National

കേരളമടക്കം നിയമസഭാ തെരഞ്ഞെടുപ്പ് നടക്കുന്ന സംസ്ഥാനങ്ങളിൽ കൊവിഡ് വാക്‌സിൻ സർട്ടിഫിക്കറ്റിൽ നിന്ന് പ്രധാനമന്ത്രിയുടെ ചിത്രം നീക്കാൻ കേന്ദ്ര തെരഞ്ഞെടുപ്പ് കമ്മീഷന്റെ നിർദേശം. കേന്ദ്ര ആരോഗ്യമന്ത്രാലയത്തിനാണ് നിർദേശം നൽകിയത്. പ്രധാനമന്ത്രിയുടെ ചിത്രം വാക്‌സിൻ സർട്ടിഫിക്കറ്റിൽ ഉൾപ്പെടുത്തുന്നത് മാതൃകാ പെരുമാറ്റ ചട്ടത്തിന്റെ ലംഘനമാണെന്ന് കമ്മീഷൻ വിലയിരുത്തി. തൃണമൂൽ എംപി ഡെറിക് ഒബ്രിയാൻ നൽകിയ പരാതിയുടെ അടിസ്ഥാനത്തിലാണ് നടപടി പരാതിയെ തുടർന്ന് ആരോഗ്യമന്ത്രാലയത്തോട് തെരഞ്ഞെടുപ്പ് കമ്മീഷൻ വിശദീകരണം തേടിയിരുന്നു. തെരഞ്ഞെടുപ്പ് പ്രഖ്യാപനത്തിന് മുമ്പ് തന്നെ ഇത് തയ്യാറാക്കിയതാണെന്നായിരുന്നു മന്ത്രാലയത്തിന്റെ വിശദീകരണം. തുടർന്നാണ്…

ന്യൂഡല്‍ഹി: ഇന്ത്യന്‍ അത്‌ലറ്റിക്സ് പരിശീലകന്‍ നിക്കോളായ് സ്നെസറോവ് (72) അന്തരിച്ചു. ഇദ്ദേഹത്തെ ഹോസ്റ്റല്‍ മുറിയില്‍ മരിച്ച നിലയില്‍ കണ്ടെത്തുകയായിരുന്നു. പട്യാലയിലെ നാഷനല്‍ ഇന്‍സ്റ്റിറ്റ്യൂട്ട് ഓഫ് സ്പോര്‍ട്സിലെ ഹോസ്റ്റല്‍ മുറിയിലാണ് ഇദ്ദേഹത്തെ മരിച്ച നിലയില്‍ കണ്ടെത്തിയത്. മരണകാരണം വ്യക്തമല്ല. മൃതദേഹം പോസ്റ്റ്‌മോര്‍ട്ടത്തിനായി ആശുപത്രിയിലേക്ക് മാറ്റി.

യുപിയിൽ ഇന്ത്യ-നേപ്പാൾ അതിർത്തിയിൽ നേപ്പാൾ പോലീസ് നടത്തിയ വെടിവെപ്പിൽ ഇന്ത്യൻ പൗരൻ കൊല്ലപ്പെട്ടു. 26കാരനായ ഗോവിന്ദയാണ് കൊല്ലപ്പെട്ടത്. നേപ്പാൾ അതിർത്തി പോലീസുമായുള്ള വാക്കു തർക്കത്തെ തുടർന്നാണ് യുവാവിന് വെടിയേറ്റതെന്ന് യുപി പോലീസ് പറയുന്നു പപ്പു സിംഗ്, ഗുർമീത് സിംഗ്, ഗോവിന്ദ എന്നിവർ നേപ്പാളിലേക്ക് പോകുന്നതിനിടെയാണ് സംഭവം. അതിർത്തിയിൽ വെച്ച് മൂന്ന് പേരും നേപ്പോൾ പോലീസുമായി തർക്കത്തിലേർപ്പെടുകയായിരുന്നു. വെടിവെപ്പിൽ ഒരാൾ കൊല്ലപ്പെട്ടു. ഒരാൾ ഇന്ത്യൻ പ്രദേശത്തേക്ക് തിരികെയെത്തി. ഒരാളെ കാണാനില്ലെന്നും പിലിബിത്ത് എസ് പി ജയ് പ്രകാശ് അറിയിച്ചു

ബംഗാൾ നിയമസഭാ തെരഞ്ഞെടുപ്പിനുള്ള തൃണമൂൽ സ്ഥാനാർഥികളെ പ്രഖ്യാപിച്ചു. തൃണമൂൽ വിട്ട സുവേന്ദു അധികാരിയുടെ വെല്ലുവിളി ഏറ്റെടുത്ത മമതാ ബാനർജി നന്ദിഗ്രാമിൽ മത്സരിക്കുമെന്ന് ഉറപ്പായി. നന്ദിഗ്രാമടക്കം, 291 മണ്ഡലങ്ങളിലെ സ്ഥാനാർഥികളെയാണ് പ്രഖ്യാപിച്ചത്. സ്ഥാനാർഥി പട്ടികയിൽ 50 പേർ സ്ത്രീകളാണ്. 45 പേർ മുസ്ലിം വിഭാഗത്തിൽ നിന്നും 79 പേർ പട്ടിക ജാതി വിഭാഗത്തിൽ നിന്നും 17 പേർ പട്ടിക വർഗ വിഭാഗത്തിൽ നിന്നുമുള്ളവരാണ്. എട്ട് ഘട്ടങ്ങളിലായാണ് ബംഗാളിൽ തെരഞ്ഞെടുപ്പ് നടക്കുന്നത്. 294 അംഗ നിയമസഭയിൽ 291 സീറ്റിലും തൃണമൂൽ…

ബോളിവുഡ് താരം സുശാന്ത് സിംഗ് രാജ്പുതിന്റെ മരണവുമായി ബന്ധപ്പെട്ട കേസിൽ നടി റിയ ചക്രബർത്തി അടക്കം 33 പേർക്കെതിരെ നർകോട്ടിക്‌സ് കൺട്രോൾ ബ്യൂറോ കുറ്റപത്രം നൽകി. മുംബൈയിലെ പ്രത്യേക കോടതിയിലാണ് 12,000 പേജുള്ള കുറ്റപത്രം സമർപ്പിച്ചിരിക്കുന്നത്. റിയയുടെ സഹോദരൻ ഷോവികിന്റെ പേരും കുറ്റപത്രത്തിലുണ്ട്. ഇരുവരും കേസിൽ നേരത്തെ അറസ്റ്റിലായിരുന്നു. പിന്നീട് ജാമ്യത്തിലിറങ്ങുകയായിരുന്നു. കുറ്റപത്രത്തിൽ പേരുള്ള 33 പേരിൽ എട്ട് പേർ നിലവിൽ കസ്റ്റഡിയിലാണ്. സുശാന്തിന്റെ മരണത്തിൽ 2020 ജൂണിലാണ് എൻസിബി അന്വേഷണം ആരംഭിച്ചത്. മയക്കുമരുന്ന് ഇടപാടുമായി ബന്ധമുള്ള…

രാജ്യത്ത് കഴിഞ്ഞ 24 മണിക്കൂറിനിടെ 16,838 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 1,11,73,761 ആയി ഉയർന്നു. 113 പേരാണ് ഇന്നലെ മരിച്ചത്. രാജ്യത്ത് കൊവിഡ് ബാധിതരായി ഇതിനോടകം 1,57,548 പേർ മരിച്ചു. കഴിഞ്ഞ 24 മണിക്കൂറിനിടെ 13,819 പേർ രോഗമുക്തി നേടി. 1,08,39,894 പേരാണ് ഇതിനോടകം രോഗമുക്തി നേടിയത്. നിലവിൽ 1,76,319 പേരാണ് ചികിത്സയിൽ കഴിയുന്നത്. ഇതിൽ 86,359 പേരും മഹാരാഷ്ട്രയിലാണ്. കേരളത്തിൽ 44,734 പേർ ചികിത്സയിൽ തുടരുന്നു. 1,80,05,503 പേർ…

ബംഗാളിൽ തൃണമൂൽ കോൺഗ്രസിന്റെ സ്ഥാനാർഥികളെ ഇന്ന് പ്രഖ്യാപിക്കും. 294 മണ്ഡലങ്ങളിലേക്കുമുള്ള സ്ഥാനാർഥികളെ ഒറ്റഘട്ടമായി പ്രഖ്യാപിക്കാനാണ് തൃണമൂൽ കോൺഗ്രസിന്റെ തീരുമാനം. കാളിഘട്ടിലെ വസതിയിൽ മുഖ്യമന്ത്രി മമത ബാനർജി ഇന്ന് സ്ഥാനാർഥികളെ പ്രഖ്യാപിക്കും. മമത ബാനർജി നന്ദിഗ്രാമിൽ മാത്രമാകും മത്സരിക്കുക എന്നാണ് സൂചന. ശിവരാത്രി ദിനത്തിൽ മമത നാമനിർദ്ദേശ പത്രിക സമർപ്പിക്കാനാണ് തീരുമാനം. ആരോപണവിധേയരെ ഒഴിവാക്കി പരമാവധി പുതുമുഖങ്ങളെ ഉൾപ്പെടുത്തിയാണ് തൃണമൂലിന്റെ സ്ഥാനാർഥി പട്ടികയെന്ന് നേതൃത്വം അറിയിച്ചു. അബ്ബാസ് സിദ്ധിഖിയുടെ ഐഎസ് എഫ്, യുണൈറ്റഡ് ഫ്രണ്ടിന്റെ ഭാഗമായി മത്സരിക്കുന്ന സാഹചര്യത്തിൽ…

ഡൽഹി അതിർത്തികളിൽ തുടരുന്ന കർഷക പ്രക്ഷോഭം നാളെ നൂറാം ദിവസത്തിലേക്ക് കടക്കും. അതേസമയം കർഷകരുടെ ആവശ്യത്തോട് ഇതുവരെ അനുകൂലമായി നരേന്ദ്രമോദിയുടെ കേന്ദ്രസർക്കാർ പ്രതികരിച്ചിട്ടില്ല. മൂന്ന് മാസത്തിനിടെ ഡൽഹി അതിർത്തികളിലെ കൊടുംതണുപ്പിൽ മരിച്ചുവീണത് 108 കർഷകരാണ്. എന്നിട്ടും ദയാരഹിതമായ സമീപനമാണ് കേന്ദ്രം സ്വീകരിക്കുന്നത് നവംബർ 27നാണ് കർഷകരുടെ പ്രക്ഷോഭം ആരംഭിക്കുന്നത്. ഡിസംബറിലെയും ജനുവരിയിലെയും കൊടുംതണുപ്പിലാണ് നൂറിലധികം കർഷകർ മരിച്ചുവീണത്. കർഷകരുമായി പതിനൊന്ന് തവണ കേന്ദ്രം ചർച്ച നടത്തിയെങ്കിലും അനുകൂലമായ ഒരു നിർദേശവും മുന്നോട്ടുവെച്ചില്ല. ചർച്ചകളെല്ലാം തന്നെ ഇതോടെ പരാജയപ്പെടുകയും…

താജ്മഹലിലെ വ്യാജ ബോംബ് ഭീഷണിയുമായി ബന്ധപ്പെട്ട് ഒരാൾ അറസ്റ്റിൽ. ഫിറോസാബാദ് സ്വദേശിയെയാണ് യുപി പോലീസ് അറസ്റ്റ് ചെയ്തത്. പ്രാഥമിക ചോദ്യം ചെയ്യലിൽ ഇയാൾ മാനസികരോഗിയാണെന്ന് അവകാശപ്പെട്ടതായി പോലീസ് അറിയിച്ചു ഇന്ന് രാവിലെയാണ് യുപി പോലീസിന്റെ എമർജൻസി നമ്പറിൽ താജ്മഹലിൽ ബോംബ് വെച്ചതായുള്ള സന്ദേശം വന്നത്. ഇതിന് പിന്നാലെ പോലീസും ബോംബ് സ്‌ക്വാഡും താജ്മഹലിൽ വ്യാപക പരിശോധന നടത്തി. സന്ദർശകരെ തടയുകയും മഹലിനുള്ളിൽ ഉള്ളവരെ പുറത്തെത്തിക്കുകയും ചെയ്തിരുന്നു. ഭീഷണി വ്യാജമാണെന്ന് മനസ്സിലായതോടെ താജ്മഹൽ വീണ്ടും സന്ദർശകർക്കായി തുറന്നു കൊടുക്കുകയും…

കഴിഞ്ഞ 24 മണിക്കൂറിനിടെ രാജ്യത്ത് 17,407 പേർക്ക് കൂടി കൊവിഡ് സ്ഥിരീകരിച്ചു. ഇതോടെ ആകെ രോഗബാധിതരുടെ എണ്ണം 1,11,56,923 ആയി ഉയർന്നു 24 മണിക്കൂറിനിടെ 89 പേർ രാജ്യത്ത് മരിച്ചു. ചികിത്സയിൽ കഴിഞ്ഞിരുന്ന 14,301 പേർ ഇന്നലെ രോഗമുക്തരായി. ഇതിനോടകം 1,08,26,075 പേർ രാജ്യത്ത് രോഗമുക്തി നേടിയിട്ടുണ്ട് നിലവിൽ 1,73,413 പേരാണ് ചികിത്സയിൽ കഴിയുന്നത്. 1,57,435 പേർക്ക് കൊവിഡിനെ തുടർന്ന് ജീവൻ നഷ്ടപ്പെട്ടു. അതേസമയം രാജ്യത്താകെമാനം ഇതിനോടകം 1,66,16,048 പേർ കൊവിഡ് വാക്‌സിൻ സ്വീകരിച്ചതായി കേന്ദ്ര ആരോഗ്യമന്ത്രാലയം…