കെപിസിസി അധ്യക്ഷ സ്ഥാനം മുല്ലപ്പള്ളി രാമചന്ദ്രൻ രാജിവെയ്ക്കണമെന്ന് ധർമ്മടത്തെ യുഡിഎഫ് സ്ഥാനാർത്ഥി സി രഘുനാഥ്. മുല്ലപ്പള്ളി ഇനിയും കെപിസിസി അധ്യക്ഷ സ്ഥാനത്ത് കടിച്ചുതൂങ്ങുന്നത് കോൺഗ്രസിന് നാണക്കേടാണ്. രാജിവെച്ചില്ലെങ്കിൽ മുല്ലപ്പള്ളിയെ പുറത്താക്കണമെന്നും കെ സുധാകരനെ അധ്യക്ഷ സ്ഥാനത്തേക്ക് കൊണ്ടുവരണം എന്നും രഘുനാഥ് പറഞ്ഞു.
വയനാട് ജില്ലയില് ഇന്ന് 325 പേര്ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല് ഓഫീസര് ഡോ.ആര് രേണുക അറിയിച്ചു. 151 പേര് രോഗമുക്തി നേടി. 309 പേര്ക്ക് സമ്പര്ക്കത്തിലൂടെയാണ് രോഗബാധ. ടെസ്റ്റ് പോസിറ്റിവിറ്റി റേറ്റ് 15.58 ആണ്. ഇതോടെ ജില്ലയില് കോവിഡ് സ്ഥിരീകരിച്ചവരുടെ എണ്ണം 42166 ആയി. 31446 പേര് ഇതുവരെ രോഗമുക്തരായി. നിലവില് 10219 പേരാണ് ചികിത്സയിലുള്ളത്. ഇവരില് 9496 പേര് വീടുകളിലാണ് ഐസൊലേഷനില് കഴിയുന്നത്. *രോഗം സ്ഥിരീകരിച്ചവര്* ബത്തേരി 39, മേപ്പാടി 27,…
ഐപിഎല്ലിനെ ആശങ്കയിലാഴ്ത്തി കൊവിഡ് വ്യാപനം. കൊൽക്കത്ത നൈറ്റ് റൈഡേഴ്സിന്റെ രണ്ട് കളിക്കാർക്ക് കൊവിഡ് സ്ഥിരീകരിച്ചതിന് പിന്നാലെ ചെന്നൈ സ്ക്വാഡിലും കൊവിഡ് ബാധ കണ്ടെത്തി. രണ്ട് ജീവനക്കാർക്കും ബസ് ഡ്രൈവർക്കുമാണ് കൊവിഡ് സ്ഥിരീകരിച്ചത് ഇതോടെ ബുധനാഴ്ചത്തെ മത്സരത്തിന് മുമ്പായുള്ള പരിശീലനം ചെന്നൈ സൂപ്പർ കിംഗ്സ് റദ്ദാക്കി. കൊവിഡ് സ്ഥിരീകരിച്ചവരെ പ്രത്യേകം ഐസോലേഷനിലാക്കി. ബുധനാഴ്ച രാജസ്ഥാൻ റോയൽസിനെതിരെയാണ് ചെന്നൈയുടെ മത്സരം കൊൽക്കത്തയുടെ വരുൺ ചക്രവർത്തിക്കും സന്ദീപ് വാര്യർക്കും കൊവിഡ് സ്ഥിരീകരിച്ചതോടെ തിങ്കളാഴ്ച നടക്കേണ്ട മത്സരം റദ്ദാക്കിയിരുന്നു.
സംസ്ഥാനത്ത് ഇന്ന് 26,011 പേർക്ക് കോവിഡ് സ്ഥിരീകരിച്ചു. കോഴിക്കോട് 3919, എറണാകുളം 3291, മലപ്പുറം 3278, തൃശൂര് 2621, തിരുവനന്തപുരം 2450, ആലപ്പുഴ 1994, പാലക്കാട് 1729, കോട്ടയം 1650, കണ്ണൂര് 1469, കൊല്ലം 1311, കാസര്കോട് 1139, പത്തനംതിട്ട 428, ഇടുക്കി 407, വയനാട് 325 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്. കഴിഞ്ഞ 24 മണിക്കൂറിനിടെ 96,296 സാമ്പിളുകളാണ് പരിശോധിച്ചത്. ടെസ്റ്റ് പോസിറ്റിവിറ്റി നിരക്ക് 27.01 ആണ്. റുട്ടീന് സാമ്പിള്, സെന്റിനല്…
സംസ്ഥാനത്ത് ആർടിപിസിആർ നിരക്ക് 500 രൂപയായി കുറച്ചതിനെതിരെ സ്വകാര്യ ലാബ് ഉടമകൾ ഹൈക്കോടതിയെ സമീപിച്ചു. ആർടിപിസിആർ പരിശോധനാ നിരക്ക് 500 രൂപയായി കുറച്ച സർക്കാർ ഉത്തരവ് റദ്ദാക്കണമെന്നാണ് ആവശ്യം. അല്ലാത്തപക്ഷം ലാബുകൾക്ക് സബ്സിഡി നൽകി സർക്കാർ നഷ്ടം നികത്തണമെന്നും ഇവർ ആവശ്യപ്പെടുന്നു നിരയ്ക്ക് കുറയ്ക്കുന്നത് പരിശോധനകളുടെ ഗുണനിലവാരും തകർക്കുമെന്ന വാദവും ഇവർ ഉന്നയിക്കുന്നുണ്ട്. പരിശോധനകളുടെ നിരയ്ക്ക് കുറയ്ക്കാൻ സർക്കാരിന് അധികാരമില്ല. ഇത് ഐസിഎംആർ നിർദേശങ്ങൾക്ക് വിരുദ്ധമാണ്. നഷ്ടത്തിൽ പ്രവർത്തിക്കാൻ തയ്യാറാകാത്തതിന്റെ പേരിൽ കേസെടുക്കുമെന്ന് സർക്കാർ ഭീഷണിപ്പെടുത്തുന്നു….
ബംഗാളിൽ നാമാവശേഷമായി ഇടതുപക്ഷം. നിയമസഭാ തെരഞ്ഞെടുപ്പിൽ ഒരു എംഎൽഎയെ പോലും ബംഗാളിൽ നേടാനായില്ല. സ്വാതന്ത്ര്യാനന്തരം ഇതാദ്യമായാണ് ബംഗാളിൽ ഇത്തരമൊരു സാഹചര്യമുണ്ടാകുന്നത് ഇടത് പാർട്ടികൾ അടങ്ങിയ സഞ്ജുക്ത മോർച്ചക്ക് 294 അംഗ സഭയിൽ നേടാനായത് രണ്ട് സീറ്റ് മാത്രമാണ്. കോൺഗ്രസിന്റെ നേപാൾ ചന്ദ്ര മഹതോയും ഐഎസ്എഫിന്റെ നൗഷാദ് സിദ്ധിഖും വിജയിച്ചു. വോട്ടുകളുടെ ധ്രുവീകരണമാണ് പരാജയത്തിന് കാരണമായതെന്ന് സിപിഎം പോളിറ്റ് ബ്യൂറോ ആരോപിക്കുന്നു. ബിജെപിയെ എതിർക്കുന്നതിന് സിപിഎം അംഗങ്ങൾ പോലും തൃണമൂലിന് വോട്ട് ചെയ്തുവെന്നാണ് പാർട്ടിയുടെ വിലയിരുത്തൽ.
സംസ്ഥാനത്ത് നാളെ മുതൽ കർശന നിയന്ത്രണങ്ങൾ. ഇതുസംബന്ധിച്ച ഉത്തരവ് പുറത്തിറങ്ങി. അവശ്യ സർവീസുകൾ ഒഴികെയുള്ള എല്ലാ പ്രവർത്തനങ്ങൾക്കും കർശന നിയന്ത്രണം ഏർപ്പെടുത്തിയിട്ടുണ്ട്. കേന്ദ്ര, സംസ്ഥാന സർക്കാർ സ്ഥാപനങ്ങൾ, അതിന്റെ കീഴിൽ വരുന്ന സ്വയംഭരണ സ്ഥാപനങ്ങൾ, അവശ്യസേവന വിഭാഗങ്ങൾ, കൊവിഡ് പ്രതിരോധ പ്രവർത്തനങ്ങളിൽ ഏർപ്പെട്ടിരിക്കുന്ന ഉദ്യോഗസ്ഥരും വ്യക്തികളും തുടങ്ങിയവയുടെ പ്രവർത്തനങ്ങൾക്ക് തടസ്സമുണ്ടാകില്ല. അല്ലാത്ത സ്ഥാപനങ്ങളിൽ അത്യാവശ്യം ജീവനക്കാർ മാത്രം ഓഫീസുകളിൽ എത്തിയാൽ മതി അവശ്യ സേവനവുമായി ബന്ധപ്പെട്ട് പ്രവർത്തിക്കുന്ന കമ്പനികൾ, വ്യവസായ ശാലകൾ, സംഘടനകൾ എന്നിവക്ക് 24…
കൊൽക്കത്ത നൈറ്റ് റൈഡേഴ്സിന്റെ രണ്ട് താരങ്ങൾക്ക് കൊവിഡ് സ്ഥിരീകരിച്ചു. ഇതേ തുടർന്ന് തിങ്കളാഴ്ച നടക്കേണ്ടിയിരുന്ന മത്സരം മാറ്റിവെച്ചു. ബാംഗ്ലൂർ റോയൽ ചലഞ്ചേഴ്സുമായാണ് കൊൽക്കത്ത ഏറ്റുമുട്ടാനിരുന്നത്. വരുൺ ചക്രവർത്തി, മലയാളി താരം സന്ദീപ് വാര്യർ എന്നിവർക്കാണ് കൊവിഡ് സ്ഥിരീകരിച്ചത്. ബാക്കിയുള്ളവരുടെ പരിശോധനാ ഫലം നെഗറ്റീവാണ്. ഇരുവരും ഐസോലേഷനിലാണ്. ഏപ്രിൽ 29ന് ഡൽഹിയുമായിട്ടായിരുന്നു കൊൽക്കത്തയുടെ അവസാന മത്സരം. ഇതേ തുടർന്ന് ഡൽഹി താരങ്ങളും പരിശോധനക്ക് വിധേയരാകേണ്ടതുണ്ട് കൊൽക്കത്ത ദിവസേന കളിക്കാരെ കൊവിഡ് പരിശോധനക്ക് വിധേയമാക്കാറുണ്ട്. നേരത്തെ ആർ സി…
സിപിഐയിൽ ഇത്തവണയും പുതുമുഖങ്ങൾ മന്ത്രിസഭയിൽ എത്തും. നിലവിലെ മന്ത്രിമാരിൽ ഇ ചന്ദ്രശേഖരൻ മാത്രമാണ് മത്സരിച്ചതും വിജയിച്ചതും. പുതുമുഖങ്ങൾ വരട്ടെയെന്ന അഭിപ്രായം പാർട്ടി പരിഗണിച്ചാൽ ചന്ദ്രശേഖരൻ മന്ത്രിസഭയിലുണ്ടാകില്ല പി പ്രസാദ്, ഇ കെ വിജയൻ, ജെ ചിഞ്ചുറാണി, കെ രാജൻ, ചിറ്റയം ഗോപകുമാർ, പി എസ് സുപാൽ എന്നീ പേരുകളാണ് ഉയർന്നു കേൾക്കുന്നത്. കൊല്ലത്ത് നിന്ന് സുപാൽ അല്ലെങ്കിൽ ചിഞ്ചുറാണി മന്ത്രിയാകുമെന്ന് ഉറപ്പാണ്. തൃശ്ശൂർ ജില്ലയിൽ നിന്ന് കെ രാജനെയോ പി ബാലചന്ദ്രനെയോ പരിഗണിച്ചേക്കാം. നാല് മന്ത്രിസ്ഥാനത്തിന്…
നിയമസഭാ തെരഞ്ഞെടുപ്പിലേറ്റ കനത്ത തോൽവിക്ക് പിന്നാലെ ആലപ്പുഴ ഡിസിസി പ്രസിഡന്റ് സ്ഥാനം എം ലിജു രാജിവെച്ചു. ജില്ലയിൽ പാർട്ടിയുടെ പരാജയത്തിന്റെ ധാർമിക ഉത്തരവാദിത്വമേറ്റെടുത്താണ് രാജി. ആലപ്പുഴയിൽ രമേശ് ചെന്നിത്തല ജയിച്ച ഹരിപ്പാട് മണ്ഡലത്തിൽ മാത്രമാണ് യുഡിഎഫിന് വിജയം ഉറപ്പിക്കാനായത്. ലിജു മത്സരിച്ച അമ്പലപ്പുഴയിൽ അടക്കം 11,125 വോട്ടിന് യുഡിഎഫ് പരാജയപ്പെട്ടു.