സ്ഥാനത്തേക്ക് നിർദേശിച്ചത്. രൺധാവ ഇന്ന് തന്നെ സത്യപ്രതിജ്ഞ ചെയ്ത് അധികാരമേൽക്കുമെന്നാണ് സൂചന. ഇതുസംബന്ധിച്ച ഔദ്യോഗിക പ്രഖ്യാപനം ഉടനുണ്ടാകും

കർഷക കുടുംബത്തിൽ നിന്നുള്ള നേതാവാണ് രൺധാവ. ഹൈക്കമാൻഡിന്റെ പിന്തുണയാണ് അദ്ദേഹത്തെ തുണച്ചത്. നവ്‌ജ്യോത് സിംഗ് സിദ്ദു മുഖ്യമന്ത്രി സ്ഥാനത്തേക്ക് എത്തണമെന്ന് ഒരു വിഭാഗം ആവശ്യമുയർത്തിയെങ്കിലും പിസിസി സ്ഥാനത്ത് തുടരാനായിരുന്നു ഹൈക്കമാൻഡിന്റെ നിർദേശം. ഭരത് ഭൂഷൺ, കരുണ ചൗധരി എന്നിവർ ഉപമുഖ്യമന്ത്രിമാരാകും.

Read More

ഭൂപേന്ദ്ര പട്ടേല്‍ ഗുജറാത്ത് മുഖ്യമന്ത്രിയായി ഇന്ന് സത്യപ്രതിജ്ഞ ചെയ്യും ദീദിക്ക് മൂന്നാമൂഴം: പശ്ചിമ ബംഗാൾ മുഖ്യമന്ത്രിയായി മമതാ ബാനർജി സത്യപ്രതിജ്ഞ ചെയ്തു പഞ്ചാബിൽ വീണ്ടും ട്വിസ്റ്റ്: ചരൺജിത്ത് സിംഗ് ചന്നി മുഖ്യമന്ത്രിയാകും, രൺധാവ പുറത്ത് തമിഴ്‌നാട്ടിൽ എം കെ സ്റ്റാലിൻ ഇന്ന് മുഖ്യമന്ത്രിയായി സത്യപ്രതിജ്ഞ ചെയ്ത് അധികാരമേൽക്കും