National

  അഴിമതി രഹിത ഭരണത്തിലൂടെ ജനതാത്പര്യം സ്വന്തമാക്കണമെന്ന് മന്ത്രിമാരോട് തമിഴ്‌നാട് മുഖ്യമന്ത്രി എം കെ സ്റ്റാലിൻ. ആദ്യ മന്ത്രിസഭാ യോഗത്തിലാണ് സ്റ്റാലിൻ തന്റെ നിലപാട് വ്യക്തമാക്കിയത്. വികസനത്തിന് വേണ്ടി ഭരിക്കണം. ചീത്തപ്പേര് കേൾപ്പിക്കുന്ന ആളുകൾ നിമിഷനേരം കൊണ്ട് മന്ത്രിസഭയിൽ നിന്ന് പുറത്താകുമെന്നും സ്റ്റാലിൻ മുന്നറിയിപ്പ് നൽകി സർക്കാരിന് മുന്നിൽ ഒട്ടേറെ കാര്യങ്ങൾ ചെയ്തുതീർക്കാനുണ്ട്. മന്ത്രിയാകാൻ വലിയ അവസരമാണ് നിങ്ങൾക്ക് ലഭിച്ചിരിക്കുന്നത്. അത് കിട്ടാതെ പോയ ധാരാളം പേർ പുറത്തുണ്ടെന്ന് ഓർക്കണം. ലഭിച്ച അവസരം നാടിന്റെ വികസനത്തിന് വേണ്ടി…

  ഓക്‌സിജൻ ലഭ്യതയിലും വാക്‌സിൻ നയത്തിലും സുപ്രീം കോടതി ഇടപെടുന്നതിൽ അമർഷം പ്രകടിപ്പിച്ച് കേന്ദ്രസർക്കാർ. ഭരണകൂടത്തെ വിശ്വസിക്കാൻ കോടതിയോട് കേന്ദ്രം ആവശ്യപ്പെട്ടു. ഓക്‌സിജൻ ലഭ്യതയെക്കുറിച്ചുള്ള വിവരങ്ങൾ തത്കാലം പങ്കുവെക്കുന്നില്ലെന്നും കേന്ദ്രം പറഞ്ഞു. വാക്‌സിൻ ലഭ്യത ജൂലൈയോടെ പ്രതിമാസം 13 കോടി ഡോസായി കൂട്ടാനാകുമെന്നും കേന്ദ്രം പറഞ്ഞു. കോടതിയുടെ ഇടപെടൽ പ്രതിസന്ധി മറികടക്കാൻ നൂതന വഴികൾ സ്വീകരിക്കുന്നതിന് തടസ്സമാകുമെന്നും കേന്ദ്രം നൽകിയ സത്യവാങ്മൂലത്തിൽ പറയുന്നു ഓക്‌സിജൻ ലഭ്യതയെ കുറിച്ചുള്ള വിശദ വിവരങ്ങൾ അറിയിക്കാൻ കേന്ദ്രത്തോട് സുപ്രീം കോടതി നിർദേശിച്ചിരുന്നു….

  സെഹ്റാബുദ്ദീൻ ഷെയ്ഖ് വ്യാജ ഏറ്റുമുട്ടൽ കേസിൽ അമിത് ഷായെ അറസ്റ്റ് ചെയ്ത പി കന്ദസ്വാമി ഐപിഎസിനെ തമിഴ്നാട് ഡിജിപിയായി നിയമിച്ച് സ്റ്റാലിൻ സർക്കാർ. വിജിലൻസ് ആൻഡ് ആന്റി കറപ്ഷൻ തലപ്പത്തേക്കാണ് നിയമനം. അധികാരത്തിലെത്തിയാൽ അണ്ണാ ഡിഎംകെ നേതാക്കളുടെ അഴിമതി പുറത്തു കൊണ്ടുവരുമെന്ന് സ്റ്റാലിൻ പറഞ്ഞിരുന്നു. അതിന്റെ ആദ്യപടിയായാണ് കന്ദസ്വാമിയുടെ നിയമനം 2010ൽ അമിത് ഷായെ അറസ്റ്റ് ചെയ്യുമ്പോൾ കന്ദസ്വാമി സിബിഐ ഐജിയായിരുന്നു. കന്ദസ്വാമിയുടെ ധീരത അക്കാലത്ത് വലിയ വാർത്തയാകുകയും ചെയ്തിരുന്നു. അഴിമതിക്കെതിരെ മുഖം നോക്കാതെ പ്രവർത്തിക്കുന്ന…

  പെട്രോൾ, ഡീസൽ വില രാജ്യത്ത് ഇന്നും വർധിപ്പിച്ചു. പെട്രോളിന് 27 പൈസയും ഡീസലിന് 31 പൈസയുമാണ് വർധിപ്പിച്ചത്. തിരുവനന്തപുരത്ത് പെട്രോളിന് 93.77 രൂപയും ഡീസലിന് 88.56 രൂപയുമായി കൊച്ചിയിൽ പെട്രോളിന് 91.99 രൂപയും ഡീസലിന് 87.02 പൂപയുമായി. കഴിഞ്ഞ അഞ്ച് ദിവസത്തിനിടെ ഒന്നര രൂപയുടെ വർധനവാണ് പെട്രോളിനും ഡീസലിനുമുണ്ടായത്.

  ന്യൂഡൽഹി: നരേന്ദ്ര മോദി സര്‍ക്കാരിന്റെ നിസ്സംഗത, നിര്‍വികാരത, കഴിവില്ലായ്മ എന്നിവയുടെ നേരിട്ടുള്ള പരിണതഫലങ്ങളാണ് രാജ്യം ഇപ്പോള്‍ നേരിട്ടുകൊണ്ടിരിക്കുന്നതെന്ന് കോണ്‍ഗ്രസ് പ്രവര്‍ത്തക സമിതി കുറ്റപ്പെടുത്തി. അഞ്ച് സംസ്ഥാനങ്ങളില്‍ നടന്ന തിരഞ്ഞെടുപ്പുകളില്‍ പാര്‍ട്ടിയുടെ പ്രകടനം വിലയിരുത്തിയ ശേഷമാണ് കോണ്‍ഗ്രസ് പ്രവര്‍ത്തക സമിതി രാജ്യത്തെ കൊവിഡ് സാഹചര്യം വിലയിരുത്തിയത്. രാജ്യത്തെ ആരോഗ്യമേഖല പൂര്‍ണമായും തകര്‍ന്നെന്നും നരേന്ദ്ര മോദി സര്‍ക്കാരിന്റെ അവഗണനയ്ക്ക് രാജ്യം വലിയ വില നല്‍കേണ്ടിവന്നെന്നും കോണ്‍ഗ്രസ് അധ്യക്ഷ സോണിയ ഗാന്ധി കുറ്റപ്പെടുത്തി. സര്‍ക്കാരിന്റെ വാക്‌സിനേഷന്‍ സ്ട്രാറ്റജിയിലും വിതരണത്തിലെ അപര്യാപ്തതയും…

പ്രാണവായു ലഭിക്കാതെ കൊവിഡ് രോഗികളുടെ മരണം ആന്ധ്രയിലും. തിരുപ്പതി സർക്കാർ ആശുപത്രിയിൽ ചികിത്സയിലായിരുന്ന 11 രോഗികളാണ് മരിച്ചത്. ഇന്നലെ രാത്രിയാണ് സംഭവം ഐസിയുവിൽ പ്രവേശിപ്പിച്ചിരുന്ന രോഗികളാണ് മരിച്ചത്. ഓക്‌സിജൻ സിലിണ്ടറുകൾ നിറയ്ക്കുന്നതിൽ അഞ്ച് മിനിറ്റ് താമസം നേരിട്ടതാണ് വലിയ ദുരന്തത്തിൽ കലാശിച്ചത്. 70 പേരാണ് ഐസിയുവിൽ ചികിത്സയിലുണ്ടായിരുന്നത്. ജനറൽ വാർഡിൽ 300 പേരും ചികിത്സയിലുണ്ടായിരുന്നു സംഭവത്തിൽ മുഖ്യമന്ത്രി വൈ എസ് ജഗൻമോഹൻ റെഡ്ഡി അനുശോചനം രേഖപ്പെടുത്തി. സംഭവത്തിൽ അന്വേഷണം നടത്തി റിപ്പോർട്ട് നൽകാനും മുഖ്യമന്ത്രി നിർദേശിച്ചു

ന്യൂഡല്‍ഹി: കുംഭമേള രാജ്യത്ത് കോവിഡ് 19 രണ്ടാം തരംഗത്തില്‍ നിര്‍ണായക പങ്ക് വഹിച്ചതായി ബിബിസി റിപ്പോര്‍ട്ട്. ഒരു ‘സൂപ്പര്‍ സ്‌പ്രെഡര്‍’ ആയി കുംഭമേള പ്രവര്‍ത്തിച്ചെന്നും റിപ്പോര്‍ട്ട് ചൂണ്ടിക്കാട്ടുന്നു. ഹരിദ്വാറില്‍ ഏപ്രില്‍ മാസത്തില്‍ നടന്ന കുംഭമേളയില്‍ പങ്കെടുത്ത രാജ്യത്തിന്റെ വിവിധ പ്രദേശങ്ങളില്‍നിന്നുള്ള തീര്‍ഥാടകര്‍ തിരിച്ചെത്തിയതോടെ രണ്ടാം തരംഗം വിവിധ സംസ്ഥാനങ്ങളിലേക്ക് വ്യാപിച്ചതായി ബിബിസിയുടെ റിപ്പോര്‍ട്ടില്‍ പറയുന്നു. കുഭമേളയില്‍ പങ്കെടുത്തവരില്‍ 2,642 തീര്‍ഥാടകര്‍ക്ക് കോവിഡ് സ്ഥിരീകരിച്ചിരുന്നു. നിരവധി സന്യാസിമാരുടെ മരണവും റിപ്പോര്‍ട്ട് ചെയ്യപ്പെട്ടിരുന്നു.

  ന്യൂഡല്‍ഹി: രാജ്യത്ത് കൊവിഡ് രൂക്ഷമാകുന്ന സാഹചര്യത്തില്‍ സെന്‍ട്രല്‍ വിസ്ത പദ്ധതിക്കായി കോടികള്‍ ചെലവഴിക്കുന്നതിനെ രൂക്ഷമായി വിമര്‍ശിച്ച്‌ കോണ്‍ഗ്രസ് നേതാവ് പ്രിയങ്കാ ഗാന്ധി. വിസ്താ പദ്ധതിക്ക് ചെലവാക്കുന്ന 20,000 കോടിയുണ്ടെങ്കില്‍ 62 കോടി വാക്സിന്‍ ഡോസുകള്‍ ലഭ്യമാക്കാമായിരുന്നില്ലേ എന്ന് പ്രിയങ്ക ചോദിച്ചു.കോണ്‍ഗ്രസ് പ്രവര്‍ത്തക സമിതിയോഗത്തിലാണ് പ്രിയങ്കയുടെ പരാമര്‍ശം. പിന്നീട് ഇതേകാര്യം പ്രിയങ്ക ട്വീറ്റ് ചെയ്യുകയും ചെയ്തു. 20,000 കോടി ഉണ്ടായിരുന്നെങ്കില്‍ 62 കോടി വാക്സിന്‍ 22 കോടി റെംഡിസിവര്‍ 3 കോടി 10 ലിറ്റര്‍ ഓക്സിജന്‍ സിലിണ്ടര്‍…

  ശ്മശാനങ്ങൾ കേന്ദ്രീകരിച്ച് മൃതശരീരങ്ങളിലെ വസ്ത്രങ്ങൾ മോഷ്ടിച്ചിരുന്ന ഏഴംഗ സംഘം ഉത്തർപ്രദേശിൽ അറസ്റ്റിൽ. ഭാഗ്പതിലാണ് സംഭവം. മൃതശരീരം മൂടാനുപയോഗിക്കുന്ന തുണി, മൃതശരീരത്തെ ധരിപ്പിക്കുന്ന വസ്ത്രങ്ങൾ എന്നിവയാണ് ഇവർ കൈക്കലാക്കിയിരുന്നത്. സംഘത്തിന്റെ പക്കൽ നിന്ന് 520 പുതപ്പുകൾ, 127 കൂർത്തകൾ, 52 സാരികൾ, മറ്റ് വസ്ത്രങ്ങൾ എന്നിവ കണ്ടെടുത്തതായി പോലീസ് പറഞ്ഞു. ഇവ അലക്കിയെടുത്ത ശേഷം ഇസ്തിരിയിട്ട് ഗ്വാളിയോറിലെ ഒരു കമ്പനിയുടെ ലേബലിൽ വിൽപ്പനക്ക് എത്തിക്കുകയാണ് ഇവർ ചെയ്തിരുന്നത്. പ്രദേശത്തെ ചില വസ്ത്രവ്യാപാരികളുമായി ഇവർക്ക് കരാറുമുണ്ടായിരുന്നു. വസ്ത്രങ്ങൾ എത്തിച്ചു…

രാജ്യതലസ്ഥാനത്ത് ആരോഗ്യപ്രവർത്തകർക്കിടയിൽ കോവിഡ് വ്യാപനം കൂടുന്നതായി റിപ്പോർട്ട്. ഡൽഹി സരോജ് ആശുപത്രിയിൽ 80 ഡോക്ടർമാർക്ക് കോവിഡ് സ്ഥിരീകരിച്ചു. ഇവിടുത്തെ സീനിയർ സർജൻ എം.കെ. റാവത്ത് കോവിഡ് ബാധിച്ച് മരിക്കുകയും ചെയ്തു. 12 ഡോക്ടർമാർ രോഗം മൂർച്ഛിച്ച് ആശുപത്രിയിൽ ചികിത്സയിലാണ്. ബാക്കിയുള്ളവർ വീടുകളിൽ നിരീക്ഷണത്തിലാണെന്നും അധികൃതർ വ്യക്തമാക്കി.