National

പുതിയ പാർലമെന്റ് നിർമാണങ്ങൾക്കെതിരായ ഹർജികൾ തീർപ്പാക്കുന്നതുവരെ നിർമാണ ജോലികൾ ആരംഭിക്കരുതെന്ന് സുപ്രീം കോടതി. പുതിയ പാർലമെന്റ് മന്ദിരത്തിന്റെ നിർമാണവുമായി ബന്ധപ്പെട്ട് നിരവധി ഹർജികളാണ് സുപ്രീം കോടതിയുടെ മുന്നിലുള്ളത്   ഈ ഹർജികൾ പരിഗണിക്കുന്ന ഘട്ടത്തിലാണ് നിർമാണ പ്രവർത്തനങ്ങൾ തത്കാലം ആരംഭിക്കേണ്ടെന്ന് കോടതി നിർദേശിച്ചത്. വിഷയത്തിൽ കടുത്ത അതൃപ്തിയും ജസ്റ്റിസ് ഖാൻവിൽകർ അധ്യക്ഷനായ ബഞ്ച് രേഖപ്പെടുത്തി. മറ്റേതെങ്കിലും വിധത്തിലുള്ള നിർമാണ പ്രവർത്തനങ്ങൾ കേസുമായി ബന്ധപ്പെട്ട് ഇനിയൊരു ഉത്തരവുണ്ടാകുന്നതുവരെ നടത്തരുതെന്നും കോടതി നിർദേശിച്ചു കെട്ടിടങ്ങൾ പൊളിച്ചു മാറ്റുകയോ, മരം മുറിക്കുകയോ…

രാജ്യത്ത് കഴിഞ്ഞ 24 മണിക്കൂറിനിടെ 32,981 പേർക്ക് കൂടി കൊവിഡ് സ്ഥിരീകരിച്ചു. ആകെ രോഗബാധിതരുടെ എണ്ണം ഇതോടെ 96,77,203 ആയി ഉയർന്നു. 391 പേരാണ് കഴിഞ്ഞ 24 മണിക്കൂറിനിടെ കൊവിഡ് ബാധിതരായി മരിച്ചത്. രാജ്യത്തെ ആകെ കൊവിഡ് മരണസംഖ്യ 1,40,573 ആയി ഉയർന്നു. 39,109 പേർ ഇന്നലെ രോഗമുക്തരായി. ഇതിനോടകം 91,39,901 പേർ രാജ്യത്ത് രോഗമുക്തി നേടിയിട്ടുണ്ട്. നിലവിൽ 3,96,729 പേരാണ് ചികിത്സയിൽ കഴിയുന്നത് ഡിസംബർ ആറ് വരെ 14,77,87,656 സാമ്പിളുകൾ പരിശോധിച്ചതായി ഐസിഎംആർ അറിയിച്ചു. ഇന്നലെ…

ഭാരത് ബന്ദിന് മുന്നോടിയായി യുപി-ഡൽഹി അതിർത്തിയായ നോയിഡയിൽ 144 പ്രഖ്യാപിച്ചു. കൊവിഡ് വ്യാപനം തടയാനെന്ന പേരിലാണ് നിരോധനാജ്ഞ പ്രഖ്യാപിച്ചതെങ്കിലും കൂടുതൽ കർഷകർ അതിർത്തിയിലേക്ക് എത്തുന്നത് തടയുകയാണ് ലക്ഷ്യം. ജനുവരി 2 വരെയാണ് 144 പ്രഖ്യാപിച്ചിരിക്കുന്നത് അതേസമയം കർഷകർക്ക് ഐക്യദാർഢ്യം പ്രഖ്യാപിച്ച് ഡൽഹി മുഖ്യമന്ത്രി അരവിന്ദ് കെജ്രിവാൾ ഇന്ന് ഡൽഹി-ഹരിയാന അതിർത്തിയായ സിംഘുവിലെത്തും. മന്ത്രിമാരും കെജ്രിവാളിനൊപ്പമുണ്ടാകും. കർഷകർക്കായി ഡൽഹി സർക്കാർ ഒരുക്കിയ സൗകര്യങ്ങൾ മുഖ്യമന്ത്രി വിലയിരുത്തും സിംഘു അതിർത്തിയിലും തിക്രി അതിർത്തിയിലുമാണ് കർഷകർ 11 ദിവസമായി സമരം തുടരുന്നത്….

ഓക്‌സ്‌ഫോർഡിന്റെ കൊവിഡ് വാക്‌സിൻ ഇന്ത്യയിൽ ഉപയോഗിക്കാൻ അനുമതി തേടി സെറം ഇൻസ്റ്റിറ്റ്യൂട്ട് അപേക്ഷ നൽകി. കഴിഞ്ഞ ദിവസം അമേരിക്കൻ മരുന്ന് കമ്പനിയായ ഫൈസറും തങ്ങളുടെ കൊവിഡ് വാക്‌സിൻ ഉപയോഗത്തിന് അനുമതി തേടി അപേക്ഷ സമർപ്പിച്ചിരുന്നു വാക്‌സിൻ അനുമതിക്കായി ഡ്രഗ്‌സ് കൺട്രോളർ ജനറൽ ഓഫ് ഇന്ത്യക്ക് അപേക്ഷ നൽകുന്ന ആദ്യ ഇന്ത്യൻ കമ്പനിയാണ് സെറം. കൊവിഷീൽഡ് വാക്‌സിന്റെ മൂന്നാംഘട്ട പരീക്ഷണം പുരോഗമിക്കുന്നതിനിടെയാണ് അപേക്ഷ നൽകിയിരിക്കുന്നത് ആസ്ട്രനെക മരുന്ന് കമ്പനിയുമായി സഹകരിച്ചാണ് ഓക്‌സ്‌ഫോർഡ് യൂനിവേഴ്‌സിറ്റിയും സെറം ഇൻസ്റ്റിറ്റ്യൂട്ടും വാക്‌സിൻ വികസിപ്പിച്ചത്….

പെട്രോൾ, ഡീസൽ വിലയിൽ ഇന്നും വർധനവ്. പെട്രോളിന് 30 പൈസയും ഡീസലിന് 27 പൈസയുമാണ് വർധിച്ചത്. കഴിഞ്ഞ രണ്ട് വർഷത്തെ ഏറ്റവും ഉയർന്ന നിലയിലാണ് ഇന്ധനവില കുതിക്കുന്നത്. പെട്രോൾ വില ലിറ്ററിന് 85 രൂപ കടന്നു. തിരുവനന്തപുരത്ത് പെട്രോളിന് 85.72 രൂപയും ഡീസലിന് 79.65 രൂപയുമാണ് വില. കൊച്ചിയിൽ പെട്രോൾ ലിറ്ററിന് 83.96 രൂപയും ഡീസലിന് 78.01 രൂപയുമാണ്.  

ഭരണഘടനാ ശിൽപി ഡോ. ബി ആർ അംബേദ്കറുടെ ചരമ വാർഷികത്തിൽ അനുസ്മരണവുമായി പ്രധാനമന്ത്രി നരേന്ദ്രമോദി. അംബേദ്കറിന്റെ ആശയങ്ങൾ ദശലക്ഷക്കണക്കിന് ആളുകൾക്ക് പ്രചോദനം നൽകുന്നതാണെന്ന് മോദി പറഞ്ഞു. അംബേദ്കറിന്റെ സ്വപ്‌നങ്ങൾ പൂർത്തികരിക്കാൻ പ്രതിജ്ഞാബദ്ധമാണെന്നും പ്രധാനമന്ത്രി പറഞ്ഞു രാജ്യത്തിന് സമഗ്രമായ ഒരു ഭരണഘടന നൽകി പുരോഗതിക്കും അഭിവൃദ്ധിക്കും സമത്വത്തിനും വഴിയൊരുക്കിയ ആളാണ് അംബേദ്കറെന്ന് കേന്ദ്ര ആഭ്യന്തര മന്ത്രി അമിത് ഷാ ട്വീറ്റ് ചെയ്തു. ബാബാ സാഹേബിന്റെ ചുവടു പിടിച്ച് മോദി സർക്കാർ ദരിദ്ര വിഭാഗങ്ങളുടെ ക്ഷേമത്തിനായി അർപ്പണ ബോധത്തോടെ പ്രവർത്തിക്കുകയാണെന്നും…

ആന്ധ്രപ്രദേശിലെ ഗോദാവരി ജില്ലയിലെ സർക്കാർ ജൂനിയർ കോളജ് ക്ലാസ് മുറിയിൽ വെച്ച് വിദ്യാർഥികൾ വിവാഹിതരായ സംഭവത്തിൽ പോലീസ് കേസെടുത്തു. യൂനിഫോമിലുള്ള ആൺകുട്ടി യൂനിഫോമിലുള്ള പെൺകുട്ടിയെ താലി അണിയിക്കുന്നതും സിന്ദൂരം തൊടീക്കുന്നതിന്റെയും വീഡിയോ പുറത്തുവന്നിരുന്നു. ഇതിന് പിന്നാലെയാണ് പോലീസ് കേസെടുത്തത് ഹയർ സെക്കൻഡറി വിദ്യാർഥികളാണ് വീഡിയോ ദൃശ്യത്തിലുള്ളത്. സംഭവം വിവാദമായതോടെ പെൺകുട്ടിയെ വീട്ടിൽ നിന്നും മാതാപിതാക്കൾ ഇറക്കി വിട്ടു. പെൺകുട്ടിയെ അഭയ കേന്ദ്രത്തിലേക്ക് മാറ്റിയിട്ടുണ്ട്. ഇരു കുട്ടികൾക്കും കൗൺസിലിംഗ് നൽകുമെന്ന് ആന്ധ്രാപ്രദേശ് മഹിളാ കമ്മീഷൻ ചെയർപേഴ്‌സൺ വസിറെഡ്ഡി പത്മ…

മുംബൈ ലാൽബാഗിൽ ഗ്യാസ് സിലിൻഡർ പൊട്ടിത്തെറിച്ച് 16 പേർക്ക് പരുക്കേറ്റു. ഇന്ന് രാവിലെ 7.20നാണ് സംഭവം. ഗണേശ് ഗല്ലി പ്രദേശത്തെ സാരാഭായി അപാർട്ട്മെന്റിലാണ് പൊട്ടിത്തെറിയുണ്ടായത്. നിരവധി പേർ തിങ്ങിത്താമസിക്കുന്ന പ്രദേശമാണ് ലാൽബാഗ്. അപകടത്തിന് പിന്നാലെ അഗ്നിരക്ഷാസേന സ്ഥലത്തെത്തി രക്ഷാപ്രവർത്തനം ആരംഭിച്ചതിനാൽ തീ പടരാതിരിക്കാൻ സഹായകരമായി അപാർട്ട്മെന്റ് ബിൽഡിങ്ങിന്റെ രണ്ടാം നിലയിലാണ് സ്ഫോടനം നടന്നതെന്നാണ് പ്രഥമിക വിവരം. സ്ഫോടനം ലെവൽ വൺ നിലവാരത്തിലുള്ളതായിരുന്നുവെന്ന് അഗ്‌നശമന സേന ഓഫിസർ പറഞ്ഞു.  

മുംബൈ ലാൽബാഗിൽ ഗ്യാസ് സിലിൻഡർ പൊട്ടിത്തെറിച്ച് 16 പേർക്ക് പരുക്കേറ്റു. ഇന്ന് രാവിലെ 7.20നാണ് സംഭവം. ഗണേശ് ഗല്ലി പ്രദേശത്തെ സാരാഭായി അപാർട്ട്മെന്റിലാണ് പൊട്ടിത്തെറിയുണ്ടായത്. നിരവധി പേർ തിങ്ങിത്താമസിക്കുന്ന പ്രദേശമാണ് ലാൽബാഗ്. അപകടത്തിന് പിന്നാലെ അഗ്നിരക്ഷാസേന സ്ഥലത്തെത്തി രക്ഷാപ്രവർത്തനം ആരംഭിച്ചതിനാൽ തീ പടരാതിരിക്കാൻ സഹായകരമായി അപാർട്ട്മെന്റ് ബിൽഡിങ്ങിന്റെ രണ്ടാം നിലയിലാണ് സ്ഫോടനം നടന്നതെന്നാണ് പ്രഥമിക വിവരം. സ്ഫോടനം ലെവൽ വൺ നിലവാരത്തിലുള്ളതായിരുന്നുവെന്ന് അഗ്‌നശമന സേന ഓഫിസർ പറഞ്ഞു.            

ഡൽഹിയിൽ കാർഷിക നിയമത്തിനെതിരായി പ്രതിഷേധിക്കുന്ന കർഷകർക്ക് കമ്പിളി പുതപ്പ് വാങ്ങാൻ ഒരു കോടി രൂപ സംഭാവന ചെയ്ത് പഞ്ചാബി നടനും ഗായകനുമായ ദിൽജിത്ത്. അതിശൈത്യത്തെയും വകവെക്കാതെയാണ് കർഷകർ ഡൽഹിയിലും പരിസര പ്രദേശത്തുമായി തമ്പടിച്ചിരിക്കുന്നത്. സമരം രണ്ടാം ആഴ്ചയിയിലേക്ക് കടന്ന സാഹചര്യത്തിലാണ് കർഷകരോടുള്ള തന്റെ അനുഭാവം ദിൽജിത്ത് ഒരിക്കൽ കൂടി പ്രകടിപ്പിച്ചത്. നേരത്തെ ഡൽഹി-ഹരിയാന അതിർത്തിയായ സിംഘുവിൽ കർഷക പ്രക്ഷോഭത്തെ അഭിസംബോധന ചെയ്യാനും ദിൽജിത്ത് എത്തിയിരുന്നു. നടി കങ്കണ റണാവത്ത് സംഘ്പരിവാർ ന്യായങ്ങളുമായി കർഷക സമരത്തെ പരിഹസിച്ചപ്പോൾ കടുത്ത…