കാസർകോട് ഉദുമയിൽ ഒരു സ്കൂളിലെ ഏഴ് വിദ്യാർഥിനികളെ പീഡിപ്പിച്ചതായി പരാതി. ബേക്കൽ, അമ്പലത്തറ പോലീസ് സ്റ്റേഷനുകളിലായി ഏഴ് പോക്സോ കേസുകൾ രജിസ്റ്റർ ചെയ്തു. സ്കൂളിൽ നടന്ന കൗൺസിലിംഗിലാണ് കുട്ടികൾ പീഡനവിവരം വെളിപ്പെടുത്തിയത്. വ്യത്യസ്ത സമയങ്ങളിലായാണ് കുട്ടികളെ പീഡിപ്പിച്ചതെന്നാണ് മൊഴി. പരാതിയുടെ അടിസ്ഥാനത്തിൽ നാല് പേർക്കായി പോലീസ് തെരച്ചിൽ തുടങ്ങി.
ബസുകളില് വിദ്യാര്ത്ഥികളോടുള്ള വിവേചനത്തിനെതിരെ കര്ശന നടപടിക്കൊരുങ്ങി മോട്ടോര് വാഹന വകുപ്പ്. ബസ് ജീവനക്കാര്ക്ക് എതിരായ വിദ്യാര്ത്ഥികളുടെ പരാതികള് അറിയിക്കാന് എല്ലാ ജില്ലകളിലും സംവിധാനമൊരുക്കി. കുട്ടികള്ക്ക് വാട്സ്ആപ്പ് വഴിയും പരാതികള് സമര്പ്പിക്കാമെന്ന് മോട്ടോര് വാഹന വകുപ്പ് വ്യക്തമാക്കി. ‘രാജ്യത്തിന്റെ ഭാവി വാഗ്ദാനങ്ങളാണ് കുട്ടികള്. കൊവിഡ് കാലത്തിനു ശേഷം സ്കൂളുകള് തുറന്നതോടെ ഭൂരിപക്ഷം വിദ്യാര്ഥികളും വിദ്യാഭ്യാസ സ്ഥാപനങ്ങളിലേക്കും തിരിച്ചും യാത്ര ചെയ്യുന്നതിന് ബസ്സുകളെയാണ് ആശ്രയിക്കുന്നത്. ഭൂരിപക്ഷം ബസുടമകളും ജീവനക്കാരും വിദ്യാര്ഥികള്ക്ക് ആവശ്യമായ സൗകര്യങ്ങളും നിയമാനുസൃത സൗജന്യങ്ങളും കൃത്യമായി നല്കുന്നുണ്ട്. എന്നാല്…
തിരുവനന്തപുരം: സ്കൂള് ബസ് മറിഞ്ഞുണ്ടായ അപകടത്തിൽ ഒരു കുട്ടിക്ക് ഗുരുതര പരിക്ക്. കിഴുവിലം എസ്എസ്എം സ്കൂളിലെ വിദ്യാര്ത്ഥികളുമായി പോവുകയായിരുന്ന ബസാണ് അപകടത്തിൽ പെട്ടത്. ആറ്റിങ്ങലിൽ ആണ് സംഭവം. മുടപുരം തെങ്ങുംവിള ക്ഷേത്രത്തിന് സമീപത്താണ് അപകടമുണ്ടായത്. തലയ്ക്ക് ഗുരുതരമായി പരിക്കേറ്റ വിദ്യാര്ത്ഥിയെ ഉടൻ തന്നെ സമീപത്തെ ആശുപത്രിയില് പ്രവേശിപ്പിച്ചു.
സംപ്രേക്ഷണ വിലക്കിനെതിരെ മീഡിയവണ് ചാനല് സുപ്രീം കോടതിയില് കേസ് ഫയല് ചെയ്തു. വിലക്കിനെതിരായ ഹരജി ഹൈക്കോടതി ഡിവിഷന് ബെഞ്ച് തള്ളിയിരുന്നു. സിംഗിള് ബെഞ്ച് വിധിക്കെതിരെ ഉടമകളായ മാധ്യമം ബ്രോഡ്കാസ്റ്റിംഗ് ലിമിറ്റഡും കേരള പത്രപ്രവര്ത്തക യൂണിയനുമടക്കമുള്ളവര് നല്കിയ അപ്പീലാണ് ചീഫ് ജസ്റ്റിസ് എസ്. മണികുമാര്, ജസ്റ്റിസ് ഷാജി പി.ചാലി എന്നിവരടങ്ങുന്ന ബഞ്ച് തള്ളിയത്. കേന്ദ്രസര്ക്കാര് നടപടി ശരിവച്ച സിംഗിള് ബെഞ്ച് ഉത്തരവില് ഇടപെടേണ്ട സാഹചര്യമില്ലെന്ന് ഡിവിഷന് ബഞ്ച് വ്യക്തമാക്കി. ജനുവരി 31ന് കേന്ദ്ര സര്ക്കാര് പുറപ്പെടുവിച്ച ഉത്തരവ് ചോദ്യം…
വയനാട് മണിച്ചിറയിൽ സ്വകാര്യ ലോഡ്ജ് മുറിയിൽ സുഹൃത്തുക്കളായ യുവാവിനെയും യുവതിയെയും തൂങ്ങിമരിച്ച നിലയിൽ കണ്ടെത്തി. പുൽപ്പള്ളി സ്വദേശി നിഖിൽ പ്രകാശ്, പാടപ്പള്ളിക്കുന്ന് സ്വദേശി ബബിത എന്നിവരാണ് മരിച്ചത്. ചൊവ്വാഴ്ചയാണ് സ്വകാര്യ ലോഡ്ജിൽ ഇവർ മുറിയെടുത്തത് ബുധനാഴ്ചയായിട്ടും രണ്ട് പേരെയും മുറിക്ക് പുറത്തേക്ക് കണ്ടില്ല. ഇതോടെ സംശയം തോന്നിയ ലോഡ്ജ് ജീവനക്കാർ പോലീസിൽ വിവരം അറിയിക്കുകയായിരുന്നു. പോലീസ് എത്തി മുറി പരിശോധിച്ചപ്പോഴാണ് രണ്ട് പേരെയും തൂങ്ങിമരിച്ച നിലയിൽ കണ്ടത്. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചു.
കേരളത്തിൽ 2373 പേർക്ക് കോവിഡ്-19 സ്ഥിരീകരിച്ചു. തിരുവനന്തപുരം 407, എറണാകുളം 405, കോട്ടയം 248, കൊല്ലം 194, കോഴിക്കോട് 172, ഇടുക്കി 161, തൃശൂർ 141, ആലപ്പുഴ 131, പത്തനംതിട്ട 121, മലപ്പുറം 101, വയനാട് 90, കണ്ണൂർ 89, പാലക്കാട് 75, കാസർഗോഡ് 38 എന്നിങ്ങനേയാണ് ജില്ലകളിൽ ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 36,747 സാമ്പിളുകളാണ് പരിശോധിച്ചത്. സംസ്ഥാനത്തെ വിവിധ ജില്ലകളിലായി 88,270 പേരാണ് ഇപ്പോൾ നിരീക്ഷണത്തിലുള്ളത്. ഇവരിൽ 86,636 പേർ…
മീഡിയ വൺ ചാനലിന്റെ സംപ്രേഷണ വിലക്ക് തുടരുമെന്ന ഹൈക്കോടതി ഡിവിഷൻ ബെഞ്ചിന്റെ വിധിക്കെതിരെ സുപ്രീംകോടതിയെ സമീപിക്കുമെന്ന് മീഡിയ വൺ എഡിറ്റർ ഇൻ ചീഫ് പ്രമോദ് രാമൻ. ഈ വിഷയത്തിൽ കേന്ദ്ര സർക്കാർ നൽകിയിരുന്ന കോൺഫിഡൻഷ്യൽ ഫയൽ പരിശോധിച്ച ശേഷമാണ് ഡിവിഷൻ ബെഞ്ചിന്റെ ഉത്തരവ് എന്നാണ് വിധിപകർപ്പിൽ നിന്നും മനസിലാകുന്നത്. എന്നാൽ ഇത്തരമൊരു കോൺഫിഡൻഷ്യൽ ഫയലിനെക്കുറിച്ച് വാദം നടന്നപ്പോൾ പരാമർശമുണ്ടായിട്ടില്ല. പിന്നീട് എന്തു സംഭവിച്ചു എന്നറിയില്ലെന്നും പ്രമോദ് രാമൻ പറഞ്ഞു ഹൈക്കോടതി ചീഫ് ജസ്റ്റിസ് അധ്യക്ഷനായ ബഞ്ചാണ്…
ഇടുക്കി കരിമണ്ണൂരിൽ മധ്യവയസ്കന് നേരെ സിപിഎം പ്രവർത്തകരുടെ ആക്രമണമെന്ന് പരാതി. കരിമണ്ണൂർ സ്വദേശി ജോസഫ് വെച്ചൂർ എന്ന 51കാരനാണ് മർദനമേറ്റത്. കരിമണ്ണൂർ സിപിഎം ഏരിയ സെക്രട്ടറി പി പി സുമേഷിന്റെ നേതൃത്വത്തിലാണ് മർദനമെന്ന് പരാതിയിൽ പറയുന്നു. ഫേസ്ബുക്ക് പോസ്റ്റിനെ ചൊല്ലിയുണ്ടായ തർക്കമാണ് മർദനത്തിൽ കലാശിച്ചത്. ഫേസ്ബുക്ക് പോസ്റ്റിന് ജോസഫ് കമന്റിട്ടു എന്ന് ആരോപിച്ചായിരുന്നു മർദനം. ഇരുമ്പ് പൈപ്പ് കൊണ്ട് കയ്യും കാലും അടിച്ചൊടിച്ചതായി ഇയാൾ പറയുന്നു. ജോസഫിനെ തൊടുപുഴയിലെ സ്വകാര്യ ആശുപത്രിയിൽ പ്രവേശിപ്പിച്ചു.
കൊല്ലം വിസ്മയ ആത്മഹത്യ കേസിലെ പ്രതിയും വിസ്മയയുടെ ഭർത്താവുമായിരുന്ന കിരൺകുമാറിന് സുപ്രീം കോടതി ജാമ്യം അനുവദിച്ചു. ജസ്റ്റിസ് സഞ്ജയ് കിഷൻ കൗൾ, ജസ്റ്റിസ് എം എം സുന്ദരേഷ് എന്നിവരടങ്ങിയ ബെഞ്ചാണ് പ്രതിക്ക് ജാമ്യം അനുവദിച്ചത്. ഏഴ് ദിവസത്തെ ജാമ്യത്തിനായാണ് കിരൺകുമാർ സുപ്രീം കോടതിയെ സമീപിച്ചത്. ഹർജി അംഗീകരിച്ച സുപ്രീം കോടതി കിരൺ കുമാറിന് റഗുലർ ജാമ്യം തന്നെ അനുവദിച്ചു ഇനി വിചാരണ പൂർത്തിയായി ശിക്ഷ വിധിച്ചാൽ മാത്രമേ കിരൺ കുമാറിന് ജയിലിൽ പോകേണ്ടതുള്ളു. വിസ്മയ കേസിന്റെ…
തിരുവനന്തപുരം ആറ്റിങ്ങലിൽ ബൈക്കും ലോറിയും കൂട്ടിയിടിച്ചുണ്ടായ അപകടത്തിൽ ബൈക്ക് യാത്രികൻ മരിച്ചു. ആറ്റിങ്ങൽ ദേശീയപാതയിൽ പതിനെട്ടാം മൈലിലാണ് അപകടമുണ്ടായത്. ബൈക്കിൽ ഒപ്പമുണ്ടായിരുന്ന ആളെ ഗുരുതര പരുക്കുകളോടെ ആശുപത്രിയിൽ പ്രവേശിപ്പിച്ചു കൂട്ടിയിടിച്ചതിന് പിന്നാലെ കാർഗോ കയറ്റി വന്ന ലോറിയും ബൈക്കും തീപിടിച്ച് കത്തിനശിച്ചു. എതിർ ദിശയിൽ നിന്ന് വാഹനത്തെ മറികടന്നുവന്ന മറ്റൊരു വാഹനം ബൈക്കിലിടിക്കുകയും ഇതിന്റെ ആഘാതത്തിൽ ബൈക്ക് ലോറിക്കടിയിൽ കുടുങ്ങുകയുമായിരുന്നു. ബൈക്കിനാണ് ആദ്യം തീപിടിച്ചത്. പിന്നീടിത് ലോറിയിലേക്ക് പടർന്നു. ഫയർ ഫോഴ്സ് എത്തിയാണ് തീ അണച്ചത്….