ആലുവയിൽ വൻ ലഹരിമരുന്ന് വേട്ട. റെയിൽവേ സ്റ്റേഷനിൽ നിന്ന് രണ്ട് കിലോയിലധികം എംഡിഎംഎയുമായി രണ്ട് യുവാക്കൾ എക്സൈസ് ഇന്റലിജൻസിന്റെ പിടിയിലായി. കൊടുങ്ങല്ലൂർ സ്വദേശികളെയാണ് പിടികൂടിയത്. മംഗള എക്സ്പ്രസിൽ ഡൽഹിയിൽ നിന്ന് എത്തിച്ചതാണ് എംഡിഎംഎ പാനിപൂരിയുടെയും ഫ്രൂട്ട് ജ്യൂസ് പാക്കിന്റെയും ഉള്ളിൽ ഒളിപ്പിച്ചാണ് ലഹരിമരുന്ന് കടത്തിയത്. ന്യൂ ഇയർ ആഘോഷങ്ങൾക്കായി എത്തിച്ചതാണ് ലഹരി മരുന്ന് എന്നാണ് സംശയിക്കുന്നത്.
കെ എസ് ആർ ടി സിയിൽ ജീവനക്കാരുടെ ശമ്പള പരിഷ്കരണവുമായി ബന്ധപ്പെട്ട് തർക്കങ്ങൾ നിലനിൽക്കുന്നതായി ഗതാഗത മന്ത്രി ആന്റണി രാജു. ചെറിയ കാര്യങ്ങളിലാണ് തർക്കമുള്ളത്. മറ്റ് പ്രധാന വിഷയങ്ങളിൽ ധാരണയായിട്ടുണ്ട്. ജനുവരി 3ന് വീണ്ടും ചർച്ച നടത്താമെന്നാണ് നിലവിൽ തീരുമാനിച്ചതെന്നും മന്ത്രി അറിയിച്ചു. എന്നാൽ ശമ്പള കരാറിൽ ഈ മാസം ഒപ്പിട്ടില്ലെങ്കിൽ അനിശ്ചിതകാല പണിമുടക്ക് നടത്തുമെന്ന് കെഎസ്ആർടിസി തൊഴിലാളി യൂണിയനുകൾ അറിയിച്ചു. ജനുവരിയിൽ നടക്കുന്ന മന്ത്രിതല ചർച്ച ബഹിഷ്കരിക്കുമെന്നും തൊഴിലാളികൾ മുന്നറിയിപ്പ് നൽകി. വ്യവസ്ഥകളെല്ലാം പറഞ്ഞുറപ്പിച്ചിട്ട്…
തിരുവനന്തപുരം പോത്തൻകോട് അച്ഛനെയും മകളെയും ആക്രമിച്ച ഗുണ്ടാസംഘം പിടിയിൽ. കരുനാഗപ്പള്ളിയിലെ ഒരു ലോഡ്ജിൽ ഒളിവിൽ കഴിയുന്നതിനിടെയാണ് ഇവർ പിടിയിലായത്. രഹസ്യവിവരത്തെ തുടർന്ന് പോലീസ് ലോഡ്ജിലെത്തി ഇവരെ പിടികൂടുകയായിരുന്നു. ഗുണ്ടാത്തലവൻ ഫൈസലും സംഘവുമാണ് പിടിയിലായത്. പ്രതികളുടെ പൂർണ വിവരങ്ങൾ പോലീസ് പുറത്തുവിട്ടിട്ടില്ല. കഴിഞ്ഞ ദിവസമാണ് കാർ യാത്രക്കാരായ അച്ഛനെയും മകളെയും നാലംഗ ഗുണ്ടാസംഘം ആക്രമിച്ചത്. വെഞ്ഞാറുമ്മൂട് ഇടവിളാകത്ത് വീട്ടിൽ ഷെയ്ക്ക് മുഹമ്മദിനെയും മകളെയുമാണ് ഇവർ ആക്രമിച്ചത്. ബുധനാഴ്ച രാത്രി പോത്തൻകോട് ജംഗ്ഷന് സമീപത്ത് വെച്ചായിരുന്നു സംഭവം.
സംസ്ഥാനത്ത് സമ്പർക്കത്തിലൂടെയും ഒമിക്രോൺ രോഗം സ്ഥിരീകരിച്ചു. കണ്ണൂരിൽ വിദേശയാത്രാ പശ്ചാത്തലമില്ലാത്ത 51കാരനാണ് ഒമിക്രോൺ സ്ഥിരീകരിച്ചത്. കൊവിഡ് ബാധിച്ച വിദ്യാർഥിയുടെ സമ്പർക്ക പട്ടികയിൽ ഇദ്ദേഹമുണ്ടായിരുന്നു. ക്വാറന്റൈനിൽ ഇരിക്കെ നടത്തിയ പരിശോധനയിലാണ് ഒമിക്രോൺ സ്ഥിരീകരിച്ചത് അയൽവാസിയായ വിദ്യാർഥിയുടെ കൊവിഡ് സമ്പർക്ക പട്ടികയിൽ ഉൾപ്പെട്ടതിനാൽ ക്വാറന്റൈനിലായിരുന്നു ഇയയാൾ. ഒക്ടോബർ 9നാണ് കൊവിഡ് പോസീറ്റീവായത്. തുടർന്ന് നടത്തിയ ജനിതക പരിശോധനയിലാണ് ഒമിക്രോൺ സ്ഥിരീകരിച്ചത്. ഇതോടെ സംസ്ഥാനത്തെ ഒമിക്രോൺ ബാധിതരുടെ എണ്ണം 38 ആയി ഉയർന്നു. മലപ്പുറത്ത് ഒമിക്രോൺ ബാധിച്ച് ചികിത്സയിലായിരുന്ന ഒരാളെ…
എറണാകുളം കിഴക്കമ്പലത്ത് കിറ്റക്സ് കമ്പനിയിലെ ജീവനക്കാരായ അതിഥി തൊഴിലാളികൾ തമ്മിലുണ്ടായ സംഘർഷം വലിയ കലാപത്തിലേക്ക്. ഇവർ പോലീസുകാരെ ആക്രമിച്ചു. രണ്ട് പോലീസ് ജീപ്പുകൾ ഇവർ കത്തിച്ചു. കുന്നത്തുനാട് പോലീസ് സ്റ്റേഷനിലെ ജീവനക്കാരെയാണ് ഇവർ ആക്രമിച്ചത്. ഇൻസ്പെക്ടറടക്കം അഞ്ച് പോലീസുകാർക്ക് പരുക്കേറ്റത്. ക്രിസ്മസ് കരോൾ നടത്തുന്നതുമായി ബന്ധപ്പെട്ടായിരുന്നു തർക്കം തുടങ്ങിയത്. തൊഴിലാളികൾ ചേരിതിരിഞ്ഞ് ഏറ്റുമുട്ടിയതോടെയാണ് പോലീസ് സ്ഥലത്തെത്തിയത്. എന്നാൽ തൊഴിലാളികൾ പോലീസിനെതിരെയും ആക്രമണം അഴിച്ചുവിട്ടു സിഐയുടെ കൈ ഒടിയുകയും തലയ്ക്ക് പരുക്കേൽക്കുകയും ചെയ്തു. വലിയ പോലീസ് സംഘം…
തിരുവനന്തപുരം: വിഴിഞ്ഞത്ത് ഉല്ലാസയാത്രക്കിടെ ബോട്ടുകള് തമ്മില് കൂട്ടിയിടിച്ച് യുവതിക്ക് ദാരുണാന്ത്യം. പൂന്തുറ സ്വദേശിനി സഹായറാണി (49) ആണ് മരിച്ചത്. ഉല്ലാസയാത്ര നടത്തിയ രണ്ട് വെള്ളങ്ങള് തമ്മിലാണ് കൂട്ടിയിടിച്ച് അപകടമുണ്ടായത് .സുരക്ഷാക്രമീകരങ്ങളില് വീഴ്ച വന്നിട്ടില്ലെന്നും അപകടത്തിന് കാരണമായ എല്ലാ വസ്തുതകളും വിലയിരുത്തുമെന്നും പോലീസ് ഉദ്യോഗസ്ഥര് അറിയിച്ചു.
തിരുവനന്തപുരം: നെടുമങ്ങാട് താന്നിമൂട്ടിൽ വഴി തർക്കത്തെ തുടർന്ന് കൊലപാതകം. ബാബു എന്നയാൾ അയൽ വാസി സജിയെ തലക്കടിച്ച് കൊന്നു. നെടുമങ്ങാട് പോലീസ് കേസെടുത്തു. പ്രതികൾ ഒളിവിലാണെന്നും പൊലീസ് പറഞ്ഞു.
ഷാൻ വധക്കേസിലെ കൊലയ്ക്കുപയോഗിച്ച ആയുധങ്ങൾ കണ്ടെത്തി. ആലപ്പുഴ പുല്ലംകുളത്തു നിന്നാണ് ആയുധങ്ങൾ കണ്ടെത്തിയത്. ഷാനിനെ വധിക്കാനുപയോഗിച്ച അഞ്ച് വാളുകളാണ് കണ്ടെടുത്തത്. അതേസമയം, എസ്ഡിപിഐ നേതാവ് കെ എസ് ഷാൻ വധക്കേസിൽ പ്രധാന പ്രതികളുടെ അറസ്റ്റ് രേഖപ്പെടുത്തി.ഷാനെ വെട്ടിക്കൊലപ്പെടുത്തിയ സംഘത്തിലുണ്ടായിരുന്ന 5 പേരുൾപ്പെടെ 8 ആർഎസ്എസ് പ്രവർത്തകരുടെ അറസ്റ്റാണ് ഇന്ന് രേഖപെടുത്തിയത്. ഇതോടെ കേസിൽ അറസ്റ്റിലായവരുടെ എണ്ണം 13 ആയി.
തിരുവനന്തപുരം: സംസ്ഥാനത്ത് ഒരാള്ക്ക് കൂടി ഒമിക്രോണ് സ്ഥിരീകരിച്ചതായി മന്ത്രി വീണാ ജോര്ജ് അറിയിച്ചു. കണ്ണൂരിലെ 51 കാരനാണ് ഒമിക്രോണ് സ്ഥിരീകരിച്ചത്. സെന്റിനല് സര്വയന്സിന്റെ ഭാഗമായി നടത്തിയ ജനിതക പരിശോധനയിലാണ് ഒമിക്രോണ് സ്ഥീരീകരിച്ചത്. അയല്വാസിയായ വിദ്യാർഥിയുടെ കോവിഡ് സമ്പര്ക്കപ്പട്ടികയിലായതിനാല് ക്വാറന്റൈനിലായിരുന്നു. ഒക്ടോബര് ഒമ്പതിനാണ് കോവിഡ് പോസിറ്റീവായത്. തുടര്ന്ന് നടത്തിയ ജനിതക പരിശോധനയിലാണ് ഒമിക്രോണ് സ്ഥീരീകരിച്ചത്. പിതാവ് മാത്രമാണ് പ്രാഥമിക സമ്പര്ക്ക പട്ടികയിലുള്ളത്. ഇതോടെ സംസ്ഥാനത്ത് ആകെ 38 പേര്ക്കാണ് ഒമിക്രോണ് സ്ഥിരീകരിച്ചത്. മലപ്പുറത്ത് ഒമിക്രോണ് ബാധിച്ച് ചികിത്സയിലായിരുന്നയാളെ…
കേരളത്തില് ഇന്ന് 2407 പേര്ക്ക് കോവിഡ്-19 സ്ഥിരീകരിച്ചു. തിരുവനന്തപുരം 505, എറണാകുളം 424, കോഴിക്കോട് 227, കോട്ടയം 177, തൃശൂര് 159, കൊല്ലം 154, കണ്ണൂര് 145, പത്തനംതിട്ട 128, മലപ്പുറം 106, ആലപ്പുഴ 93, വയനാട് 77, പാലക്കാട് 67, കാസര്ഗോഡ് 52, ഇടുക്കി 43 എന്നിങ്ങനേയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 44,754 സാമ്പിളുകളാണ് പരിശോധിച്ചത്. പ്രതിവാര ഇന്ഫെക്ഷന് പോപ്പുലേഷന് റേഷ്യോ (WIPR) പത്തിന് മുകളിലുള്ള 5 തദ്ദേശ…