National

  ബംഗാളിൽ നിർണായകമായ ഭവാനിപൂർ ഉപതെരഞ്ഞെടുപ്പിൽ കോൺഗ്രസ് സ്ഥാനാർഥിയെ നിർത്തിയേക്കില്ല. മമതക്കെതിരെ സ്ഥാനാർഥിയെ നിർത്തേണ്ടെന്നാണ് കോൺഗ്രസിലെ ധാരണ. മുഖ്യമന്ത്രി സ്ഥാനത്ത് തുടരണമെങ്കിൽ മമതക്ക് ഭവാനിപൂരിൽ ജയിച്ചേ മതിയാകൂ. സെപ്റ്റംബർ 30നാണ് തെരഞ്ഞെടുപ്പ് നടക്കുന്നത്. ഭവാനിപൂർ, ജംഗിപൂർ, സംസർഗഞ്ച് എന്നീ മൂന്ന് മണ്ഡലങ്ങളിലാണ് ഉപതെരഞ്ഞെടുപ്പ് നടക്കുന്നത്. ഇതിൽ ഭവാനിപൂരിൽ കോൺഗ്രസ് സ്ഥാനാർഥിയെ പ്രഖ്യാപിച്ചിട്ടില്ല. ജംഗിപൂരിൽ ജാക്കിർ ഹുസൈനും സംസർഗഞ്ചിൽ അമിറുൽ ഇസ്ലാമുമാണ് കോൺഗ്രസിന്റെ സ്ഥാനാർഥികൾ. ദേശീയ രാഷ്ട്രീയത്തിൽ തൃണമൂൽ അടക്കമുള്ള പ്രതിപക്ഷ ഐക്യത്തിന് തടസ്സമാകേണ്ടതില്ലെന്ന വിലയിരുത്തലിൽ കൂടിയാണ് ഭവാനിപൂരിൽ…

  കർണാലിലെ പോലീസ് നടപടിക്കെതിരെ സംയുക്ത കിസാൻ മോർച്ചയുടെ നേതൃത്വത്തിൽ ഇന്ന് മഹാപഞ്ചായത്ത്. കർണാൽ മിനി സെക്രട്ടേറിയറ്റിന് മുന്നിലാണ് മഹാ പഞ്ചായത്ത് ചേരുന്നത്. അതേസമയം മഹാപഞ്ചായത്തിന് പോലീസ് അനുമതി നിഷേധിച്ചിട്ടുണ്ട്. കർണാലടക്കം ആറ് ജില്ലകളിൽ ഇന്റർനെറ്റ് നിരോധനം ഏർപ്പെടുത്തി കർഷകരുടെ തല തല്ലിപ്പൊളിക്കാൻ നിർദേശം നൽകിയ എസ് ഡി എമ്മിനെതിരെ കൊലപാതക ശ്രമത്തിന് കേസെടുക്കണമെന്നാണ് കർഷകരുടെ ആവശ്യം. എസ് ഡി എമ്മിനെ സർക്കാർ നേരത്തെ സ്ഥലംമാറ്റിയിരുന്നു. പോലീസ് ലാത്തിച്ചാർജിൽ മരിച്ച കർഷകനും പരുക്കേറ്റ കർഷകർക്കും ധനസഹായം നൽകണമെന്ന…

ന്യുഡൽഹി: കോവിഡ് വാക്‌സിനുകൾ പാഴാക്കുന്നത് ഒഴിവാക്കണമെന്ന് പ്രധാനമന്ത്രി നരേന്ദ്ര മോദി. ഹിമാചൽ പ്രദേശിലെ കോവിഡ് വാക്സിൻ സ്വീകരിച്ചവരോടും ആരോഗ്യ പ്രവർത്തകരോടും സംവദിക്കുന്നതിനിടെയാണ് പ്രധാനമന്ത്രി ഇക്കാര്യം പറഞ്ഞത്. കോവിഡ് വാക്‌സിൻ ശ്രദ്ധാപൂർവ്വം ഉപയോഗിക്കുന്നത് വാക്‌സിനേഷന്റെ ചെലവ് 10 ശതമാനം കുറയ്ക്കും. സ്ത്രീകൾ, പ്രായമായവർ ,വ്യവസായ തൊഴിലാളികൾ, ദിവസവേതനക്കാർ മുതലായവർക്ക് സംസ്ഥാനം പ്രത്യേക ശ്രദ്ധ നൽക്കുമെന്നും പ്രധാനമന്ത്രി അറിയിച്ചു. ഇതിനായി ‘സുരക്ഷാ കി യുക്തി-കൊറോണ സേ മുക്തി’ പോലുള്ള പ്രത്യേക പ്രചാരണങ്ങൾ നടത്തുമെന്നും അദ്ദേഹം കൂട്ടിച്ചേർത്തു. വെറസിനെക്കുറിച്ചും കുത്തിവയ്പ്പിനെക്കുറിച്ചും അവബോധം…

  ഇന്ത്യയിലുള്ള അഫ്ഗാൻ പൗരൻമാർക്ക് രാജ്യം വിടാൻ മുൻകൂർ അനുമതി വേണമെന്ന് ആഭ്യന്തര മന്ത്രാലയത്തിന്റെ നിർദേശം. ഉന്നതതലത്തിൽ അറിഞ്ഞുമാത്രമേ അഫ്ഗാൻ പൗരൻമാരെ തിരിച്ചയക്കാവൂവെന്നും സർക്കാർ നിർദേശിച്ചു. അഫ്ഗാനിസ്ഥാനിലെ പൗരൻമാൻ ഇന്ത്യയിലേക്ക് വരുന്നത് തടയില്ലെന്ന് നേരത്തെ കേന്ദ്രം പറഞ്ഞിരുന്നു ഇന്ത്യയിലുള്ള അഫ്ഗാൻ പൗരൻമാർ മറ്റ് രാജ്യങ്ങളിലേക്ക് പോകാൻ അനുമതിക്കായി യു എൻ ഓഫീസിന് മുന്നിൽ സമരത്തിലാണ്. അഫ്ഗാൻ എംപി രംഗീന കർഗറിനെ വിമാനത്താവളത്തിൽ തിരിച്ചയച്ചത് വിവാദമായിരുന്നു. ഈ സാഹചര്യത്തിലാണ് ആരെയെങ്കിലും തിരിച്ചയക്കുന്നത് ഉന്നതതലത്തിൽ അറിഞ്ഞു കൊണ്ടായിരിക്കണമെന്ന വ്യവസ്ഥ ആഭ്യന്തര…

  കേരളത്തിൽ നിപ വൈറസ് സ്ഥിരീകരിച്ചതിന് പിന്നാലെ തമിഴ്‌നാട് അതിർത്തിയിൽ പരിശോധന കർശനമാക്കി. അതിർത്തിയിൽ നേരത്തെ ആർടിപിസിആർ നെഗറ്റീവ് സർട്ടിഫിക്കറ്റും വാക്‌സിനേഷൻ സർട്ടിഫിക്കറ്റും മാത്രമാണ് ആവശ്യപ്പെട്ടിരുന്നത്. നിപയുടെ പശ്ചാത്തലത്തിൽ യാത്രക്കാരുടെ ശരീരോഷ്മാവ് കൂടി പരിശോധിക്കാൻ തമിഴ്‌നാട് സർക്കാർ നിർദേശം നൽകി വാളയാർ ചെക്ക് പോസ്റ്റിൽ കോയമ്പത്തൂർ കലക്ടർ ഡോ. ജി എസ് സമീരൻ നേരിട്ടെത്തിയാണ് പരിശോധനകൾക്ക് നേതൃത്വം നൽകിയത്. കേരളത്തിൽ ഇന്നലെ നിപ വൈറസ് ബാധിച്ച് 12 വയസ്സുള്ള കുട്ടി മരിച്ചിരുന്നു. കുട്ടിയുടെ സമ്പർക്ക പട്ടികയിൽ 251…

രാജ്യത്ത് കഴിഞ്ഞ 24 മണിക്കൂറിനിടെ 38,948 പേർക്ക് കൂടി കൊവിഡ് സ്ഥിരീകരിച്ചു. ഇതിലേറെയും കേരളത്തിൽ നിന്നുള്ള കേസുകളാണ്. സംസ്ഥാനത്ത് ഇന്നലെ 26,701 പേർക്കാണ് കൊവിഡ് സ്ഥിരീകരിച്ചത്. 219 കൊവിഡ് മരണമാണ് 24 മണിക്കൂറിനിടെ റിപ്പോർട്ട് ചെയ്തത്. രാജ്യത്ത് ഇതുവരെ 3,30,27,621 പേർക്കാണ് കൊവിഡ് സ്ഥിരീകരിച്ചത്. ഇതിൽ 3,21,81,995 പേർ രോഗമുക്തി നേടിയിട്ടുണ്ട്. 43,903 പേർ 24 മണിക്കൂറിനിടെ മാത്രം രോഗമുക്തി നേടി നിലവിൽ 4,04,874 പേരാണ് ചികിത്സയിൽ കഴിയുന്നത്. രാജ്യത്ത് ഇതുവരെ കൊവിഡ് ബാധിച്ച് മരിച്ചവരുടെ എണ്ണം…

കൊച്ചി കപ്പൽശാലയിൽ ബോംബ് ഭീഷണി. ഐഎൻഎസ് വിക്രാന്ത് ബോംബിട്ട് തകർക്കുമെന്നാണ് ഭീഷണി. ഇ മെയിൽ വഴിയാണ് ഭീഷണി സന്ദേശം എത്തിയിരിക്കുന്നത്. കപ്പൽശാല അധികൃതരുടെ പരാതിയിൽ പോലീസ് കേസെടുത്തു ഐഎൻഎസ് വിക്രാന്തിന് പുറമെ മറ്റ് കപ്പലുകളും തകർക്കുമെന്നും ഭീഷണിയിലുണ്ട്. കൂടാതെ കപ്പൽശാലക്ക് സുരക്ഷാ ഭീഷണി ഉയർത്തുമെന്നും സന്ദേശത്തിൽ പറയുന്നു. ഐ ടി ആക്ട് പ്രകാരമാണ് പോലീസ് കേസെടുത്തിരിക്കുന്നത്. ഇ മെയിലിന്റെ ഉറവിടം പരിശോധിക്കുകയാണ് പോലീസ്‌

തിരുവനന്തപുരത്ത് യുവതി ആറ് വയസ്സുള്ള മകനുമൊത്ത് കിണറ്റിൽ ചാടി മരിച്ചു. നഗരൂരിലാണ് സംഭവം. പന്തുവിള സ്വദേശി ബിന്ദു, മകൻ രജിൻ എന്നിവരാണ് മരിച്ചത്. ഞായറാഴ്ച രാത്രിയാണ് സംഭവം ഭർത്താവ് രജിലാലിന്റെ ദേഹത്ത് ആസിഡ് ഒഴിച്ച ശേഷമാണ് ബിന്ദു മകനുമൊത്ത് കിണറ്റിൽ ചാടിയത്. ബിന്ദുവിന്റെ രണ്ടാം വിവാഹമാണിത്. കുടുംബവഴക്കാണ് സംഭവത്തിന് പിന്നിൽ. പരുക്കേറ്റ രജിലാലിനെ ആശുപത്രിയിൽ പ്രവേശിപ്പിച്ചു.

ന്യൂഡൽഹി: ജഡ്ജിമാരിൽ വനിതാ പ്രാതിനിധ്യം കൂട്ടാനാണ് ശ്രമിക്കുന്നത് സുപ്രീം കോടതി ചീഫ് ജസ്റ്റിസ് എൻ വി രമണ അഭിപ്രായപ്പെട്ടു. വനിതാ പ്രാതിനിധ്യം കൂട്ടാനുള്ള നടപടികൾ തുടരും. ജഡ്ജിമാരുടെ നിയമനത്തിനുള്ള തീരുമാനങ്ങൾ ഒരു ടീം വർക്കാണെന്നും ചീഫ് ജസ്റ്റിസ് അഭിപ്രായപ്പെട്ടു. ‘സ്വാതന്ത്ര്യത്തിന്റെ 75 വർഷം പിന്നിടുമ്പോൾ എല്ലാ മേഖലയിലും 50 ശതമാനം വനിത പ്രാതിനിധ്യത്തിനായി ആവശ്യങ്ങൾ ഉയരുന്നുണ്ട്. സുപ്രീംകോടതിയിൽ 11 ശതമാനം വനിതാ പ്രാതിനിധ്യം ഉറപ്പാക്കാനേ സാധിച്ചുള്ളു’ – ചീഫ് ജസ്റ്റിസ് എൻ വി രമണ പറഞ്ഞു. അതിനിടെ…

പശ്ചിമ ബംഗാളിലെ ഭവാനിപൂർ മണ്ഡലത്തിൽ ഉപതെരഞ്ഞെടുപ്പ് പ്രഖ്യാപിച്ചു. മുഖ്യമന്ത്രി മമതാ ബാനർജിയാണ് തൃണമൂൽ കോൺഗ്രസ് സ്ഥാനാർഥി. മുഖ്യമന്ത്രി സ്ഥാനത്ത് തുടരണമെങ്കിൽ മമതക്ക് ഇവിടെ ജയം അനിവാര്യമാണ്. സെപ്റ്റംബർ 30നാണ് വോട്ടെടുപ്പ്. ഒക്ടോബർ 3ന് വോട്ടെണ്ണൽ നടക്കും നിയമസഭാ തെരഞ്ഞെടുപ്പിൽ നന്ദിഗ്രാമിൽ മത്സരിച്ച മമതാ ബാനർജി എതിരാളിയായ സുവേന്ദു അധികാരിയോട് 1956 വോട്ടിന് പരാജയപ്പെട്ടിരുന്നു. ഇതിന് പിന്നാലെ ഭവാനിപൂരിലെ എംഎൽഎയായ സൊവാൻദേബ് രാജിവെച്ചു. തുടർന്നാണ് ഉപതെരഞ്ഞെടുപ്പ് നടക്കുന്നത്. 2011, 2016 വർഷങ്ങളിൽ ഭവാനിപൂരിലെ എംഎൽഎ ആയിരുന്നു മമത