നാട്ടിൽ നിന്ന് ബെംഗളൂരുവിലേക്ക് മടങ്ങുന്നവരുടെ തിരക്ക് പരിഗണിച്ച് കര്‍ണാടക ആർ.ടി.സി. ഓണം സ്പെഷ്യൽ സ്പെഷ്യല്‍ സർവീസുകൾ കൂടുതല്‍ ദിവസത്തേക്ക് നീട്ടി. കര്‍ണാടക ആര്‍ ടി സിയുടെ ഓണംസ്പെഷ്യൽ സർവീസുകൾ ഇനി എട്ടാം തിയതി വരെ ഉണ്ടാകും. നേരത്തേ സെപ്റ്റംബർ ഏഴുവരെ സർവീസ് നടത്താനായിരുന്നു തീരുമാനം. കേരള ആര്‍ ടി സിയും സ്പെഷ്യല്‍ സര്‍വീസുകള്‍ നേരത്തെ നീട്ടിയിരുന്നു. കേരളത്തിന്‍റെ അനുമതി ലഭിച്ചാല്‍ തുടര്‍ന്നും കര്‍ണാടക ആര്‍ ടി സി സര്‍വീസ് നടത്തും.
മകന്റെ ചവിട്ടേറ്റ് വാരിയെല്ലുകള്‍ ഒടിഞ്ഞ് ഗുരുതരമായി പരിക്കേറ്റ പിതാവ് മരിച്ചു. കറുകച്ചാല്‍ ശാന്തിപുരം റൈട്ടന്‍കുന്ന് ചക്കുങ്കല്‍ കൊച്ചൂട്ടി എന്ന് വിളിക്കുന്ന ജോണ്‍ ജോസഫ് (65) ആണ് മരിച്ചത്. ചെത്തിപ്പുഴയിലെ സ്വകാര്യ ആശുപത്രിയില്‍ ചികിത്സയിലിരിക്കെ വ്യാഴാഴ്ച പുലര്‍ച്ചെയാണ് മരണം. കറുകച്ചാല്‍ പൊലീസ് കസ്റ്റഡിയിലെടുത്ത മകന്‍ ജോസി ജോണിനെ (37) കോടതി റിമാന്‍ഡ് ചെയ്തു. ഞായറാഴ്ച രാവിലെ 11നായിരുന്നു ക്രൂരമായ മര്‍ദനത്തിന് ഇരയായത്. മദ്യപിച്ചെത്തിയ ജോസി അച്ഛനെയും തടയാനെത്തിയ അമ്മ അന്നമ്മ (62)യെയും മര്‍ദിച്ചെന്നാണ് പൊലീസ് കേസ്. ജോണിനെ കട്ടിലില്‍…
നടി റിയ ചക്രബര്‍ത്തിയുടെ വീട്ടില്‍ നാര്‍ക്കോട്ടിക്സ് കണ്‍ട്രോള്‍ ബ്യൂറോ റെയ്ഡ് . ഇന്ന് പുലര്‍ച്ചെയോടെയാണ് എന്‍.സി.ബി നടിയുടെ മുംബയിലെ വസതിയിലെത്തിയത്. നടന്‍ സുശാന്ത് സിംഗ് രാജ്പുത്ത് മരണവുമായി ബന്ധപ്പെട്ട് നടന്ന അന്വേഷണത്തിനിടെ, കാമുകിയായ റിയയ്ക്ക് ലഹരി റാക്കറ്റുമായി ബന്ധമുണ്ടെന്ന് സംശയം ഉയര്‍ന്നിരുന്നു. ഇതിനെ തുടര്‍ന്നാണ് റെയ്ഡ് നടത്തുന്നത്. നേരത്തെ എന്‍.സി.ബി അറസ്റ്റ് ചെയ്ത ലഹരി മരുന്ന് ഇടപാടുകാരന്‍ സയിദ് വിലത്രയ്ക്ക് റിയയുടെ സഹോദരന്‍ ഷോവിക്ക് ചക്രവര്‍ത്തിയുമായി ബന്ധമുണ്ടെന്ന് അന്വേഷണസംഘം കണ്ടെത്തിയിരുന്നു. സുശാന്ത് സിംഗിന്റെ മുന്‍ മാനേജര്‍ സാമുവല്‍…
റിയാദ്: ദവാദ്മിയില്‍ വാനും പിക്കപ്പും ട്രെയ്‌ലറും കൂട്ടിയിടിച്ച് കത്തി ഒരു മലയാളിയടക്കം നാലു പേര്‍ മരിച്ചു. കൊല്ലം ആഴൂര്‍ വട്ടപ്പാറ സ്വദേശി ജംശീര്‍ (28) ആണ് മരിച്ച മലയാളി. രണ്ട് സൗദി പൗരന്മാരും ട്രെയ്‌ലര്‍ ഡ്രൈവറുമാണ് മരിച്ച മറ്റുള്ളവര്‍. ഒരാള്‍ക്ക് പരിക്കേറ്റു. അല്‍ഖിര്‍ന അറാംകോ റോഡില്‍ ഉച്ചക്കാണ് അപകടം. റിയാദില്‍ നിന്ന് ദവാദ്മിയിലേക്ക് വാനില്‍ പച്ചക്കറിയുമായി വരികയായിരുന്നു ജംശീര്‍. കുടെയുണ്ടായിരുന്ന സുധീര്‍ അത്ഭുതകരമായി രക്ഷപ്പെട്ട് ആശുപത്രിയില്‍ ചികിത്സയിലാണ്. ഇവരുടെ വാനിനെ മറികടക്കാനുള്ള ശ്രമത്തിനിടെ പിക്കപ്പ് നിയന്ത്രണം വിട്ട്…
വാഷിംഗ്ടണ്‍: ‘118 മൊബൈല്‍ ആപ്ലിക്കേഷനുകള്‍ ഇന്ത്യ നിരോധിച്ച സംഭവം , ഇന്ത്യയുടെ തീരുമാനത്തെ സ്വാഗതം ചെയ്ത് ലോകരാഷ്ട്രങ്ങള്‍.. ചൈനയ്ക്കെതിരെ ഒന്നിയ്ക്കാന്‍ ലോകത്തോട് അമേരിക്കയുടെ ആഹ്വാനം. ചൈനയ്ക്കെതിരെ നീക്കത്തെ പരസ്യമായി പിന്തുണയ്ക്കുന്ന അമേരിക്ക സ്വാതന്ത്ര്യ സ്‌നേഹമുള്ള എല്ലാ രാജ്യങ്ങളോടും കമ്പനികളോടും ‘ക്ലീന്‍ നെറ്റ്വര്‍ക്കില്‍’ ചേരാനും ആഹ്വാനം ചെയ്തു. 200 ല്‍ കൂടുതല്‍ ചൈനീസ് ആപ്ലിക്കേഷനുകള്‍ ഇന്ത്യ ഇതിനകം നിരോധിച്ചു. സ്വാതന്ത്ര്യ സ്‌നേഹമുള്ള എല്ലാ രാജ്യങ്ങളോടും കമ്പനികളോടും ക്ലീന്‍ നെറ്റ്വര്‍ക്കില്‍ ചേരാന്‍ ഞങ്ങള്‍ ആഹ്വാനം ചെയ്യുന്നുവെന്ന് യുഎസ് സ്റ്റേറ്റ് ഡിപ്പാര്‍ട്ട്‌മെന്റിലെ…
വാക്‌സിൻ വരുന്നതുവരെ സോഷ്യൽ വാക്‌സിൻ എന്ന തരത്തിൽ ജാഗ്രത തുടരണമെന്ന് മുഖ്യമന്ത്രി പിണറായി വിജയൻ വാർത്താസമ്മേളനത്തിൽ പറഞ്ഞു. ബ്രേക്ക് ദി ചെയിൻ പോലെ സോഷ്യൽ വാക്‌സിനാണ് നാം ഇപ്പോൾ ഫലവത്തായി നടപ്പാക്കേണ്ടത്. അടുത്ത 14 ദിവസം നാം വലിയ ജാഗ്രത പുലർത്തണം. പുതിയ ക്ലസ്റ്ററുകൾ ഉണ്ടാവാനും ശക്തമായ വ്യാപനത്തിനുമുള്ള സാധ്യത മുന്നിൽ കണ്ട് വേണം ജാഗ്രത പുലർത്തേണ്ടത്. ഓണാവധിക്കാലത്ത് നമ്മുടെ മാർക്കറ്റുകളും പൊതുസ്ഥലങ്ങളും സജീവമായിരുന്നു. ജനങ്ങൾ തമ്മിലുള്ള സമ്പർക്കത്തിന്റെ തോത് വർധിച്ചിട്ടുണ്ട്. ആളുകൾ കൂടുതലായി ഓണാഘോഷത്തിന് നാട്ടിലെത്തിട്ടുണ്ട്….
മാനന്തവാടി കാരക്കാമല : പരേതനായ പൈനാടത്ത് തോമസിന്റെയും അച്ചാമ്മയുടെയും മകൻ ആന്റണി 46 (ആന്റു ) മരണപ്പെട്ടു.എലിപ്പനി ബാധിച്ചു കോഴിക്കോട് സ്വകാര്യ ആസ്പത്രിയിൽ ചികിത്സയിലായിരിക്കെ ഇന്നു വെളുപ്പിനായിരുന്നു അന്ത്യം. ഭാര്യ:ജിനി, മക്കൾ :ഡോണ, ഡെൽന, ഡെനിൽ. സംസ്ക്കാരം ഇന്ന് കാരക്കാമല സെൻറ്. മേരീസ്‌ ദൈവാലയ സെമിത്തേരിയിൽ.
ശ്രീനാരായണ ഗുരുവിന്റെ പേരിൽ ഓപ്പൺ സർവകലാശാല ആരംഭിക്കും അനൗപചാരിക വിദ്യാഭ്യാസത്തിന്റെ പ്രയോക്താവും കേരളീയ നവോത്ഥാനത്തിന്റെ കെടാവിളക്കുമായ ശ്രീനാരായണ ഗുരുവിന്റെ നാമധേയത്തിൽ കേരളത്തിലെ ആദ്യത്തെ ഓപ്പൺ സർവകലാശാല ഒക്‌ടോബർ രണ്ടിന് നിലവിൽ വരുമെന്ന് മുഖ്യമന്ത്രി പിണറായി വിജയൻ പറഞ്ഞു. കൊല്ലമാണ് സർവകലാശാലയുടെ ആസ്ഥാനം. നിലവിലെ നാല് സർവകലാശാലകളുടെ വിദൂരവിദ്യാഭ്യാസ പഠന സംവിധാനങ്ങൾ സംയോജിപ്പിച്ചാണ്ഈ ഓപ്പൺ യൂണിവേഴ്‌സിറ്റി ആരംഭിക്കുക. ഏതുപ്രായത്തിലുള്ളവർക്കും പഠിക്കാൻ അവസരം ലഭിക്കും. കോഴ്‌സ് പൂർത്തിയാക്കാതെ ഇടയ്ക്ക് പഠനം നിർത്തുന്നവർക്ക് അതുവരെയുള്ള പഠനത്തിനനുസരിച്ച് ഡിപ്ലോമ സർട്ടിഫിക്കറ്റ് നൽകാനും ഓപ്പൺ…
അമ്പലവയൽ മാവേലി സ്റ്റോറിലെ ജീവനക്കാർക്ക് കൊവിഡ്19 സ്ഥിരീകരിച്ചതിനെ തുടർന്ന് ഓഗസ്റ്റ് 19 മുതൽ മാവേലിസ്റ്റോർ സന്ദർശിച്ച മുഴുവനാളുകളും നിർബന്ധിതമായി കോറൻ്റയിനിൽ പോകണമെന്നും ഏതെങ്കിലും രോഗ ലക്ഷണം കാണിക്കുന്നവർ ആരോഗ്യവകുപ്പിനെ അറിയിക്കണം എന്ന് അമ്പലവയൽ ഹെൽത്ത് ഇൻസ്പെക്ടർ അറിയിച്ചു.
അമ്പലവയൽ ഗ്രാമ പഞ്ചായത്തിലെ മുഴുവൻ വാർഡുകളും (1 മുതൽ 20 വരെ) 04.09.20 ന് ഉച്ചയ്ക്ക് 12 മുതൽ കണ്ടൈൻമെന്റ് സോണായി ജില്ലാ കളക്ടർ പ്രഖ്യാപിച്ചു.