എല്ലാ വിഭാഗങ്ങളെയും ഒന്നിച്ച് കൊണ്ടുപോയ കെ കരുണാകരന്റെ ശൈലിയാണ് മുഖ്യമന്ത്രി പിണറായി വിജയനെന്ന് കെ മുരളീധരൻ എംപി. ഏത് ജാതി സമവാക്യങ്ങളും ഒന്നിച്ച് കൊണ്ടുപോകാനും ഏത് നിലപാടും സ്വീകരിക്കാനും കഴിവുള്ളയാളാണ് പിണറായി. കെ കരുണാകരന് ശേഷം ആ അഭ്യാസം വഴങ്ങുന്നത് പിണറായി വിജയനാണെന്നും മുരളീധരൻ പറഞ്ഞു തിരുവനന്തപുരം ജില്ലാ കോൺഗ്രസ് കമ്മിറ്റി സംഘടിപ്പിച്ച ശിൽപശാലയിൽ സംസാരിക്കുകയായിരുന്നു മുരളീധരൻ. കോൺഗ്രസിന്റെ ഭരണഘടന തന്നെ സെമി കേഡർ ആണ്. എന്നാൽ പ്രത്യേക യോഗങ്ങൾ വിളിച്ചുള്ള സെമി കേഡർ അല്ല…

  കണ്ണൂർ സെൻട്രൽ ജയിലിൽ നടന്ന പരിശോധനയിൽ തടവുകാരിൽ നിന്ന് മൊബൈൽ ഫോണുകളും പവർ ബാങ്കുകളും ചാർജറുകളും പിടിച്ചെടുത്തു. രണ്ട് മൊബൈൽ ഫോണുകളും മൂന്ന് പവർ ബാങ്കുകളും അഞ്ച് മൊബൈൽ ചാർജറുകളുമാണ് പിടിച്ചെടുത്തത്. പിടിച്ചെടുത്ത മൊബൈലുകളിൽ സിം കാർഡുണ്ടായിരുന്നില്ല. ഒളിപ്പിച്ചുവെച്ച സിം കാർഡുകൾ കണ്ടെത്താനുള്ള പരിശോധന തുടരുകയാണ് വിയ്യൂരിൽ നിന്ന് കഴിഞ്ഞ ദിവസം നിരവധി മൊബൈൽ ഫോണുകളും സിം കാർഡുകളും കണ്ടെത്തിയിരുന്നു. ഇതേ തുടർന്നാണ് കണ്ണൂർ സെൻട്രൽ ജയിലിൽ ശനിയാഴ്ച രാത്രി പരിശോധന നടത്തിയത്. ജയിൽ സൂപ്രണ്ട്…

  ബിജെപി സംസ്ഥാന പ്രസിഡന്റ് സ്ഥാനത്തേക്ക് എത്തിയേക്കുമെന്ന അഭ്യൂഹങ്ങൾ തള്ളി സുരേഷ് ഗോപി. അധ്യക്ഷ സ്ഥാനത്തേക്ക് രാഷ്ട്രീയപാടവമുള്ള നേതാക്കൾ വരും. താൻ അതിനുള്ള ഒരു തയ്യാറെടുപ്പും നടത്തിയിട്ടില്ലെന്നും സുരേഷ് ഗോപി പറഞ്ഞു പാർട്ടി അധ്യക്ഷനാകണമെന്ന ഉദ്ദേശ്യം ഒരു കാലത്തുമുണ്ടായിട്ടില്ല. അതിലേക്ക് എത്തണമെങ്കിൽ ഇനിയും ഒരുപാട് രാഷ്ട്രീയപാടവം നേടിയെടുക്കേണ്ടതുണ്ട്. നല്ലവരായ ജനങ്ങളുടെ ആവശ്യങ്ങൾക്ക് അവരുടെയൊപ്പം ഓടാൻ തയ്യാറായി നിൽക്കുകയാണ് താനെന്നും സുരേഷ് ഗോപി പറഞ്ഞു.

  മലപ്പുറം കരുവാരക്കുണ്ടിൽ പ്രായപൂർത്തിയാകാത്ത പെൺകുട്ടിയുടെ വിവാഹം നടത്തിയവർക്കെതിരെ കേസെടുത്തു. പ്ലസ് ടു വിദ്യാർഥിനിയുടെ വിവാഹമാണ് വീട്ടുകാർ നടത്തിയത്. പെൺകുട്ടിയുടെ രക്ഷിതാവ്, വരൻ, മഹല്ല് ഖാസി, ചടങ്ങിൽ പങ്കെടുത്ത മറ്റുള്ളവർ എന്നിവർക്കെതിരെയാണ് കേസ്. ബാലവിവാഹ നിരോധന നിയമപ്രകാരമാണ് നടപടി.

  റോഡരികിൽ കിടന്ന ലോറി മോഷ്ടിച്ച് കടക്കാനുള്ള യുവാക്കളുടെ ശ്രമം വിഫലമായി. കോഴിക്കോട് കണ്ണൂർ റോഡിൽ ഏലത്തൂർ മുതൽ ബിലാത്തിക്കുളം വരെയാണ് സംഭവങ്ങൾ നടന്നത്. സംശയം തോന്നി പോലീസ് ലോറിക്ക് പിന്നാലെ പാഞ്ഞതോടെ ലോറി ഇടിച്ചിട്ടത് അഞ്ച് വാഹനങ്ങളെയാണ്. ഒടുവിൽ അമ്പലത്തിലേക്ക് ഇടിച്ചുകയറ്റി രക്ഷപ്പെടാൻ ശ്രമിക്കുന്നതിനിടെ രണ്ട് യുവാക്കളെയും പോലീസ് പിടികൂടുകയും ചെയ്തു വെള്ളിയാഴ്ച രാത്രി മലാപറമ്പിൽ നിന്നാണ് കുന്ദമംഗലം സ്വദേശിയുടെ ടിപ്പർ ലോറി മോഷണം പോയത്. ശനിയാഴ്ച രാവിലെ ഏലത്തൂരിൽ വെച്ച് സംശയം തോന്നിയ പോലീസ്…

  ആലപ്പുഴയിൽ പൊളിച്ചു കൊണ്ടിരുന്ന വീടിനുള്ളിൽ മനുഷ്യന്റെ അസ്ഥികൂടം കണ്ടെത്തി. ആലപ്പുഴ കല്ലുപാലത്തിന് സമീപമാണ് സംഭവം. പ്ലാസ്റ്റിക് കിറ്റിൽ പൊതിഞ്ഞ നിലയിലാണ് അസ്ഥികൂടം കണ്ടെത്തിയത്. പോലീസ് സ്ഥലത്ത് പരിശോധന നടത്തുകയാണ്. കൂടുതൽ വിവരം ലഭ്യമായിട്ടില്ല

  സംസ്ഥാനത്ത് സ്‌കൂൾ തുറക്കാൻ ഒരുക്കങ്ങൾ തുടങ്ങിയെന്ന് വിദ്യാഭ്യാസ മന്ത്രി വി ശിവൻകുട്ടി. വിദ്യാഭ്യാസ വകുപ്പുമായി ചർച്ച ചെയ്താണ് സ്‌കൂൾ തുറക്കാനുള്ള തീരുമാനമെടുത്തത്. ക്ലാസുകൾ ഷിഫ്റ്റ് അടിസ്ഥാനത്തിൽ നടക്കുമെന്നും മന്ത്രി അറിയിച്ചു എല്ലാ ക്ലാസുകളിലും മാസ്‌ക് നിർബന്ധമാക്കും. ബസ് അടക്കം അണുവിമുക്തമാക്കും. ബസില്ലാത്ത സ്‌കൂളുകളിൽ പ്രത്യേക സംവിധാനം ഏർപ്പെടുത്തും. സമാന്തരമായി ഓൺലൈൻ ക്ലാസുകളും നടക്കും. വിദ്യാർഥികളുടെയും രക്ഷിതാക്കളുടെയും ആശങ്ക ദുരീകരിക്കുമെന്നും മന്ത്രി പറഞ്ഞു അധ്യാപക സംഘടനാ നേതാക്കളുമായി ചർച്ച നടത്തും. സ്‌കൂൾ തുറക്കുന്നത് സംബന്ധിച്ച് രണ്ട് ദിവസത്തിനകം…

ദുബൈ: ദുബൈയില്‍ വാഹനാപകടത്തില്‍ പ്രവാസി മലയാളി യുവാവ് മരിച്ചു. പുല്ലൂര്‍ ഊരകത്ത് ചിറ്റിലപ്പിള്ളി തൊമ്മാന പരേതനായ ബേബിയുടെ മകന്‍ ജെറിയാണ് (38) മരിച്ചത്. ജോലിക്കിടെ സ്‌കൂട്ടറില്‍ പോകുമ്പോള്‍ കാര്‍ ഇടിക്കുകയായിരുന്നു. 18 വര്‍ഷമായി പ്രവാസിയാണ്. അമ്മ: റെജീന. സഹോദരന്‍: ബെന്നി. സംസ്‌കാരം പിന്നീട്.