ഡൽഹി: തിരഞ്ഞെടുപ്പ് കമ്മീഷനെ ലക്ഷ്യം വച്ചുള്ള കോൺഗ്രസിന്റെ പ്രസ്താവനയെ വിമർശിച്ച് ബിജെപി ദേശീയ ജനറൽ സെക്രട്ടറി സ്മൃതി ഇറാനി. ജനങ്ങൾ കോൺഗ്രസിനെ പിന്തുണയ്ക്കുന്നില്ല. തോൽവി മറച്ചുവെക്കാൻ കോൺഗ്രസ് തിരഞ്ഞെടുപ്പ് കമ്മിഷനെ ആക്രമിക്കുന്നു.
ബ്രിട്ടീഷ് സാമ്രാജ്യം സംരക്ഷിക്കാൻ വേണ്ടി സ്ഥാപിതമായ കോൺഗ്രസ് പാർട്ടി ഇന്ന് ഇന്ത്യൻ തിരഞ്ഞെടുപ്പ് കമ്മീഷനെ ആക്രമിക്കുകയാണെന്ന് ന്യൂഡൽഹിയിലെ ബിജെപി ആസ്ഥാനത്ത് മാധ്യമപ്രവർത്തകരോട് സംസാരിച്ച ഇറാനി ആരോപിച്ചു. ഇതിനേക്കാൾ ലജ്ജാകരമായ മറ്റൊന്നുമില്ലെന്നും അവർ പറഞ്ഞു.
കോൺഗ്രസ് ആത്മപരിശോധന നടത്തണം. കോൺഗ്രസ് അധികാരത്തിലുള്ളയിടങ്ങളിൽ അവർ തിരഞ്ഞെടുപ്പ് കമ്മിഷന് ക്ലീൻ ചിറ്റ് നൽകുമോ. വോട്ടർ പട്ടികയിൽ പേരുകളുടെ ഇരട്ടിപ്പ് നിലനിർത്താൻ കോൺഗ്രസ് എന്തിനാണ് ആഗ്രഹിക്കുന്നത് എന്ന് സ്മൃതി ഇറാനി ചോദിച്ചു.
പ്രതിപക്ഷ പാർട്ടിയുടെ ഇരട്ടത്താപ്പിനെ കുറ്റപ്പെടുത്തിയ ഇറാനി, ബിജെപി അധികാരത്തിലില്ലാത്ത ഹിമാചൽ പ്രദേശ്, പഞ്ചാബ്, കേരളം, കർണാടക തുടങ്ങിയ സംസ്ഥാനങ്ങളിൽ കോൺഗ്രസ് നേതൃത്വം തിരഞ്ഞെടുപ്പ് കമ്മിഷന് ക്ലീൻ ചിറ്റ് നൽകുന്നുണ്ടോ എന്ന് ചോദിച്ചു.
പ്രധാനമന്ത്രി മോദി പലതവണ പറഞ്ഞിട്ടുണ്ട്, അവര് തന്നെ വിമര്ശിക്കുകയോ ആക്രമിക്കുകയോ ചെയ്തേക്കാം, എന്നാല് കോണ്ഗ്രസിന്റെ ഇത്തരം ആക്രമണങ്ങള് ഭരണഘടനാ സ്ഥാപനങ്ങള്ക്കോ ഇന്ത്യയുടെ ജനാധിപത്യത്തിനോ നേരെയുള്ള ആക്രമണങ്ങളായി മാറരുതെന്ന് സ്മൃതി പറഞ്ഞു.
Read More
‘പുനർജനി കേസിൽ വി ഡി സതീശന് ക്ലീൻ ചിറ്റ് നൽകിയ നടപടി അസാധാരണം; വിദേശത്ത് നിന്ന് ഫണ്ട് പിരിച്ചെന്ന് വ്യക്തം’; എംവി ഗോവിന്ദൻ
‘വോട്ട് കൊള്ള ആരോപണം ഭരണഘടനയെ അവഹേളിക്കുന്നതിന് തുല്യം, കമ്മിഷന് മുന്നില് എല്ലാവരും തുല്യര്’: തിരഞ്ഞെടുപ്പ് കമ്മിഷന്
കേന്ദ്രമന്ത്രി സ്മൃതി ഇറാനിക്ക് കോവിഡ് സ്ഥിരീകരിച്ചു
‘ചോദ്യം ചോദിക്കുമ്പോൾ പ്രതിപക്ഷത്തെ ആക്രമിക്കുന്നു’; തിരഞ്ഞെടുപ്പ് കമ്മിഷനെ വിമർശിച്ച് ഇന്ത്യ സഖ്യം
