കണ്ണൂർ വിമാനത്താവളത്തിൽ 51 ലക്ഷം രൂപയുടെ സ്വർണവുമായി യാത്രക്കാരൻ പിടിയിൽ. ഷാർജയിൽ നിന്നെത്തിയ ആറളം സ്വദേശി എം ഫാസിലാണ് പിടിയിലായത്. ഇയാളിൽ നിന്ന് 1040 ഗ്രാം തൂക്കം വരുന്ന സ്വർണമാണ് പിടികൂടിയത്. കസ്റ്റംസും ഡിആർഡിഐയും സംയുക്തമായി നടത്തിയ പരിശോധനയിലാണ് സ്വർണം പിടിച്ചെടുത്തത്.
തൃശ്ശൂർ വിയ്യൂർ സെൻട്രൽ ജയിലിൽ തടവുകാരൻ ആത്മഹത്യക്ക് ശ്രമിച്ചു. ജീവപര്യന്തം തടവിന് ശിക്ഷിക്കപ്പെട്ട സദനാണ് ആത്മഹത്യക്ക് ശ്രമിച്ചത്. ജയിലിൽ നിർമാണ യൂനിറ്റിലാണ് ഇയാൾ ജോലി ചെയ്യുന്നത്. മൂർച്ചയുള്ള ആയുധം കൊണ്ട് കഴുത്തു മുറിച്ചാണ് ആത്മഹത്യക്ക് ശ്രമിച്ചത്. സാരമായി പരുക്കേറ്റ സദനെ തൃശ്ശൂർ മെഡിക്കൽ കോളജ് ആശുപത്രിയിലേക്ക് മാറ്റി. ആത്മഹത്യാശ്രമത്തിന്റെ കാരണം വ്യക്തമല്ല.
ഇംഗ്ലണ്ട് ഖത്തർ ലോകകപ്പിന് നേരിട്ട് യോഗ്യത നേടി. ഗ്രൂപ്പ് ഐയിൽ നടന്ന മത്സരത്തിൽ ദുർബലരായ സാൻ മറീനോയെ എതിരില്ലാത്ത പത്ത് ഗോളുകൾക്ക് തകർത്താണ് ഇംഗ്ലണ്ട് ലോകകപ്പിന് യോഗ്യത നേടിയത്. നായകൻ ഹാരി കെയ്ൻ നാല് ഗോളുകൾ സ്വന്തമാക്കി. ഇതാദ്യമായാണ് ഇംഗ്ലണ്ട് ഒരു മത്സരത്തിൽ പത്ത് ഗോളുകൾ നേടുന്നത്. ആറാം മിനിറ്റിൽ ഹാരി മഗ്വെയർ ആരംഭിച്ച ഗോൾ വേട്ട 79ാം മിനിറ്റ് വരെ ഇംഗ്ലണ്ട് തുടർന്നു. ടൈറോൺ മിംഗ്സ്, ടാമി അബ്രഹാം, ബുകായോ സാക്ക എന്നിവരാണ് ഇംഗ്ലണ്ടിന്റെ…
കഴക്കൂട്ടത്ത് വീണ്ടും ഗുണ്ടാ ആക്രമണം. കഴക്കൂട്ടം ഉള്ളൂർകോണത്ത് അക്രമി സംഘം വീടുകളും വാഹനങ്ങളും കടയും അടിച്ചു തകർത്തു. വീട്ടമ്മയുടെ കഴുത്തിൽ വാൾ വെച്ച് ഭീഷണിപ്പെടുത്തി. മൂന്ന് വീടുകളും നാല് ഇരുചക്ര വാഹനങ്ങളും ഒരു കാറും അക്രമി സംഘം തകർത്തു. ഇന്നലെ രാത്രി രണ്ട് മണിക്കായിരുന്നു അക്രമം. ഉള്ളൂർ കോണം ഹാഷിമാണ് ആക്രമണം നടത്തിയത്. നിരവധി ക്രിമനൽ കേസുകളിൽ പ്രതിയാണ് ഇയാൾ. കഞ്ചാവ് വിൽപ്പന അടക്കമുള്ള കാര്യങ്ങൾ പ്രദേശവാസികൾ പോലീസിനെ അറിയിക്കുന്നുവെന്ന് പറഞ്ഞായിരുന്നു ആക്രമണം
ഇന്ത്യന് താരം പ്രഭാസ് റൊമാന്റിക് വേഷത്തിലെത്തുന്ന പ്രണയ ചിത്രം രാധേശ്യാമിലെ ആദ്യ ഗാനം പുറത്തിറങ്ങി. കാണാക്കരേ… എന്ന് തുടങ്ങുന്ന മലയാളം ഗാനം നിഹാല് സാദിഖ് ,ഹരിനി എന്നിവര് ചേര്ന്നാണ് ആലപിച്ചിരിക്കുന്നത്. ജോ പോളിന്റെ വരികള്ക്ക് പ്രമുഖ തമിഴ് സംഗീത സംവിധായകന് ജസ്റ്റിന് പ്രഭാകരനാണ് ഈണം നല്കിയിരിക്കുന്നത്. മലയാളത്തോടൊപ്പം തമിഴ്, തെലുങ്ക്, കന്നട എന്നീ ഭാഷകളിലും ഗാനം പുറത്തിറക്കിയിട്ടുണ്ട്. തമിഴ്, തെലുങ്ക് ഭാഷകളില് പ്രമുഖ ഗായകന് യുവന് ശങ്കര് രാജയാണ് ഗാനം ആലപിച്ചിരിക്കുന്നത്. യുവി ക്രിയേഷന്റെ സോഷ്യല് മീഡിയ…
ചെങ്ങന്നൂർ: മണ്ഡല-മകരവിളക്ക് തീര്ഥാടനത്തിന കാലത്ത് ശബരിമല ദർശനത്തിനായി യുവതി ചെങ്ങന്നൂരിലെത്തി. ട്രെയിൻമാർഗമാണ് തമിഴ്നാടു സ്വദേശിനിയായ യുവതി ചെങ്ങന്നൂരിലെത്തിയതെന്നു സംശയിക്കുന്നു. കൊല്ലം സ്വദേശിനിയാണെന്നു പറഞ്ഞ യുവതി തമിഴും ഇംഗ്ലീഷും ഇടകലർത്തിയാണു സംസാരിച്ചിരുന്നത്. തിങ്കളാഴ്ച രാത്രി ഒൻപതുമണിയോടെയാണു സംഭവം. ശബരിമലയ്ക്കു പോകണമെന്ന ആവശ്യത്തോടെ റെയിൽവേ സ്റ്റേഷൻ പരിസരത്തെ പമ്പ ബസിനുള്ളിൽക്കയറി. പിന്നീട്, തീർഥാടകരുടെ പ്രതിഷേധത്തത്തുടർന്ന് ഇവർ ബസിൽനിന്നിറങ്ങുകയായിരുന്നു. ചെങ്ങന്നൂർ പോലീസെത്തി സംസാരിച്ചപ്പോൾ നാട്ടിലേക്കുമടങ്ങാമെന്നു യുവതി അറിയിച്ചു. യുവതിയെ പോലീസ് കെ.എസ്.ആർ.ടി.സി. ബസ് സ്റ്റാൻഡിലെത്തിച്ചു. തിരുവനന്തപുരം ബസിൽ ഇവർ കയറിപ്പോയതായി ദൃക്സാക്ഷികൾ…
മധ്യകിഴക്കൻ അറബിക്കടലിൽ കർണാടക തീരത്ത് പുതിയ ന്യൂനമർദം രൂപപ്പെട്ടു. കർണാടകക്കും വടക്കൻ കേരളത്തിനും സമീപം മധ്യകിഴക്കൻ തെക്കുപടിഞ്ഞാറൻ അറബിക്കടലിൽ ചക്രവാതച്ചുഴി നിലനിൽക്കുകയാണ്. ഇത് പടിഞ്ഞാറ്-വടക്കുപടിഞ്ഞാറ് ദിശയിൽ സഞ്ചരിച്ച് അടുത്ത 48 മണിക്കൂറിൽ ശക്തിപ്രാപിക്കും. കഴിഞ്ഞ 47 ദിവസത്തിനിടെ രൂപപ്പെടുന്ന എട്ടാമത്തെ ന്യൂനമർദമാണിത്. ചക്രവാത ചുഴിയുടെ സ്വാധീനഫലമായി കേരളത്തിൽ ചൊവ്വാഴ്ചയും ബുധനാഴ്ചയും വ്യാപകമായ മഴയ്ക്ക് സാധ്യതയുണ്ട്. വടക്കൻ കേരളത്തിലും മലയോര പ്രദേശങ്ങളിലും ഒറ്റപ്പെട്ട അതിശക്തമായ മഴയ്ക്കാണ് സാധ്യത കേരളാ ലക്ഷദ്വീപ് തീരത്ത് നവംബർ 16നും വടക്കൻ കേരളാ…
കടന്നൽ കുത്തേറ്റ് യുവാവ് മരിച്ചു. തൃശൂർ എളനാട് സ്വദേശി ഷാജിയാണ് മരിച്ചത്. എളനാട് ചൂലിപ്പാടത്ത് വച്ച് ബൈക്കിൽ പോവുകയായിരുന്ന ഷാജിയെ കടന്നൽ കൂട്ടം ആക്രമിക്കുകയായിരുന്നു. വാഹനം നിർത്തി ഓടി രക്ഷപെടാൻ ശ്രമിച്ചെങ്കിലും നടന്നില്ല. തുടർന്ന് നാട്ടുകാർ ചേർന്ന് ആശുപത്രിയിൽ എത്തിച്ചെങ്കിലും രക്ഷിക്കാനായില്ല.
ശബരിമലയില് മണ്ഡലകാല തീര്ത്ഥാടനത്തിന് തുടക്കം. ഭക്തരെ സന്നിധാനത്തേക്ക് പ്രവേശിപ്പിച്ച് തുടങ്ങി. വൃശ്ചികം ഒന്നിന് വെളുപ്പിന് നാല് മണിക്ക് പുതിയ മേല്ശാന്തി എന്. പരമേശ്വരന് നമ്പൂതിരി നടതുറന്നതോടെയാണ് ഇത്തവണത്തെ തീര്ത്ഥാടനത്തിന് തുടക്കമായത്. കൊവിഡിന്റെ പശ്ചാത്തലത്തിലും കനത്ത മഴയുള്പ്പെടെ തുടരുന്ന സാഹചര്യത്തിലും കര്ശന നിയന്ത്രണങ്ങളാണ് ശബരിമലയില് ഇത്തവണ നിലനില്ക്കുന്നത്. ഈ സാഹചര്യം നിലനില്ക്കുന്നതിനാല് തന്നെ വൃശ്ചിക പുലരിയിലും കാര്യമായ തിരക്ക് ശബരിമലയില് റിപ്പോര്ട്ട് ചെയ്യുന്നില്ല. വെര്ച്വല് ക്യൂവില് ബുക്ക് ചെയ്തവര്ക്കാണ് ചൊവ്വാഴ്ച മുതല് ദര്ശനത്തിന് അവസരം. എന്നാല് പതിനായിരത്തില് താഴെ…
മലപ്പുറം കോട്ടയ്ക്കലിൽ വിവാഹ ബന്ധം വേർപെടുത്താൻ വിസമ്മതിച്ചതിന് നവവരനെ ഭാര്യവീട്ടുകാർ തട്ടിക്കൊണ്ടുപോയി മർദിച്ചെന്ന പരാതിയിൽ ആറ് പേർ കസ്റ്റഡിയിൽ. ചങ്കുവെട്ടി എടക്കണ്ടൻ അബ്ദുൽ അസീബിനാണ്(30) പരുക്കേറ്റത്. ഇയാളുടെ വാരിയെല്ലിനും ജനനേന്ദ്രിയത്തിനും സാരമായ പരുക്കുണ്ട്. ഒന്നര മാസം മുമ്പാണ് അസീബ് വിവാഹിതനായത്. ഇയാളുമായുള്ള വഴക്കിനെ തുടർന്ന് ഭാര്യ സ്വന്തം വീട്ടിലേക്ക് തിരികെ പോയിരുന്നു. ഇതിന് പിന്നാലെയാണ് വിവാഹ മോചനം ആവശ്യപ്പെട്ട് ബന്ധുക്കൾ അസീബിനെ കണ്ടത്. ഇത് സമ്മതിക്കാത്തിനെ തുടർന്ന് ക്രൂരമായി മർദിക്കുകയും കത്തി കഴുത്തിൽവെച്ച് ഭീഷണിപ്പെടുത്തുകയും ചെയ്തുവെന്നാണ് ഇയാളുടെ…