Kerala

കൊല്ലം അഞ്ചലിൽ ഡോക്ടറെ കയ്യേറ്റം ചെയ്യാൻ ശ്രമിച്ചയാൾക്ക് കൊവിഡ് സ്ഥിരീകരിച്ചു. ഇന്നലെ പകലായിരുന്നു സംഭവം. ആശുപത്രിയിൽ മറ്റ് അസുഖത്തിനായി ചികിത്സക്കെത്തിയതായിരുന്നു ഇയാൾ. എന്നാൽ കൊവിഡ് പരിശോധനക്കായി സ്രവം എടുക്കണമെന്ന് ഡോക്ടർ ആവശ്യപ്പെട്ടു ഇതിൽ പ്രകോപിതനായി ഇയാൾ ഡോക്ടറെ ആക്രമിക്കാൻ ശ്രമിക്കുകയായിരുന്നു. ആശുപത്രി അധികൃതർ നൽകിയ പരാതിയുടെ അടിസ്ഥാനത്തിൽ അഞ്ചൽ പോലീസ് കേസെടുത്തു. ഇയാളുടെ സ്രവ പരിശോധന ഫലം വന്നപ്പോൾ പോസിറ്റീവാണെന്ന് വ്യക്തമാകുകയായിരുന്നു.

കാസർകോട് ആരിക്കാടിയിൽ ആന്റിജൻ പരിശോധനക്ക് ആളുകൾ സഹകരിക്കുന്നില്ലെന്ന് ആരോഗ്യ പ്രവർത്തകരുടെ പരാതി. ഇന്ന് സംഘടിപ്പിച്ച പരിശോധനാ ക്യാമ്പിൽ പങ്കെടുത്തത് രണ്ട് പേർ മാത്രമാണ്. ചൊവ്വാഴ്ച ഇവിടെ 100 പേരെ പരിശോധിച്ചതിൽ 21 പേർക്ക് രോഗം സ്ഥിരീകരിച്ചിരുന്നു. ഈ 21 പേരുടെ പ്രാഥമിക സമ്പർക്ക പട്ടികയിൽപ്പെട്ടവരാണ് പരിശോധനയുമായി സഹകരിക്കാത്തത്. ഇത് വലിയ ആശങ്കയുണ്ടാക്കുന്നതായി ആരോഗ്യപ്രവർത്തകർ പറയുന്നു. പരിശോധനയുമായി സഹകരിച്ചില്ലെങ്കിൽ രോഗവ്യാപനമുണ്ടാകുകയും സമൂഹവ്യാപനത്തിലേക്ക് എത്താനും സാധ്യതയുണ്ട്. തങ്ങൾക്ക് ലക്ഷണമില്ലെന്നും അതിനാൽ പരിശോധന ആവശ്യമില്ലെന്നുമാണ് ജനങ്ങളുടെ പ്രതികരണം

സ്വർണക്കടത്ത് കേസിലെ പ്രതി സ്വപ്‌ന സുരേഷിന്റെ ലോക്കറിൽ നിന്ന് ഒരു കോടിയിലേറെ രൂപയും സ്വർണവും കണ്ടെത്തി. എൻ ഐ എ കോടതിയെ അറിയിച്ചതാണ് ഇക്കാര്യം. വീട്ടിലും ലോക്കറിലും നടത്തിയ പരിശോധനയിലാണ് ഇത്രയുമധികം തുകയും സ്വർണവും കണ്ടെത്തിയത്. എന്നാൽ ഷെയ്ഖ് സമ്മാനമായി നൽകിയതാണ് ഇവയെന്ന് സ്വപ്‌നയുടെ അഭിഭാഷകൻ കോടതിയിൽ വാദിച്ചു ഒരു കോടിയിലേറെ രൂപയും ഒരു കിലോ സ്വർണവുമാണ് കണ്ടെത്തിയത്. ഇത്രയുമധികം സ്വത്ത് ഇവരുടെ അക്കൗണ്ടിൽ കണ്ടെത്തുക അസ്വാഭാവികമാണെന്ന് എൻ ഐ എ ചൂണ്ടിക്കാട്ടി. പണത്തിന്റെ സ്രോതസ്സ് കണ്ടെത്തേണ്ടതുണ്ട്….

സ്വർണക്കടത്ത് കേസിൽ സ്വപ്‌ന സുരേഷിന്റെയും സന്ദീപിന്റെയും അറസ്റ്റ് കസ്റ്റംസ് രേഖപ്പെടുത്തി. എൻ ഐ എ കോടതിയിൽ വെച്ചാണ് രണ്ട് പ്രതികളുടെയും അറസ്റ്റ് കസ്റ്റംസ് രേഖപ്പെടുത്തിയത്. എൻ ഐ എയുടെ കസ്റ്റഡിയിലായിരുന്നു രണ്ട് പ്രതികളും. ഇരുവരുടെയും റിമാൻഡ് കാലാവധി അടുത്ത മാസം 21 വരെ നീട്ടിയിട്ടുണ്ട്. ഇരുവരെയും കസ്റ്റഡിയിൽ വാങ്ങാൻ കസ്റ്റംസ് തിങ്കളാഴ്ച അപേക്ഷ സമർപ്പിക്കും. അതേസമയം സ്വപ്‌ന സുരേഷ് നൽകിയ ജാമ്യ ഹർജി കോടതി ഇന്ന് പരിഗണിച്ചില്ല. ഇത് തിങ്കളാഴ്ചത്തേക്ക് മാറ്റി. കേസിൽ യുഎപിഎ നിലനിൽക്കില്ലെന്നും തീവ്രവാദ…

കോവിഡ് വ്യാപനത്തിന്റെ പശ്ചാത്തലത്തിൽ മുഖ്യമന്ത്രി വിളിച്ച സർവ്വകക്ഷി യോ​ഗത്തിന് മുമ്പ് തന്നെ തന്റെ നിലപാട് വ്യക്തമാക്കി പ്രതിപക്ഷ നേതാവ് രമേശ് ചെന്നിത്തല. കേരളത്തിൽ വീണ്ടും സംസ്ഥാനത്ത് സമ്പൂർണ ലോക്ക് ഡൗൺ നടപ്പാക്കുന്നതിനോട് യോജിപ്പില്ലെന്ന് അദ്ദേഹം പറഞ്ഞു. മുഖ്യമന്ത്രി വിളിച്ച യോഗത്തിൽ ഈ നിലപാട് വ്യക്തമാക്കുമെന്നും ചെന്നിത്തല കൂട്ടിചേർത്തു. കേരളത്തിൽ സമ്പർക്കത്തിലൂടെയുള്ള കോവിഡ് വ്യാപനം ഉയരുമ്പേൾ വീണ്ടും ലോക്ക്ഡൗൺ പ്രഖ്യാപിച്ചേക്കുമെന്ന് സൂചനകൾ പുറത്ത് വരുന്ന സാഹചര്യത്തിലാണ് രമേശ് ചെന്നിത്തല തന്റെ നിലപാട് വ്യക്തമാക്കിയത്. രോഗവ്യാപനം ഉള്ള മേഖലകളിൽ നിയന്ത്രണം…

ലണ്ടന്‍: ഓക്‌സ്ഫഡ് സര്‍വകലാശാലയിലെ ഗവേഷകര്‍ വികസിപ്പിച്ച കോവിഡ് പരീക്ഷണ വാക്‌സിന്‍ ചിമ്പാന്‍സികളില്‍ പനിയുണ്ടാക്കുന്ന അഡിനോ വൈറസ്’ ഉപയോഗിച്ചെന്ന് റിപ്പോര്‍ട്ട്. ഗവേഷകര്‍ രഹസ്യമാക്കി വച്ച വിവരങ്ങളാണ് പുറത്ത് വന്നത്. ഓക്സ്ഫഡ് സര്‍വകലാശാല നടത്തിയ പരീക്ഷണത്തിലാണ് ചിമ്പാന്‍സികളില്‍ പനിയുണ്ടാക്കുന്ന അഡിനോ വൈറസ്’ ഉപയോഗിച്ചിരിക്കുന്നത്. അഡിനോ വൈറസിന്റെ രോഗം പകര്‍ത്താനുള്ള ശേഷി ഇല്ലാതാക്കി, ഇതിലേക്കു കോവിഡ് 19 വൈറസിന്റെ സ്പൈക് പ്രോട്ടീന്‍ ഉണ്ടാക്കുന്ന ജനിതക വസ്തു കൂടി ചേര്‍ത്താണ് വാക്സിന്‍ തയാറാക്കിയിട്ടുള്ളത്. ഇതു സ്വീകര്‍ത്താവിന്റെ ശരീരത്തിലെത്തുന്നതോടെ കൊറോണ വൈറസ് ആണെന്നു തെറ്റിദ്ധരിച്ച്…

കണ്ണൂർ ഗവ. മെഡിക്കൽ കോളജിൽ കൊവിഡ് ചികിത്സയിൽ കഴിയുന്നതിനിടെ രക്ഷപ്പെട്ട റിമാൻഡ് പ്രതി പിടിയിൽ. ആറളം സ്വദേശി ദിലീപാണ് പിടിയിലായത്. ഇന്ന് രാവിലെ പത്ത് മണിയോടെയാണ് ഇയാൾ അഞ്ചരക്കണ്ടി മെഡിക്കൽ കോളജിലെ കൊവിഡ് വാർഡിൽ നിന്നും രക്ഷപ്പെട്ടത്. മൊബൈൽ മോഷണക്കേസുമായി ബന്ധപ്പെട്ടാണ് ദിലീപിനെ പോലീസ് പിടികൂടിയത്. തുടർന്ന് പരിശോധന നടത്തിയപ്പോൾ ഇയാൾ കൊവിഡ് പോസീറ്റീവായിരുന്നു. അങ്ങനെയാണ് മെഡിക്കൽ കോളജ് ആശുപത്രിയിൽ പ്രവേശിപ്പിച്ചത്. ഇന്നുച്ചയോടെ ഇരിട്ടിയിൽ വെച്ചാണ് ഇയാളെ പിടികൂടിയത്.

വടകര എംപി കെ മുരളീധരൻ കൊവിഡ് പരിശോധന നടത്തി. കൊവിഡ് സ്ഥിരീകരിച്ച ഡോക്ടറുടെ വിവാഹ ചടങ്ങിൽ കെ മുരളീധരൻ പങ്കെടുത്തിരുന്നു. തുടർന്നാണ് ജില്ലാ കലക്ടർ മുരളീധരനോട് കൊവിഡ് പരിശോധന നടത്താൻ ആവശ്യപ്പെട്ടത്. നാളെയാണ് കെ മുരളീധരന്റെ പരിശോധനാ ഫലം വരിക. ഇതുവരെ അദ്ദേഹം വീട്ടിൽ നിരീക്ഷണത്തിൽ തുടരുമെന്ന് എംപിയുടെ ഓഫീസ് അറിയിച്ചു. ഇന്ന് രാവിലെയാണ് കെ മുരളീധരനോട് പരിശോധന നടത്തണമെന്ന് കലക്ടർ ആവശ്യപ്പെട്ടത്. അതേസമയം ആരോഗ്യവകുപ്പ് ഇത്തരമൊരു നിർദേശം നൽകിയിരുന്നില്ല. ജനപ്രതിനിധികൾ കൊവിഡ് മാനദണ്ഡം ലംഘിക്കുന്നതിനെ കുറിച്ച്…

നഗരസഭയിലെ ഏഴ് കൗൺസിലർമാർക്ക് കൊവിഡ് സ്ഥിരീകരിച്ച സാഹചര്യത്തിൽ തിരുവനന്തപുരം കോർപറേഷൻ മേയർ കെ ശ്രീകുമാർ സ്വയം നിരീക്ഷണത്തിൽ പോയി. കൗൺസിലർമാരെ കൂടാതെ ഒരു ജീവനക്കാരിക്കും രോഗം സ്ഥിരീകരിച്ചിരുന്നു ഇത്രയും പേർക്ക് കൊവിഡ് സ്ഥിരീകരിച്ചിട്ടും മേയർ നിരീക്ഷണത്തിൽ പോകാത്തത് വിവാദങ്ങൾക്ക് ഇടയാക്കിയിരുന്നു. ഇതിന് പിന്നാലെയാണ് മേയർ നിരീക്ഷണത്തിലാണെന്ന അറിയിപ്പ് ഓഫീസിൽ നിന്നെത്തിയത്.