ഇടുക്കിയിൽ മൂന്ന് അന്യ സംസ്ഥാന തൊഴിലാളികളെ പുഴയിൽ മുങ്ങിമരിച്ച നിലയിൽ കണ്ടെത്തി. ഇതിലൊരാൾ സ്ത്രീയാണ്. അടിമാലി രാജക്കാട് കുത്തുങ്കലിന് സമീപമാണ് സംഭവം. വൈദ്യുതി നിലയത്തിന് മുകളിൽ പന്നിയാർ പുഴയിലാണ് മൃതദേഹങ്ങൾ കണ്ടത് രാജക്കാട്ടെ കോഴിക്കോടയിലെ ജീവനക്കാരാണ് മരിച്ചതെന്നാണ് വിവരം. മൂന്ന് ദിവസമായി ഇവരെ കാണാനില്ലെന്ന് പരാതിയുണ്ടായിരുന്നു. പോലീസ് സ്ഥലത്തെത്തിയിട്ടുണ്ട്.
അന്വേഷണ ഉദ്യോഗസ്ഥരെ അപായപ്പെടുത്താൻ ഗൂഢാലോചന നടത്തിയെന്ന കേസിലെ നിർണായക തെളിവായ ഫോണുകൾ കസ്റ്റഡിയിൽ ആവശ്യപ്പെട്ട് ക്രൈംബ്രാഞ്ച് അപേക്ഷ നൽകി. ഹൈക്കോടതി നിർദേശപ്രകാരം ആലുവ ജുഡീഷ്യൽ ഫസ്റ്റ് ക്ലാസ് മജിസ്‌ട്രേറ്റ് കോടതിയിലാണ് അപേക്ഷ നൽകിയത്. ഫോണുകൾ ആർക്ക് കൈമാറണമെന്ന കാര്യത്തിൽ മജിസ്‌ട്രേറ്റ് കോടതിക്ക് തീരുമാനമെടുക്കാമെന്നായിരുന്നു ഹൈക്കോടതി പറഞ്ഞത് ആറ് ഫോണുകളാണ് ക്രൈംബ്രാഞ്ച് ആവശ്യപ്പെട്ടിട്ടുള്ളത്. ഈ ഫോണുകൾ തിരുവനന്തപുരം ഫോറൻസിക് ലാബിൽ പരിശോധിക്കണമെന്നാണ് ക്രൈബ്രാഞ്ച് ആവശ്യപ്പെടുക. അതേസമയം ഫോണുകൾ സംസ്ഥാന സർക്കാരിന് കീഴിലെ ലാബിൽ പരിശോധിക്കുന്നതിനെ പ്രതിഭാഗം എതിർക്കുമെന്നാണ്…
സംപ്രേഷണം വിലക്കിക്കൊണ്ടുള്ള കേന്ദ്ര സർക്കാർ നടപടിക്കെതിരെ മീഡിയ വൺ ചാനൽ സമർപ്പിച്ച ഹർജി ഹൈക്കോടതി ഇന്ന് വീണ്ടും പരിഗണിക്കും. സംഭവത്തിൽ കേന്ദ്ര സർക്കാരിന്റെ വിശദീകരണം കോടതി തേടിയിരുന്നു. സംപ്രേഷണം തടഞ്ഞത് രാജ്യസുരക്ഷാ കാരണങ്ങളാലാണെന്നായിരുന്നു കേന്ദ്രം കഴിഞ്ഞ ദിവസം കോടതിയ അറിയിച്ചത്. ഇക്കാര്യത്തിൽ കോടതി ഇടപെടൽ ആവശ്യമില്ലെന്നുമായിരുന്നു കോടതിയിൽ കേന്ദ്ര സർക്കാർ എടുത്ത നിലപാട്. തിങ്കളാഴ്ചയായിരുന്നു മീഡിയ വൺ ചാനലിന്റെ സംപ്രേഷണം വിലക്കിക്കൊണ്ടുള്ള ഉത്തരവ് പുറത്തു വന്നത്. തുടർന്ന് ചാനൽ സംപ്രേഷണം അവസാനിപ്പിക്കുകയും ഹൈക്കോടതിയെ സമീപിക്കുകയുമായിരുന്നു. രണ്ട്…
കോഴിക്കോട് ചിൽഡ്രൻസ് ഹോമിൽ നിന്ന് പെൺകുട്ടികളെ കാണാതായ സംഭവത്തിൽ സൂപ്രണ്ടിനെ സ്ഥലം മാറ്റി. ചിൽഡ്രൻസ് ഹോമിന്റെ പ്രൊട്ടക്ഷൻ ഓഫീസർ-ഇൻസ്റ്റിറ്റിയൂഷൻ കെയറിനെതിരെ വകുപ്പുതല നടപടിയും സ്വീകരിച്ചിട്ടുണ്ട്. സംഭവത്തിൽ കർശന നടപടി സ്വീകരിക്കാൻ മന്ത്രി വീണ ജോർജ് നിർദേശം നൽകിയിരുന്നു. തുടർന്നാണ് സൂപ്രണ്ടിനും പ്രൊട്ടക്ഷൻ ഓഫീസർക്കുമെതിരെ വകുപ്പുതല നടപടിയെടുത്തത്. റിപബ്ലിക് ദിനാഘോഷങ്ങൾക്കിടെയാണ് ആറ് പെൺകുട്ടികൾ ചിൽഡ്രൻസ് ഹോമിൽ നിന്ന് കടന്നുകളഞ്ഞത്. ഇതിൽ ഒരാളെ ബാംഗ്ലൂരിൽ നിന്നും ഒരാളെ മൈസൂരിൽ നിന്നും മറ്റ് നാല് പേരെ നിലമ്പൂരിൽ നിന്നും കണ്ടെത്തുകയായിരുന്നു.
ദേവികുളത്ത് ജാതി വിഷയം ചർച്ചയാക്കിയത് താനല്ല, പാർട്ടിയാണെന്ന് മുൻ എംഎൽഎ എസ് രാജേന്ദ്രൻ. സിപിഎമ്മിൽ നിന്ന് ഒരു വർഷം സസ്‌പെൻഷൻ ലഭിച്ചതിന് പിന്നാലെ പ്രതികരിക്കുകയായിരുന്നു രാജേന്ദ്രൻ. തനിക്കെതിരായ പാർട്ടി അന്വേഷണ കമ്മീഷൻ കണ്ടെത്തൽ ശരിയല്ല. തന്നെ പാർട്ടിയിൽ നിന്ന് പുറത്താക്കാൻ കാലങ്ങളായി ചിലർ ശ്രമിച്ചിരുന്നതായും രാജേന്ദ്രൻ പറഞ്ഞു താൻ ആരോടും ജാതി പറഞ്ഞിട്ടില്ല. ദേവികുളത്ത് ജാതി വിഷയം എടുത്തിട്ടത് താനല്ല. പാർട്ടി കമ്മീഷന്റെ പല കണ്ടെത്തലുകളും ശരിയല്ല. പ്രമുഖർക്കൊപ്പം പടം വന്നില്ലെങ്കിലും തെരഞ്ഞെടുപ്പിൽ പ്രവർത്തിച്ചു. പാർട്ടിയോട്…
പത്തനംതിട്ട അടൂരിൽ വിവാഹ രാത്രിയിൽ വധുവിന്റെ 30 പവൻ സ്വർണാഭരണങ്ങളും 2.75 ലക്ഷം രൂപയുമായി മുങ്ങിയ കേസിൽ വരനെ അറസ്റ്റ് ചെയ്തു. കായംകുളം തെക്കേടത്തുതറയിൽ അസറുദ്ദീൻ റഷീദ്(30)ആണ് പിടിയിലയാത്. ജനുവരി 30നാണ് അസറുദ്ദീന്റെയും പഴകുളം സ്വദേശിനിയായ യുവതിയുടെയും വിവാഹം നടന്നത്. 31ന് പുലർച്ചെ മൂന്ന് മണിക്ക് ഉറ്റസുഹൃത്തിന് അപകടം പറ്റിയെന്ന് അറിയിച്ച് ഫോൺ വന്നുവെന്ന് പറഞ്ഞാണ് ഇയാൾ വീട്ടിൽ നിന്നിറങ്ങിയത്. കുറേ നേരം കഴിഞ്ഞിട്ടും കാണാതായതോടെ വീട്ടുകാർ മൊബൈലിൽ വിളിച്ചെങ്കിലും സ്വിച്ച്ഡ് ഓഫ് ആയിരുന്നു. പിന്നാലെ സംശയം…
പാമ്പുകടിയേറ്റ് കോട്ടയം മെഡിക്കൽ കോളജിൽ ചികിത്സയിൽ കഴിയുന്ന വാവ സുരേഷിന്റെ ആരോഗ്യനിലയിൽ കൂടുതൽ പുരോഗതി. തലച്ചോറിലേക്കുള്ള രക്തയോട്ടം മെച്ചപ്പെട്ടു. ദ്രാവക രൂപത്തിൽ ഭക്ഷണം നൽകി തുടങ്ങിയതായും ചോദ്യങ്ങളോട് പ്രതികരിക്കുന്നുണ്ടെന്നും ഡോക്ടർമാർ അറിയിച്ചു വാവ സുരേഷിനെ വെന്റിലേറ്ററിൽ നിന്ന് മാറ്റുന്ന കാര്യത്തിൽ മെഡിക്കൽ ബോർഡ് യോഗം ചേർന്ന് തീരുമാനമെടുക്കും. സുരേഷ് മരുന്നുകളോട് പ്രതികരിക്കുന്നുണ്ടെന്ന് ഇന്നലെ അറിയിച്ചിരുന്നു. തിങ്കളാഴ്ച ഉച്ചയ്ക്കാണ് വാവ സുരേഷിനെ കോട്ടയം കുറിച്ചിയിൽ വെച്ച് മൂർഖൻ കടിച്ചത്. പാമ്പിനെ പിടികൂടി ചാക്കിലാക്കുന്നതിനിടെയായിരുന്നു കാൽമുട്ടിന് മുകളിലായി പാമ്പിന്റെ…
അട്ടപ്പാടിയിൽ മോഷണക്കുറ്റം ആരോപിച്ച് നാട്ടുകാർ തല്ലിക്കൊന്ന ആദിവാസി യുവാവ് മധുവിന്റെ കുടുംബത്തെ സഹായിക്കാനായി മമ്മൂട്ടി ചുമതലപ്പെടുത്തിയ അഭിഭാഷകൻ വി നന്ദകുമാർ ഇന്ന് മധുവിന്റെ വീട്ടിലെത്തും. കേസ് നടത്തിപ്പിന് നിയമോപദേശത്തിനായാണ് മമ്മൂട്ടി വി നന്ദകുമാറിനെ ചുമതലപ്പെടുത്തിയത്. സർക്കാർ തന്നെയാകും കേസ് നടത്തുക സ്‌പെഷ്യൽ പബ്ലിക് പ്രോസിക്യൂട്ടറെ നിയമിക്കുന്നതിനായി മധുവിന്റെ കുടുംബത്തോട് മൂന്ന് പേരുകൾ നിർദേശിക്കാൻ പറഞ്ഞിരുന്നുവെങ്കിലും ഇത് വരെ പ്രോസിക്യൂട്ടറെ നിയമിക്കുന്നതിൽ കുടുംബം തീരുമാനമെടുത്തിട്ടില്ല. ഇതിലടക്കമുള്ള നിയമോപദേശമാകും വി നന്ദകുമാർ നൽകുക.
അന്വേഷണ ഉദ്യോഗസ്ഥരെ വധിക്കാൻ ഗൂഢാലോചന നടത്തിയെന്ന കേസിൽ ദിലീപ് അടക്കമുള്ള പ്രതികളുടെ മൊബൈൽ ഫോണുകൾ ആലുവ മജിസ്‌ട്രേറ്റ് കടോതിയിൽ എത്തിച്ചു. ഹൈക്കോടതി ഉത്തരവിന്റെ അടിസ്ഥാനത്തിലാണ് നടപടി. ഫോറൻസിക് പരിശോധനക്ക് ശേഷം ഫോണുകൾ അന്വേഷണ സംഘത്തിന് കൈമാറുമോ എന്ന കാര്യത്തിൽ മജിസ്‌ട്രേറ്റ് തീരുമാനമെടുക്കും. ദിലീപിനെതിരായ നിരവധി പരമാർശങ്ങളുണ്ടായിട്ടും പ്രോസിക്യൂഷന് തിരിച്ചടി നൽകിക്കൊണ്ടാണ് ഹൈക്കോടതിയുടെ ഇടപെടൽ. ഫോണുകൾ പരിശോധനക്ക് കൈമാറണം, പ്രതികളെ കസ്റ്റഡിയിൽ വിട്ടുകിട്ടണം എന്നീ ആവശ്യങ്ങളിലൊന്നും ഹൈക്കോടതി തീരുമാനമെടുത്തില്ല. ഫോൺ പ്രോസിക്യൂഷന് കൈമാറുന്നതിൽ എതിർപ്പുണ്ടെന്ന് ദിലീപ് പറഞ്ഞതോടെയാണ്…
എറണാകുളം: ജില്ലയിലെ എല്ലാ സ്വകാര്യ ആശുപത്രികളും 50 ശതമാനം കിടക്കകള്‍ കോവിഡ് ചികിത്സയ്ക്കായി മാറ്റി വയ്ക്കുന്നതിനു ആരോഗ്യമന്ത്രി നിര്‍ദേശിച്ചുള്ളതിനാല്‍ നീക്കിവയ്ക്കപ്പെട്ട കിടക്കകള്‍, ഐ.സി.യു കിടക്കകള്‍, വെന്റിലേറ്ററുകള്‍ എന്നിവയുടെ കൃത്യമായ കണക്കുകള്‍, ഓരോ ദിവസവും ചികിത്സയിലുള്ളവരുടെ എണ്ണം, ശതമാനം, അവശേഷിക്കുന്ന കിടക്കകള്‍ എന്നിവ പ്രതിദിനം ജില്ലാ ഭരണകൂടം, ജില്ലാ മെഡിക്കല്‍ ഓഫീസ്, ഐ.ഡി.എസ്.പി യൂണിറ്റ് എന്നിവിടങ്ങളിലേക്ക് നിര്‍ദ്ദിഷ്ട ഇ-മെയില്‍ വിലാസങ്ങളില്‍ അയക്കണമെന്ന് ജില്ലാ മെഡിക്കല്‍ ഓഫീസര്‍ ഡോ.വി.ജയശ്രീ അറിയിച്ചു. നിലവിലെ കിടക്കകളുടെ ലഭ്യതയും ചികിത്സയിലുള്ളവരുടെ എണ്ണവും ഡ്രൈവ്…