Kerala

കേരളത്തിൽ നിന്നെത്തുന്നവർക്ക് നിയന്ത്രണങ്ങൾ കടുപ്പിച്ച് കർണാടക. അടിയന്തര സർവീസുകൾ മാത്രമേ പ്രവേശിപ്പിക്കൂവെന്ന് കർണാടക അധികൃതർ അറിയിച്ചു. ഇടറോഡുകളിൽ മുമ്പ് ചെയ്ത പോലെ മണ്ണിട്ടും കുഴിയെടുത്തും വാഹനങ്ങളെയും ആളുകളെയും തടയാനാണ് നീക്കം സുള്ള്യ, പുത്തൂർ അതിർത്തിയിൽ കുഴിയെടുത്ത് ഗതാഗതം തടയും. അതിർത്തികളിൽ പരിശോധന ശക്തമാക്കും. അതിർത്തി ജില്ലകളിൽ ശനിയും ഞായറും പൂർണ കർഫ്യൂ പ്രഖ്യാപിച്ചു. ബംഗളൂരുവിൽ രാത്രി 10 മണി മുതൽ 6 മണി വരെയും കർഫ്യൂ പ്രഖ്യാപിച്ചിട്ടുണ്ട്.

സംസ്ഥാനത്തെ പിജി ഡോക്ടർമാർ തിങ്കളാഴ്ച മുതൽ അനിശ്ചിതകാല സമരത്തിലേക്ക്. കൊവിഡ് ഡ്യൂട്ടി വികേന്ദ്രീകരിക്കണമെന്നും പഠനപ്രവർത്തനങ്ങൾ പൂർണ തോതിലാക്കണമെന്നും ആവശ്യപ്പെട്ടാണ് സമരം ആരംഭിക്കുന്നത് ഇന്ന് പിജി ഡോക്ടർമാർ സൂചനാ സമരം നടത്തുകയാണ്. മെഡിക്കൽ വിദ്യാഭ്യാസ ഡയറക്ടർ സമരക്കാരുമായി ചർച്ച നടത്തിയെങ്കിലും തീരുമാനമാകാതെ പിരിഞ്ഞു. തിങ്കളാഴ്ച മുതൽ അനിശ്ചിത കാല സമരം ആരംഭിക്കുമ്പോൾ കൊവിഡ് പ്രതിരോധ പ്രവർത്തനങ്ങലെ ഇത് സാരമായി ബാധിക്കും

  ഓണക്കാലത്ത് വയനാട്  ജില്ലയില്‍ വിതരണം ചെയ്യുന്ന ഭക്ഷ്യവസ്തുക്കളുടെ ഗുണനിലവാരവും, സുരക്ഷയും ഉറപ്പുവരുത്തുന്നതിനായി ഭക്ഷ്യസുരക്ഷാ വകുപ്പിന്റെ പ്രത്യേക സ്‌ക്വാഡ് പരിശോധന നടത്തും. ആഗസ്റ്റ് 9 മുതല്‍ ആഗസ്റ്റ് 22 വരെയാണ് പരിശോധന. ജില്ലയില്‍ വിതരണം ചെയ്യുന്ന ഭക്ഷ്യവസ്തുക്കളില്‍ മായം ചേര്‍ക്കുന്നത് തടയാന്‍ ലക്ഷ്യമിട്ടാണ് സ്‌ക്വാഡ് രൂപികരിച്ചത്. സംസ്ഥാന ഭക്ഷ്യ സുരക്ഷാ കമ്മീഷണറുടെ നിര്‍ദ്ദേശപ്രകാരം സംസ്ഥാനത്തുടനീളം രാത്രികാലങ്ങളിലുള്‍പ്പെടെ പരിശോധന നടത്തും. ഓണക്കാലത്ത് അധികമായി വാങ്ങി ഉപയോഗിക്കുന്ന പാല്‍, ഭക്ഷ്യ എണ്ണകള്‍ പ്രത്യേകിച്ച് വെളിച്ചെണ്ണ, പപ്പടം, പായസം മിക്സ്, വെല്ലം,…

സംസ്ഥാനത്ത് അടുത്ത അഞ്ച് ദിവസം ശക്തമായ മഴ ലഭിക്കുമെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. മഴ തുടരുന്ന സാഹചര്യത്തിൽ ഇന്ന് ആലപ്പുഴ, കോട്ടയം, എറണാകുളം, ഇടുക്കി, തൃശൂർ, കോഴിക്കോട്, വയനാട്, കണ്ണൂർ എന്നീ ജില്ലകളിൽ യെല്ലോ അലർട്ട് പ്രഖ്യാപിച്ചു. നാളെ കൊല്ലം,പത്തനംതിട്ട, ആലപ്പുഴ,കോട്ടയം, എറണാകുളം ജില്ലകളിലും യെല്ലോ അലർട്ടും ജാഗ്രതാ നിർദേശവും പുറപ്പെടുവിച്ചിട്ടുണ്ട്. മണിക്കൂറിൽ 50 മുതൽ 70 കിലോമീറ്റർ വേഗതയിൽ കാറ്റ് വീശാൻ സാധ്യതയുള്ളതിനാൽ തെക്ക് പടിഞ്ഞാറൻ, മധ്യ പടിഞ്ഞാറൻ, വടക്കൻ അറബി കടൽ പ്രദേശങ്ങളിൽ…

കൊല്ലത്ത് വിസ്മയ എന്ന യുവതി ഭർതൃപീഡനത്തെ തുടർന്ന് മരിച്ച സംഭവത്തിൽ ഭർത്താവ് കിരൺ കുമാറിനെ സർവീസിൽ നിന്നും പിരിച്ചുവിട്ടു. വകുപ്പുതല അന്വേഷണത്തിന് ശേഷമാണ് നടപടി. ഗതാഗത വകുപ്പിൽ അസി. വെഹിക്കിൾ ഇൻസ്‌പെക്ടറായിരുന്നു കിരൺകുമാർ കിരണിനെതിരായ കുറ്റങ്ങൾ തെളിഞ്ഞതായി ഗതാഗത മന്ത്രി ആന്റണി രാജു പറഞ്ഞു. കിരണിന് ഇനി സർക്കാർ സർവീസിൽ ജോലി ലഭിക്കില്ല. പെൻഷൻ ലഭിക്കാൻ പോലും സാധ്യതയില്ലെന്നും മന്ത്രി അറിയിച്ചു.

  കരിപ്പൂർ സ്വർണക്കടത്ത് കേസിൽ അർജുൻ ആയങ്കിയുടെ ജാമ്യഹർജിയിൽ വിധി പറയാൻ മാറ്റി. അർജുന്റെ ജാമ്യാപേക്ഷയെ കസ്റ്റംസ് ശക്തമായി എതിർത്തു. അർജുൻ ആയങ്കിക്ക് കണ്ണൂർ കേന്ദ്രീകരിച്ച് വൻ കള്ളക്കടത്ത് സംഘമുണ്ടെന്നും ജയിലിൽ കഴിയുന്ന രണ്ട് പ്രതികളുടെ പേരുപയോഗിച്ച് അർജുൻ ആളുകളെ ഭീഷണിപ്പെടുത്തിയെന്നും കസ്റ്റംസ് വാദിച്ചു പ്രതിക്ക് ജാമ്യം അനുവദിച്ചാൽ കേസ് അട്ടിമറിക്കും. രാജ്യത്തെ വിവിധ വിമാനത്താവളങ്ങളിലൂടെ പ്രതി സ്വർണക്കടത്ത് നടത്തി. അന്വേഷണവുമായി അർജുൻ സഹകരിക്കുമെന്നും കസ്റ്റംസ് പറയുന്നു. അർജുന് സ്വർണക്കടത്ത് സംഘവുമായി ബന്ധമുണ്ടെന്ന് ഭാര്യയുടെ മൊഴിയുണ്ടെന്നും കസ്റ്റംസ്…

  കരുവന്നൂർ സഹകരണ ബാങ്ക് തട്ടിപ്പ് കേസിൽ ആറ് പ്രതികൾക്കെതിരെ ക്രൈംബ്രാഞ്ച് ലുക്കൗട്ട് നോട്ടീസ് പുറപ്പെടുവിച്ചു. കേസിൽ അന്വേഷണം തുടങ്ങി ഒരു മാസമാകാറായിട്ടും പ്രതികളെ പിടികൂടാത്തതിൽ വലിയ വിമർശനം നേരിടേണ്ട വന്നതിന് പിന്നാലെയാണ് ലുക്കൗട്ട് നോട്ടീസ്. സുനിൽകുമാർ, ബിജു കരീം, ബിജോയ്, റെജി അനിൽ, കിരൺ, ജിൽസ് എന്നിവർക്കെതിരെയാണ് നോട്ടീസ്. പ്രതികൾ ഒളിവിലാണെന്നും ഇവരെ കുറിച്ച് വിവരമില്ലെന്നും അന്വേഷണസംഘം പറയുന്നു. കേസിൽ മുൻകൂർ ജാമ്യം തേടി പ്രതികളായ ബിജു കരീം, റെജി അനിൽ, ജിൽസ് എന്നിവർ സമർപ്പിച്ച…

കൊവിഡ് നിയന്ത്രണങ്ങളെ അശാസ്ത്രീയത ചൂണ്ടിക്കാട്ടി പ്രതിപക്ഷം നൽകിയ അടിയന്തര പ്രമേയ നോട്ടീസിന് മറുപടി നൽകുകയായിരുന്നു മന്ത്രി. സംസ്ഥാനത്ത് ലോക്ക് നിയന്ത്രണങ്ങൾ എല്ലാക്കാലത്തും നീട്ടിക്കൊണ്ടുപോകാൻ കഴിയില്ല. നിയന്ത്രണങ്ങൾ പരിശോധിച്ച ശേഷമാണ് നടപ്പാക്കിയത്. പുന:പരിശോധിക്കുന്നതിനെ കുറിച്ച് ആലോചിക്കില്ലെന്നും മന്ത്രി പറഞ്ഞു കേരളത്തിലെ ജനങ്ങൾക്കും വ്യാപാരികൾക്കും ബുദ്ധിമുട്ടുണ്ടാക്കുന്ന നിയന്ത്രണങ്ങളാണ് സംസ്ഥാന സർക്കാർ ഏർപ്പെടുത്തിയിരിക്കുന്നത്. കൊവിഡിന്റെ പേരിൽ പോലീസിനെ ഉപയോഗിച്ച് ജനങ്ങളിൽ നിന്ന് പിഴയീടാക്കാനാണ് നിയന്ത്രണങ്ങളെന്ന് നോട്ടീസ് നൽകിയ കെ ബാബു ആരോപിച്ചു. കൊവിഡ് നിയന്ത്രണങ്ങളെ കുറിച്ച് മന്ത്രി പറയുന്നതാണോ ചീഫ് സെക്രട്ടറി…

കടകളിൽ എത്താൻ വാക്‌സിൻ സർട്ടിഫിക്കറ്റോ ആർടിപിസിആർ നെഗറ്റീവ് സർട്ടിഫിക്കറ്റോ വേണമെന്ന നിർദേശം ഇന്നും കർശനമായി നടപ്പാക്കില്ല. അരി വാങ്ങാൻ പോകാനും സർട്ടിഫിക്കറ്റ് വേണമെന്ന നിബന്ധനക്കെതിരെ വിമർശനം ശക്തമായിട്ടുണ്ട്. വ്യാപാരികളും സർക്കാരിന്റെ പുതിയ മാർഗനിർദേശത്തിനെതിരെ രംഗത്തുവന്നിട്ടുണ്ട്. കടയിൽ പോകാൻ സർട്ടിഫിക്കറ്റ് വേണമെന്ന നിബന്ധന ഇന്നലെ സംസ്ഥാനത്ത് നടപ്പാക്കിയിരുന്നില്ല. എന്നാൽ സർക്കാർ നിർദേശിച്ച രേഖകൾ ഇല്ലാതെ കടകളിലെത്തിയാൽ പുറത്താക്കുമെന്ന് തിരുവനന്തപുരം ജില്ലാ കലക്ടർ ഇന്നലെ പുറത്തിറക്കിയ മാർഗരേഖയിൽ പറയുന്നു കൊവിഡ് അൺലോക്ക് മാർഗനിർദേശങ്ങളിലെ ആശയക്കുഴപ്പം പ്രതിപക്ഷം ഇന്നും സഭയിൽ ഉയർത്തിക്കാട്ടും….

ചന്ദ്രിക പത്രത്തിന്റെ അക്കൗണ്ട് വഴി കള്ളപ്പണം വെളുപ്പിച്ചെന്ന കേസിൽ പാണക്കാട് ഹൈദരലി ശിഹാബ് തങ്ങൾ ഇ ഡിക്ക് മുന്നിൽ ഇന്ന് ഹാജരായേക്കില്ല. ചികിത്സയിലുള്ള ഹൈദരലി അനാരോഗ്യം കാരണം ഹാജരാകാൻ കഴിയില്ലെന്ന് ഇ ഡിയെ അറിയിച്ചിട്ടുണ്ട്. അതേസമയം ചന്ദ്രിക ഫിനാൻസ് മാനേജർ സമീർ ഇന്ന് കൊച്ചിയിലെ ഇ ഡി ഓഫീസിൽ ഹാജരായേക്കും. വിഷയത്തെ ചൊല്ലി മുസ്ലിം ലീഗിൽ കടുത്ത പൊട്ടിത്തെറിയാണ് നടക്കുന്നത്. പി കെ കുഞ്ഞാലിക്കുട്ടിക്കെതിരെ രൂക്ഷ വിമർശനവുമായി ഹൈദരാലിയുടെ മകൻ മൊയിൻ അലി ഇന്നലെ വാർത്താ സമ്മേളനം…