സംസ്ഥാനത്ത് വീണ്ടും കൊവിഡ് മരണം. ആലപ്പുഴയിൽ ചികിത്സയിലിരിക്കെ മരിച്ച വയോധികന് കൊവിഡ് സ്ഥിരീകരിച്ചു. പട്ടണക്കാട് ചാലുങ്കൽ ചക്രപാണിക്കാണ് കൊവിഡ് സ്ഥിരീകരിച്ചത്. 79 വയസ്സായിരുന്നു. മരണശേഷം നടത്തിയ സ്രവപരിശോധനയിലാണ് രോഗം കണ്ടെത്തിയത്. ഇന്നലെ ആലപ്പുഴയിൽ മൂന്ന് കൊവിഡ് മരണം റിപ്പോർട്ട് ചെയ്തിരുന്നു. കുത്തിയതോട് സ്വദേശി പുഷ്‌കരി(80), കോടംതുരുത്ത് ശാരദ(76), കൊല്ലക്കടവ് സ്വദേശി സൈനുദ്ദീൻ(75) എന്നിവരാണ് മരിച്ചത്.

സർവീസുകൾ നിർത്തിവെക്കാൻ സ്വകാര്യ ബസുടമകളുടെ തീരുമാനം. ഓഗസ്റ്റ് ഒന്ന് മുതൽ സർവീസുകൾ നിർത്തിവെക്കുമെന്നാണ് അറിയിച്ചിട്ടുള്ളത്. സാമ്പത്തിക ബാധ്യത കണക്കിലെടുത്താണ് തീരുമാനം നിരക്ക് വർധന പ്രാബല്യത്തിൽ വന്നിട്ടും സ്വകാര്യ ബസുകൾക്ക് സാമ്പത്തിക നഷ്ടം തുടരുകയാണെന്ന് ബസുടമകളുടെ സംഘടന പറയുന്നു. ഇന്ധനവില വർധനവ് കൂടി വന്നതോടെ സർവീസ് തുടരുന്നത് വലിയ സാമ്പത്തിക നഷ്ടത്തിന് ഇടയാക്കും കൊവിഡ് സാഹചര്യത്തിൽ പൊതുഗതാഗതം ഉപയോഗിക്കുന്ന ആളുകളുടെ എണ്ണം കുറഞ്ഞതും തിരിച്ചടിയായി. ഇതെല്ലാം മുൻനിർത്തിയാണ് സർവീസ് നിർത്തിവെക്കാനുള്ള തീരുമാനമെന്ന് ബസുടമകൾ അറിയിച്ചു.

തിരുവനന്തപുരം സ്വർണക്കടത്ത് കേസുമായി ബന്ധപ്പെട്ട് മുഖ്യമന്ത്രിയുടെ മുൻ പ്രിൻസിപ്പൾ സെക്രട്ടറി എം ശിവശങ്കരനെ എൻഐഎ ചോദ്യം ചെയ്യുന്നു. എൻഐഎ ദക്ഷിണ മേഖല മേധാവി കെബി വന്ദനയുടെ നേതൃത്വത്തിലാണ് ചോദ്യം ചെയ്യൽ നടക്കുന്നത്. എം ശിവശങ്കർ കസ്റ്റംസിനെ വിളിച്ചതിന് തെളിവുകൾ അന്വേഷണ സംഘത്തിന് ലഭിച്ചു. കൊച്ചിയിലെ എൻഐഎ ആസ്ഥാനത്താണ് ചോദ്യം ചെയ്യൽ പുരോഗമിക്കുന്നത്. രാവിലെ നാലരയോടെ തിരുവനന്തപുരത്തെ വസതിയിൽ നിന്നും പുറപ്പെട്ട എം ശിവശങ്കരൻ ഒൻപതരയോടെയാണ് കൊച്ചിയിലെത്തിയത്. ആദ്യഘട്ടത്തിൽ എൻഐഎ ഉദ്യോഗസ്ഥരും രണ്ടാം ഘട്ടത്തിൽ കസ്റ്റംസിന്റെയും സർക്കാർ അഭിഭാഷകരുടെയും…