ഭയം കൊണ്ടും ജീവന് ഭീഷണിയുള്ളതുകൊണ്ടുമാണ് മാറി നിൽക്കുന്നത്. ഇപ്പോൾ നടക്കുന്നത് മാധ്യമ വിചാരണയാണ്. തന്നെയും കുടുംബത്തേയും ആത്മഹത്യാവക്കിലെത്തിച്ചുവെന്ന് സ്വപ്‌ന സുരേഷ്. തനിക്ക് ഉണ്ടാക്കുന്ന ദ്രോഹം തന്നെയും ഭർത്താവിനേയും രണ്ട് മക്കളേയും മാത്രമാണ് ബാധിക്കുക. മറ്റാരെയും ഇത് ബാധിക്കില്ല. ഇതുപോലെയാണ് കാര്യങ്ങളെങ്കിൽ ആത്മഹത്യ ചെയ്യേണ്ടി വരും. തന്റെ പിന്നിൽ മുഖ്യമന്ത്രിയോ സ്പീക്കറോ മറ്റാരുമില്ല. മീഡിയ സത്യം അന്വേഷിക്കണം. തന്നെ ഇങ്ങനെ കൊല്ലരുത്. ഇത് തന്റെ അപേക്ഷയാണെന്നും സ്വപ്‌ന പറഞ്ഞു. താൻ ഏതൊക്കെ കരാറിൽ പങ്കെടുത്തിട്ടുണ്ടോ എന്ന് മീഡിയക്ക് അന്വേഷിക്കാം….

സ്വർണക്കടത്ത്‌ കേസുമായി ബന്ധപ്പെട്ട്‌ കൊടുവള്ളിയിൽ കസ്‌റ്റംസ്‌ പരിശോധന നടത്തിയതായി സൂചന. കൊച്ചിയിൽ നിന്നുള്ള കസ്‌റ്റംസ്‌ ഉദ്യോഗസ്ഥരാണ്‌ വസ്‌ത്രവ്യാപാരിയുടെ വീട്ടിൽ വ്യാഴാഴ്‌ച രാവിലെ ചോദ്യം ചെയ്യലിനെത്തിയ തെന്നാണ് അറിയുന്നത്. സ്വർണക്കടത്ത്‌ കേസിൽ പിടിയിലായ സരിത്തിനും പൊലീസ്‌ തിരയുന്ന സന്ദീപ്‌ നായർക്കും ഇയാളുമായി ബന്ധമുണ്ടെന്ന വിവരത്തിന്റെ അടിസ്ഥാനത്തിലായിരുന്നു ചോദ്യം ചെയ്യൽ. കൊടുവള്ളിക്കടുത്ത്‌ തലപ്പെരുമണ്ണയിലെുള്ള ബന്ധുവീട്ടിലേക്ക്‌ വിളിപ്പിച്ചാണ്‌ കസ്‌റ്റംസ്‌ ഉദ്യോഗസ്ഥർ ചോദ്യം ചെയ്‌തത്‌. അതേസമയം, വീട്ടിൽ റെയ്‌ഡ്‌ നടന്നിട്ടില്ലെന്നാണ്‌ വ്യാപാരിയുടെ വിശദീകരണം.മൊഴിയെടുത്തതും നിഷേധിച്ചിട്ടുണ്ട്

കേരളത്തിൽ അടുത്ത ദിവസങ്ങളിൽ കാലവർഷം സജീവമാകുമെന്ന് കാലാവസ്ഥ നിരീക്ഷണ കേന്ദ്രത്തിന്റെ മുന്നറിയിപ്പ്. സംസ്ഥാനത്ത് ഇന്ന് പരക്കെ ശക്തമായ മഴയ്ക്ക് സാധ്യതയുണ്ടെന്നും മുന്നറിയിപ്പ് നൽകിയിട്ടുണ്ട്. ഈ പശ്ചാത്തലത്തിൽ തിരുവനന്തപുരം, പാലക്കാട് ജില്ലകൾ ഒഴികെയുള്ള 12 ജില്ലകളിൽ ഇന്ന് യെല്ലോ അലേർട്ട് പ്രഖ്യാപിച്ചു. മലപ്പുറം, കോഴിക്കോട്, വയനാട്, കണ്ണൂർ ,കാസർഗോഡ് ജില്ലകളിൽ നാളെ യെല്ലോ അലേർട്ടുണ്ട്. ശനിയാഴ്ച്ച അഞ്ച് ജില്ലകളിലും ഞായറാഴ്ച മൂന്ന് ജില്ലകളിലും മഴ മുന്നറിയിപ്പുണ്ട്. പൊതു ജനങ്ങൾ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി നിർദേശം…

കനത്ത കാറ്റിനെ തുടര്‍ന്ന് വേമ്പനാട്ട് കായലില്‍ വീണ്ടും വള്ളം മുങ്ങി. മത്സ്യ ബന്ധനത്തിന് പോയ രണ്ടു വള്ളങ്ങളാണ് മറിഞ്ഞത്. വള്ളത്തില്‍ ഉണ്ടായിരുന്ന അഞ്ചുപേരെയും ജലഗതാഗത വകുപ്പിന്റെ യാത്രബോട്ടിലേ ജീവനക്കാര്‍ രക്ഷപെടുത്തി. രാവിലെ ഉണ്ടായ അതിശക്തമായ കാറ്റിനെ തുടര്‍ന്നാണ് വള്ളങ്ങള്‍ മറിഞ്ഞത്. കായലില്‍ കനത്ത ഒഴുക്കും ഉണ്ടായിരുന്നു. വിവരമറിഞ്ഞു എത്തിയ ജലഗതാഗത വകുപ്പിലെ ബോട്ട് ജീവനക്കാരാണ് രക്ഷാപ്രവര്‍ത്തനം നടത്തിയത്. ഇന്നലെയും സമാനമായ രീതിയില്‍ വള്ളം മറിഞ്ഞു അപകടത്തില്‍പെട്ട മത്സ്യ ബന്ധന തൊഴിലാളികളെ മുഹമ്മ ബോട്ട് സ്റ്റേഷനിലേ ജീവനക്കാര്‍ രക്ഷപ്പെടുത്തിയിരുന്നു….

ഇടുക്കി ചിന്നാറില്‍ പുള്ളിപ്പുലിയെ അവശനിലയില്‍ കണ്ടെത്തി. വന്യജീവി സങ്കേതത്തിനുള്ളില്‍ ചമ്പക്കാട് കോളനി ഭാഗത്താണ് പുള്ളിപ്പുലിയെ അവശനിലയില്‍ കണ്ടെത്തിയത്. വനംവകുപ്പ് ജീവനക്കാരും ആദിവാസികളും വിവരം ചിന്നാല്‍ അസി. വൈല്‍ഡ് ലൈഫ് വാര്‍ഡനെ അറിയിച്ചതിനെ തുടര്‍ന്ന് വെറ്ററിനറി സര്‍ജനെ എത്തിച്ച് പരിശോധിച്ചു കാട്ടുപോത്തിനെ വേട്ടയാടാന്‍ ശ്രമിക്കുന്നതിനിടെ ആക്രമണത്തില്‍ പരുക്കേറ്റതാകാമെന്നാണ് നിഗമനം. പുള്ളിപ്പുലിയെ നിരീക്ഷിക്കാന്‍ ജീവനക്കാരെ ചുമതലപ്പെടുത്തിയതായി വനംവകുപ്പ് അറിയിച്ചു

കൊടങ്ങല്ലൂര്‍ അഴീക്കോട് യുവതിയെ ഭര്‍ത്താവിന്റെ വീട്ടിലെ വാട്ടര്‍ ടാങ്കില്‍ മുങ്ങിമരിച്ച നിലയില്‍ കണ്ടെത്തി. പുത്തന്‍പള്ളി എടമുട്ടത്ത് പ്രജീഷിന്റെ ഭാര്യ സോണിയയെയാണ് മരിച്ച നിലയില്‍ കണ്ടെത്തിയത്. വീടിനോട് ചേര്‍ന്നുള്ള ആറടിയോളം ആഴമുള്ള വാട്ടര്‍ ടാങ്കില്‍ മുങ്ങിക്കിടക്കുന്നതാണ് കണ്ടത്. ഉടനെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. ബുധാഴ്ച രാവിലെ പ്രജീഷിന്റെ വീട്ടിലെ ടൂറിസ്റ്റ് ടാക്‌സി എടുക്കാനെത്തിയ ഡ്രൈവറാണ് യുവതിയെ ആദ്യം കണ്ടത്. മൂന്നര വര്‍ഷം മുമ്പാണ് പ്രജീഷും സോണിയയും വിവാഹിതരായത്. പ്രജീഷ് ദുബൈയിലാണ്. ദമ്പതികള്‍ക്ക് രണ്ടര വയസ്സുള്ള മകനുണ്ട്. സോണിയയുടെ…