National

ബംഗാളിലെ മിഡ്നാപൂരിൽ സന്ദർശനത്തിനെത്തുന്ന കേന്ദ്ര ആഭ്യന്തരമന്ത്രി അമിത് ഷാക്കെതിരെ പോസ്റ്ററുക≥. ഗോ ബാക്ക് അമിത് ഷാ മുദ്രാവാക്യവുമായി ചിലർ തെരുവിലിറങ്ങിയതായും റിപ്പോർട്ടുകളുണ്ട്. മിഡ്നാപൂരിലുടനീളം അമിത് ഷാ ഗോ ബാക്ക് പോസ്റ്ററുകൾ സ്ഥാപിച്ചിട്ടുണ്ട്. കഴിഞ്ഞാഴ്ച ബിജെപി ദേശീയ അധ്യക്ഷൻ ജെ പി നഡ്ഡയുടെ വാഹനവ്യൂഹത്തിന് നേർക്ക് ബംഗാളിൽ കല്ലേറുണ്ടായിരുന്നു. ഇതിന് പിന്നാലെ കേന്ദ്രവും മമത സർക്കാരും തമ്മിലുള്ള വാക് പോര് രൂക്ഷമാകുകയും ചെയ്തു ഈ സാഹചര്യത്തിലാണ് അമിത് ഷാ ബംഗാൾ സന്ദർശനത്തിനെത്തിയത്.

രാജ്യത്ത് കൊവിഡ് രോഗികളുടെ എണ്ണം ഒരു കോടി കടന്നു. കഴിഞ്ഞ 24 മണിക്കൂറിനിടെ 25,152 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗികളുടെ എണ്ണം 1,00,04,599 ആയി ഉയർന്നു 347 പേർ ഇന്നലെ മരിച്ചു. 1,45,136 പേരാണ് ഇതിനോടകം കൊവിഡ് ബാധിച്ച് മരിച്ചത്. രാജ്യത്ത് രോഗം സ്ഥിരീകരിച്ച് 325 ദിവസത്തിനകമാണ് രോഗബാധിതരുടെ എണ്ണം ഒരു കോടിയിലേക്ക് എത്തിയത്. നിലവിൽ 3,08,751 പേരാണ് ചികിത്സിയൽ കഴിയുന്നത്. 95,50,712 പേർ രോഗമുക്തി നേടിയിട്ടുണ്ട്. 2020 ജനുവരി 30ന് കേരളത്തിലാണ്…

ഇന്ത്യൻ കൗൺസിൽ ഫോർ മെഡിക്കൽ റിസർച്ചിന്റെ ഡയറക്ടർ ജനറൽ പ്രൊഫ. ബൽറാം ഭാർഗവക്ക് കോവിഡ് -19 സ്ഥിരീകരിച്ചു. ഡൽഹി ഓൾ ഇന്ത്യ ഇൻസ്റ്റിറ്റ്യൂട്ട് ഓഫ് മെഡിക്കൽ സയൻസിലെ കോവിഡ് പരിചരണ വിഭാഗത്തിൽ അദ്ദേഹത്തെ പ്രവേശിപ്പിച്ചതായാണ് റിപ്പോർട്ട്. കോവിഡ് -19 രോഗ പ്രതിരോധം, ചികിത്സ, വാക്സിൻ എന്നിവയുമായി ബന്ധപ്പെട്ട എല്ലാ കാര്യങ്ങളുടെയും മേൽനോട്ടം വഹിക്കുന്നു പരമോന്നത സ്ഥാപനത്തിന്റെ മേധാവിയാണ് ബൽറാം ഭാർഗവ. ആരോഗ്യ ഗവേഷണ വകുപ്പ്, ആരോഗ്യ, കുടുംബക്ഷേമ മന്ത്രാലയം എന്നിവയുടെ സെക്രട്ടറി കൂടിയാണ് അദ്ദേഹം. പ്രൊഫ. ബൽ‌റാം…

ന്യൂഡല്‍ഹി: കൊവിഡ് വാക്‌സിന്‍ കുത്തിവയ്പ് എടുക്കുന്നതിന് ആരേയും നിര്‍ബന്ധിക്കില്ലെന്ന് കേന്ദ്രസര്‍ക്കാര്‍. ഇന്ത്യന്‍ നിര്‍മിത വാക്‌സിനുകള്‍ മറ്റ് രാജ്യങ്ങള്‍ വികസിപ്പിച്ചെടുത്ത വാക്‌സിന്‍ പോലെ ഫലപ്രദമായിരിക്കുമെന്നും കേന്ദ്ര ആരോഗ്യമന്ത്രാലയം വ്യക്തമാക്കി. കൊവിഡ് വാക്‌സിന്‍ വിതരണം സംബന്ധിച്ചുള്ള പൊതുജനങ്ങളുടെ സംശയങ്ങള്‍ക്കുള്ള മറുപടിയും കേന്ദ്രമന്ത്രാലയം പങ്കുവെച്ചു. വാക്‌സിന്‍ സ്വീകരിക്കണമോ എന്നത് അവരവരുടെ തീരുമാനമാണ്. എന്നിരുന്നാലും വാക്‌സിന്റെ മുഴുവന്‍ ഡോസും സ്വീകരിക്കുന്നത് തന്നെയാണ് അനുയോജ്യം. സ്വയം സുരക്ഷിതമാവുന്നതോടൊപ്പം കുടുംബത്തിലേക്കും പുറത്തുള്ളവരിലേക്കും രോഗ വ്യാപനം ഉണ്ടാവുന്നത് കുറയ്ക്കാനും ഇത് സഹായിക്കുമെന്നും പൊതുജനങ്ങളുടെ ചോദ്യങ്ങള്‍ക്ക് മറുപടിയായി മന്ത്രാലയം…

കാർഷിക പരിഷ്ക്കരണ നിയമങ്ങൾക്കെതിരെ കർഷകരുടെ സമരം 24-ആം ദിവസത്തിലേക്ക് കടന്നു. ഉത്തരേന്ത്യ കൊടും ശൈത്യത്തിലേക്ക് കടന്നെങ്കിലും ദേശീയ പാതകൾ ഉപരോധിച്ചു കൊണ്ടുള്ള പ്രതിഷേധം കർഷകർ തുടരുകയാണ്. സമരം കൂടുതൽ കടുപ്പിക്കുന്നതിനെക്കുറിച്ച് ആലോചിക്കാൻ കര്‍ഷക സംഘടനകൾ ഇന്ന് യോഗം ചേരും. സുപ്രീംകോടതിയിലെ കേസിൽ സ്വീകരിക്കേണ്ട നിലപാടിനെ കുറിച്ച് അഭിഭാഷകരുമായി കര്‍ഷക സംഘടനകളുടെ ചര്‍ച്ച തുടരുകയാണ്. അതിനിടെ, കർഷകസമരത്തിൽ പിന്തുണയുമായി ബിജെപിയുടെ മുതിർന്ന നേതാവ് രംഗത്തെത്തി. മുൻകേന്ദ്രമന്ത്രി ബിരേന്ദർ സിംഗ് ഡൽഹിയിലേക്ക് മാർച്ച് പ്രഖ്യാപിച്ചത്. കർഷകരുടെ ആവശ്യം ന്യായമെന്ന് ബീരേന്ദർ…

കേന്ദ്രസർക്കാർ പശ്ചിമ ബംഗാൾ സർക്കാരും തമ്മിലുള്ള പോര് കൂടുതൽ രൂക്ഷമാകുന്നു. ബംഗാൾ ചീഫ് സെക്രട്ടറിയോടും ഡിജിപിയോടും ഇന്ന് വൈകുന്നേരം അഞ്ചരയ്ക്ക് ഡൽഹിയിൽ എത്താൻ കേന്ദ്ര ആഭ്യന്തര മന്ത്രാലയം നിർദേശം നൽകി. ക്രമസമാധാന സാഹചര്യത്തെ കുറിച്ച് ചർച്ച ചെയ്യാനാണ് ഉദ്യോഗസ്ഥരെ വിളിപ്പിച്ചത്. നാളെ അമിത് ഷാ ബംഗാളിലേക്ക് പോകാനിരിക്കുന്നതിന് മുന്നോടിയായാണ് ഉദ്യോഗസ്ഥരെ ഡൽഹിയിലേക്ക് വിളിപ്പിച്ചത്. അടുത്തിടെ ബിജെപി ദേശീയ അധ്യക്ഷൻ ജെഡി നഡ്ഡയുടെ ബംഗാൾ സന്ദർശനത്തിനിടെ വാഹനവ്യൂഹം ആക്രമിക്കപ്പെട്ടതിന് പിന്നാലെയാണ് കേന്ദ്രവും സംസ്ഥാനവും തമ്മിൽ തർക്കം ഉടലെടുക്കുന്നത്. നാളെ…

ന്യൂഡല്‍ഹി: 22,889 പേര്‍ക്ക് കൊവിഡ് സ്ഥിരീകരിച്ചതോടെ രാജ്യത്തെ കൊവിഡ് ബാധിതരുടെ എണ്ണം 99,79,447 ആയി. 24 മണിക്കൂറിനുള്ളില്‍ 338 പേര്‍ക്ക് ജീവന്‍ നഷ്ടപ്പെട്ടു. ഇതുവരെ രാജ്യത്ത് 1,44,789 പേരാണ് മരിച്ചത്. രാജ്യത്തെ വിവിധ ആശുപത്രികളിലായി 3,13,831 പേര്‍ ചികില്‍സ തേടുന്നുണ്ട്. വെള്ളിയാഴ്ച രാവിലെ പുറത്തുവിട്ട കണക്കുപ്രകാരം 95,20,827 പേര്‍ രോഗമുക്തരായി ആശുപത്രിവിട്ടു. വ്യാഴാഴ്ച രാവിലെയും വെള്ളിയാഴ്ച രാവിലെയും ഇടയയില്‍ 31,087 പേര്‍ ആശുപത്രിവിട്ടു. ദേശീയ രോഗമുക്തി നിരക്ക് ചെറിയ തേതില്‍ മെച്ചപ്പെട്ടിട്ടുണ്ട്. 95.31 ശതമാനം 95.40 ശതമാനമായി….

ന്യൂഡല്‍ഹി: മുതിര്‍ന്ന പൗരന്മാര്‍ക്ക് 50 ശതമാനം നിരക്കിളവ് പ്രഖ്യാപിച്ച് എയര്‍ ഇന്ത്യ. ആഭ്യന്തര സര്‍വീസുകള്‍ക്കു മാത്രമാണിത് ബാധകം. 60 വയസ് പൂര്‍ത്തിയായവര്‍ക്കാണ് ഇളവ് ലഭിക്കുക. ടെര്‍മിനല്‍ ഫീസ്, എയര്‍പോര്‍ട്ട് യൂസര്‍ഫീസ് തുടങ്ങിയവ ഉള്‍പ്പെടുത്താതെയുള്ള അടിസ്ഥാന നിരക്കിലാണ് ഇളവ് ലഭിക്കുകയെന്ന് എയര്‍ ഇന്ത്യയുടെ വെബ്സൈറ്റില്‍ പറയുന്നു. എയര്‍ ഇന്ത്യയുടെ വെബ്‌സൈറ്റില്‍ നല്‍കിയിരിക്കുന്ന വിവരങ്ങള്‍ പ്രകാരം ഈ ഇളവ് ലഭ്യമാകണമെങ്കില്‍ ചില മാനദണ്ഡങ്ങള്‍ പാലിക്കേണ്ടതുണ്ട്. അപേക്ഷിക്കുന്ന ആള്‍ മുതിര്‍ന്ന ഇന്ത്യന്‍ പൗരനായിരിക്കണം. കൂടാതെ സ്ഥിരമായി ഇന്ത്യയില്‍ താമസിക്കുന്ന ആളായിരിക്കണം. യാത്ര…

ഓസ്‌ട്രേലിയക്കെതിരായ ക്രിക്കറ്റ് ടെസ്റ്റിൽ ഇന്ത്യ ഒന്നാമിന്നിംഗ്‌സിൽ 244 റൺസിന് പുറത്ത്. നാല് വിക്കറ്റുകൾ വീഴ്ത്തിയ മിച്ചൽ സ്റ്റാർക്കും മൂന്ന് വിക്കറ്റെടുത്ത പാറ്റ് കമ്മിൻസുമാണ് ഇന്ത്യയെ തകർത്തത്. ഹേസിൽവുഡ്, ലിയോൺ എന്നിവർ ഓരോ വിക്കറ്റും സ്വന്തമാക്കി. രണ്ടാം ദിനം ആറിന് 233 റൺസ് എന്ന നിലയിൽ ബാറ്റിംഗ് പുനരാരംഭിച്ച ഇന്ത്യക്ക് 11 റൺസ് എടുക്കുന്നതിനിടെ അവസാന നാല് വിക്കറ്റുകൾ നഷ്ടപ്പെട്ടു. സാഹ, അശ്വിൻ എന്നിവർ രണ്ടാംദിനം ഒരു റൺസ് പോലും കൂട്ടിച്ചേർക്കാനാകാതെ മടങ്ങി. 74 റൺസെടുത്ത കോഹ്ലിയാണ് ഇന്ത്യയുടെ…

രാജ്യത്ത് കൊവിഡ് ബാധിതരുടെ എണ്ണം ഒരു കോടിയോട് അടുക്കുന്നു. കഴിഞ്ഞ 24 മണിക്കൂറിനിടെ 22,890 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 99,79,447 ആയി ഉയർന്നു 338 പേർ ഇന്നലെ മരിച്ചു. ആകെ മരണസംഖ്യ 1,44,789 ആയി. അതേസമയം ഇതിനോടകം 95,20,827 പേർ രോഗമുക്തി നേടിയിട്ടുണ്ട്. ഇന്നലെ മാത്രം 31,087 പേർ രോഗമുക്തരായി. 3,13,831 പേരാണ് നിലവിൽ ചികിത്സയിൽ കഴിയുന്നത്. ദേശീയ രോഗമുക്തി നിരക്ക് 95.40 ശതമാനമായി ഉയർന്നു. 1.45 ശതമാനമാണ് മരണനിരക്ക്.