National

ന്യൂഡല്‍ഹി: കൊവിഡ് വ്യാപനത്തിന്റെ പശ്ചാത്തലത്തില്‍ ഇത്തവണത്തെ കേന്ദ്ര ബജറ്റില്‍ ആരോഗ്യമേഖലയ്ക്ക് പ്രത്യേക പരിഗണന. ഈ മേഖലയ്ക്ക് 2 ലക്ഷം കോടി രൂപയാണ് മാറ്റിവച്ചിരിക്കുന്നത്. ആത്മനിര്‍ഭര്‍ സ്വസ്ഥ്യഭാരത് യോജനക്ക് ആറ് വര്‍ഷത്തേക്ക് 64,180 കോടി രൂപയാണ് നീക്കിവച്ചിരിക്കുന്നത്. ഇത് മൂന്ന് തലത്തിലുമുള്ള ആരോഗ്യസംവിധാനങ്ങള്‍ വികസിപ്പിക്കാന്‍ ഉപയോഗിക്കും. ദേശീയ ആരോഗ്യമിഷനുവേണ്ടി ഗ്രാമങ്ങളില്‍ 17,000 കോടി രൂപയാണ് നീക്കിവച്ചിരിക്കുന്നത്. 11,000 കോടി നഗരപ്രദേശത്തെ ആരോഗ്യസംവിധാനം മെച്ചപ്പെടുത്താനും ഉപയോഗിക്കും. 602 ജില്ലകളില്‍ ബ്ലോക്ക് തലത്തില്‍ ക്രിട്ടിക്കല്‍ കെയര്‍ ചികില്‍സാകേന്ദ്രങ്ങള്‍ സ്ഥാപിക്കും. പോഷകാഹാരക്കുറവ് പരിഹരിക്കാന്‍…

ന്യൂഡല്‍ഹി: പാര്‍ലമെന്റില്‍ ധനമന്ത്രി നിര്‍മല സീതാരാമന്‍ 2021-22 വര്‍ഷത്തേക്കുള്ള ബജറ്റ് അവതരണം തുടങ്ങിയത് പ്രതിപക്ഷ ബഹളത്തിനിടയില്‍. എഎപി, അകാലിദള്‍ അംഗങ്ങളാണ് ധനമന്ത്രി ബജറ്റ് അവതരിപ്പിക്കുന്നതിനിടയില്‍ ബഹളം വച്ചത്. കാര്‍ഷികമേഖലയുമായി ബന്ധപ്പെട്ട പരാമര്‍ശത്തിനിടയിലായിരുന്നു അംഗങ്ങളുടെ ഇടപെടല്‍. ഇന്ത്യയുടെ ചരിത്രത്തില്‍ ഇതാദ്യമായാണ് പൂര്‍ണമായും ഡിജിറ്റല്‍ ഫോര്‍മാറ്റില്‍ മാത്രം തയ്യാറാക്കിയ ബജറ്റ് അവതരിപ്പിക്കുന്നത്.  

ന്യൂഡല്‍ഹി: അജ്ഞാതവാഹനം ഇടിച്ച് പരിക്കേല്‍ക്കുന്നവര്‍ക്ക് ചികിത്സയും നഷ്ടപരിഹാരവും നല്‍കുന്നതിന് വാഹന ഇന്‍ഷുറന്‍സില്‍ വര്‍ധനവ് വരുത്താനൊരുങ്ങി കേന്ദ്രം. ഇന്‍ഷുറന്‍സ് പ്രീമിയത്തില്‍ നിന്നുമാണ് ഇതിന് തുക വകയിരുത്തുക. ഇതു സംബന്ധിച്ച് കേന്ദ്രസര്‍ക്കാര്‍ തയ്യാറാക്കിയ പദ്ധതിക്ക് അന്തിമരൂപമായി. ഇന്‍ഷുറന്‍സ് ഇല്ലാത്ത വാഹനങ്ങളിടിച്ച് പരിക്കേല്‍ക്കുന്നവര്‍ക്ക് ചികിത്സ നല്‍കാന്‍ എല്ലാ വാഹന ഇന്‍ഷുറന്‍സ് പോളിസികളിലും നിശ്ചിതശതമാനം മാറ്റിവെക്കും. അധികപ്രീമിയം ഈടാക്കാന്‍ കമ്പനികള്‍ക്ക് അനുമതി നല്‍കും. അജ്ഞാതവാഹനം ഇടിച്ച് മരിച്ചാല്‍ നഷ്ടപരിഹാരവും പരിക്കേല്‍ക്കുന്നവര്‍ക്ക് 1.5 ലക്ഷം രൂപയുടെ സൗജന്യ ചികിത്സയും നല്‍കുന്നതാണ് പദ്ധതി. അപകടത്തില്‍ പരിക്കേല്‍ക്കുന്നവര്‍ക്കെല്ലാം…

കേന്ദ്രബജറ്റ് ഇന്ന് ധനമന്ത്രി നിർമലാ സീതാരാമൻ അവതരിപ്പിക്കും. കൊവിഡ് കാരണം മാന്ദ്യത്തിലായ സാമ്പത്തിക രംഗത്തെ ഉത്തേജിപ്പിക്കുന്ന പ്രഖ്യാപനമുണ്ടാകുമോയെന്ന കാത്തിരിപ്പിലാണ് രാജ്യം. അസ്വസ്ഥമായ കാർഷിക മേഖലയ്ക്കും കൂടുതൽ പ്രഖ്യാപനങ്ങളുണ്ടാകാൻ സാധ്യതയുണ്ട് രാവിലെ 11 മണിക്കാണ് ബജറ്റ് അവതരണം. കൊവിഡിെ തുടർന്നുണ്ടായ സാമ്പത്തിക പ്രതിസന്ധി നിയന്ത്രിക്കാനായി രണ്ട് സാമ്പത്തിക പാക്കേജുകൾ കേന്ദ്രം പ്രഖ്യാപിച്ചിരുന്നു. മുമ്പൊരിക്കലും ഉണ്ടായിട്ടില്ലാത്ത തരത്തിലെ ബജറ്റെന്നാണ് ധനമന്ത്രി വിശേഷിപ്പിക്കുന്നത്. കൊവിഡിന്റെ പശ്ചാത്തലം ചൂണ്ടിക്കാട്ടിയാണ് ധനമന്ത്രി ഇത്തരമൊരു വിശേഷണം ബജറ്റിന് നൽകുന്നത്. ആരോഗ്യ സംരക്ഷണ ചെലവ്, സ്വകാര്യവത്കരണ ലക്ഷ്യങ്ങൾ,…

കർഷകരുമായി ചർച്ച ചെയ്യാൻ സർക്കാർ തയ്യാറാണെന്ന് പ്രധാനമന്ത്രി നരേന്ദ്രമോദി. കാർഷിക നിയമങ്ങൾ മരവിപ്പിക്കാമെന്ന വാഗ്ദാനം ഇപ്പോഴും നിലനിൽക്കുന്നുണ്ട്. കർഷകരുടെ ഏത് വിഷയവും ചർച്ച ചെയ്യാൻ സർക്കാർ തയ്യാറാണ്. തുറന്ന സമീപനമാണ് സർക്കാരിനുള്ളതെന്നും പ്രധാനമന്ത്രി സർവകക്ഷി യോഗത്തിൽ പറഞ്ഞു കൃഷിമന്ത്രി നരേന്ദ്ര സിംഗ് തോമർ പറഞ്ഞതു തന്നെയാണ് തനിക്കും ആവർത്തിക്കാനുള്ളത്. കർഷകർ ആലോചിച്ച് ഒരു തീരുമാനത്തിലെത്തണം. ഏത് സമയത്തും കർഷകർക്ക് സർക്കാരിനെ സമീപിക്കാം. ഒന്നര വർഷത്തേക്ക് കാർഷിക നിയമങ്ങൾ മരവിപ്പിക്കാമെന്ന സർക്കാരിന്റെ വാഗ്ദാനം ഇപ്പോഴും നിലവിലുണ്ട്. ചർച്ചകളിലൂടെ വേണം…

രാജ്യത്ത് കഴിഞ്ഞ 24 മണിക്കൂറിനിടെ 13,083 പേർക്ക് കൂടി കൊവിഡ് സ്ഥിരീകരിച്ചു. കഴിഞ്ഞ ദിവസം പതിനെട്ടായിരത്തോളം പേർക്കായിരുന്നു രോഗബാധ. ഇതിനെ അപേക്ഷിച്ച് പുതിയ കേസുകളുടെ എണ്ണത്തിൽ 30 ശതമാനത്തിന്റെ കുറവുണ്ട്. ഇന്നലെ സ്ഥിരീകരിച്ച കേസുകളിൽ പകുതിയോളവും കേരളത്തിലാണ്. 6268 പേർക്കാണ് സംസ്ഥാനത്ത് വെള്ളിയാഴ്ച കൊവിഡ് സ്ഥിരീകരിച്ചത്. മഹാരാഷ്ട്രയിൽ ഇന്നലെ 2771 പേർക്ക് മാത്രമായിരുന്നു രോഗബാധ രാജ്യത്ത് ഇതിനോടകം 1.07 കോടി പേർക്കാണ് കൊവിഡ് സ്ഥിരീകരിച്ചത്. ഇന്നലെ 14,808 പേരാണ് കൊവിഡിൽ നിന്ന് മുക്തരായത്. 1.04 കോടി പേർ…

യുപി അതിർത്തിയായ ഗാസിപൂരിൽ നിന്ന് കർഷകരെ തിടുക്കത്തിൽ ഒഴിപ്പിക്കില്ലെന്ന് യുപി പോലീസ്. ചർച്ചകൾക്ക് ശേഷമെ അന്തിമ തീരുമാനമെടുക്കൂ. കൂടുതൽ സേനയെ വിന്യസിച്ചത് സംഘർഷശ്രമം തടയാനാണ്. ഇത് ബലപ്രയോഗത്തിനാണെന്ന് തെറ്റിദ്ധരിക്കപ്പെടുകയായിരുന്നുവെന്നും യുപി എ ഡി ജി പി പറഞ്ഞു കഴിഞ്ഞ ദിവസം ഗാസിപൂരിൽ നിന്ന് കർഷകരെ ഒഴിപ്പിക്കാൻ പോലീസ് എത്തിയത് സംഘർഷത്തിന് ഇടയാക്കിയിരുന്നു. കർഷകർ സംഘടിച്ചെത്തിയതോടെ പോലീസ് ഈ നീക്കത്തിൽ നിന്ന് പിൻമാറി. ഇന്നലെ സിംഘുവിൽ കേന്ദ്രസർക്കാർ അനുകൂലികൾ കർഷകരുടെ ടെന്റ് പൊളിച്ചു കളയാൻ ശ്രമിച്ചതും സംഘർഷത്തിൽ കലാശിച്ചിരുന്നു…

ഡൽഹി അബ്ദുൽ കലാം റോഡിൽ സ്ഥിതി ചെയ്യുന്ന ഇസ്രായേൽ എംബസിക്ക് സമീപത്ത് നടന്ന സ്‌ഫോടനത്തിൽ അന്വേഷണം പുരോഗമിക്കുന്നു. സ്‌ഫോടനത്തിൽ ഇറാനിയൻ സംഘടനകൾക്ക് പങ്കുണ്ടോയെന്നും പരിശോധിക്കുന്നുണ്ട്. ഇക്കാര്യത്തിലെ വ്യക്തതക്കായി ഇസ്രായേൽ രഹസ്യാന്വേഷണ ഏജൻസിയായ മൊസാദിന്റെ സഹായം തേടി തീവ്രത കുറഞ്ഞ ഐഇഡി ഉപയോഗിച്ചാണ് സ്‌ഫോടനം നടത്തിയത്. ശ്രദ്ധ ആകർഷിക്കാനുള്ള ശ്രമമെന്നാണ് വിലയിരുത്തൽ. ആഭ്യന്തര മന്ത്രി അമിത് ഷായ്ക്ക് സ്‌ഫോടനം സംബന്ധിച്ച വിവരങ്ങൾ ഉന്നത പോലീസുദ്യോഗസ്ഥർ കൈമാറിയിട്ടുണ്ട്. തന്ത്രപ്രധാന മേഖലകളിലെല്ലാം സുരക്ഷ വർധിപ്പിക്കാനും നിർദേശം നൽകിയിട്ടുണ്ട്. ഇന്നലെ വൈകുന്നേരം അഞ്ച്…

ശോഭാ സുരേന്ദ്രൻ ഉയർത്തിയ പരാതികൾ പരിഹരിക്കാമെന്ന് ബിജെപി കേന്ദ്ര നേതൃത്വത്തിന്റെ ഉറപ്പ്. ദേശീയ പ്രസിഡന്റ് ജെ പി നഡ്ഡയുടെ നിർദേശപ്രകാരം നിർമലാ സീതാരാമനുമായും അഖിലേന്ത്യാ ജനറൽ സെക്രട്ടറി അരുൺ സിംഗുമായും ശോഭാ സുരേന്ദ്രൻ ചർച്ച നടത്തി. കെ സുരേന്ദ്രൻ പ്രസിഡന്റായ ശേഷം താനുൾപ്പെടെ ഒരു വിഭാഗം നേതാക്കളെ തഴഞ്ഞെന്നായിരുന്നു ശോഭാ സുരേന്ദ്രന്റെ പരാതി. വിഷയത്തിൽ ആർ എസ് എസ് ഇടപെട്ടിട്ടും സംസ്ഥാന നേതൃത്വം വഴങ്ങിയിരുന്നില്ല. തുടർന്നാണ് കേന്ദ്ര നേതൃത്വം ഇടപെട്ടത്. നഡ്ഡ പറഞ്ഞതനുസരിച്ചാണ് ശോഭ ഡൽഹിയിലെത്തി നിർമലാ…

രാജ്യത്ത് കൊവിഡ് സ്ഥിരീകരിച്ചിട്ട് ഇന്ന് ഒരു വർഷം പൂർത്തിയാകുന്നു. ചൈനയിലെ വൂഹാനിൽ നിന്ന് പൊട്ടിപ്പുറപ്പെട്ട കൊവിഡ് ഇന്ത്യയിൽ 2019 ജനുവരി 30ന് കേരളത്തിലാണ് ആദ്യമായി സ്ഥിരീകരിച്ചത്. വുഹാനിൽ നിന്നുമെത്തിയ തൃശ്ശൂർ സ്വദേശനിയായ മെഡിക്കൽ വിദ്യാർഥിനിക്കായിരുന്നു രോഗം പിന്നാലെ വുഹാനിൽ നിന്ന് വന്ന രണ്ട് പേർക്ക് കൂടി കൊവിഡ് സ്ഥിരീകരിച്ചു. ആദ്യഘട്ട പ്രതിരോധത്തിന് പിന്നാലെ മാർച്ചിൽ ഇറ്റലിയിൽ നിന്നെത്തിയ റാന്നി സ്വദേശികൾക്ക് രോഗം സ്ഥിരീകരിച്ചു. കേരളത്തിന് പിന്നാലെ രാജ്യത്തിന്റെ മറ്റ് ഭാഗങ്ങളിലും രോഗം സ്ഥിരീകരിച്ച് തുടങ്ങിയതോടെ രാജ്യം വിറങ്ങലിച്ചു…