തലശ്ശേരി കോടതിക്ക് സമീപം ഗ്യാസ് ടാങ്കര്‍ ലോറി മറിഞ്ഞു. മംഗലാപുരത്ത് നിന്നും കൊച്ചിയിലേക്ക് പോകുകയായിരുന്ന ലോറിയാണ് മറിഞ്ഞത്. അപകടത്തില്‍ ഡ്രൈവര്‍ക്ക് പരുക്കേറ്റു. വാതക ചോര്‍ച്ച സംഭവിക്കാത്തതിനാല്‍ വലിയ അപകടമാണ് വഴിമാറിയത് ഇതുവഴിയുള്ള വാഹനങ്ങള്‍ വഴി തിരിച്ചുവിട്ടു. കോടതികളുടെ പ്രവര്‍ത്തനം നിര്‍ത്തിവെച്ചു. തലശ്ശേരി ജില്ലാ സെഷന്‍സ് കോടതികളുടെ പ്രവര്‍ത്തനാണ് ഇന്നത്തേക്ക് നിര്‍ത്തിയത്. ഇന്ന് പരിഗണിക്കാനിരുന്ന പാലത്തായി പീഡനക്കേസ് പ്രതിയുടെ ജാമ്യാപേക്ഷ നാളത്തേക്ക് മാറ്റി

ഇടുക്കി ആമയാറില്‍ തോട്ടത്തില്‍ ജോലി ചെയ്യുന്നതിനിടെ ദേഹത്ത് മരം മറിഞ്ഞുവീണ് സ്ത്രീ മരിച്ചു. ആമയാര്‍ സ്വദേശി മുത്തമ്മയാണ് മരിച്ചത്. ഏലത്തോട്ടത്തില്‍ ജോലി ചെയ്യുകയായിരുന്നു മുത്തമ്മ. ഇതിനിടെയാണ് മരം മറിഞ്ഞുവീണത്. അപകടത്തില്‍ രണ്ട് സ്ത്രീകള്‍ക്ക് ഗുരുതരമായി പരുക്കേറ്റു. ഇവരെ കട്ടപ്പനയിലെ ആശുപത്രിയില്‍ പ്രവേശിപ്പിച്ചു.

ഈരാറ്റുപേട്ട കെ എസ് ആര്‍ ടി സി ഡിപ്പോയില്‍ നിന്ന് സര്‍വീസുകള്‍ പുനരാരംഭിച്ചു. എല്ലാ ബസുകളും അണുവിമുക്തമാക്കിയതിന് പിന്നാലെയാണ് സര്‍വീസ് പുനരാരംഭിച്ചത്. കൊവിഡ് രോഗിയുമായി സമ്പര്‍ക്കത്തില്‍ വന്ന ഡിപ്പോയിലെ ജീവനക്കാരെ നിരീക്ഷണത്തിലാക്കി കൊവിഡ് സ്ഥിരീകരിച്ച പാലാ മുന്‍സിപ്പല്‍ ഓഫീസ് ജീവനക്കാരന്റെ സമ്പര്‍ക്കപ്പട്ടികയില്‍ ഡിപ്പോയിലെ ജീവനക്കാരും ഉള്‍പ്പെട്ടതോടെയാണ് സര്‍വീസുകള്‍ നിര്‍ത്തിവെച്ചത്. തുടര്‍ന്നാണ് ഡിപ്പോയും ബസുകളും അണുവിമുക്തമാക്കിയതും സര്‍വീസ് പുനരാരംഭിച്ചതും.

സ്വര്‍ണക്കടത്ത് കേസിലെ പ്രതി സ്വപ്‌ന സുരേഷുമായുണ്ടായുന്നത് സൗഹൃദം മാത്രമെന്ന് മുന്‍ ഐടി സെക്രട്ടറി എം ശിവശങ്കര്‍. സ്വപ്‌ന വഴിയാണ് സരിത്തിനെ പരിചയപ്പെട്ടത്. ചില പരിപാടികളുടെ സംഘാടനത്തിനും സരിത് സഹകരിച്ചിട്ടുണ്ടെന്നും ശിവശങ്കര്‍ കസ്റ്റംസിന് മൊഴി നല്‍കി. ഇന്നലെ വൈകുന്നേരം അഞ്ചര മുതല്‍ പത്ത് മണിക്കൂറോളം നേരം ശിവശങ്കറിനെ കസ്റ്റംസ് ചോദ്യം ചെയ്തിരുന്നു. സ്വപ്‌നക്കും സരിത്തിനും കള്ളക്കടത്ത് സംഘവുമായി ബന്ധമുള്ളത് അറിയില്ലായിരുന്നു. ഔദ്യോഗിക പദവി ദുരുപയോഗം ചെയ്ത് ഒരു കാര്യത്തിലും ഇടപെട്ടിട്ടില്ല. സന്ദീപ് നായരുനമായി പരിചയമില്ലെന്നും അദ്ദേഹം പറഞ്ഞു മൊഴിയിലെ…

കെ എസ് ആര്‍ ടി സി ഈരാറ്റുപേട്ട ഡിപ്പോ അടച്ചിട്ടു. കൊവിഡ് സ്ഥിരീകരിച്ച പാലാ മുന്‍സിപ്പല്‍ ഓഫീസ് ജീവനക്കാരന്റെ പട്ടികയില്‍ കെ എസ് ആര്‍ ടി സി ജീവനക്കാരും ഉള്‍പ്പെട്ട സാഹചര്യത്തിലാണ് സര്‍വീസ് നിര്‍ത്തിയത്. ഇനിയൊരു അറിയിപ്പുണ്ടാകുന്നതുവരെ ഈരാറ്റുപേട്ട ഡിപ്പോയില്‍ നിന്ന് സര്‍വീസ് ഉണ്ടാകില്ലെന്ന് കെ എസ് ആര്‍ ടി സി അറിയിച്ചു ഡിപ്പോയിലെ 18 ജീവനക്കാരാണ് രോഗിയുമായി സമ്പര്‍ക്കത്തില്‍ വന്നതായി കണ്ടെത്തിയത്. അതേസമയം ദീര്‍ഘദൂര ബസുകള്‍ മറ്റ് ഡിപ്പോയില്‍ നിന്നും സര്‍വീസ് നടത്തും.

സ്വര്‍ണക്കടത്ത് കേസില്‍ മൂന്ന് പേര്‍ കൂടി അറസ്റ്റില്‍. മൂവാറ്റുപുഴ സ്വദേശി ജലാല്‍, മലപ്പുറം സ്വദേശി മുഹമ്മദ് ഷാഫി, കൊണ്ടോട്ടി സ്വദേശി ഹംജദ് അലി എന്നിവരാണ് അറസ്റ്റിലായത്. സ്വര്‍ണം ഇടപാടുകാരിലേക്ക് എത്തിക്കുന്നവരാണ് ഇവര്‍. ഇവരില്‍ നിന്ന് കൂടുതല്‍ പ്രതികളുടെ സൂചന കസ്റ്റംസിന് ലഭിച്ചിട്ടുണ്ട്. വരും മണിക്കൂറുകളില്‍ അറസ്റ്റുണ്ടാകുമെന്നാണ് സൂചന. ദീര്‍ഘകാലമായി കസ്റ്റംസ് അന്വേഷിക്കുന്ന ജലാല്‍ കഴിഞ്ഞ ദിവസം കസ്റ്റംസ് ഓഫീസിലെത്തി കീഴടങ്ങുകയായിരുന്നു. ഇയാളുടെ കീഴടങ്ങലും സംശയത്തിന് ഇട നല്‍കിയിട്ടുണ്ട്. വര്‍ഷങ്ങളായി പിടികൊടുക്കാതെ കഴിഞ്ഞിരുന്ന ജലാല്‍ നാടകീയമായി കീഴടങ്ങിയതിന് പിന്നില്‍…