National

കാർഷിക നിയമഭേദഗതിക്കെതിരെ സമരം ചെയ്യുന്ന കർഷകർക്ക് പിന്തുണയുമായി ലോകത്തിന്റെ വിവിധ മേഖലകളിലുള്ള പ്രമുഖർ. സമരത്തെ പിന്തുണച്ച് പോപ് ഗായിക റിഹാന ചെയ്ത ട്വീറ്റിന് പിന്നാലെയാണ് നിരവധി പേർ കർഷക പ്രക്ഷോഭത്തിന് പിന്തുണയുമായി രംഗത്തുവന്നത്. കർഷകസമരത്തെ അടിച്ചമർത്താനുള്ള നീക്കം നരേന്ദ്രമോദി സർക്കാർ ശക്തമാക്കുന്നതിനിടെയാണ് ലോകത്തിന്റെ വിവിധ മേഖലകളിലുള്ള പ്രമുഖർ രംഗത്തുവരുന്നത്. കർഷകർക്ക് ഐക്യദാർഢ്യം പ്രകടിപ്പിച്ച് ചൊവ്വാഴ്ചയാണ് റിഹാന ട്വീറ്റ് ചെയ്തത്. ഇന്റർനെറ്റ് വിച്ഛേദിച്ച വാർത്ത പങ്കുവെച്ചു കൊണ്ടായിരുന്നു റിഹാനയുടെ ട്വീറ്റ്. പരിസ്ഥിതി പ്രവർത്തക ഗ്രെറ്റ ത്യൂൻബയും കർഷകർക്ക് പിന്തുണയുമായി…

കർഷക പ്രക്ഷോഭവുമായി ബന്ധപ്പെട്ട് കേന്ദ്രസർക്കാരിനെതിരെ രൂക്ഷ വിമർശനവുമായി ശിവസേന. റിപബ്ലിക് ദിനത്തിൽ ചെങ്കോട്ടയിൽ നടന്ന പ്രക്ഷോഭത്തിനിടെ കർഷകർ ദേശീയപതാകയെ അപമാനിച്ചിട്ടില്ലെന്ന് ശിവസേന പറഞ്ഞു. ദേശീയ പതാകയെ അപമാനിച്ചതു കണ്ട് രാജ്യം ഞെട്ടിപ്പോയെന്ന പ്രധാനമന്ത്രി നരേന്ദ്രമോദിയുടെ പ്രസ്താവനയെ വിമർശിച്ച് സാമ്‌നയിൽ എഴുതിയ മുഖപ്രസംഗത്തിലാണ് ശിവസേന ഇക്കാര്യം പറയുന്നത് കർഷകർ ഡൽഹിയിലേക്ക് കടക്കുന്നത് തടയാൻ വൻ സുരക്ഷാ സന്നാഹങ്ങൾ ഒരുക്കിയ നടപടിയെയും ശിവസേന വിമർശിക്കുന്നു. ഇത്രയും സജ്ജീകരണങ്ങൾ ലഡാക്കിൽ ഒരുക്കിയിരുന്നുവെങ്കിൽ ചൈനീസ് സൈന്യം നമ്മുടെ രാജ്യത്തേക്ക് കടന്നു കയറില്ലായിരുന്നു. ഇന്ത്യയുടെ…

കാർഷിക നിയമത്തെ ചൊല്ലി രാജ്യസഭയിൽ ഇന്നും ബഹളം. സഭ ചേർന്നയുടനെ ആം ആദ്മി എംപിമാരാണ് സഭയുടെ നടുത്തളത്തിലിറങ്ങി ബഹളം വെച്ചത്. ഇതോടെ സഭ 9.40 വരെ നിർത്തിവെച്ചു. തുടർന്ന് സഭ ചേർന്നപ്പോൾ മൂന്ന് എഎപി അംഗങ്ങളെ ഇന്നത്തേക്ക് സസ്‌പെൻഡ് ചെയ്തതായി രാജ്യസഭാ അധ്യക്ഷൻ കൂടിയായ ഉപരാഷ്ട്രപതി വെങ്കയ്യ നായിഡു അറിയിച്ചു സഭയിൽ നിന്ന് പുറത്തുപോകാൻ തയ്യാറാകാതെ നിന്ന അംഗങ്ങളെ ബലംപ്രയോഗിച്ചാണ് പുറത്താക്കിയത്. കർഷക പ്രശ്‌നങ്ങളെ കുറിച്ച് ചർച്ച ചെയ്യാൻ 15 മണിക്കൂർ അനുവദിക്കണമെന്ന കാര്യത്തിൽ ഭരണ പ്രതിപക്ഷ…

കാർഷിക നിയമങ്ങൾ പിൻവലിക്കാൻ കേന്ദ്രസർക്കാരിന് ഒക്ടോബർ മാസം വരെ സമയം നൽകുമെന്ന് കർഷക നേതാവ് രാകേഷ് ടിക്കായത്ത്. ഒക്ടോബറിലും നടപടിയുണ്ടായില്ലെങ്കിൽ 40 ലക്ഷം ട്രാക്ടറുകൾ പങ്കെടുക്കുന്ന രാജ്യവ്യാപക ട്രാക്ടർ റാലി നടത്തുമെന്നും ടിക്കായത്ത് പറഞ്ഞു. അതിനിടെ റിപബ്ലിക് ദിനത്തിലെ ട്രാക്ടർ റാലിക്കിടെ നടന്ന സംഘർഷവുമായി ബന്ധപ്പെട്ട് 14 ട്രാക്ടറുകൾ ഡൽഹി പോലീസ് കസ്റ്റഡിയിലെടുത്തു. ട്രാക്ടർ റാലിക്കിടെ നടന്ന അക്രമങ്ങളിൽ അന്വേഷണം ആവശ്യപ്പെട്ടുള്ള ഹർജികൾ സുപ്രീം കോടതി ഇന്ന് പരിഗണിക്കാനിരിക്കെയാണ് നടപടി. കർഷക പ്രക്ഷോഭം ഇന്നും പാർലമെന്റിനെ പ്രക്ഷുബ്ധമാക്കും….

കാർഷിക നിയമങ്ങൾ പിൻവലിക്കാൻ തയ്യാറായില്ലെങ്കിൽ കർഷക സമരം അടുത്ത കാലത്തൊന്നും അവസാനിക്കില്ലെന്ന് ഭാരതീയ കിസാൻ യൂനിയൻ നേതാവ് രാകേഷ് ടിക്കായത്ത്. സമരം അടുത്ത കാലത്തൊന്നും അവസാനിക്കാൻ പോകുന്നില്ല. നിയമം പിൻവലിച്ചില്ലെങ്കിൽ വീട്ടിലേക്ക് മടക്കമില്ലെന്നതാണ് ഞങ്ങളുടെ മുദ്രാവാക്യമെന്നും രാകേഷ് ടിക്കായത്ത് പറഞ്ഞു പ്രക്ഷോഭം ഒക്ടോബറിന് മുമ്പ് അവസാനിക്കില്ല. സമരം ചെയ്യുന്ന കർഷകർക്കെതിരായ പോലീസിന്റെയും ഭരണകൂടത്തിന്റെയും പീഡനം അവസാനിപ്പിക്കുകയും തടവിലാക്കിയ കർഷകര മോചിപ്പിക്കാൻ തയ്യാറാകുകയും ചെയ്തില്ലെങ്കിൽ സർക്കാരുമായി ഇനിയൊരു ഔപചാരിക ചർച്ചക്ക് തയ്യാറല്ലെന്നും സംയുക്ത കിസാൻ മോർച്ച പറഞ്ഞു. ഇന്റർനെറ്റ്…

കൊവിഡ് പ്രതിരോധ വാക്‌സിൻ ജനങ്ങൾക്ക് സൗജന്യമായി നൽകുമെന്ന് കേരളം അടക്കം ഒരു സംസ്ഥാനവും അറിയിച്ചിട്ടില്ലെന്ന് കേന്ദ്രസർക്കാർ. രാജ്യസഭയിൽ കെ സോമപ്രസാദിന്റെ ചോദ്യത്തിന് കേന്ദ്ര ആരോഗ്യസഹമന്ത്രി അശ്വിനികുമാർ ചൗബേയാണ് ഇക്കാര്യം പറഞ്ഞത്. കൊവിഡ് വാക്‌സിൻ കേരളത്തിൽ എല്ലാവർക്കും സൗജന്യമായി നൽകുമെന്ന് സംസ്ഥാന സർക്കാർ പ്രഖ്യാപിച്ചിരുന്നു. ഇതുസംബന്ധിച്ച വ്യക്തതക്കായാണ് ചോദ്യം ഉന്നയിച്ചത്. രാജ്യത്ത് ആദ്യ ഘട്ടത്തിൽ വാക്‌സിൻ സൗജന്യമായാണ് നൽകുന്നതെന്ന് ആരോഗ്യസഹ മന്ത്രി പറഞ്ഞു. എന്നാൽ തുടർ ഘട്ടങ്ങളിൽ സൗജന്യമായിരിക്കുമോയെന്ന കാര്യം അദ്ദേഹം വ്യക്തമാക്കിയില്ല

മഹാരാഷ്ട്രയിൽ പോളിയോ വാക്‌സിന് പകരം കുട്ടികൾക്ക് ഹാൻഡ് സാനിറ്റൈസർ മാറി നൽകി. അഞ്ച് വയസ്സിൽ താഴെയുള്ള 12 കുട്ടികളെ ഇതോടെ ആശുപത്രിയിൽ പ്രവേശിപ്പിച്ചു. മഹാരാഷ്ട്രയിലെ യവത്മാൽ ജില്ലയിലാണ് സംഭവം കുട്ടികളുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു. അശ്രദ്ധ കാണിച്ച ആരോഗ്യപ്രവർത്തകർക്കെതിരെ നടപടി സ്വീകരിക്കുമെന്നും സർക്കാർ വ്യക്തമാക്കി. ദേശീയ പൾസ് പോളിയോ ദിനത്തിൽ കുട്ടികൾക്ക് വാക്‌സിൻ നൽകുന്നതിനിടെയാണ് സാനിറ്റൈസർ മാറി നൽകിയത്. ഒരു കുട്ടിക്ക് ഛർദിയും ശാരീരിക അസ്വസ്ഥതകളും അനുഭവപ്പെടുകയും ചെയ്തു. ഗ്രാമത്തലവൻ പരിശോധിക്കുന്നതിനിടെയാണ് പോളിയോ തുള്ളിമരുന്നതിന് പകരം…

രാജ്യത്ത് കൊവിഡ് പ്രതിദിന വർധനവ് വീണ്ടും പതിനായിരത്തിൽ താഴെ. കഴിഞ്ഞ 24 മണിക്കൂറിനിടെ 8635 പേർക്കാണ് കൊവിഡ് സ്ഥിരീകരിച്ചത്. ഇതോടെ രാജ്യത്തെ ആകെ രോഗികളുടെ എണ്ണം 1,07,66,245 ആയി 94 പേർ ഇന്നലെ കൊവിഡ് ബാധിച്ച് മരിച്ചു. ഇതിനോടകം 1,54,486 പേരാണ് രാജ്യത്ത് കൊവിഡ് ബാധിച്ച് മരിച്ചത്. 13423 പേർ ഇന്നലെ രോഗമുക്തി നേടി. 1,04,48,406 പേരാണ് ഇതിനോടകം രോഗമുക്തി നേടിയത്. നിലവിൽ 1,63,353 പേരാണ് രാജ്യത്ത് ചികിത്സയിൽ കഴിയുന്നത്. കേരളത്തിൽ ഇന്നലെ 3459 പേർക്കാണ് കൊവിഡ്…

തമിഴ്‌നാട്ടിലേക്ക് മടങ്ങാൻ ദിവസങ്ങൾ മാത്രം ബാക്കി നിൽക്കെ എഐഎഡിഎംകെയിൽ ശശികലക്ക് പിന്തുണയേറുന്നു. പനീർശെൽവം പക്ഷത്തെ നേതാക്കളാണ് ശശികലക്ക് പിന്തുണ പ്രഖ്യാപിച്ച് രംഗത്തുവന്നിരിക്കുന്നത്. ശശികല അണ്ണാ ഡിഎംകെയിൽ തിരികെ എത്തണമെന്നാവശ്യപ്പെട്ട് ഇവർ വിവിധയിടങ്ങളിൽ പോസ്റ്ററുകൾ പതിച്ചിട്ടുണ്ട് അതേസമയം എടപ്പാടി പളനിസ്വാമി വിഭാഗമാണ് ഇതിനെ ശക്തമായി എതിർക്കുന്നത്. പാർട്ടിക്കുള്ളിൽ ശശികലയെ ചൊല്ലി പിളർപ്പുണ്ടാകുമെന്ന് വ്യക്തമായതോടെ ബിജെപിയും സമ്മർദവുമായി രംഗത്തുവന്നു. ബിജെപിയുടെ നീക്കങ്ങൾക്കൊടുവിൽ പാർട്ടി അനുനയ ചർച്ചകൾക്ക് തുടക്കമിടുകയും ചെയ്തു കർണാടക അണ്ണാ ഡിഎംകെ സെക്രട്ടറി യുവരാജ് അടക്കമുള്ള നേതാക്കൾ ബംഗളൂരുവിലെ…

ഇന്ത്യയുടെ ആത്മവിശ്വാസം പ്രദർശിപ്പിക്കുകയും ലോകത്തിന്റെ ആത്മവിശ്വാസം വളർത്തുകയും ചെയ്യുന്നതാണ് ധനമന്ത്രി നിർമലാ സീതാരാമൻ അവതരിപ്പിച്ച ബജറ്റെന്ന് പ്രധാനമന്ത്രി നരേന്ദ്രമോദി. ഇന്ത്യയുടെ ആത്മവിശ്വാസം കാണിക്കുന്നതും ആത്മനിർഭർ കാഴ്ച്ചപ്പാട് ഉള്ളതുമാണ് ബജറ്റ് യുവാക്കൾക്ക് അവസരങ്ങൾ നൽകിയും അടിസ്ഥാന സൗകര്യങ്ങളുടെ പുതിയ മേഖലകൾ തുടങ്ങിയതും ജീവിത സൗകര്യത്തിന് ഊന്നൽ നൽകിയുമുള്ള വളർച്ചയുടെ ആശയങ്ങളാണ് ബജറ്റിനുള്ളത്. രാജ്യത്തിന് അനുകൂലമായ ബജറ്റാണ് നൽകിയത്. ഇന്ത്യയുടെ സമഗ്ര വികസനത്തിനായുള്ള ബജറ്റിന്റെ സഹായത്തോടെ സമ്പത്തും ആരോഗ്യവും വർധിപ്പിക്കും. അടിസ്ഥാന സൗകര്യമേർപ്പെടുത്തുന്നതിൽ കൂടുതൽ തുക നീക്കിവെച്ചു. കർഷകരുടെ വരുമാനം…