കേരളത്തിലെ കൊവിഡ് പ്രതിരോധ പ്രവർത്തനങ്ങളെ വിമർശിക്കാനില്ലെന്ന് സുരേഷ് ഗോപി എംപി. രാഷ്ട്രീയം പറയേണ്ട വിഷയമല്ല കൊവിഡ് പ്രതിരോധം. കൊവിഡ് വിഷയത്തിൽ രാഷ്ട്രീയം പറയാൻ കേന്ദ്ര സർക്കാരിനും താത്പര്യമില്ല. ഉദ്യോഗസ്ഥവൃന്ദം രാഷ്ട്രീയം കലർത്താൻ ശ്രമിക്കുമ്പോഴാണ് പാളിച്ചയുണ്ടാകുന്നത്. പിണറായി വിജയൻ സർക്കാരിന് കൊവിഡിനെ നിയന്ത്രിക്കാൻ കഴിയട്ടെയെന്നും സുരേഷ് ഗോപി പറഞ്ഞു.
അട്ടപ്പാടിയിൽ ആദിവാസി യുവാവിനെ തൂങ്ങിമരിച്ച നിലയിൽ കണ്ടത്തി. കുളപ്പടിക ഊരിലെ മശണൻ എന്ന 34കാരനാണ് മരിച്ചത്. മരത്തിൽ തൂങ്ങിയ നിലയിൽ കണ്ട മൃതദേഹത്തിന് ഒരാഴ്ചത്തെ പഴക്കമുണ്ട്. യുവാവിനെതിരെ എക്സൈസ് കേസുണ്ടായിരുന്നുവെന്നും ഇതിന്റെ മനോവിഷമത്തിലായിരുന്നുവെന്നും ബന്ധുക്കൾ പറയുന്നു. ഒരാഴ്ചയായി മശണനെ കാണാനില്ലായിരുന്നു. തുടർന്ന് നടത്തിയ അന്വേഷണത്തിലാണ് തൂങ്ങിമരിച്ച നിലയിൽ കണ്ടെത്തിയത്.
ദളിതരുടെയും സ്ത്രീകളുടെയും കർഷകരുടെയും അവകാശ പോരാട്ടങ്ങളുടെ അമരക്കാരനായിരുന്നു മഹാത്മാ അയ്യങ്കാളിയെന്ന് മുഖ്യമന്ത്രി പിണറായി വിജയൻ. അയ്യങ്കാളി ജന്മദിനത്തിൽ ഫേസ്ബുക്കിൽ പങ്കുവെച്ച കുറിപ്പിലാണ് മുഖ്യമന്ത്രിയുടെ പ്രതികരണം. അടിച്ചമർത്തപ്പെട്ട മനുഷ്യന്റെ ഓരോ പ്രശ്നങ്ങൾക്കും പരിഹാരം കണ്ടെത്താൻ ശക്തമായ പ്രക്ഷോഭങ്ങളുയർത്തിയ വ്യക്തിയാണ് അയ്യാങ്കാളിയെന്നും മുഖ്യമന്ത്രി പറഞ്ഞു ഇന്ന് മഹാത്മാ അയ്യങ്കാളിയുടെ ജന്മദിനമാണ്. ജന്മിത്വവും ജാതിസമ്പ്രദായവും അനാചാരങ്ങളും തീർത്ത അന്ധകാരത്തിനു മേൽ നവോത്ഥാനത്തിന്റെ വെളിച്ചം വിതറി കേരളത്തെ ആധുനികതയിലേയ്ക്ക് ആനയിച്ച മഹാവ്യക്തിത്വങ്ങളുടെ മുൻനിരയിലാണ് അയ്യങ്കാളിയുടെ സ്ഥാനം. ദളിതരുടെ മാത്രമല്ല, സ്ത്രീകളുടേയും കർഷകരുടേയും…
ധാരാളം വെള്ളം കുടിക്കുന്നത് ഹൃദയസ്തംഭനം തടയാൻ സഹായിക്കുമെന്ന് പഠനം. പുരുഷന്മാർ ഒരു ദിവസം കുറഞ്ഞത് 15 ഗ്ലാസ് വെള്ളവും സ്ത്രീകൾ 11 ഗ്ലാസ് വെള്ളവും കുടിക്കേണ്ടത് പ്രധാനമാണെന്നും പഠനത്തിൽ ചൂണ്ടിക്കാട്ടുന്നു. വെള്ളം കുടിക്കുന്നതിലൂടെ ഹൃദയാഘാത സാധ്യത കുറയ്ക്കുമെന്ന് ഗവേഷകർ പറയുന്നു. യൂറോപ്യൻ സൊസൈറ്റി ഓഫ് കാർഡിയോളജി കോൺഗ്രസിൽ പ്രസിദ്ധീകരിച്ച പഠനത്തിലാണ് ഇങ്ങനെ പറയുന്നത്. വെള്ളം കുടിക്കുന്നതിലൂടെ ഹൃദയസ്തംഭനത്തിലേക്ക് നയിക്കുന്ന ഹൃദയത്തിലെ മാറ്റങ്ങൾ മന്ദഗതിയിലാക്കാനോ തടയാനോ കഴിയുമെന്നും നാഷണൽ ഹാർട്ട്, ലംഗ്, ബ്ലഡ് ഇൻസ്റ്റിറ്റ്യൂട്ടിലെ(NIH) ഗവേഷകയായ നതാലിയ ദിമിത്രീവ പറഞ്ഞു. യൂറോപ്യൻ…
മൈസൂർ കൂട്ടബലാത്സംഗ കേസ് പ്രതികളെ ഹൈദരാബാദ് മാതൃകയിൽ വെടിവെച്ചു കൊല്ലണമെന്ന് കർണാടക മുൻ മുഖ്യമന്ത്രി എച്ച് ഡി കുമാരസ്വാമി. ജയിലിൽ കിടന്ന ശേഷം ജാമ്യത്തിലിറങ്ങാൻ പ്രതികളെ അനുവദിക്കരുത്. ഹൈദരാബാദ് പോലീസിന്റെ നടപടി കർണാടകയും മാതൃകയാക്കണമെന്നും കുമാരസ്വാമി പറഞ്ഞു ദിവസങ്ങൾ നീണ്ട അന്വേഷണത്തിലൊടുവിലാണ് നാല് പ്രതികളെ പിടികൂടിയത്. ടവർ ലൊക്കേഷൻ കേന്ദ്രീകരിച്ചുള്ള പരിശോധനയിലാണ് വഴിത്തിരിവുണ്ടായത്. പെൺകുട്ടി ആക്രമിക്കപ്പെടുമ്പോൾ ചാമുണ്ഡി ഹിൽസിൽ ആക്ടിവായിരുന്ന 20 സിമ്മുകൾ കേന്ദ്രീകരിച്ചായിരുന്നു അന്വേഷണം. ഇതിൽ ആറ് സിമ്മുകൾ പെൺകുട്ടി പഠിക്കുന്ന കോളജിലെ വിദ്യാർഥികളുടേത്…
മൈസൂർ കൂട്ടബലാത്സംഗ കേസിൽ നാല് പ്രതികൾ പിടിയിലായി. തമിഴ്നാട്ടിൽ നിന്നാണ് പ്രതികളെ കസ്റ്റഡിയിൽ എടുത്തത്. പ്രതികളിൽ മലയാളികളും ഉൾപ്പെട്ടതായാണ് സൂചന. ഇന്ന് ഉച്ചയ്ക്ക് രണ്ട് മണിക്ക് മാധ്യമങ്ങളെ കാണുമെന്ന് കർണാടക ആഭ്യന്തര മന്ത്രി അരഗ ജ്ഞാനേന്ദ്ര അറിയിച്ചിട്ടുമ്ട്. ചൊവ്വാഴ്ച രാത്രിയാണ് എംബിഎ വിദ്യാർഥിനിയെ ചാമുണ്ഡി ഹിൽസിൽ വെച്ച് നാല് പേർ ചേർന്ന് കൂട്ടബലാത്സംഗത്തിന് ഇരയാക്കിയത്. ഒപ്പമുണ്ടായിരുന്ന സുഹൃത്തിനെ മർദിച്ച് അവശനാക്കിയ ശേഷമായിരുന്നു പീഡനം. ഗുരുതരമായി പരുക്കേറ്റ പെൺകുട്ടി ഇപ്പോഴും ചികിത്സയിലാണ്. പ്രതികൾ മൈസൂർ എൻജിനീയറിംഗ് കോളജ്…
ആലപ്പുഴ കണിച്ചുകുളങ്ങരയിൽ ടെമ്പോ ട്രാവലർ വാൻ കത്തി ഡ്രൈവർ മരിച്ചു. അരൂർ ചന്തിരൂർ സ്വദേശി രാജീവനാണ് മരിച്ചത്. 45 വയസ്സായിരുന്നു. കണിച്ചുകുളങ്ങര ജംഗ്ഷന് സമീപം പാർക്ക് ചെയ്തിരുന്ന വാഹനത്തിനാണ് തീ പിടിച്ചത്. വാഹനം പൂർണമായും കത്തും മുമ്പ് തീ അണച്ചെങ്കിലും രാജീവിനെ രക്ഷിക്കാനായില്ല. ഫുഡ് പ്രൊസസിംഗ് കമ്പനിയിലെ ജീവനക്കാരനാണ് മരിച്ച രാജീവൻ. ആത്മഹത്യയെന്നാണ് സൂചന.
ന്യൂഡൽഹി: കോവിഷീൽഡ് വാക്സിന്റെ ഇടവേള കുറയ്ക്കുന്നത് സംബന്ധിച്ച അഭ്യൂഹങ്ങൾക്കിടെ നിലപാട് വ്യക്തമാക്കി കേന്ദ്രസർക്കാർ. കോവിഷീൽഡിനായുള്ള 84 ദിവസത്തെ ഇടവേള കുറയ്ക്കാൻ നീക്കമില്ലെന്നാണ് കേന്ദ്രസർക്കാർ വ്യക്തമാക്കിയിട്ടുള്ളത്. ആരോഗ്യ വിദഗ്ധരുടെ ശുപാർശയെ രണ്ട് ഡോസ് വാക്സിനുകൾക്കിടയിലുള്ള ഇടവേള മൂന്നാം തവണയും അവലോകനം ചെയ്യുമെന്ന് ഈ രംഗത്തെ വിദഗ്ദ്ധനായ എൻ കെ അറോറ പറഞ്ഞു. ഐഎപിഎസ്എം അല്ലെങ്കിൽ ഇന്ത്യൻ അസോസിയേഷൻ ഓഫ് പ്രിവന്റീവ് ആൻഡ് സോഷ്യൽ മെഡിസിൻ വിടവ് കുറയ്ക്കാൻ ശുപാർശ ചെയ്തിട്ടുണ്ട്. എന്നാൽ നാഷണൽ ടെക്നിക്കൽ അഡ്വൈസറി ഗ്രൂപ്പ്…
തിരുവനന്തപുരം: പതിനഞ്ചാം കേരള നിയമസഭയുടെ രണ്ടാം സമ്മേളനത്തിനു ശേഷം നിയമസഭാ സെക്രട്ടറിയേറ്റ് ജീവനക്കാരില് നൂറിലധികം പേര്ക്ക് കോവിഡ്. നൂറിലധികം ജീവനക്കാരും അവരുടെ കുടുംബാംഗങ്ങളും കോവിഡ് ബാധിതരായിരിക്കുന്ന സാഹചര്യത്തിലും രോഗനിയന്ത്രണത്തിന് ഫലപ്രദമായ നടപടികള് സ്വീകരിക്കാത്തതില് ജീവനക്കാര് ആശങ്കയിലാണ്. ജീവനക്കാരുടെയും കുടുംബാംഗങ്ങളുടെയും സുരക്ഷയെ മുന് നിര്ത്തി രോഗ നിയന്ത്രണത്തിന് അടിയന്തര നടപടികള് സ്വീകരിക്കേണ്ടത് അത്യാവശ്യമാണ്. ഈ സാഹചര്യത്തില് സഭാ സമിതി യോഗങ്ങള് ഉള്പ്പെടെയുള്ളവ ഒഴിവാക്കി കൊണ്ട് അടുത്ത രണ്ട് ആഴ്ചത്തേക്ക് നിയമസഭ സെക്രട്ടേറിയറ്റില് അടിയന്തര കോവിഡ് നിയന്ത്രണ നടപടികള്…
തിരുവനന്തപുരം: കൊവിഡ് വ്യാപനം വര്ദ്ധിച്ചുവരുന്ന സാഹചര്യത്തില് സംസ്ഥാന സര്ക്കാര് സര്വേ നടത്താനൊരുങ്ങുന്നു. കേരളത്തിലെ ജനങ്ങളുടെ രോഗ പ്രതിരോധ ശേഷി നിരക്ക് കണ്ടെത്താനാണ് സംസ്ഥാന സര്ക്കാര് സെറോ സര്വേ നടത്തുന്നത്. കൊവിഡ് ബാധ, വാക്സിന് എന്നിവ വഴി രോഗപ്രതിരോധ ശേഷി കൈവരിച്ചതിന്റെ തോത് കണ്ടെത്താനാണ് സര്വേ നടത്തുന്നത്. സംസ്ഥാനത്ത് ഇതാദ്യമായാണ് സര്ക്കാരിന്റെ നേതൃത്വത്തില് സെറോ സര്വേ സംഘടിപ്പിക്കുന്നത് ഇതു സംബന്ധിച്ച സര്ക്കാര് ഉത്തരവ് പുറത്തിറങ്ങി. തീരദേശം, നഗരങ്ങള്, ഗ്രാമങ്ങള്, ചേരികള് എന്നിവിടങ്ങള് തരംതിരിച്ച് പഠനം നടത്തും. അഞ്ച്…