തമിഴ്നാട് കൃഷ്ണഗിരിയിൽ കെ എസ് ആർ ടി സി സ്കാനിയ ബസും ലോറിയും കൂട്ടിയിടിച്ച് ഡ്രൈവർക്ക് ഗുരുതര പരുക്ക്. തിരുവനന്തപുരം-ബംഗളൂരു ബസിലെ ഡ്രൈവർ ഹരീഷ് കുമാറിനാണ് പരുക്കേറ്റത്. യാത്രക്കാർ സുരക്ഷിതരാണ് പുലർച്ചെ ആറരയോടെയായിരുന്നു അപകടം. ലോറിക്ക് പിന്നിലേക്ക് ബസ് ഇടിച്ചു കയറുകയായിരുന്നു. ഡ്രൈവർ ഉറങ്ങിപ്പോയതാകാം അപകടത്തിന് കാരണമെന്നാണ് പറയുന്നത്.
ന്യൂഡല്ഹി: ഓണ്ലൈന് പ്ലാറ്റ്ഫോമുകളിലൂടെയും മൊബൈല് ആപ്ലിക്കേഷനുകളിലൂടെയും വായ്പ നല്കുന്നതുള്പ്പെടെ ഡിജിറ്റല് വായ്പയുമായി ബന്ധപ്പെട്ട അനധികൃത ആപ്പുകള് പ്രവര്ത്തിക്കുന്നുണ്ടെന്ന് റിസര്വ് ബാങ്ക് ഓഫ് ഇന്ത്യ (ആര്.ബി.ഐ). ഇത്തരത്തില് ഇന്ത്യയില് പ്രവര്ത്തിക്കുന്ന 600-ലധികം നിയമവിരുദ്ധ വായ്പാ ആപ്പുകള് ബാങ്കിന്റെ വര്ക്കിംഗ് ഗ്രൂപ്പ് (ഡബ്ല്യു.ജി) കണ്ടെത്തിയിട്ടുണ്ട്. ആളുകളെ കബളിപ്പിക്കാന് കൂടുതലും ഉപയോഗിക്കുന്ന ഈ ആപ്പുകള് ആന്ഡ്രോയിഡ് ഉപയോക്താക്കള്ക്കായി നിരവധി ആപ്പ് സ്റ്റോറുകളില് ലഭ്യമാണെന്ന് ഡബ്ല്യു.ജി ഒരു റിപ്പോര്ട്ടില് പറഞ്ഞു. ഡിജിറ്റല് വായ്പയെക്കുറിച്ച് വിശദമായ റിപ്പോര്ട്ട് തയ്യാറാക്കുന്നതിനും ശുപാര്ശകള് നിര്ദേശിക്കുന്നതിനുമായുള്ള റിപ്പോര്ട്ടിലാണ്…
ബംഗളൂരു: കർണാടക പൊതുമരാമത്ത് വകുപ്പ് എൻജിനീയറുടെ വീട്ടിൽ റെയ്ഡ് നടത്തിയ ആന്റി കറപ്ഷൻ ബ്യൂറോ ഉദ്യോഗസ്ഥർ ഞെട്ടി. അനധികൃത പണം ഒളിപ്പിച്ച സംവിധാനം കണ്ടാണ് ഉദ്യോഗസ്ഥർ ഞെട്ടിയത്. വീടിന്റെ പൈപ്പ് ലൈനിലായിരുന്നു ഉദ്യോഗസ്ഥൻ അനധികൃത പണം ഒളിപ്പിച്ചത്. കൽബുർഗി ജില്ലയിലെ പൊതുമരാമത്ത് വകുപ്പ് ജോയിന്റ് എൻജിനീയർ ശാന്ത ഗൗഡ ബിരദറുടെ വീട്ടിലായിരുന്നു അഴിമതി വിരുദ്ധ ബ്യൂറോ റെയ്ഡ് നടത്തിയത്. അഴിമതി ആരോപണ വിധേയരായ സർക്കാർ ഉദ്യോഗസ്ഥർക്കെതിരെ സംസ്ഥാനവ്യാപകമായി നടന്ന റെയ്ഡിന്റെ ഭാഗമായിരുന്നു നടപടി. ശാന്ത ഗൗഡ…
ചെന്നൈ: തമിഴ്നാട് മുൻ മുഖ്യമന്ത്രി ജെ.ജയലളിതയുടെ മരണത്തെ കുറിച്ചും അവർക്കു ലഭിച്ച ചികിത്സകളെ കുറിച്ചും വിശദമായി അന്വേഷിക്കുമെന്ന് സുപ്രീം കോടതിയെ അറിയിച്ച് തമിഴ്നാട് സർക്കാർ. പൊതുജന താൽപര്യം മുൻനിർത്തിയാണ് മരണത്തെ കുറിച്ച് കൂടുതൽ അന്വേഷിക്കുന്നതെന്നാണ് വിശദീകരണം. ജസ്റ്റിസുമാരായ എസ്.അബ്ദുൽ നസീര്, കൃഷ്ണ മുരാരി എന്നിവരടങ്ങിയ ബെഞ്ചിനു മുന്നിൽ, സംസ്ഥാന സര്ക്കാരിനു വേണ്ടി ഹാജരായ മുതിര്ന്ന അഭിഭാഷകന് ദുഷ്യന്ത് ദവെയാണ് ഇക്കാര്യം വ്യക്തമാക്കിയത്. ജയലളിത ചെന്നൈ അപ്പോളോ ആശുപത്രിയിൽ 75 ദിവസത്തോളം ചികിത്സയിൽ കഴിഞ്ഞിരുന്നു. ജയലളിതയുടെ കോടനാട്…
ഹൈദരാബാദ്: സിംഹത്തിന്റെ കൂടിനു മുകളില് ചാടാനൊരുങ്ങി നില്ക്കുന്ന യുവാവ്. അലറി വിളിക്കുന്ന സന്ദര്ശകര്. യുവാവ് ഇപ്പോള് ചാടുമെന്ന് പ്രതീക്ഷിച്ച് കൊതിയോടെ താഴെ കാത്തു നില്ക്കുന്ന സിംഹം. ഹൈദരാബാദ് നെഹ്രു സുവോളജിക്കല് പാര്ക്കില് ആഫ്രിക്കന് സിംഹത്തിന്റെ കൂടിന് സമീപം നടന്ന സംഭവങ്ങളാണിത്. ഒടുവില് അധികൃതരെത്തി യുവാവിനെ പിടികൂടുന്നതു വരെ ഈ കലാപരിപാടി തുടര്ന്നു. ആഫ്രിക്കന് സിംഹത്തെ പാര്പ്പിച്ചിരുന്ന കിടങ്ങിന് മുകളിലേക്കാണ് യുവാവ് കയറിയത്. ഇത് കണ്ട് സിംഹം ഇയാളെ പിടിക്കാന് ചാടുന്നതും കാണാം.പൊതുജനങ്ങള്ക്ക് പ്രവേശനത്തിന് വിലക്കുള്ള മേഖലയിലേക്ക് സായ്കുമാര്…
ഡിസംബർ അവസാനത്തോടെ അന്താരാഷ്ട്ര വിമാന സർവീസുകൾ സാധാരണ നിലയിലാകുമെന്ന് പ്രതീക്ഷിക്കുന്നതായി വ്യോമയാന മന്ത്രാലയം സെക്രട്ടറി രാജീവ് ബൻസാൽ. അന്താരാഷ്ട്ര വിമാന സർവീസുകൾ ഏറ്റവും അടുത്തുതന്നെ, ഈ വർഷം അവസാനത്തോടെ സാധാരണ നിലയിലാകുമെന്ന് പ്രതീക്ഷിക്കുന്നു- അദ്ദേഹം പറഞ്ഞു. കോവിഡിന്റെ പശ്ചാത്തലത്തിൽ 2020 മാർച്ച് വരെ ഇന്ത്യയിലേക്കും പുറത്തേക്കുമുള്ള അന്താരാഷ്ട്ര യാത്രാ വിമാന സർവീസുകൾ നിർത്തിവച്ചിരുന്നു. ഇത് പിന്നീട് നവംബർ 30 വരെ നീട്ടിയിരുന്നു. നിലവിൽ, 25-ലധികം രാജ്യങ്ങളിലേക്ക് എയർ ബബിൾ ക്രമീകരണങ്ങളോടെ ഇന്ത്യ സർവീസ് നടത്തുന്നുണ്ട്.
വിവാദമായ കാർഷിക നിയമങ്ങൾ പിൻവലിക്കുന്നതിന് കേന്ദ്രമന്ത്രിസഭാ യോഗം അനുമതി നൽകി. ഇതിനായുള്ള ബിൽ പാർലമെന്റിൽ അവതരിപ്പിക്കാനാണ് അനുമതി. നിയമങ്ങൾ പിൻവലിക്കുമെന്ന് പ്രധാനമന്ത്രി നരേന്ദ്രമോദി നേരത്തെ പ്രഖ്യാപിച്ചിരുന്നു. നവംബർ 29നാണ് പാർലമെന്റിന്റെ ശൈത്യകാല സമ്മേളനം ആരംഭിക്കുന്നത്. ഈ സമയത്ത് കാർഷിക നിയമം പിൻവലിക്കൽ ബിൽ അവതരിപ്പിക്കാനാണ് കേന്ദ്രം ഒരുങ്ങുന്നത്. മൂന്ന് നിയമങ്ങളും കൂടി പിൻവലിക്കുന്നതിനായി ഒരു ബിൽ ആയിരിക്കും അവതരിപ്പിക്കുക. അതേസമയം സൗജന്യ ഭക്ഷ്യധാന്യ പദ്ധതി തുടരാനും കേന്ദ്രമന്ത്രിസഭാ യോഗം തീരുമാനിച്ചു. ് കർഷകരുടെ രോഷം അവസാനിപ്പിക്കാൻ…
രാജ്യത്ത് കഴിഞ്ഞ 24 മണിക്കൂറിനിടെ 9,283 പേർക്ക് കൂടി കൊവിഡ് സ്ഥിരീകരിച്ചു. 1,11,481 പേരാണ് നിലവിൽ കൊവിഡ് ബാധിച്ച് ചികിത്സയിൽ കഴിയുന്നത്. 537 ദിവസത്തിനിടയിലെ കുറഞ്ഞ കണക്കാണിത്. കഴിഞ്ഞ 24 മണിക്കൂറിൽ 10,949 പേരാണ് കൊവിഡിൽ നിന്ന് മുക്തി നേടിയത്. ഇതോടെ മുക്തരുടെ എണ്ണം 3,39,57,698 ആയി. 98.33 ശതമാനമാണ് രോഗമുക്തി നിരക്ക്. 24 മണിക്കൂറിലെ ടെസ്റ്റ് പോസിറ്റിവിറ്റി നിരക്ക് 0.80 ശതമാനവും, പ്രതിവാര പോസിറ്റിവിറ്റി നിരക്ക് 0.93 ശതമാനവുമാണ്. രാജ്യ വ്യാപകമായി നടക്കുന്ന കൊവിഡ്…
ഹരിയാനയിലെ കോൺഗ്രസ് മുൻ അധ്യക്ഷനും രാഹുൽ ഗാന്ധിയുടെ വിശ്വസ്തനുമായിരുന്ന അശോക് തൻവാറും മുൻ ക്രിക്കറ്റ് താരം കീർത്തി ആസാദും തൃണമൂൽ കോൺഗ്രസിൽ ചേരുമെന്ന് റിപ്പോർട്ട്. മൂന്ന് ദിവസത്തെ സന്ദർശനത്തിനായി ഡൽഹിയിലെത്തിയ ബംഗാൾ മുഖ്യമന്ത്രി മമതാ ബാനർജിയുടെ സാന്നിധ്യത്തിലാകും ഇവർ തൃണമൂൽ അംഗത്വമെടുക്കുക 2019 ഹരിയാന നിയമസഭാ തെരഞ്ഞെടുപ്പിന് മുമ്പാണ് അശോക് തൻവാർ കോൺഗ്രസ് വിട്ടത്. കോൺഗ്രസിന്റെ മുൻ എംപി കൂടിയായിരുന്നു. ഈ വർഷമാദ്യം അദ്ദേഹം സ്വന്തം പാർട്ടി രൂപീകരിച്ചിരുന്നു. 1983ലെ ലോകകപ്പ് നേടിയ ഇന്ത്യൻ ടീമിലെ…
രാജ്യത്ത് കുതിച്ചുയരുന്ന എണ്ണവില നിയന്ത്രിക്കാനായി കേന്ദ്രം തന്ത്രപ്രധാന നീക്കത്തിനൊരുങ്ങുന്നതായി റിപ്പോർട്ട്. രാജ്യത്തെ കരുതൽ ശേഖരം പുറത്തെടുക്കുമെന്നാണ് വിവരം. എണ്ണവിതരണ രാജ്യങ്ങൾ കൃത്രിമമായി ഡിമാൻഡ് സൃഷ്ടിക്കുന്നതിനെതിരെ മുന്നറിയിപ്പ് നൽകുന്നതിനായി അമേരിക്ക നടപ്പാക്കുന്ന പദ്ധതിയിൽ ഇന്ത്യയും ഭാഗമാകുമെന്നാണ് വിവരം. കരുതൽ ശേഖരം അടിയന്തരമായി തുറന്നുവിടണമെന്ന ബൈഡൻ ഭരണകൂടത്തിന്റെ ആഹ്വാനത്തോട് കേന്ദ്ര പെട്രോളിയം, വിദേശകാര്യ മന്ത്രാലയങ്ങൾക്ക് അനുകൂല നിലപാടാണുള്ളത്. ചൈന അമേരിക്കൻ നിർദേശം നടപ്പാക്കാനൊരുങ്ങുകയാണ്. ജപ്പാനും ഇക്കാര്യം സജീവമായി പരിഗണിക്കുന്നുണ്ട് യുഎസ്, ചൈന, ജപ്പാൻ, ഇന്ത്യ, ദക്ഷിണകൊറിയ എന്നീ രാജ്യങ്ങൽ…