Kerala

തിരുവനന്തപുരം: കുട്ടനാട്, ചവറ ഉപതിരഞ്ഞെടുപ്പുകൾ ഒഴിവാക്കി. കേരളത്തിന് പുറമേ തമിഴ്നാട്, അസം, ബംഗാള്‍ എന്നീ സംസ്ഥാനങ്ങളിലെ ഉപതിരഞ്ഞെടുപ്പും ഒഴിവാക്കിയിട്ടുണ്ട്. സംസ്ഥാന ചീഫ് സെക്രട്ടറിമാരുടെയും ഇലക്ഷൻ ഓഫിസർമാരുടെയും റിപ്പോർട്ടിന്റെ അടിസ്ഥാനത്തിലാണ് നടപടി. നിയമസഭാ തിരഞ്ഞെടുപ്പ് നടക്കാനിരിക്കുന്ന സാഹചര്യത്തില്‍ ഉപതിരഞ്ഞെടുപ്പ് ഒഴിവാക്കണമെന്ന് കേരളം ആവശ്യപ്പെട്ടിരുന്നു. നിയമസഭാ തിരഞ്ഞെടുപ്പിൽ കൂടുതൽ ശ്രദ്ധിക്കുമെന്ന് മുഖ്യ തിരഞ്ഞെടുപ്പ് ഓഫിസർ ടീക്കാറം മീണ പറഞ്ഞു.

കൊച്ചി: വിവാദമായ ഉത്ര കൊലക്കേസില്‍ ഒന്നാം പ്രതിയായ ഭർത്താവ് സൂരജിന്റെ അമ്മയ്ക്കും സഹോദരിക്കും ഹൈക്കോടതി ജാമ്യം അനുവദിച്ചു. പത്തനംതിട്ട അടൂർ സ്വദേശിനികളായ രേണുക, സൂര്യ എന്നിവർക്കാണ് ജസ്റ്റിസ് പി.വി. കുഞ്ഞികൃഷ്ണൻ കർശന ഉപാധികളോടെ ജാമ്യം അനുവദിച്ചിരിക്കുന്നത്. കേസില്‍ മൂന്നും നാലും പ്രതികളാണ് ഇവര്‍ 50,000 രൂപയുടെ ബോണ്ടും തുല്യ തുകയ്ക്കുള്ള രണ്ട് ആൾ ജാമ്യവുമാണ് മുഖ്യ വ്യവസ്ഥ. അന്വേഷണ ഉദ്യോഗസ്ഥൻ ആവശ്യപ്പെടുമ്പോൾ ഹാജരാകണമെന്നതടക്കമുള്ള ഉപാധികളുമുണ്ട്. കേസിൽ സൂരജിന്റെ അച്ഛന് നേരത്തെ ജാമ്യം ലഭിച്ചിരുന്നു. രണ്ടാം പ്രതിയാണ് സൂരജിന്റെ…

കോവിഡ് മഹാമാരിക്കിടയിലും കാരുണ്യത്തിന്റെ കൈത്താങ്ങുമായി മമ്മൂട്ടി. മെഗാസ്റ്റാറിന്റെ കാരുണ്യത്തിന് നന്ദി പറഞ്ഞു കൊണ്ടുള്ള ഓട്ടോ ഡ്രൈവര്‍ പ്രസാദിന്റെ വീഡിയോയാണ് സോഷ്യല്‍ മീഡിയയില്‍ വൈറലാകുന്നത്. തൃശൂര്‍ സ്വദേശിയായ പ്രസാദിന് ഹൃദയശസ്ത്രക്രിയക്ക് ആവശ്യമായ സൗകര്യങ്ങളാണ് മമ്മൂട്ടി ഒരുക്കി കൊടുത്തിരിക്കുന്നത്. തൃശൂര്‍ നഗരത്തിലെ സര്‍ക്കാര്‍, സ്വകാര്യ ആശുപത്രികളില്‍ ഹൃദയ ശസ്ത്രക്രിയക്കായി പ്രസാദ് സമീപിച്ചെങ്കിലും കൊവിഡ് പശ്ചാത്തലത്തില്‍ ഹൃദയ ശസ്ത്രക്രിയകള്‍ പൂര്‍ണമായും നിര്‍ത്തിവെച്ച സാഹചര്യത്തില്‍ ചികിത്സയില്‍ കാലതാമസം നേരിടുകയായിരുന്നു. സാമ്പത്തിക ബുദ്ധിമുട്ട് കാരണം പുട്ടപര്‍ത്തിയിലെ സായിബാബ ആശുപത്രിയില്‍ സൗജന്യ ശസ്ത്രക്രിയക്കായി സമീപിച്ചുവെങ്കിലും കൊവിഡിനെ…

കേരളത്തില്‍ ചട്ടം ലംഘിച്ചുള്ള നിര്‍മ്മാണങ്ങള്‍ക്കെതിരെ സ്വീകരിച്ച നടപടികള്‍ 4 ആഴ്ചയ്ക്കകം അറിയിക്കാന്‍ സുപ്രീം കോടതി ചീഫ് സെക്രട്ടറിയോട് നിര്‍ദ്ദേശിച്ച‌ സാഹചര്യത്തില്‍ എല്ലാ അനധികൃത നിര്‍മ്മാണവും പൊളിക്കേണ്ടി വരും. ചട്ടം ലംഘിച്ചുള്ള നിര്‍മ്മാണങ്ങള്‍ക്കെതിരെ നടപടി നിര്‍ദ്ദേശിച്ച‌ ജസ്റ്റിസ് അരുണ്‍ മിശ്ര അധ്യക്ഷനായ ബെഞ്ച് നല്‍കിയ ഉത്തരവ് പൂര്‍ണ അര്‍ഥത്തില്‍ നടപ്പാക്കുന്നുവെന്ന് ഉറപ്പാക്കണമെന്നു സുപ്രീം കോടതി വ്യക്തമാക്കിയതോടെയാണ് അനധികൃത ഫ്‌ളാറ്റുകള്‍ എല്ലാം പൊളിക്കേണ്ടി വരുമെന്ന വിലയിരുത്തല്‍ . മേജര്‍ രവി നല്‍കിയ കോടതിയലക്ഷ്യ ഹര്‍ജിയിലാണ് ജസ്റ്റിസ് റോഹിന്റന്‍ നരിമാന്‍ അധ്യക്ഷനായ…

തിരുവനന്തപുരം: സംസ്ഥാനത്ത് കൊവിഡ് വ്യാപനത്തില്‍ ഏഴ് ജില്ലകളില്‍ സ്ഥിതി അതീവ ഗുരുതരമെന്ന് ഇന്ത്യൻ മെഡിക്കല്‍ അസോസിയേഷന്‍റെ പഠന റിപോര്‍ട്ട്. ഈ ജില്ലകളിൽ 200 മുതല്‍ 300 ശതമാനം വരെയാണ് ഒരു മാസത്തെ വര്‍ധന. രോഗികളുടെ വര്‍ധന 300 ശതമാനം വരെ ഇനിയും കൂടുമെന്ന് മുന്നറിയിപ്പും റിപോര്‍ട്ട് നല്‍കുന്നു. ആഗസ്ത് 29 ന് 928 രോഗികൾ മാത്രമുണ്ടായിരുന്ന കണ്ണൂരില്‍ സപ്തംബര്‍ 26 ആയപ്പോൾ അത് 3252ലേക്ക് വർധിച്ചു. വര്‍ധന 294 ശതമാനം. പാലക്കാട് ഇതേ കാലയളവിലെ വര്‍ധന 226…

ഇടുക്കി ചിത്തിരപുരത്ത് വ്യാജ മദ്യം കഴിച്ച് മൂന്ന് പേർ ആശുപത്രിയിലായി. ഇവരുടെ നില ഗുരുതരമാണ്. രണ്ട് പേരെ കോലഞ്ചേരി മെഡിക്കൽ കോളജ് ആശുപത്രിയിലും ഒരാളെ അങ്കമാലി ആശുപത്രിയിലുമാണ് പ്രവേശിപ്പിച്ചത്. രണ്ട് പേരുടെ കണ്ണിന് തകരാറുണ്ട്. ഒരാളുടെ കാഴ്ച നഷ്ടപ്പെട്ടതായും റിപ്പോർട്ടുകളുണ്ട് ചിത്തിരപുരത്തെ സ്വകാര്യ ഹോം സ്‌റ്റേയിൽ വെച്ചാണ് ഇവർ വ്യാജമദ്യം കഴിച്ചത്. ഹോം സ്‌റ്റേ ഉടമ തങ്കച്ചൻ, സഹായി ജോബി, മനോജ് എന്നിവരാണ് ആശുപത്രിയിലായത്. വാറ്റു ചാരായമാണ് ഇവർ കഴിച്ചതെന്നാണ് സൂചന.

കൊവിഡ് വ്യാപനം രൂക്ഷമായ സാഹചര്യത്തിൽ സംസ്ഥാനത്ത് ആരോഗ്യ അടിയന്തരാവസ്ഥ പ്രഖ്യാപിക്കണമെന്ന് ഇന്ത്യൻ മെഡിക്കൽ അസോസിയേഷൻ. ഇക്കാര്യം ആവശ്യപ്പെട്ട് മുഖ്യമന്ത്രി ഐഎംഎ കത്ത് നൽകും. രോഗവ്യാപനം തടയുന്നതിന് ശക്തമായ നടപടികൾ വേണം. ഇതിനായി ആരോഗ്യ അടിയന്തരാവസ്ഥ പ്രഖ്യാപിക്കണമെന്നാണ് ഐഎംഎയുടെ ആവശ്യം. രോഗവ്യാപനത്തിന്റെ ഗുരുതരസ്ഥിതി ജനങ്ങളെ ബോധ്യപ്പെടുത്തേണ്ടതുണ്ട്. നിലവിലെ കൊവിഡ് മാനദണ്ഡം കർശനമായി നടപ്പാക്കണം. സാധാരണക്കാരിലും ആരോഗ്യപ്രവർത്തകരിലും രോഗവ്യാപനം രൂക്ഷമായി കൊണ്ടിരിക്കുകയാണ് രോഗവ്യാപനം ഇതേ രീതിയിൽ തുടർന്നാൽ ഗുരുതര പ്രത്യാഘാതമുണ്ടാകും. ആശുപത്രികൾ ഏറെ കുറെ നിറഞ്ഞ അവസ്ഥയിലാണ്. ആരോഗ്യ പ്രവർത്തകരുടെ…

തിരുവനന്തപുരം: വിജയ് പി. നായരുടെ സ്ത്രീ വിരുദ്ധ വീഡിയോകള്‍ യൂട്യൂബ് നീക്കം ചെയ്തു. പൊലീസ് അറസ്റ്റ് ചെയ്ത വിജയ് പി. നായരെ ഇന്ന് കോടതിയില്‍ ഹാജരാക്കാനിരിക്കെയാണ് അക്കൗണ്ട് നീക്കം ചെയ്തിരിക്കുന്നത്. വീഡിയോകള്‍ നീക്കം ചെയ്യണമെന്ന് പൊലീസ് യൂട്യൂബിനോട് ആവശ്യപ്പെട്ടിരുന്നു. ഇയാളുടെ യൂട്യൂബ് ചാനലടക്കമാണ് നീക്കം ചെയ്തത്. വിജയ് പി നായര്‍ക്കെതിരെ ഐടി ആക്ടിലെ 67, 67 (എ) വകുപ്പുകള്‍ പ്രകാരം ജാമ്യമില്ലാ വകുപ്പുകള്‍ ചുമത്തിയാണ് കേസെടുത്തിരിക്കുന്നത്. അശ്ലീല പദ പ്രയോഗങ്ങളും പരാമര്‍ശങ്ങളുമാണ് വിജയ് പി. നായര്‍ തന്റെ…