Movies

സൂപ്പര്‍ ഹിറ്റായ ‘പ്രേമം’ സിനിമയ്ക്ക് ശേഷം അല്‍ഫോണ്‍സ് പുത്രന്‍ സംവിധാനം ചെയ്യുന്ന പുതിയ സിനിമയുടെ ഷൂട്ടിങ്ങ് ആരംഭിച്ചു. പൃഥ്വിരാജ്, നയന്‍താര എന്നിവരെ കേന്ദ്രകഥാപാത്രങ്ങളാക്കിയ  ‘ഗോള്‍ഡ്’ ആലുവയിലാണ് ചിത്രീകരണം ആരംഭിച്ചത്.  സെപ്റ്റംബര്‍ നാലാം വാരം മുതല്‍ പൃഥ്വിരാജ് സെറ്റില്‍ സജീവമാകും. പൃഥ്വിരാജ് പ്രൊഡക്ഷന്‍സ്, മാജിക് ഫ്രയിംസ് എന്നിവരാണ് നിര്‍മ്മാതാക്കള്‍. പൃഥ്വി വീണ്ടും സംവിധായകന്റെ വേഷത്തിലെത്തുന്ന ബ്രോ ഡാഡി’യുടെ ചിത്രീകരണം തെലുങ്കാനയില്‍ അടുത്തിടെ പൂര്‍ത്തിയാക്കിയിരുന്നു.  മോഹന്‍ലാല്‍, മീന എന്നിവര്‍ കേന്ദ്രകഥാപാത്രങ്ങളാവുന്ന സിനിമയില്‍ പൃഥ്വിരാജ് സംവിധായകന്റെയും നടന്റെയും റോളില്‍ എത്തുന്നുണ്ട്. മോഹന്‍ലാലിന്റെ…

എഴുപതാം പിറന്നാൾ ആഘോഷത്തിന് മലയാളത്തിന്റെ പ്രിയ നടൻ മമ്മൂട്ടി തിരഞ്ഞെടുത്തത് മൂന്നാറിലെ എസ്റ്റേറ്റ് ഫാം ഹൗസ്. മൂന്നാറിലെ കല്ലാർ വട്ടയാറിലുള്ള എസ്റ്റേറ്റിൽ മമ്മൂട്ടിയും കുടുംബവും ഇന്നലെ രാത്രി തന്നെ എത്തിയിരുന്നു. എഴുപതാം ജന്മദിനത്തിൽ മഹാനടന്‍ മൂന്നാറിൽ തന്നെ എത്തിയതിന്റെ സന്തോഷത്തിലാണ് സമീപവാസികൾ. അറുപത്തിയഞ്ച് ഏക്കർ വിസ്തൃതിയുള്ള തോട്ടത്തിൽ അപൂർവമായി മാത്രമേ മമ്മൂട്ടി എത്താറുള്ളൂ. ഭാര്യ സുല്‍ഫത്താണ് എസ്റ്റേറ്റിലെ കാര്യങ്ങൾ നോക്കാൻ എത്താറുള്ളത്. രാവിലെയാണ് മമ്മൂട്ടി കല്ലാറിൽ എത്തിയ വിവരം നാട്ടുകാർ അറിഞ്ഞത്. അതോടെ നിരവധി പേര്‍ പ്രിയതാരത്തെ…

ഏറെ പ്രതീക്ഷയോടെ മലയാളി പ്രേക്ഷകർ കാത്തിരിക്കുന്ന ടൊവിനോ തോമസിന്റെ സൂപ്പർ ഹീറോ ചിത്രം മിന്നൽ മുരളി നെറ്റ് ഫ്‌ളിക്‌സ് റിലീസിന്. നെറ്റ്ഫ്‌ളിക്‌സ് തങ്ങളുടെ ഔദ്യോഗിക ട്വിറ്റർ ഹാൻഡിൽ വഴിയാണ് വിവരം പുറത്തുവിട്ടത്. മലയാളം, തെലുങ്ക്, ഹിന്ദി, ഇംഗ്ലീഷ്, തമിഴ് എന്നീ അഞ്ച് ഭാഷകളിലായാണ് ചിത്രം പുറത്തിറങ്ങുന്നത്. ചിത്രത്തിന്റെ റീലീസ് തീയതിയും ഉടൻ തന്നെ പുറത്തുവിടുമെന്നാണ് അറിയുന്നത്. ബേസിൽ ജോസഫ് സംവിധാനം ചെയ്യുന്ന ചിത്രത്തിൽ അജു വർഗീസ്, ഹരിശ്രീ അശോകൻ, ബൈജു, ഫെമിന എന്നിവരും മറ്റ് കഥാപാത്രങ്ങളായി എത്തും….

  കോഴിക്കോട്: സംസ്ഥാനത്ത് ഏറെ വിവാദങ്ങള്‍ സൃഷ്ടിച്ച വാരിയന്‍കുന്നന്‍ സിനിമയുടെ നിര്‍മ്മാണം അനിശ്ചിതത്വത്തിലായി. സിനിമയില്‍ നിന്ന് ആഷിഖ് അബുവും പൃഥ്വിരാജും പിന്‍വാങ്ങുന്നുവെന്ന വാര്‍ത്തകള്‍ പുറത്തുവന്നതിനു പിന്നാലെ സമൂഹമാദ്ധ്യമങ്ങളില്‍ പ്രതികൂലിച്ചും അനുകൂലിച്ചും ഉള്ള പോസ്റ്റുകളുടെ ബഹളമായിരുന്നു. ഇപ്പോള്‍ സിനിമാ നിര്‍മ്മാണം ഏറ്റടുക്കാന്‍ തയ്യാറാണെന്ന് പ്രഖ്യാപിച്ച് മുസ്ലിം ലീഗ് നേതാവ് ഷാഫി ചാലിയം രംഗത്ത് വന്നു. ‘ സിനിമാ നിര്‍മ്മാണം ഏറ്റെടുക്കാന്‍ ഞാന്‍ തയ്യാറാണെന്നും വാരിയന്‍ കുന്നന്റെ വേഷം ഏറ്റടുക്കാന്‍ ധൈര്യം ഉള്ള ഏത് കലാകാരന്‍ ആണ് ഉള്ളത്.. പറയൂ’…

മോഹൻലാലിനും മമ്മൂട്ടിക്കും പിന്നാലെ യുഎഇ സർക്കാരിന്റെ ഗോൾഡൻ വിസ നടൻ ടൊവിനോ തോമസും സ്വീകരിച്ചു. കഴിഞ്ഞാഴ്ചയാണ് മമ്മൂട്ടിക്കും മോഹൻലാലിനും യുഎഇ ഗോൾഡൻ വിസ നൽകിയത്. ഗോൾഡൻ വിസ സ്വീകരിക്കുന്നതിനായി കഴിഞ്ഞ ദിവസമാണ് ടൊവിനോ ദുബൈയിലെത്തിയത്. മറ്റ് ചില യുവതാരങ്ങൾക്കും യുഎഇ ഗോൾഡൻ വിസ അനുവദിച്ചേക്കുമെന്നും റിപ്പോർട്ടുകളുണ്ട്. കലാപ്രതിഭകൾക്ക് ഓഗസ്റ്റ് 30 മുതൽ ഗോൾഡൻ വിസ അനുവദിക്കുമെന്ന് ദുബൈ കൾച്ചർ ആൻഡ് സ്‌പോർട്‌സ് അതോറിറ്റി അറിയിച്ചിരുന്നു.

കെ ജി എഫ് 2ന്റെ പുതിയ റിലീസ് തീയതി പ്രഖ്യാപിച്ചു. കൊവിഡിനെ തുടർന്ന് ചിത്രത്തിന്റെ റിലീസ് നേരത്തെ പലതവണ മാറ്റിവെക്കേണ്ടി വന്നിരുന്നു. അടുത്ത വർഷം ഏപ്രിൽ 14നാണ് ചിത്രത്തിന്റെ റിലീസ് തീരുമാനിച്ചിരിക്കുന്നത്. സംസ്ഥാനത്തും വലിയ തീയറ്റർ പ്രതികരണം പ്രതീക്ഷിക്കുന്ന കെജിഎഫ് 2ന്റെ വിതരണാവകാശം സ്വന്തമാക്കിയിരിക്കുന്നത് പൃഥ്വിരാജ് പ്രൊഡക്ഷൻസാണ്. സമൂഹ മാധ്യമങ്ങൾ വഴി പൃഥ്വിരാജും ചിത്രത്തിന്റെ റിലീസ് തീയതി പങ്കുവെച്ചിട്ടുണ്ട്.  യഷ് നായക കഥാപാത്രമായി എത്തുന്ന ചിത്രത്തിലെ പ്രധാന വില്ലനായ അധീരയായി എത്തുന്നത് സഞ്ജയ് ദത്താണ്. രവീണ ടണ്ടൻ,…

ദുബായ്: മലയാളത്തിലെ സൂപ്പര്‍താരങ്ങളായ മമ്മൂട്ടിക്കും മോഹന്‍ലാലിനും യു.എ.ഇ. ഗോള്‍ഡന്‍ വിസ നല്‍കി. 10 വര്‍ഷ കാലാവധിയുള്ളതാണ് യു.എ.ഇ ഗോള്‍ഡന്‍ വിസ. ഇരുവരും അടുത്ത ദിവസങ്ങളിലായി ദുബായിലെത്തി വിസ സ്വീകരിക്കും. വിവിധമേഖലകളിൽ സംഭാവന നൽകിയ വ്യക്തികൾക്കാണ് യുഎഇ ഗോൾഡൻ വിസ നൽകുന്നത്. ഷാറൂഖ് ഖാൻ, സഞ്ജയ് ദത്ത് തുടങ്ങിയവർക്കും ഒട്ടേറേ പ്രവാസി വ്യവസായികൾക്കും നേരത്തേ ഗോൾഡൻ വിസ ലഭിച്ചിരുന്നു. ഇതാദ്യമായാണ് മലയാള സിനിമാ താരങ്ങള്‍ക്ക് ഗോള്‍ഡന്‍ വിസ കിട്ടുന്നത്.

നികുതിയിൻമേലുള്ള പലിശ ഇളവിനായി തമിഴ് നടൻ സൂര്യ നൽകിയ ഹർജി മദ്രാസ് ഹൈക്കോടതി തള്ളി. 2007-08,  2008-09 വർഷത്തെ വരുമാന നികുതിയിലെ പലിശ ഒഴിവാക്കണമെന്ന് ആവശ്യപ്പെട്ട് 2018ലാണ് സൂര്യ ഹൈക്കോടതിയെ സമീപിച്ചത്. അടുത്തിടെ വിദേശ കാറിന് നികുതിയിളവ് ആവശ്യപ്പെട്ട് കോടതിയെ സമീപിച്ച വിജയ്, ധനുഷ് എന്നീ താരങ്ങൾക്ക് കോടതിയുടെ രൂക്ഷ വിമർശനം കേൾക്കേണ്ടി വന്നിരുന്നു

ഈശോ സിനിമക്കെതിരെ നൽകിയ പൊതുതാത്പര്യ ഹർജി ഹൈക്കോടതി തള്ളി.  ചിത്രത്തിന് പ്രദർശനാനുമതി നൽകരുതെന്ന് ആവശ്യപ്പെട്ട് ക്രിസ്ത്യൻ അസോസിയേഷൻ ഫോർ സോഷ്യൽ ആക്ഷൻ എന്ന സംഘടനയാണ് ഹർജി നൽകിയത്. ചീഫ് ജസ്റ്റിസ് അധ്യക്ഷനായ ബെഞ്ചാണ് ഹർജി തള്ളിയത്. സിനിമക്ക് ദൈവത്തിന്റെ പേരിട്ടെന്ന് കരുതി ഇടപെടാനാകില്ലെന്ന് കോടതി പറഞ്ഞു. ചിത്രത്തിന്റെ പോസ്റ്റർ പുറത്തിറങ്ങിയതിന് പിന്നാലെയാണ് വിവാദമുണ്ടായത്. ഏതാനും വൈദികരം പി സി ജോർജുമാണ് സിനിമക്കെതിരെ രംഗത്തുവന്നത്.

  നടൻ മമ്മൂട്ടിയെ വീട്ടിലെത്തി ആദരിച്ച് ബിജെപി. അഭിനയ ജീവിതത്തിൽ അരനൂറ്റാണ്ട് പൂർത്തിയാക്കിയ പശ്ചാത്തലത്തിലായിരുന്നു ആദരം. ബിജെപി സംസ്ഥാന പ്രസിഡന്റ് കെ സുരേന്ദ്രനും സംഘവുമാണ് കൊച്ചിയിലെ മമ്മൂട്ടിയുടെ വീട്ടിലെത്തി പൊന്നാട അണിയിച്ച് ആദരിച്ചതും ഓണക്കോടി സമ്മാനിച്ചതും. ബിജെപി എറണാകുളം ജില്ലാ പ്രസിഡന്റിനും നേതാക്കൾക്കൊപ്പവുമാണ് സുരേന്ദ്രൻ മമ്മൂട്ടിയുടെ വീട്ടിലെത്തിയത്. നേതാക്കൾ ഒരു മണിക്കൂറോളം നേരം ഇവിടെ തങ്ങുകയും ചെയ്തു.