Kerala

  മലപ്പുറം പെരിന്തൽമണ്ണയിൽ കൊവിഡ് ബാധിതക്ക് നേരെ പീഡന ശ്രമം. സ്‌കാനിംഗിനായി കൊണ്ടുപോകുന്നതിനിടെയാണ് സ്വകാര്യ ആശുപത്രിയിലെ അറ്റൻഡർ യുവതിയെ ഉപദ്രവിച്ചത്. പ്രതിയായ പുലാമന്തോൾ സ്വദേശി ശങ്കരമംഗലം വീട്ടിൽ പ്രശാന്തിനെ പോലീസ് കസ്റ്റഡിയിലെടുത്തു. ഏപ്രിൽ 27നാണ് 38കാരിയായ വണ്ടൂർ സ്വദേശിനിയെ പെരിന്തൽമണ്ണയിലെ ആശുപത്രിയിൽ നിന്ന് പുറത്തേക്ക് സ്‌കാനിംഗിനായി കൊണ്ടുപോയത്. അപ്പോഴാണ് പീഡനശ്രമം നടന്നത്. കൊവിഡ് ബാധിച്ച് ഗുരുതരാവസ്ഥയിലായിരുന്നു യുവതി. ഇതിനാൽ പ്രതികരിക്കാൻ പോലും സാധിച്ചിരുന്നില്ല കൊവിഡ് മുക്തയായ ശേഷം ഡോക്ടറോടാണ് യുവതി വിവരം വെളിപ്പെടുത്തിയത്. തുടർന്ന് ഡോക്ടർ പോലീസിനെ…

സംസ്ഥാനത്ത് റേഷൻ വ്യാപാരികൾ സമരത്തിലേക്ക്. തിങ്കളാഴ്ച റേഷൻ കടകൾ അടച്ചിട്ട് പ്രതിഷേധിക്കും. കൊവിഡ് ബാധിച്ച് മരിച്ച റേഷൻ കടക്കാരുടെ ആശ്രിതർക്ക് സാമ്പത്തിക സഹായം നൽകണമെന്നാവശ്യപ്പെട്ടാണ് സമരം റേഷൻ വ്യാപാരികൾക്ക് കൊവിഡ് വാക്‌സിനേഷന് മുൻഗണന നൽകണം. അവരുടെ ആശ്രിതർക്കും വാക്‌സിൻ ഉറപ്പാക്കണമെന്നും വ്യാപാരികൾ പറയുന്നു. 22 റേഷൻ കട ജീവനക്കാർ കൊവിഡ് ബാധിച്ച് മരിച്ചു. ആയിരക്കണക്കിന് റേഷൻ വ്യാപാരികളും ജീവനക്കാരും കൊവിഡ് ബാധിതരായെന്നും റേഷൻ വ്യാപാരികളുടെ സംഘടന പറയുന്നു ഒരു ദിവസം 150ഓളം ആളുകളാണ് റേഷൻ വാങ്ങാനെത്തുന്നത്. ബയോമെട്രിക്…

ശക്തമായ മഴയെ തുടർന്ന് ഇടുക്കിയിൽ കല്ലാർകുട്ടി, മലങ്കര ഡാമുകൾ തുറന്നു. കല്ലാർകുട്ടി ഡാമിന്റെ രണ്ട് ഷട്ടറുകൾ രണ്ട് അടി വീതമാണ് ഉയർത്തിയത്. ഇടുക്കി മലങ്കര ഡാമിന്റെ മൂന്ന് ഷട്ടറുകൾ തുറന്നു. ഇടുക്കിയിൽ വ്യാപക നാശനഷ്ടമാണ് ശക്തമായ മഴയിലും കാറ്റിലുമുണ്ടായത്. മരങ്ങൾ വീണ് നിരവധി വീടുകൾക്ക് കേടുപാടുകൾ സംഭവിച്ചു. ദേശീയ ദുരന്തനിവാരണ സേനാ ടീമുകളുടെ നേതൃത്വത്തിൽ മരങ്ങൾ മുറിച്ചു മാറ്റാൻ ശ്രമം നടക്കുകയാണ്. ഉടുമ്പൻചോലയിൽ ദുരിതാശ്വാസ ക്യാമ്പ് തുറന്നു. ചീന്തലാറ്റിൽ വീടിന് മുകളിൽ മരം വീണ് മൂന്ന് പേർക്ക്…

പത്തനംതിട്ട ജില്ലയിലെ രണ്ടിടങ്ങളിൽ ഗുരുതര പ്രളയസാധ്യതയുണ്ടെന്ന് കേന്ദ്ര ജലകമ്മീഷൻ. ടൗട്ടേ ചുഴലിക്കാറ്റിന്റെ പശ്ചാത്തലത്തിൽ സംസ്ഥാനത്ത് കനത്ത മഴയാണ് ലഭിക്കുന്നത്. ഈ സാഹചര്യത്തിലാണ് കേരളത്തിലെ നദികളിലെ സാഹചര്യം കേന്ദ്ര ജലകമ്മീഷൻ വിലയിരുത്തിയത്. പത്തനംതിട്ട മണിമല, അച്ചൻകോവിൽ നദികൾ കര കവിഞ്ഞൊഴുകാൻ സാധ്യതയുണ്ട്. കല്ലൂപ്പാറ എന്ന സ്ഥലത്ത് അപകടനിലയ്ക്ക് മുകളിലാണ് മണിമലയാർ ഒഴുകുന്നത്. അച്ചൻകോവിലാറും തുമ്പമൺ എന്ന പ്രദേശത്ത് കൂടി അപകടനിലക്ക് മുകളിലൂടെ ഒഴുകുകയാണ്

  തിരുവനന്തപുരം വലിയതുറ കടൽപ്പാലത്തിൽ വിള്ളൽ. പാലത്തിന്റെ ഒരു ഭാഗം താഴ്ന്ന നിലയിലാണ്. കടൽപ്പാലം ചെരിഞ്ഞാണ് നിൽക്കുന്നത്. അപകടസാധ്യതയുള്ളതിനാൽ ഗേറ്റ് പൂട്ടി. പോലീസ് കാവലും ഏർപ്പെടുത്തിയിട്ടുണ്ട്. ടൗട്ടി ചുഴലിക്കാറ്റിനെ തുടർന്ന് സംസ്ഥാനത്ത് കടൽക്ഷോഭം രൂക്ഷമാണ്. തൃശ്ശൂരിൽ തീരമേഖലകളായ എറിയാട്, ചാവക്കാട്, കൈപ്പമംഗലം എന്നിവിടങ്ങളിൽ കടലാക്രമണമുണ്ടായി. നൂറിലധികം വീടുകളിൽ വെള്ളം കയറി. ചാവക്കാട്, കൊടുങ്ങല്ലൂർ മേഖലകളിലും കടൽക്ഷോഭം രൂക്ഷമാണ്. കാസർകോട് മുസോടി കടപ്പുത്തെ മൂന്ന് വീടുകൾ കടൽക്ഷോഭത്തിൽ തകർന്നു. എറണാകുളം ചെല്ലാനത്ത് നിരവധി പേരെ ദുരിതാശ്വാസ ക്യാമ്പുകളിലേക്ക് മാറ്റി.

  ആലപ്പുഴ ചെന്നിത്തല പാടത്ത് കൊയ്തിട്ടിരുന്ന കറ്റകൾ എടുക്കാൻ പോയ വയോധികൻ വെള്ളക്കെട്ടിൽ വീണുമരിച്ചു. ചെന്നിത്തല പഞ്ചായത്ത് പതിനാറാം വാർഡിലെ പുതുവൽ എം കൃഷ്ണൻകുട്ടിയെന്ന 83കാരനാണ് മരിച്ചത്. പാടത്ത് കൊയ്തിട്ടിരുന്ന കറ്റകൾ എടുക്കാൻ വള്ളത്തിൽ പോകവെ ദേഹാസ്വാസ്ഥ്യമുണ്ടായി വെള്ളത്തിൽ വീഴുകയായിരുന്നു. സമീപവാസികളെത്തി കൃഷ്ണൻകുട്ടിയെ ആശുപത്രിയിൽ എത്തിച്ചെങ്കിലും മരിച്ചു.

  അറബിക്കടലിൽ രൂപം കൊണ്ട ടൗട്ടി ചുഴലിക്കാറ്റിനെ തുടർന്ന് അടുത്ത മൂന്ന് മണിക്കൂറിൽ സംസ്ഥാനത്തെ എല്ലാ ജില്ലകളിലും ശക്തമായ കാറ്റിന് സാധ്യതയെന്ന് കാലാവസ്ഥാ നിരീക്ഷണ കേന്ദ്രം. മണിക്കൂറിൽ 40 കിലോമീറ്റർ വേഗതയിൽ വരെ കാശ് വീശാനാണ് സാധ്യത. ഇടിമിന്നലോടു കൂടിയ മഴയ്ക്കും സാധ്യതയുണ്ട് ടൗട്ടി ചുഴലിക്കാറ്റ് ശക്തിയാർജിച്ചതിന് ശേഷം വടക്കുപടിഞ്ഞാറ് ദിശയിൽ സഞ്ചരിക്കുമെന്നും മെയ് 18 ഓടെ ഗുജറാത്ത് തീരത്തിനടുത്ത് എത്തുമെന്നുമാണ് പ്രതീക്ഷിക്കപ്പെടുന്നത്. ഗുജറാത്ത്, ദിയു തീരങ്ങൾക്ക് ചുഴലിക്കാറ്റ് മുന്നറിയിപ്പ് നൽകിയിട്ടുണ്ട്. സംസ്ഥാനത്ത് ഇന്ന് മലപ്പുറം, കോഴിക്കോട്,…

തിരുവനന്തപുരം: അറബിക്കടലിലുണ്ടായ തീവ്ര ന്യൂനമര്‍ദ്ദത്തിന്റെ ഫലമായി സംസ്ഥാനത്ത് നിരവധി ലൈനുകളും പോസ്റ്റുകളും തകര്‍ന്നെന്ന് കെഎസ്ഇബി. കേരളത്തിലാകെ വീശിയടിച്ച കാറ്റിലും പെരുമഴയിലും വൈദ്യുതി വിതരണ സംവിധാനത്തിന് സാരമായ നാശനഷ്ടങ്ങള്‍ ഉണ്ടായെന്ന് കെഎസ്ഇബി അറിയിച്ചു. കൊടുങ്കാറ്റില്‍ മരങ്ങള്‍ കടപുഴകി വീണും മറ്റും നിരവധി ലൈനുകളും പോസ്റ്റുകളും തകര്‍ന്നിട്ടുണ്ട്. എല്ലാ പ്രതികൂല സാഹചര്യങ്ങളെയും നേരിട്ടുകൊണ്ട് വൈദ്യുതി അപകടങ്ങള്‍ ഒഴിവാക്കാനും കഴിയുന്നിടത്തെല്ലാം വൈദ്യുതി ബന്ധം എത്രയും വേഗം പുന:സ്ഥാപിക്കാനുമായി യുദ്ധകാലാടിസ്ഥാനത്തില്‍ ജീവനക്കാര്‍ പ്രയത്‌നിക്കുകയാണെന്ന് കെഎസ്ഇബി അറിയിച്ചു. ഉപഭോക്താക്കള്‍ക്കുണ്ടായ ബുദ്ധിമുട്ടില്‍ ഖേദം പ്രകടിപ്പിച്ച കെഎസ്ഇബി…

ഇസ്രായേൽ-പലസ്തീൻ സംഘർഷത്തിനിടെ ഇസ്രായേലിൽ ഷെല്ലാക്രമണത്തിൽ കൊല്ലപ്പെട്ട സൗമ്യ സന്തോഷിന്റെ മൃതദേഹം ഡൽഹിയിൽ എത്തിച്ചു. കേന്ദ്രസർക്കാർ പ്രതിനിധികളും ഇസ്രായേൽ എംബസി അധികൃതരും ചേർന്ന് മൃതദേഹം ഏറ്റുവാങ്ങി. പുലർച്ചെ നാലരയോടെയാണ് മൃതദേഹം ഡൽഹിയിൽ എത്തിച്ചത്. ഉച്ചയോടെ സ്വദേശിമായ ഇടുക്കിയിലെത്തിക്കും. ഇസ്രായേലിലെ അഷ്‌കലോണിലേക്ക് നടന്ന ഹമാസ് ആക്രമണത്തിലാണ് സൗമ്യ കൊല്ലപ്പെട്ടത്. കഴിഞ്ഞ പത്ത് വർഷമായി കെയർ ഗീവറായി ഇവിടെ ജോലി ചെയ്യുകയായിരുന്നു സൗമ്യ

  തിരുവനന്തപുരം: സംസ്ഥാനത്ത് കോവിഡ് പരിശോധനാ രീതിയില്‍ മാറ്റം വരുത്താന്‍ തീരുമാനിച്ചതായി മുഖ്യമന്ത്രി പിണറായി വിജയന്‍. ആന്റിജന്‍ പരിശോധനയില്‍ പോസിറ്റീവ് ആണെങ്കില്‍ തുടര്‍ന്ന് ആര്‍ടിപിസിആര്‍ പരിശോധന ആവശ്യമില്ലെന്ന് അദ്ദേഹം അറിയിച്ചു. ആന്റിജന്‍ പരിശോധനയില്‍ പോസിറ്റീവായവരെയും രോഗിയായി പരിഗണിച്ച് ക്വാറന്റൈനില്‍ വിടാനാണ് തീരുമാനം. ആശുപത്രികളില്‍ നിന്നു ഡിസ്ചാര്‍ജ് ചെയ്യുന്നതിന് പരിശോധന നടത്തുന്ന രീതി ഒഴിവാക്കിയതായും മുഖ്യമന്ത്രി പറഞ്ഞു. ആദിവാസി മേഖലയിലും തീരദേശങ്ങളിലും പരിശോധന കൂടുതലായി ചെയ്യാന്‍ തീരുമാനിച്ചിട്ടുണ്ട്. രോഗ ലക്ഷണങ്ങള്‍ കണ്ടാല്‍ അത് കോവിഡ് ആണെന്ന് ഉറപ്പിച്ചുകൊണ്ട് എത്രയും…