Kerala

ചെലോൽത് ശരിയാവും, ചെലോൽത് ശരിയാവൂലാ, കഴിഞ്ഞ ദിവസങ്ങളിൽ സമൂഹ മാധ്യമങ്ങളിൽ വൈറലായ ഒരു വാക്കായിരുന്നുവിത്. മലപ്പുറത്തെ ഒരു നാലാം ക്ലാസുകാരൻ ഫായിസ് പറഞ്ഞ വാക്കുകളെ കേരളാ സമൂഹം ഒന്നാകെ ഏറ്റെടുക്കുകയായിരുന്നു. മിൽമയും ഈ വാക്കുകളെ ഏറ്റെടുത്തു. വെറുതെയല്ല തങ്ങളുടെ പരസ്യവാചകമായി. പക്ഷേ അപ്പോഴാണ് വിവാദം തല പൊക്കിയത്. വാക്കുകളുടെ യഥാർഥ ഉടമയോട് അനുവാദമോ പ്രതിഫലമോ നൽകാതെ പരസ്യവാചകം കോപ്പിയടിച്ചുവെന്ന ആരോപണവും ഉയർന്നു എന്തായാലും മിൽമ തെറ്റ് തിരുത്തി. ഫായിസിന് റോയൽറ്റിയും സമ്മാനങ്ങളും മിൽമ നൽകി. പതിനായിരം രൂപ…

തിരുവനന്തപുരം മേനംകുളം കിൻഫ്ര പാർക്കിലെ 88 പേർക്ക് കൊവിഡ് സ്ഥിരീകരിച്ചു. 300 ജീവനക്കാരിൽ ഇന്നും ഇന്നലെയുമായി നടത്തിയ ആന്റിജൻ പരിശോധനയിലാണ് ഇത്രയുമധികം ജീവനക്കാർക്ക് രോഗം സ്ഥിരീകരിച്ചത്. കേരളാ മെഡിക്കൽ സർവീസ് കോർപറേഷൻ ജീവനക്കാർ ഉൾപ്പെടെയുള്ളവർക്കാണ് കൊവിഡ് ബാധ കണ്ടെത്തിയത്. ഇവരുമായി സമ്പർക്കത്തിൽ വന്നവരെ ക്വാറന്റൈനിലാക്കും. അതേസമയം സെക്രട്ടേറിയറ്റിൽ ഡ്യൂട്ടിയിലുണ്ടായിരുന്ന പോലീസുകാരും കൊവിഡ് സ്ഥിരീകരിച്ചു. നെയ്യാറ്റിൻകര സ്വദേശിയായ ഉദ്യോഗസ്ഥൻ ഇന്നലെയും സെക്രട്ടേറിയറ്റിൽ ജോലിക്ക് എത്തിയിരുന്നു. തിരുവനന്തപുരം പൂവാർ ഫയർ സ്റ്റേഷനിലെ ഒമ്പത് ഉദ്യോഗസ്ഥർക്കും കൊവിഡ് സ്ഥിരീകരിച്ചു. കഴിഞ്ഞ ദിവസം…

കൊവിഡ് ബാധിച്ച് മരിക്കുന്നവരുടെ മൃതദേഹം സംസ്‌കരിക്കുന്നതിൽ മാതൃകാപരമായ തീരുമാനവുമായി ആലപ്പുഴ ലത്തീൻ അതിരൂപത. കൊവിഡ് ബാധിച്ച് മരിച്ച ആളുകളുടെ മൃതദേഹങ്ങൾ ഇടവക സെമിത്തേരികളിൽ തന്നെ ദഹിപ്പിക്കും. കൊവിഡ് പ്രോട്ടോക്കോൾ പ്രകാരം മൃതദേഹങ്ങൾ സംസ്‌കരിക്കാൻ കഴിയാത്ത സംഭവങ്ങൾ അടുത്തിടെ ആവർത്തിച്ചിരുന്നു. ഇതിന്റെ പശ്ചാത്തലത്തിലാണ് സഭ മാതൃകാപരമായ തീരുമാനം എടുത്തത്. ജില്ലാ കലക്ടറുമായി സഭാ പ്രതിനിധികൾ ഇതുസംബന്ധിച്ച് ആശയവിനിയമം നടത്തി സംസ്‌കാര ചടങ്ങുകൾക്കായി വൈദികരുടെ സംഘത്തെയും നിയോഗിച്ചു. ആരോഗ്യപ്രവർത്തകരുടെ മാർഗനിർദേശമനുസരിച്ച് ഇവർ സംസ്‌കാരം നടത്തും. ബിഷപ് ജയിംസ് ആനാപറമ്പിലാണ് വിശ്വാസികളെ…

സംസ്ഥാനത്ത് കാലവർഷം ശക്തിപ്രാപിക്കുന്നു. ബുധനാഴ്ചയും വ്യാഴാഴ്ചയും ശക്തമായ മഴ ലഭിക്കുമെന്നാണ് പ്രവചനം. ഇതുപ്രകാരം നാളെ നാല് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. തിരുവനന്തപുരം, കൊല്ലം, പത്തനംതിട്ട, ഇടുക്കി ജില്ലകളിലാണ് ഓറഞ്ച് അലർട്ട് വ്യാഴാഴ്ച വടക്കൻ ജില്ലകളിൽ മഴ ശക്തമാകും. മലപ്പുറം, കോഴിക്കോട്, വയനാട്, ഇടുക്കി ജില്ലകളിൽ വ്യാഴാഴ്ച ഓറഞ്ച് അലർട്ടായിരിക്കും. ഇന്ന് കൊല്ലം, എറണാകുളം, ആലപ്പുഴ ജില്ലകളിൽ യെല്ലോ അലർട്ടാണ്. ബുധനാഴ്ച ആലപ്പുഴ, കോട്ടയം, എറണാകുളം, തൃശ്ശൂർ, ജില്ലകളിലും വ്യാഴാഴ്ച കോട്ടയം, എറണാകുളം, തൃശ്ശൂർ, പാലക്കാട്, കണ്ണൂർ,…

തിരുവനന്തപുരം കുളത്തൂരില്‍ യുവാവിന് നടുറോഡില്‍ മര്‍ദ്ദനം. കുളത്തൂര്‍ സ്വദേശി അജിക്കാണ് മര്‍ദ്ദനമേറ്റത്. ഗ്രാമപഞ്ചായത്ത് അധ്യക്ഷയുടെ ഭർത്താവ് ജയചന്ദ്രനാണ് മർദ്ദിച്ചത്. ചിട്ടിപ്പണം ചോദിച്ചതിന്‍റെ പേരില്‍ യുവാവിനെ മര്‍ദിക്കുകയായിരുന്നെന്നാണ് പരാതി. മർദ്ദനത്തിന്റെ ദൃശ്യങ്ങള്‍ പുറത്തു വന്നതിനു പിന്നാലെ ജയചന്ദ്രനെതിരെ പൊലീസ് കേസെടുത്തു. കോണ്‍ഗ്രസ് നേതാവും ഗ്രാമപഞ്ചായത്ത് പ്രസിഡന്‍റുമായ ബിന്‍സിയുടെ ഭര്‍ത്താവ് ജയചന്ദ്രനാണ് കുളത്തൂര്‍ സ്വദേശിയായ അജി എന്ന യുവാവിനെ ക്രൂരമായ മര്‍ദിച്ചത്. ജയചന്ദ്രന്‍ നടത്തുന്ന ചിട്ടിയില്‍ താന്‍ അംഗമായിരുന്നെന്നും ചിട്ടിയില്‍ അടച്ച തുക തിരികെ നല്‍കണമെന്ന് ആവശ്യപ്പെട്ടതിന്‍റെ പേരിലാണ് മര്‍ദനമെന്നുമാണ്…

തിരുവനന്തപുരത്ത് നിലവിലെ സാഹചര്യത്തിൽ ലോക്ക് ഡൗൺ പിൻവലിക്കാനാകില്ലെന്ന് മന്ത്രി കടകംപള്ളി സുരേന്ദ്രൻ. ഇളവുകളെ കുറിച്ച് ചർച്ച ചെയ്യാനായി ചേർന്ന ഉന്നതതല യോഗത്തിന് ശേഷം സംസാരിക്കുകയായിരുന്നു മന്ത്രി. നിയന്ത്രണങ്ങൾ തുടരുമെങ്കിലും ജനജീവിതം സുഗമമാക്കാനുള്ള നടപടികൾ സ്വീകരിക്കും തലസ്ഥാനത്ത് കൊവിഡ് സ്ഥിരീകരിക്കുന്നവരിൽ 90 ശതമാനം പേർക്കും സമ്പർക്കത്തിലൂടെയാണ് രോഗബാധയെന്ന് യോഗം വിലയിരുത്തി. തീരദേശ മേഖലയിൽ പുല്ലുവിള, പൂന്തുറ എന്നിവിടങ്ങളിൽ സമൂഹവ്യാപനം റിപ്പോർട്ട് ചെയ്തതിനാൽ ലോക്ക് ഡൗൺ പിൻവലിക്കുന്നത് ഉചിതമാകില്ല. അതേസമയം എന്തെല്ലാം ഇളവുകൾ വേണമെന്ന കാര്യത്തിൽ വൈകുന്നേരം ചീഫ് സെക്രട്ടറിയുമായി…

സ്വർണക്കടത്ത് കേസിലെ പ്രതികളായ സ്വപ്‌ന സുരേഷിനെയും സന്ദീപ് നായരെയും കസ്റ്റംസ് കസ്റ്റഡിയിൽ വിട്ടു. അഞ്ച് ദിവസത്തേക്കാണ് കസ്റ്റഡി കാലാവധി. ഓഗസ്റ്റ് ഒന്നാം തീയതി വരെ പ്രതികളെ കസ്റ്റംസിന് കസ്റ്റഡിയിൽ വെക്കാം. കൊച്ചിയിലെ സാമ്പത്തിക കുറ്റകൃത്യ കോടതിയാണ് കസ്റ്റഡി അനുവദിച്ചത്. കേസിലെ പ്രതികളായ ഹംജദ് അലി, സംജു, മുഹമ്മദ് അൻവർ, ജിപ്‌സൽ, മുഹമ്മദ് അബ്ദു ഷമീം എന്നിവരുടെ ജാമ്യാപേക്ഷ കോടതി തള്ളി. അതേസമയം അഞ്ച് ദിവസത്തെ കസ്റ്റഡിയുടെ ആവശ്യമില്ലെന്നും എൻഐഎ കസ്റ്റഡിയിൽ ഉള്ളപ്പോൾ തന്നെ പ്രതികളെ കസ്റ്റംസ് ചോദ്യം…

സംസ്ഥാനത്ത് വീണ്ടും കൊവിഡ് മരണം. ആലപ്പുഴയിൽ മരിച്ച വീട്ടമ്മക്ക് കൊവിഡ് സ്ഥിരീകരിച്ചു. മാരാരിക്കുളം കാനാശ്ശേരിൽ ത്രേസ്യാമ്മക്കാണ് കൊവിഡ് സ്ഥിരീകരിച്ചത്. 62 വയസ്സായിരുന്നു വണ്ടാനം മെഡിക്കൽ കോളജിൽ വെച്ച് ഇന്നലെയാണ് ത്രേസാമ്മ മരിച്ചത്. വൃക്കരോഗത്തിന് ചികിത്സയിലായിരുന്നു ഇവർ. മരണശേഷം നടത്തിയ സ്രവ പരിസോധനയിലാണ് കൊവിഡ് സ്ഥിരീകരിച്ചത്.

സ്വർണം കടത്തിയ കേസിലെ പ്രതികളായ ഫൈസൽ ഫരീദിനും റബിൻസിനുമെതിരെ കോടതി ജാമ്യമില്ലാ വാറണ്ട് പുറപ്പെടുവിച്ചു. കൊച്ചിയിലെ സാമ്പത്തിക കുറ്റകൃത്യ കോടതിയാണ് വാറണ്ട് പുറപ്പെടുവിച്ചത്. കസ്റ്റംസിന്റെ അപേക്ഷപ്രകാരമാണ് നടപടി. സ്വർണ്ണക്കടത്ത് കേസിൽ ഫൈസൽ ഫരീദിനെയും റബിൻസിനെയും പ്രതി ചേർത്ത് കൊണ്ടുള്ള റിപ്പോർട്ട് കസ്റ്റംസ് ഇന്നലെ കോടതിയിൽ സമർപ്പിച്ചിരുന്നു. ഇതിനൊപ്പമാണ് ഇരുവരെയും ഇന്ത്യയിൽ എത്തിക്കാൻ ജാമ്യമില്ലാ വാറണ്ട് പുറപ്പെടുവിക്കാനും കോടതിയിൽ അപേക്ഷ നൽകിയത്.

കണ്ണൂർ ഇരിട്ടിയിൽ കൊവിഡ് നിരീക്ഷണത്തിലിരിക്കെ പിറന്നാൾ ആഘോഷം സംഘടിപ്പിച്ച യുവാവിനെതിരെ പോലീസ് കേസെടുത്തു. ഇരുപതിലധികം ആളുകളെ പങ്കെടുപ്പിച്ചാണ് ആഘോഷം സംഘടിപ്പിച്ചത്. ഇവരെ പോലീസ് നിരീക്ഷണത്തിലാക്കി. ക്വാറന്റൈൻ നിയമം ലംഘിച്ചതിന് ഇയാളുടെ കുടുംബത്തിനെതിരെയും കേസെടുത്തേക്കും. യുവാവിന് കൊവിഡ് സ്ഥിരീകരിക്കുകയും ചെയ്തതോടെ അതീവ ആശങ്കയാണ് മേഖലയിൽ. കഴിഞ്ഞ ദിവസം ബംഗളൂരുവിൽ നിന്നാണ് യുവാവ് എത്തിയത്. ബന്ധുക്കൾക്കും സുഹൃത്തുക്കൾക്കുമായി പിറന്നാൾ ആഘോഷം സംഘടിപ്പിക്കുകയായിരുന്നു കഴിഞ്ഞ ദിവസം ഇയാൾക്ക് കൊവിഡ് സ്ഥിരീകരിക്കുകയും ചെയ്തതോടെ ഇയാളുടെ വീട് ഉൾപ്പെടുന്ന പ്രദേശം കടുത്ത നിയന്ത്രണത്തിലേക്ക് കടന്നു….